منع السعوديات من القيادة يمنحهن لقب ملكات العالم

[تذكر خافقي رمحك]

حجي فاضي
يرفع من معنوياتكم شوي
انا ماسوق مؤقتا ومتأزمة
شلون لو ماسوق العمر كللله

 

[منجامور]

ماشا الله الملكات كثييير وكل هم حاصل ليهم سواق اجنبي وعادي

واللي مو حاصل ليها تصير اميرة مو ملكه ومو متوفر اللي يودي ويجيب يالملكات

مجنون يحكي


ومصدقين وعايشين الدور انهم ملكات

حكي مصفصف لايودي ولا يجيب



استغفر الله ربي العظيم

 

[تلفزيون قطر]

ملكات لانهم مايسوقون سياره

زين ف البيت ليش ماتصير ملكه وماتطبخ ولاتسوي شغل البيت

كله كرف

خلاص لازم تجيب خدامه لشغل البيت وطباخ يسوي الاكل واذ ع تربيه العيال مب مشكله في مربيات


وتصير ملكه 100%


كلام فاضي وماعندهم شغله غير السعوديات ويقصون عليهم مالت عليهم بس اقول

السعوديات مب محتاجين حق هالكلام

كل وحده تعرف قدرها واحنا نعرفهم بالمنتديات والمسن وبكل مكان معروفات ذووق واسلوب فيهم الزين والشين

وفديييت اللي اعرفهم الله يحفظهم من كل شر ويوفقهم

انا عن نفسي اسوق اذ ريلي يكون بالدوام وانا عندي شغله ضروريه او يكون مسافر

ف ما اذل عمري حق اختي ولا اخوي وانطرهم واحن عليهم لين مايوصلوني للمشوار اللي ابيه

ولا ادق عالسايق ويتاخر ومواعيده زفت

اطلع واخلص شغلي وارجع بالسلامه والله يعطيني العافيه ويحفظني

 

[رووح الإتحآاد]

هههههههههههههههههههه


خلووني سـاكـتـه بس. !!

 

[برستيجي مآركة]

اولا الموضوع راح يسبب مشاكل وهذا واااااضح
ثانيا المنتدى في نساء من كل دول الخليج وبطرح هالموضوع كنه تفضيل عليهم صح ولا لا هذا مما خلى بعض العضوات اسلوبهم فيه نسبة استهزاء وسخرية لأن لو العكس على اي دولة ثانية بتلاقين نفس الردود من قبل العضوات
ثالثا بريطانيا مالها مهنة الا احنا مثلا تقييم فينا ومن تكون بريطانيا عشان تقييم المرأة السعودية ومحنا محتاجين شهادة من هالكفار عشان نفرح
رابعا والسموحة منج الخبر قديم وهذا اذا ماصار مفبرك
خامسا ماتفرحنا هالشعارات السخيفة كوني امرأة عربية مسلمة سعودية يكفيني فخر , انهم ملكات وانهم اكثر جمال ودلال ومدري ايش هههههههههه الزين والشين موجود بكل مكان
سادسا بخصوص موضوع قيادة السيارة والله حصل لنا نسوق ولا مش ضروري خلاص تعودنا من انخلقنا حنا عارفين هالشي ورضينا فيه ومأشوفه شي عيب ان احنا ممنوعين من قيادة السيارة هذه سياسة دولة وبعدين كل دولة فيها قرارت عليها الموافقة والمعارضة من قبل الشعب ..
وبخصوص كلمة ملكة ههههههههههههه كرهت هالكلمة من كثر ماااأقراها لوووووووووووول
سابعا ابشرج بالهوشات اللي بتصير بالموضوع..

 

[*إماراتية*]

الملكات الحقيقيات يسوقون سياراتهم مثل الملكة رانيا والملكة إلزابيث وغيرهم من الملكات والأميرات ,
والصور موجودة في قوقل

بس إذا السعوديات مرتاحات من هالناحية و ما يبون يسوقون فهذا بعد من حقهم .

 

[أسيرة حبيبي]

الحمد الله والشكر بس
وش دخل الملكات بسواقة السياره
مشكله الي ماخذ مقلب بنفسه

 

[صمت المرافئ]

ملكات علشانهم محرومات من السياقة !!!!
يا زين السياقة بس ...
ولا منة فلان وعلان
عندي أسوق أفضل من إني أكون ملكة وما أسوق :rerrerek:
واطلب من الغير يوصلني مشاويري
مرة يوديني ومرة يمن علي :eh_s(2):
الحمد لله على نعمة العقل
​

 

[VET-Nour]

بوووط :d


هاذي ترقيعه و رفعه عن خاطر السعوديات و من زمان يكتبون عنها ولا حطو رابط ولآ مصدر


حطي رابط المصدر مره ثانيه عشإن اصدق :d

 

[بعثرهم وجودي]

يستاهلون ​

يسلمو ياعسل

 

[بعثرهم وجودي]

ههههههههههههآي عسسى الي عندنآ يقتنعون

وثآنكسس ي ملكه

هذي دراسه يعني غصب عنهم يقتنعون هههه

العفو ياملكه مو انتي سعوديه بعد ههه

 

[بعثرهم وجودي]

بلا شك

يسلمو

اكيد بلا شك ومن غير دراسه بعد ^^

منوره

 

[بعثرهم وجودي]

ههههههههههههههههههههه

مانعينهم حارمينهم ويقولون ملكاااات .. بلييييز

ليش محتره :krkrkr:

بعدين من اشتكالك وقال مانعين بالعكس راضين ومو معترضين وهالشي المهم ..

وهاذي دراسه يعني ملكات ومدللات غصب عن الكل :eh_s(9):

 

[بعثرهم وجودي]

الاحتشام بكل ديرة حتى عند الكفار

والنساء اللي ما يسوقون هم بكل ديرة

ع العموم يستاهلون هاللقب

حطي لنا الرابط :eh_s(7):

حبيبتي اكيد فيه محتشمات ومايسوقون ماقنا السعوديات الوحيدات ركزي بالخبر هاذي دراسه يعني اكيد مرت عليهم لاتحاتين


بس نتكلم كمجتمع مو وحده او ثنتين ..

وليش الرابط مو مقتنعه مثلا هههه ادخلي ع النت وبتلقين الخبر بكل روابطه بعد

 

[بعثرهم وجودي]

في ناس ما عندهم شغله غير السعودية موتوا قهر هم ملكات من غير شيء مو محتاجين شهادة احد فديت السعودية

وبناتها اطيب ناس وربي

تسلمين حبيبتي :eh_s(17):

 

[بعثرهم وجودي]

يستاهلون السعوديات اللقب


بس الموضوع قياده السياره معطينه اكبر من حجمه
وسوى ضجه اعلاميه هذي سياسه دوله واهما احرار​

تسلمين ياعسل ..


يب نفس ماقلتي سياسة دوله وقناعه فرديه ..

منوره حبيبتي

 

[ذكرى الفراق]

مشكلة القيادة في السعودية هو باختصار ...مناطقها بعيدة عن بعض وشوارعها اغلبها مقطوعة يعني اتمر بصحرا مافيها حتا استراحة...مومثلنا احنا كويت صغيرة والوقت بين مسافاتها قليل ....يعني خيرة للمرة ماتسوق..فيهااا...وبعدين بدون زعل بعض شبابكم مايشوفون مرة الا ولاحقينها....الله يهديهم بس...

 

[ѕну gιяℓ]

يسلمووووووو عالمووووضوع الرائع ويستاهلوووون اللقب
كل هذ عشان السواقه اصلا يكفي ان العالم راحو من سبة سياراااااات وحوادث
تعيش بنات السعوديه بالامن والطمئنان واهل السعوديه ككل

 

[بعثرهم وجودي]

اى ملكات اول مرة اشوف ملكة تمشى وتتحمل سخافات اعين بعض الاغبياء من الرجال ..
اكيد المرأه السعودية وغيرها من النساء المحتشمات فى الوطن العربي ملكات ويكفى اللعب بالكلمات والالفاظ من اجل المرأه السعودية صراحة المرأه السعودية تحتاج ان تقود سيارتهاا وتقضى حاجتها وتعود منزلها بكامل حشمتهاا ماله داعى تطلب ابن الجيران او اخ الزوج او الاخ باحضار مستلزمات منزلهاا .. والقيادة ليست هى من ستجعل المرأه منحرفة ربطوا حق قيادة السيارة بالانحراف مايدرون ان المرأه المنحرفه تستطيع ان تسير للحرام بقدميهاا او مع ولى امرهاا للمكان المنحرف والاهل مايدرون تكلموا بعقل لو سمحتواا ويكفى غباء .. انا لااريد ان ارى اى امرأه سعودية تقود سيارتهاا وهى متبرجه بالعكس اريدها بكامل حشمتهاا وان شاءالله القرار سيعلنه الملك عن قريب الذى لايمنعه الدين انما بعض الافكار المتحجرة كما كان فى السابق من مشكلة كبيرة واحراج عندما ظهرت التلفونات والموبايلات بايدى النساء بعض النساء والرجال قذفوا النساء من تمتلك التلفون بالفاسدة والان هم من يملكون تلفون وتلفونيين ..
اكره سالفة الظلم وربط الحق بالفساد ..

ليش الملكه بنظرك محصنه .. بعدين من زمن اجدادنا والمراه لاتسوق لزمنا بالعكس هالشي بمصلحة المراه مو ضدها ..


فعلا ملكات ومدللات وكلامنا مطاع .. والحمد الله صرنا بتطور كل شي يوصلك لباب البيت من غير ماتحتاجين احد ..


بس عندكم قاعدة كل ممنوع مرغوب انتي لو تجربين تسقوين تتمنين انك ماسقتي .. من الهم والغم والمستنقعات القذره الي بتشوفينها بحياتك من تحرشات من قتل ونصب الرجال وهم رجال ماحمو انفسهم بكثير من المواقف تحمين نفسك انتي يالضعيفه لا وتسوقين من غير محرم فكري فيه

 

[بعثرهم وجودي]

والله انا قبل ابي اقود سيارة ...


بس عيالنا متهورين في سياقة ومعروفين سواقة السعوديين في تهور غير طبيعي ...


و بعد ين انا سافرت برا قبل شفت اساليب الرجال مع الحريم احس اهانة ... واحد منزل حرمة من سيارة ويخاصمه قدام الخلق عشان ضربت صدام السيارة ( مقدمة سيارة ) وش دعوة

كلمها من الدريشة ...


بس بنفس الوقت اعترف في تقصير بحق المراة السعودية من جانب المواصلات .. نبي الدولة تصرف لنا سواويق ...

لان المراة السعودية جبارة تقطع مسافات كبيرة عشان تروح القرى والمناطق النائية للتدريس والتمريض .. وتخدم بلدها ..

ومع الاسف مافي تحسين مواصلات لها ..


على فكرة الموضوع تافه بس اعداء البلد يغردون فيها كثير لان ضوء شماعتهم الضعيف تحت نور شمس سعودية ...

وفيه اسباب كثيره تمنع السواقه لحمايه المراه ..

وبالنسبه للمواصلات انا اشوف انو فيه مواصلات للقرى وللجامعات ع حساب الحكومه .



والموضوع كان دراسه مو واقع تجربه ليش تافه بالعكس.. وماحد راح يطول السعوديه لان الحق دائما فوق