رابطة ما بعد التكميم ونزول الوزن

[abeer.m]

تجمع وموضوع رائع

 

[الحور 1989]

بنات الله يخليكم حدي مكتئبة وقاعده أبجي
اليوم صارلي 43 يوم من سويت العمليه
ونازله 10 كيلو فققققققققققققققققط

ووزني صارله اسبوع واااااااااااااااقف
بموووووت .. شسوي؟؟

هالشي طبيعي؟
ولا أنا قاعده أخربط وآكل؟

حتى لو كليت لقمتين أقوم أرجع بعدها =(

طمنووووووني تكفون الله يخليكم

 

[Q8 fashion]

وااااي الله يبشركم بالخير

انزين جم يوم اقعد بمستشفا

وحده من رفيجاتي بس مو مسويه عند الهيفي تقول الدوخه تستمر 6 شهور وتقول اول 3 شهور كله ارجع واقص صج عاد

مس يا قلبي قوليلي بعد العمليه بضبط شصار فيج لان وايد احاتي ريحيني الله يريحج بس كل شي صار معاج بضبط

شوفي حبيبتي اول ما طلعت من العمليات تحسفت اني سويتها و ظليت يومين ارجع و عوار بس كنت كل ما امشي يخف
رديت البيت اسبوع كانت النومه شوي صعبه لاني احب انام على بطني و طبعا من طلعت من المستشفى ماكو ترجيع بحح
و الحين حدي مستانسه من النزول و الله يقومج بالسلامه انشالله

 

[Q8 fashion]

بنات منو مشتركة بنادي تشامبيينز او كيرفز ؟؟

 

[شهد-الكويت]

مساء الخير كويت فاشن بعد قلبي عادي اتحمل اسبوع بعد الاسبوع عادي اروح واطلع لان وراي دوام اسبوع طبيه بس عرفتي ومتي تاكلون طبيعي عيش وفطاير صمون وصج اذا كليتو تحسون بقصه وترجعون ومتي يروح ترجيع بعد جم يوم اذيتج يا قلبي بس شسوي خايفه

 

[Q8 fashion]

مساء الخير كويت فاشن بعد قلبي عادي اتحمل اسبوع بعد الاسبوع عادي اروح واطلع لان وراي دوام اسبوع طبيه بس عرفتي ومتي تاكلون طبيعي عيش وفطاير صمون وصج اذا كليتو تحسون بقصه وترجعون ومتي يروح ترجيع بعد جم يوم اذيتج يا قلبي بس شسوي خايفه

اي انا بنفس الاسبوع قمت اسوق سيارتي عادي
بس الاكل مادري عنه لاني للحين بالمرحله الثانيه الشوربه الثقيله

 

[Q8 fashion]

لا شدعوه حبيبتي لا اذيتيني ولا شي اخذي راحتج و انشالله البنات يفيدونج على الاكل

 

[شهد-الكويت]

ما قصرتي يا فاشن ربي يوفقج يارب انزين انتي جم صار لج الحين من سيتي العمليه جم نزلتي اول اسبوع

 

[Q8 fashion]

انا صارلي 12 يوم و نزلت 9 كيلو

 

[ام خدود ورديه]

بنات شنو اكثر نادي فادكم كيرفز تشامبين فلكس
انا محتاره ابي اشد جسمي خايفه من الترهل لانه جنه فخوذي باديه تترهل ابي الحق على عمري

 

[مذهلة 78]

مذهله حبيبتي كم كان وزنج قبل العمليه ؟؟؟؟ ومشيتي عالنظام أسبوعين سوايل ولا زدتي فتره السوائل. ...والسؤال لأووووفه بعد. .لاني ودي اطول فترهه السوئل أذا تنزلني بسرعه

كان وزني 95 تقريبا ومرحلة السؤال طولت فيها تقريبا 3 شهور لاني ماكنت اقدر آكل شي بالمره

 

[مذهلة 78]

مذهله المشكله النظام هذا يبيله معدتنا القديمه مو معدتنا الحين هذا اشلون اقدر اكله ثقيل حيل الغدا حدي اربع لقمات واشبع هالدور سلطه وروب معاهم

والخلطه الحليب مع المكسرات والعسل هذي اكون بالدوام بالله من بيخلطها لي واحسها ثقيله معدتي ماراح تتقبلها ماكلمتي الدكتوره وقلتيلها تعطينا اشيا تناسب معدتنا الحاليه


والله شئ يضحك اول ندور الضعف والحين نسوي خلطات وبروتين عشان نمتن دنيا عجيبه لا الضعف عاجب ولا المتن عاجب

والله اوفه انا اشربها عادي ما تأذيني وكل اليوم الصبح اسوي الخلطه واحطها بمق واخذها معاي الدوام واول ما اصول احطها بثلاجتي ليه ال11 واشربها اوفه بصير لنا سنه يعني المفروض المعده تعودة عالاكل بكل الانواع بس بكميه قليله

ايي والله صاجه هههههههههه

 

[مذهلة 78]

مذهله اي دكتور الي راجعتيه مال التكميم
واشلون بيعبي صدرج ابر او عمليه حشوة سيلكون وعفيه اعرفيلي اسم الدكتور الزائر ضروري واذا تقدرين تحطيلي معاج موعد ياريت عشان اونسج بالعمليه ماتكونين بروحج اخاف تحاتجين شي او تستاحشين مو احنا سوينا التكميم بوقت واحد نسوي الصدر بعد مع بعض ههههه

هههههههههههههههههه الله يخس ابليسج يا اوفه موتيني ضحك

الدكتور اللي راجعته عبيد الحربي اللي سوالي تكميم واهو اللي طرشني على زميله اللي بالبابطين واليوم كلمت الدكتور وقالي اخذي تحويل من المستوصف وتعالي العياده يوم الاحد وانشالله بروح وبشوف شيصير معاي

 

[مذهلة 78]

بنات الله يخليكم حدي مكتئبة وقاعده أبجي
اليوم صارلي 43 يوم من سويت العمليه
ونازله 10 كيلو فققققققققققققققققط

ووزني صارله اسبوع واااااااااااااااقف
بموووووت .. شسوي؟؟

هالشي طبيعي؟
ولا أنا قاعده أخربط وآكل؟

حتى لو كليت لقمتين أقوم أرجع بعدها =(

طمنووووووني تكفون الله يخليكم

حبيبتي هالشي طبيعي لان جسم عن جسم يفرق يمكن جسمج نسبه الشحوم اكثر من الماي عشان جذي نزولج بطيء اللي عليج تسوينه انج تلتزمين بالنظام الغذائي وممارسة الرياضه او المشي لمده ساعه باليوم

ومشكله الترجيع انا عانت منها لمده 3شهور من بعد العمليه والحين الحمدلله اقدر آكل كل شي يعني مسألة وقت ولا تتحبطين ونزولج وايد زين مقارنة ببعض العضوات اللي عقب العمليه كا نزوا الا 10 او 15 كيلوا وتم واقف فتره طويله وحتى ان صار هالشي معاج لا تحاتين مردج بتنزلين بس نزولج بكون بطيء وهالشي هم يساعد على عدم الترهل

 

[مذهلة 78]

تجمع وموضوع رائع

رايج اللي اروع مشكوره حبيبتي كلج ذوق

 

[مذهلة 78]

بنات شنو اكثر نادي فادكم كيرفز تشامبين فلكس
انا محتاره ابي اشد جسمي خايفه من الترهل لانه جنه فخوذي باديه تترهل ابي الحق على عمري

حبيبتي بالنسبه لي شامبيون وايد فادني لانهم يمشونج على نظام تمارين معينه ويتابعونج اول باول والحمدلله جسمي كلش ما ترهل بس صدري صغر مثل ما ذكرت

 

[ام خدود ورديه]

ودي والله بشامبيون بس وايد غالي شكلي بدش كيرفز

 

[مذهلة 78]

ودي والله بشامبيون بس وايد غالي شكلي بدش كيرفز

حبيبتي شامبيون السنه ب450 والقيم ب350

 

[ام خدود ورديه]

صج وايد زين ان شاء الله بحاول اشترك فيه
اليوم رحت مطعم بيت ديكسون طلبت يريش امبيه قفشه وحده وشبعت ريلي ظاق خلقه

 

[شهد-الكويت]

بنات سوااال انتو تحسون باليووع وله لا عادي