احلى تجمع لأمهات مواليد فبراير 2012 يااافديتهم والله

[سراج الليل]

عروس حطي ناموسيه حلوووو التغيير وانا احب الديباج يكون فاتح في بجري حطيت ديباجي ابيض بورود ورديه شحلاته وفي بنتي حطيت لونه سماوي برمادي

وهالمره خاطري بأحمر لانه عمري ماشريت ديباج احمر

وانا حاطه فبالي قميص بيبي دول ناعم حلو وغرفتي بغير باكسسواراتها عاد انا غرااامي اغير بغرفتي

وبما اني اجار حاطه فبالي اذا طلعت بطلب بوفيه خفيف لي وله وعصاير قبل السهره

 

[اجمل الذكريات]

سراج حلوه فكرتج
الله يتمم علينا نفاسها ونطلع منه عراايس

 

[فتاة-العنف]

ايوما : ليش تحاتين الخياط مافي الا العافيه وبالنسبه للدم انا من فتره موقف الدم عندي بس ينزل بني فاتح على اصفر جذيه جنه اخر الدوره بس هذا طولت فيه يعني لي الحين وانا لي 22 يوم

 

[فتاة-العنف]

ايوما : انتي راجعتي حق جرحج ؟؟؟ اذا موسوسه وايد دقي على دكتورج ساليه اكيد يقولج يمكن كل وحده غير

 

[اجمل الذكريات]

بنات الي والده طبيعي متى المفرووض تنظف؟؟؟

 

[ريح قهوه]

اجمل تنظف علي اسبوعين تقريبا

عروس ليش تذبحج شمسويه

 

[auoma]

فتاة العنف
ماراجعت الدكتور
بس ودي اروح رفيجتي عيالها تيبهم قيصريه تقول على الشهر تسوي سونار تطمن على الجرح
انا الدم كان شويه ووقف والحين رجع ينزل بس احسه نظيف مو دم نفاس عشان جذي احاتي الحين انا ٢٤ يوم

 

[auoma]

اجمل الذكريات
الطبيعي مالها وقت معين عشان تنظف يمكن تظل لي ال٤٠ ينزل دم عادي
انا بعيالي كل واحد غير مره نظفت على ١٧ يوم ومره بال٢٥ يوم ومره ٣٤ يوم كلهم طبيعي
وهالمره قيصري مادري متى انظف

 

[ريح قهوه]

بنات تعطون عيالكم ماي؟؟

 

[auoma]

اي لازم تعطين الياهل ماي خاصةً بعد الرضعه عشان لا يصير طبقه بيضه على لسانه ويصير بكتيريا بحلج الياهل

 

[اجمل الذكريات]

مشكورين بنات علا الرد
انا مااعطي ولدي ماي

 

[frfr]

شخباركم بنات وشلون النفاس معاكم

ترضعون طبيعي؟؟ وزنكم نزل ولا بعد؟؟ انا اول مره الحمدلله ارضع طبيعي واستمر فيه الحين صارلي 29 يوم بدون ما استخدم

الحليب الصناعي كلش اول 10 ايام كنت استخدم رضعه صناعي لانه صدري ما فيه حليب وايد بس مع اللهوم واعشاب ام خالد

الحمدلله الحين الحليب اللي بصدري يكفيها

نبهتوني على التحامي يعني من باجر ان شاء الله ابلش فيهم

وحق طلعتي من الاربعين رحت فصلت لي جم قميص حلو من منى الكندري وشريت لي جم بنطلون وقميص نوم
بس صج ضاق خلقي المقاس حده فرق معاي

 

[frfr]

قبل اسبوع بلاعيمي قامت تعورني صارت فيني كحه والحمدلله رحت الطبيب وعطوني دوا الكحه تقريبا راحت

الحين قاعده الاحظ بنتي قاعده تكحكح شكلي عديتها مسكينه بنات عندكم فكره اذا وديتها الطبيب يعطونها دوا؟؟ ولا بعدها صغيره حبيبتي

اي بنات على طاري الرداده صح كلامكم الرداده ما تسوي سحر ولا ترد رحمج مثل ما يقولون بس انا اللي حسيت فيه

يوم يبت الرداداه انه جسمي صار خفيف الثقل اللي فيني والتعب كله راح وبعدين قست وزني خلال ال 3 ايام اللي يتني نزلت

5 كيلو لانه جسمي كان مترووس ماي والرداده ما تسوي مساج لا اللي سوته معاي انه دهنتني بزيت البابونج مع شي ثاني

مع تهميز قوي و لبست اندروير وملابس ثقيله و صج عرقت وايد هل 3 ايام وكل الماي الزايد راح مني وحتي كان ضغطي مرتفع

لانه جسمي متروس ماي مع انها ما طولت كلها ثلث ساعه اونص ساعه وتخلص

 

[جنى q8]

اي انا اعطي ولدي ماي مع سكر نبات
عشان يمشي بطنه شوي ويطلع الغازات

زين تعطون عيالكم اعشاب؟
ينسون وبابونج وحبه حلوه وكمون؟

 

[مشتطـه]

اجمل الذكريات ماعليه
انا من الخرعه انفعلت

مسموحه حبيبتي

 

[سراج الليل]

فرفر شسم ردادتج
بنات انا اليوم لي ٢٨
عادي اجيب رداده والا ماله داعي ؟

منو فيكم جربت طهار السلام ؟؟؟؟

انا اليوم طهرت ولدي وامي تخانقني تقول ليش موديته السلام

تقول اول مره اسمع في طهارة ليزر

وحددي تحسفت لاني خايفه من طهارته

خاصه اني يوم في ولدي الكبير طهرته بالراشد وكان حلقه

 

[ريح قهوه]

حلوه الاعشاب انا اعطيها ينسون وكراويه احمصهم شوي وافور الماي ولافار حظيت الاعشاب واخليه يفوز فورتين واسكره واخليه ينقع ولابرد حطيته بالرضعه ومرات احط حبه وحده سكر نبات ومرات مر

سراج يمكن متأخره ماراح تنفعج بش اسالي او سوي مساج

 

[عــ2009ــــروس]

سراج حلوه فكرتج

انا مايشجع على البوفيه وامل السهر لووول مو من هالنظام

بيكوز لازم تحسبين حساب اهله

بنسبه للديباج والله ما تذكر فولدي شحطيت

بلا بلا عنابي حطيت

بس هالمره بحط فاتح بس ابي عملي وراقي





ريح خالتي من نظام قبل تحب الياهل ممسوكه عظامه

لووول

 

[عــ2009ــــروس]

رحت موعدي

شاف الخياط الباجي اللي ماطاح

بقى يذبحني شال الخياط

وقالي الانج ماحطيتي الكريم

عاد هو صاج انا ما احطه من الخوف
ذكرني بالولاده


وبنتي رحت موعدها عيونهاااا رمده وديتها

عطاني ادويه لها بس ماصرفتهم

باجر بحاول ايبهم


وسرها في لحمه زايده قالي هذي نسويلها جراحه كي يعني


*

 

[worood82]

بنات ابي اسالكم الي ترضع طبيعي
انه الحمدلله صدري في حليب بس احس انه خفيف ما يشبع بنتي وتشرب على دفعات مو مره وحده
وبسالكم متى تبلشون اتقضون اذن بناتكم *