استضافة الدكتورة نجلاء الزعفراني ..طبيبة أمراض النساء والحمل والولادة

[د.نجلاء الزعفراني]

مرحبا دكتوره اولا يعطيج العافيه و قواج ربي
استفساري : اقدر اسوي عمليه تجميل للشكل الخارجي للمهبل (الشفرات) بعد عمليه الولاده مباشره ؟

عزيزتي

كلا حبيبتي يجب ان بمر شهران على الاقل قبل القيام بهذه العمليه الحساسه حتى تعطي النتيجه المروجه.
لا تتسرعي

تحياتي

د نجلاء الزعفراني

 

[غلاا قلبي]

عزيزتي

وزن الجنين في حدود الطبيعي ولا داعي للقلق و انصحك فقط بالمشي للتسربع بالولاده و سهولتها باذن الله.

مع تمنياتي بالصحه والعافيه

د نجلاء الزعفراني

مشكوووره دكتووره بس بغيت اعرف متى البيبي ينزل بالحوض
ودكتورتي قالت الاسبوع الجاي راح تسوي لي تخطيط شنو سبب لجوءها للتخطيط

 

[د.نجلاء الزعفراني]

مشكوووره دكتووره بس بغيت اعرف متى البيبي ينزل بالحوض
ودكتورتي قالت الاسبوع الجاي راح تسوي لي تخطيط شنو سبب لجوءها للتخطيط

ممكن ينزل اي واحيانا ينزل فقط اثناء الولاده بعد بدء الطلق . التخطيط الهدف منه الاطمئنان على صحه الجنين ومعرفه اذا كان عندك طلق ام لا.

 

[د.نجلاء الزعفراني]

ياهلا ومرحبا يا دكتوره .........

الحمد لله عندى بنات يارب يخليهم ليا .....وتاخرت فى الحمل سنتين وكل التحلليل سليمه انا وزوجى ........
اخذت منشط كلوميد خامس يوم من الدوره لمده 5 ايام ورحت لها يوم 14 من الدوره تسوى سونار ....الحمد لله وماشاء الله شافت 4 بويضات اثنين مقاس 21 ووحده 20 و17 .قالت مراح اديك ابره عشان ماتكبر زياده ولا تتحول الى كيس ....المهم صار جماع ثانى يوم من ردتى للدكتوره بس احس الافرزات لونها اصفر من يوم 15 و16 و و18 و17 من الدوره ....لعلمى ان افرزات التبويض تكون شفافه .الحمد لله ماعندى اللتهاب .ذاحين افرزاتى وقت التبويض صفراء الله يكرمك يعنى فيه مشكله مو لازم تكون شفافه ؟؟؟؟اخاف تكون البويضه ما انفجرت لانى ماتاكد من نزولها

وجزاك الله الف خير

عزيزتي

لا علاقه بين لون الافرازات والتبويض .و ممكن ان السونار يبين اذا البويضه خرجت من المبيض ام لا.و لكن لا انصحك بعمل سونار الان فقط انتظري واذا تاخرت الدوره قومي باجراء اختبار حمل , انشاء الله الدوره تتاخر وتكوني حامل ياذن الله
تحياتي

د نجلاء الزعفراني

 

[حياتي حلوة معاك]

السلام عليكم ورحمة الله وبركاته
كيف حالك يادكتورة ؟؟؟
والله فرحت لما شفتك مع اني ماأعرفك
دكتورة أنا أخر دورة 23-2 هجري والبارح سويت سونار داخلي وقالتلي الدكتورة إن الجنين مات واحتمال يكون مات

البارح أو اليوم الصباح,, قلتلها يمكن لسى مابدأ النبض قالت لا 99% مات

بعدين قالت تعالي بعد اسبوع نسوي سونار تاني مرة إدا أكيد مات نعطيك حبوب تنزله ,,

كيف عرفت إنه مات ؟؟ وهل تنصحي أخد الحبوب اللي تنزله ؟؟

وشكرا وأسفة ع الإطاله ,,
​

 

[q8helwa]

والده صارلي شهرين


ومرات بعد الجماع


ينزل دم خفيف الى متوسط مكان الجرح



شنو سبب *

 

[عيون سارة]

دكتورة شنو افضل وسيله لمنع الحمل اذا حبيت ارضع ولدي وبدون ما احمل

واذا وقفت الرضاعه كيف اقدر امننع الحمل خصوصا لان ولادتي قيصريه
وابي وسيله مضمونه جدا

 

[اوراق التوت]

السلام عليكم
نور المنتدى بحضورك وجزاك الله خير على تواجدك معنا وافادتنا
انا عندي سؤال بخصوص اللولب انا قبل سنة حطيت لولب كان وضعه زين الدورة صحيح تعبتني في ال3 اشهر الاولى بس بعدها الحمدلله تعدل كل شي لكن بعدها بفترة تقريبا 8 اشهر طاح الولب وحسيت فيه لانه نزل للاخارج رحت للدكتورة وشالته لي قلت لها متى ممكن احط الثاني قالت الشهر الجاي اول ماتجيني الدورة اروح لها في خامس او سادس يوم رحت لها وركبته لكن بعدها ب4 اشهر تفاجئة باني حامل رحت للدكتورة ثانية عملت لي سونار قالت اني حامل شهر ونص واللولب متحرك من مكانه
انا الحين ودي اعرف شنو السبب اللي يخليه ينزل هل جسمي فعلا مايقبل اللولب وهل اللولب الي على شكل حرف t يفرق على اللولب الذي على شكل حلقة وهل الهرموني يفرق كمان انا حامل الحين في شهري السابع ومن اول حمل افكر بشنو ممكن استخدم لمنع الحمل غير الحبوب
اسفة على الاطال بس والله محتارة وشايله هم اني اخد حبوب
ياريت تفيدني واكون لك شاكرة

 

[همووم القلب]

مرحبا دكتورة​

اهلا وسهلا فيج بالمنتدى وجزاج الله الف خير ، دكتورة اناعندي اسئلة وانا بالشهر الثالث
1-اقدر اشيل شعر البطن بالحلاوة
2-متى يجوز للحامل السفر في اي شهر
3-الغسول النسائي يضر الحامل انا استخدم carefree​

 

[yes or no]

مرحبا دكتوره حياج ويانا


حبيت استفسر
انا حامل وداشه شهر الثالث

عادي اسوي سونار في منطقه البكيني

ولا له اضرار ؟؟؟


ومشكوه ويعطيج العافيه

 

[sunshine22]

اهلين دكتوره​

انا استخير حيل في اني اراجع عندك ومادري ارتحت حيل وكأن الموضوعحس فيني هههههه​

انتي برويال حياه صحيح......​

مفكره اراجع عندك
هل لازم اتصل واخذ موعد لاني متقلبه المواعيد ممكن اكون ماره والوقت يناسبني من المستشفى فمااعرف شتنصحيني؟؟​

وبخصوص كمام وتخدير رويال حياه​

هل تشوفينه ممتاز
لانه دكتورتي بعياده خاصه تذم وبشده العنايه والكمام والتخدير وطبيعه اخلاق السسترات برويال حياه؟؟؟​

وكتبت مواضيع عده ولم تشفي غليلي بالاجوبه
اتمنى الاقي نهايه هالموضوع عندك
لاني بخاطري اولد بهالمستشفى
بماانه ماضيي اسود مع جميع المستشفيات​

مع كل تقديري واحترامي​

 

[ذبحنى جرحك]

مرحبا دكتوره الله يعينك علينا عندي سؤال وانتي اهل الخبره فيه
انا ارضع بنتي طبيعي والدوره ما جاتني بعد النفاس الا مرتين الشهر هذا المفروض تجي علي حسبت الشهر اللي قبله بس اللي صار عانيت من الامها واتاخرت علي 6 ايام في نفس اليوم اللي المفروض تنزل نزل عندي شفاف وفيه خيط دم من الافرازات تكرر مع اكثر من مرة ونزل شوي بني الافرازات شفافه عملت تحليل دم ماطلع فيه حمل والدكتور قالت بسويلك سونار بس ماقدرت بصراحه اروح لان زوجي عنده شغل عانيت من الم بالحوض والمبايض بس خف ما شوف حاجه اليوم بس خايفه ابقي اعرف شوالاحتمالات اللي ممكن يكون فيني وشكرا

 

[ام فوااز]

يعطيج العافية دكتوره
ابي اعرف افضل اسبوع من الحمل لإجراء سونار رباعي الأبعاد
متى اقدر اسويه

 

[ام الحلوين77]

هلا فيج دكتوورة


دكتورة أنا لي ٣٨اسبوع

وقبل اقل من شهر أخذت تحليل دم ونسبت دمي


rbc 3.86 3.83 5.08

hgb 88 117 155

hct 0.272 0.345 0.463

mcv 70.6 80.4 95.9

mch 22.8 27.2 33.5

mchc 322 325 352

rdw 15.6 11.7 14.6


دكتورة هل نسبتي تستدعي نقل دم لي بالولادة

والا لا أنا عندي موعد الخميس اخذ تحليل وأشوف


ارتفع نسبت الدم والا لا


ارجو منج انج تطمنيني

حيل نازل دمي والا لا

 

[cat_women]

السلام عليكم

دكتوره حبيبت اسأل عن التكيس يبين من تحليل الدم و لا لازم سونار؟؟

و صج الابر المنشطه للتبويض لها اثر مو زين بعدين على التبويض ؟؟

 

[عين غزية]

السلام عليكم ,,,

كيفك دكتوره ان شالله بخير ,,

انا حامل بشهر الرابع داخله الخامس احس بمغص يشد على شوي وبعدها يخف زي الغازات طبيعي ولا

 

[المـــــها]

السلام عليكم و رحمة الله و بركاته
ياهلا وغلا نورتي المنتدى دكتورة شرف كبير لنا استضافتج و جزاج الله خير على سعة صدرج عالاسئلة


بالنسبة للأسئلة:


-ماهو الخياط التجميلي؟ و ما الخياط المناسب للبكرية؟؟
-برأيك ماهي أفضل وسيلة لمنع الحمل؟؟
-هل صحيح أنه يجب عدم نزع شعر الأماكن الحساسة بالحلاوة بعد انتهاء فترة النفاس إلى سنة بعد الولادة حرصا على عدم فتح جرح الخياط ؟؟؟





مع ودي و احترامي​

 

[كويتية تكفي مية]

السلام عليكم دكتوره

انا فبداية حملي كان معاي التهاب بالبول ووصف الدكتور تحاميل ومرهم كونستين اتوقع اسمها
استخدمت من التحاميل ٢ والمرهم حطيت منه شوي وقطعته وخفت الافرازات

الحين وانا داشه الشهر الخامس واااايد زادت الافرازات لدرجة عزج الله لما امسح بالفوطه يطلع شكثر افرازات مثل بياض البيض بدون ريحه او خيوط بالضبط نفس بياض البيض وامسح المره الثانيه هم القى المره الثالثه يكون اخف وهذا اشوفه كل ما دخلت الحمام
والقى شي بسيط ع الكير فري بس لما امسح القى اكثر بس ماحس بحرقان وولا شي غير اني اشوف هالافرازات

انا موعدي بداية شهر ٤ يستدعي اروح الحين او انطر ؟
ارد اكمل المرهم والتحاميل او لازم اشاور الدكتور بالاول ؟
منها ضرر لو استخدمتها وانا مامعاي التهاب مجرد افرازات عاديه ؟
لان ودي استخدمهم بدال ماتعنى للدكتور بس قلت اسال بالاول احسن

ومشكوره *

 

[بيت التوت]

ماعندي استفسار
بس حابه ارحب بالدكتوره
ياهلا ومرحبا فيج بينا ويااااارب اتكون اسئلتنا خفيفه عليج
منوره

 

[Miss Golden]

السلام عليكم

أهلا وسهلا فيج دكتورة منوره المنتدى




انا حامل بالشهر الثالث و مراجعتي كانت من 6 ايام و قالت لي الدكتورة ان المشيمه نازله 5 سم!!

طبعا الاسباب اغلبها من شغل الدوام وانا عارفه هالشي..

قالت لي شهرين مافي جماع...

السؤال شلون اقدر ارجعها مكانها الطبيعي و شنو الاشياء اللي ممكن اسويها أو اتفاداها؟!!

ممكن اخذ مجلس طبي لان شغلي بصراحه ما يقدرون اذا كنت حامل أو تعبانه المهم اسوي الشغل

أقصد ممكن اخذ مجلس طبي بحالتي


وشكرا جدا وماقصرتي :aha: