وليدي ببلي والفطرياات وبت زوون :@

[M!SS CHARISMA]

السلااام عليكم

اتوقع الكل يعرف قصتي والي ما يعرفها راح يعرفها لاني بقولها

الله يسلمكم شريت قطو نوع راغدول من محل بت زون ولان الاخ كان حاط القطاوه بقفص واحد عدو بعض بالفطريات
للاسف اكتشفت هشي بعد ما متنا من الحساسيه من قطونا ببلي وامي كرهته الحين :eh_s(16):
وديته الدهماء دهم الله راسهم ان شاءالله قولو امين :rgewrg: عطوه ابره وحبوب وقالتلي تعالي بعد عشر ايام انا قلبي قرصني جان اخذ قطيويي واسنفر بحياتي بعدها دقيت على ليندا خذيت منها ادويه بس ماكو فايده لان مومحلقه شعره فما كان يوصل الدوا لي جلده وقبل يومين امي تعبت حيل وقالت وديه برا بيعيه او قطيه عند باب مسيد سوي فيه اي شي وليدي صار لقيط وعليه
المهم قلبي ما طاوعني طبعا وخواتي الصغار يحبونه حيييل همن امي بعد تحبه بس المسكينه الربو عندها قوي وايد ومع الفطريات زااد مع ان قبل وايد ربينا قطاوه ماصار فيينا مثل ما صار مع ببلي
كله من محل بت زون حسبي الله عليه :rgewrg:

المهم قلت ماكو الا اوديه مستشفى رويال واعاالجه حرام قالي مافيه شي بس فطريات احسن شي نحلقه ونبلش علاجه
قلت خلاص حلقوه وخلوه عندكم اسبوع لين تخف الحساسيه عشان امي لا تقطني انا وياه عند المسيد تسويها
الحين صارله يومين بس احاتي شكثر تطول فتره العلاج لان امي انغسلت جبدها منه وانا مابي ابيعه احبه
معقوله الفطريات تسوي جذي بالانسان حساسيه قويه؟ شنو العلاج للانسان؟ صج من وديناه البيت خفت حساسيته :eh_s(11):
حد متوهقه مادري شسوي فيه شنو تنصحووني بنات عفيه متعلقين فيه وايد بس اخاف يتعبنا مره ثانيه مع اني حاسه بعد التحليق والعلاج بيصير زين بس منو بيقنع امي
شرايكم حبيباتي بموضوعي وشنو تنصحوني؟؟


ويه ادري قرقت وايد بس تدرون عندي امتحان باجر والمواهب تطلع هالحزه

 

[lojeeen]

ما ادري شلون شكل الفطريات لو تصورينه يكون احسن بس احسن شي سويتيه انج حلقتيه راح يطيب جلده بسرعه
انا ماشوف في داعي تودينه رويال لان بباخذون عليج وايد هذول نهيبه

سبحيه كل يومين دام ما عندج غيره و اشتريله من ايس هاردوير البخاخ مال الفطريات و رشي عليه اهو دبق اشوي فيحتاج تسبيح على طول
و اتوقع دام فيه فطريات يعني اذنه فيها جرب اللي اهو كتل سوده في صيوان الاذن فيلزمها غسول يومي همن تلقينه في ايس هاردوير و اهناك عندهم خوش شامبوات طبيه استخدميله منهم

 

[om-bassma]

الله يساعدج جان مرتيه اليومين و شفتي وضعه و طبعا دام حلقوه راح يتعالج بسرعه
اما امج خليها شوي و اذا تحبه راح تفقده و توله عليه بس لما اتييبينه خليه بدارج لما تتأكدين ان مافيه شي و بعدين طلعيه بره علشان امج ما توديج عند المسجد وياه:eh_s(3):

 

[Joo.Joo]

والله لا ايس هاردوير ولا رويال ولا مستشفى الوفره ولا الدهماء ولاااااااا احد على هالارض علاجه اسرع من علاج

البــــحـــــر

محد صار في قطوته اللي صار فيني!!
دشي على مواضيعي وبتلاقين قصتي!

قطوتي كل جسمها كان فطريات واحسسسسسسسن علاج بالكون علاج بماي البحر
وسئلي مجرب ولا تسئلين طبيب

اذا ماتقدرين تسبحين القطو بالبحر اخذي وياج قَلَن ترسيه ماي بحر وكل يوم سبحيه فيه وفركي اماكن الفطريات

اذا بتسبحينه بشامبو مره بالاسبوع وبعد الشامبو ماي بحر

اما كل يوم تسبحينه بدون شامبو بس ماي بحر ولا تغسلين ماي البحر خليه عليه لين ينشف وعلااااااااجه باسبووووووووع صدقيني

 

[ano0by]

صح كلام joo.joo مافي احسن من ماي البحر

 

[عود ومسك]

شاريه منهم راغ دول فيه فطريات؟!
واشكرى بايعينه لج؟
لا وفوق هذا عندهم هالدكتور الجزائري
وسكتي؟
انتي شاريته من محل معروف

قطوج مو رخيص مفروض تروحين لهم وتخلينهم يتكفلون بعلاجه

عموما الحساسيه راح تخف لما يتعالج انا عندي قطو ماخذته اعالجه اول يومين تعبني حيل حساسيه مع ان عندي قطاوه شكثر ومااحسس منهم
بس لان هذا فيه فطريات تعبني حيل ومع العلاج طبت وراحت الحساسيه الحمدلله
فا مع العلاج ان شاء الله بتروح الحساسيه من بيتكم
وعلاج ليندا زين بس انتي مفروض تقصين الشعر من المكان اللي فيه فطريات
الا عاد اذا كل جسمه مشكله
ومثل ما قالت لوجين صحيح كلامها..ممكن ما يبين قمل الاذن وجرب الاذن من بره
فا لما تحطين قطره له او تنظفينها راح تلاحظين ان فيه بس داخل ويبدا يطلع وتنظف اذنه

 

[M!SS CHARISMA]

ما ادري شلون شكل الفطريات لو تصورينه يكون احسن بس احسن شي سويتيه انج حلقتيه راح يطيب جلده بسرعه
انا ماشوف في داعي تودينه رويال لان بباخذون عليج وايد هذول نهيبه

سبحيه كل يومين دام ما عندج غيره و اشتريله من ايس هاردوير البخاخ مال الفطريات و رشي عليه اهو دبق اشوي فيحتاج تسبيح على طول
و اتوقع دام فيه فطريات يعني اذنه فيها جرب اللي اهو كتل سوده في صيوان الاذن فيلزمها غسول يومي همن تلقينه في ايس هاردوير و اهناك عندهم خوش شامبوات طبيه استخدميله منهم

من ناحيه نهييبه صااجه فوق 100 الحين قاطه الليله ب 8 دنانير غير السبوح والعلاجات
لا مافيه جرب جيكت .. عاد لما حلقته شفت جلده صاير شكلهم مثل بقع لونهم بني فاتح نقول كل الاماكن الحين طابت بس باجي الذيل البقعه الي عليه لونها اسود فاتح قالتلي اخذيه وانتي عطيه دوا في البيت كنت باخذه بس اول ما شفته شفايفي صارت جنها شيماء علي حرقوووني وانتفخوو حيل قلت امبيه عيل امي شبيصير فيها والله بتجحته ضايق خلقي من متى انا احسس من القطاوه :eh_s(16): بس ببلي حسست منه
عندي شامبواات والبخاخ كل شي بس المشكله بالحساسيه الحين متووهقه حدي

 

[M!SS CHARISMA]

الله يساعدج جان مرتيه اليومين و شفتي وضعه و طبعا دام حلقوه راح يتعالج بسرعه
اما امج خليها شوي و اذا تحبه راح تفقده و توله عليه بس لما اتييبينه خليه بدارج لما تتأكدين ان مافيه شي و بعدين طلعيه بره علشان امج ما توديج عند المسجد وياه:eh_s(3):

والله مريته وصار احسن بس اوول ما شفته جان يقب ويهي حسست

ان شاءالله لوووووول

 

[M!SS CHARISMA]

والله لا ايس هاردوير ولا رويال ولا مستشفى الوفره ولا الدهماء ولاااااااا احد على هالارض علاجه اسرع من علاج

البــــحـــــر

محد صار في قطوته اللي صار فيني!!
دشي على مواضيعي وبتلاقين قصتي!

قطوتي كل جسمها كان فطريات واحسسسسسسسن علاج بالكون علاج بماي البحر
وسئلي مجرب ولا تسئلين طبيب

اذا ماتقدرين تسبحين القطو بالبحر اخذي وياج قَلَن ترسيه ماي بحر وكل يوم سبحيه فيه وفركي اماكن الفطريات

اذا بتسبحينه بشامبو مره بالاسبوع وبعد الشامبو ماي بحر

اما كل يوم تسبحينه بدون شامبو بس ماي بحر ولا تغسلين ماي البحر خليه عليه لين ينشف وعلااااااااجه باسبووووووووع صدقيني

ايي انا سامعه بماي البحر شكلي بسويها

الحين المشكله مو بالفطرياات المشكله بالحساااااسيه الي صايره فينا شنو علاجها حبيبتي؟؟

 

[M!SS CHARISMA]

شاريه منهم راغ دول فيه فطريات؟!
واشكرى بايعينه لج؟
لا وفوق هذا عندهم هالدكتور الجزائري
وسكتي؟
انتي شاريته من محل معروف

قطوج مو رخيص مفروض تروحين لهم وتخلينهم يتكفلون بعلاجه

عموما الحساسيه راح تخف لما يتعالج انا عندي قطو ماخذته اعالجه اول يومين تعبني حيل حساسيه مع ان عندي قطاوه شكثر ومااحسس منهم
بس لان هذا فيه فطريات تعبني حيل ومع العلاج طبت وراحت الحساسيه الحمدلله
فا مع العلاج ان شاء الله بتروح الحساسيه من بيتكم
وعلاج ليندا زين بس انتي مفروض تقصين الشعر من المكان اللي فيه فطريات
الا عاد اذا كل جسمه مشكله
ومثل ما قالت لوجين صحيح كلامها..ممكن ما يبين قمل الاذن وجرب الاذن من بره
فا لما تحطين قطره له او تنظفينها راح تلاحظين ان فيه بس داخل ويبدا يطلع وتنظف اذنه

اززيدج من الشعر بيت طلعت ايبون حيواناات مو مطعمه قطوي مو مطعمينه تخيلي بس حاطين شريحه :eh_s(8): لاا و تدرين ان صكرو المحل بسبه هالدكتور؟ مو مرخص وشغلوه بالمحل جان يصكرونه وبطلوه بواصطه طبعا

من شفته قلت والله جذاااب تخيلي اقوله افحص عيونه يطالعه من بعيد يقول لا لا مافيه شي صدقين يستنجس يجيس الحيوانات!! وكان ريحه ببلي خايسه قلتلهم ويع ليش حذي ما اشتريه سبحوه اول مارضي نخيلي منو سبحاه؟؟ راااعي المحل دقيت عليه جان يقول انا اييلج واضبطه :eh_s(14)::eh_s(14):
كنت بشنكي بس بالعقد كاتبين بعد 3 ايام مالنا اي شغل

المشكله الحين بالحساسيه واايد خايفه امي حالفه ما تدخله البيت وانا لما لرحت اشوفه امس شفايفي ورمت وويهي حبب حبوب ناعمه بين من هالسالفه الخااااااايسه:eh_s(14):

قلت اروح اشتري جهاز معقم الهواء HEPA لعل وعسى يخفف والله ياست من كل شي :"(

 

[lojeeen]

جوجو اخاف ماي البحر يكون ملوث و يلسع الجسم و يسبب تهيج للعين و الاذن غير انه مو بسهوله ينشطف و لو ما عرفت تشطفه عدل بيسبب بقايا الملح التهابات بالجلد و يمكن يلحس الملح من جسمه و يسببله مشاكل بالكلى

 

[lojeeen]

اززيدج من الشعر بيت طلعت ايبون حيواناات مو مطعمه قطوي مو مطعمينه تخيلي بس حاطين شريحه :eh_s(8): لاا و تدرين ان صكرو المحل بسبه هالدكتور؟ مو مرخص وشغلوه بالمحل جان يصكرونه وبطلوه بواصطه طبعا

من شفته قلت والله جذاااب تخيلي اقوله افحص عيونه يطالعه من بعيد يقول لا لا مافيه شي صدقين يستنجس يجيس الحيوانات!! وكان ريحه ببلي خايسه قلتلهم ويع ليش حذي ما اشتريه سبحوه اول مارضي نخيلي منو سبحاه؟؟ راااعي المحل دقيت عليه جان يقول انا اييلج واضبطه :eh_s(14)::eh_s(14):
كنت بشنكي بس بالعقد كاتبين بعد 3 ايام مالنا اي شغل

المشكله الحين بالحساسيه واايد خايفه امي حالفه ما تدخله البيت وانا لما لرحت اشوفه امس شفايفي ورمت وويهي حبب حبوب ناعمه بين من هالسالفه الخااااااايسه:eh_s(14):

قلت اروح اشتري جهاز معقم الهواء hepa لعل وعسى يخفف والله ياست من كل شي :"(

صاجه كحلاء العين شلون محل سمعته زينه بين الناس تطلع منه قطاوه فيها كل هل مشاكل و استغفلاج بدون ما ينبهج انه محتاج علاج مع انه اهم يبيعون كل هل علاجات بيكون اسهل عليهم و الله يكون بعونج القطو مو رخيص و محتاج اهتمام قوي انشالله مع الاهتمام يطيب

 

[M!SS CHARISMA]

والله يا لجين ما اقول غير ناس ما عندها ضمير حرام الي سواه والله شلفايده سمعه بس حجيي
بس لو نفتك من الحساسيه احنا بخير

 

[عود ومسك]

الله يشافيه لج ان شاء الله..وسأليهم عن موضوع الحساسيه لابد لها علاج ولا تفرطين فيه اذا لقيتي علاج
وبت زون ما يفهمون بس الحلو بمحلهم الاغراض وهم اغراضهم غاليه حيل لاني اشوف نفس اغراضهم بأماكن ثانيه تفرق بالسعر حيل فا بطلت اروحلهم..
و ترا ما يفهمون بالقطاوه انا اول ما رحتلهم قعدو يسألوني ان شنو نوع قطوتج ومن هالكلام
واقعد اشرحلهم و اوضحلهم الفرق بين قطاوتي وبأنواع الشيرازي
ما يعرفون شي ترا
بس واحد فيهم يربي قطوه هذا اللي اعرفه
وقالولي هاتي قطاوتج نعرضها لج للبيع قلتلهم لا شكرا
بالله وديت قطو من قطاوتي ومرض وردوه لي!!
والدكتور الجزائري انا ما احسه يفهم اصلا يمكن يفهم بباقي الحيوانات بس ما يفهم بالقطاوه عدل
عموما هذا محل مو شلتر
لو شلتر بيفهمون لانهم بيعاشرون الحيوانات ويعرفون امراضهم وكل شي
اما بت زون غرضه تجاري بحت حتى لما جابو الدكتور انا احس ان الدكتور وجوده ما منه فايده

 

[M!SS CHARISMA]

الله يسمع منج ان شاءالله

غالي بشكل خياااالي
اما الدكتور ماله فايده لا نفسيه حلوه ولا معامله زينه ولا يتحرك مادري شحقه موضفينه

قالولي اشتري معقم الهوا اسمه هيبا hepa يقلل نسبه الحساسيه 50% بس مادري وين احصله عفيه ساعدوني

قام احاول كثر ما اقدر اقللها بس عشان لا تقطه امي

 

[lojeeen]

منقيات الهوا اشكال و الوان جربي سألي عنهم بالغانم في نوع اسمه بلو اير بس غالي ب189 دينار على قولتهم هاذا احسن نوع و في بالكتروزان و يوريكا

 

[M!SS CHARISMA]

يا حسرتييييي فلوسي كلها طارت عليه قطيت الحين فووق 600 مافيني حييييل

 

[lojeeen]

الله يكون بعونج 600 دينار تجيب لج قطو من برى وياه البديجري بس حسبي الله عليهم وهقوج

 

[عود ومسك]

لا القطو مو ب600 بس اهي قاطه للحين عليه 600
والا غلطانه؟ لاني شفت اسعارهم للراغ دول انتي اي واحد خذيتي؟
الميتد والا الباي كولور والا الفليم؟

انا منقهره منهم ومنج كريزما
انتي لما خذيتيه ما فحصتيه؟ وجم يوم قعد عندج وبينت معاه الفطريات
والله قاهريني يعني الناس لما تبيع اهم شي السمعه والله وبالله الكريم اني مره بعت قطوه وقلت للبنت 3 ايام لج تفحصين القطو فيها..فيه شي تردينه قالتلي اوكي بعد عشر ايام جان ترد القطو تخيلي وتقولي فيه فطريات والله وبالله الكريم كا القطو عندي مافييييييه الا العافيه لا فطريات ولا شي
واقولها انتي فحصتيه بالضوء تقول لأ بس الدكتور قالي قلتلها انا مالي شغل الدكتور شيقول انتي فحصتيه وتقعد تملص بالكلام..جان اقولها وينج هالعشر ايام؟ قالتلي تلفوني ضاع وضاع رقمج
قلتلها شوفي لو انا ماحب قطاوتي والله لو تحنقزين ما استلمها منج لان ممكن انتو عاديتوها
وبالاخر رديت القطو وعطيتها فلوسها مع اني كنت صارفه الفلوس على اكل وتراب قطاوتي خلاص يعني وكانت جايتني بوقت ضيق جدا كان عيد ومحتاجه الدينار عشان بنتي تعيد ومو اي احد يرد القطوه في ناس من ثاني يوم ما تستقبل منج مكالمات ولا يهمها وفي ناس فيهم خير
فا القصد من هالكلام ان بالبيع الواحد يحاول كثر ما يقدر يحافظ ع سمعته
يعني انا اذا القطو فيه شي ما ابيعه
ولو طلع فيه شي خلال ثلاث ايام بس انا اتكفل فيه وارده بعد الثلاث ايام ممكن تنتقله فايروسات من بيت الناس او منهم
فا شلون هذا محــــــــــل ومعروف وناوي يكبر ويكون سوبر ماركت تطلع منه هالشغلات!!

 

[بوح الحنين]

فعلا كلام سليم