هلْ من الممكن أن تعيش المرأة وحيدة ؟

[^^roma^^]

الانسان كعامه من غير انه كان انثى او ذكر
مستحيل يعيش وحيد لان الوحدة قاتلة وممكن تعزل الانسان
عن الحياة الخارجية
في ناس مروو بحياتهم مرحله ..ركزي على كلمة مرحلة..
وعاشوها بوحده ..
و في ناس تحب الانعزال عن العالم ..
لكــن
الحياة مشاركة مو انعزال..​

 

[نونه المنكوشه]

الروح تبى الارواح لكن ساعات يضطر الانسان يعيش بروحه لاى سبب كان

 

[Horror Lady]

شكرا لكم

 

[brettey]

اعيش وحيده ولا اني اقعد مع اهل حكره ويذلوني وزوج ما ينتعاشر

 

[لحظآتَ]

الوحدة شعور !
يعني ياما ناس عايشين مع اهلهم بس يحسون بوحدة !!
يعني مو شرط اكون وحيدة واقعياً وماعندي اهل ولا زوج ولا اصدقاء عشان احس بالوحدة !!

,

لكن عشان ما اطلع عن مسار الموضوع
انتِ تقصدين الوحدة اللي بدون اهل ولا ناس يعني بمكان بروحي ..
إممممممممم
عادي أظن طالما اي وحده عتادت تكون وحيده بمشاكلها وهمومها وتفكيرها
راح تكون قادرة على العيش بوحدة !
اكيد بتواجه صعوبات بسيطة كونها ما اعتادت على هالحياة
لكنها بتقدر ليش لا !!!

كل شيء بالاعتياد يصير : )

 

[قلبي وينك]

المرأه ابدااا ما تحب ولا تتمنى انها تعيش بروحها بس احيانا الظروف والقدر يجبرج على انج تعيشين وحيده
بعطيج مثال انا خالتي عايشه ببيت بروحها زوجها توفى بعد زواجها تقريبا باقل من سنه وما جابت منه عيال وابوها وامها توفواااا الله يرحمهم وخواتها تزوجوااا وكل وحده ببيتها وعندها اخ وحيد طلع ببيت بروحه يوم كان ابوه وامه على قيد الحياه {هي ساكنه ببيت ابوها وامها المتوفيين }
وهذي هي الحين وحيده تشكي الوحده والهم وعايشه على رحمة الله ومن ثم خواتها كل وحده تسندها كل اول شهر بشئ مادي
لا تقولين ليش ما تزوجت بعد ما توفى زوجها لانه تقدموا لها بس ابوها الله يجازيه الجنه رفض لانهم ما كانوا مناسبين سبحان الله الله ما كتب لها تتزوج مره ثانيه
وبس الحين بروحها لا حنيس ولا ونيس والله يعينها على وحدتها وترها مو مستانسه

انا عطيتج هذا المثل علشان اقولج انه صج المره تقدر تعيش بروحاااااها تقدر توفر لقمتها ومشربها وملبسها ومسكنها بس احتياجها النفسي لاشخاص يلمونها بحنانهم وكلامهم واهتمامهم حتى لو يشاركونهاااا بمشاكلهم او حتى يتمشكلون معاها اهون بمليون مره من الوحده
المرأه كل ما كبرت كانت اضعف واضعف وخبرج الكبر والشيب شين والله يعين كل شايب عاجز على خدمة نفسه بنفسه

 

[Horror Lady]

كلامكم صح انا أؤيد كل وجهات النظر
و قريت كل كلامكم
بس عندي نقطة احب اوضحهاا*
في ناس سواء حريم او رجال*
يتزوجون عشان اذا كبروا*
و تعبوا و شيبوا و عجزوا*
يكون عندهم احد يشيلهم و يعاونهم
مثل عيالهم يعني*
بس ياما ناس تزوجوا و عندهم عيال شكثر*
و بالاخير كل واحد خذا زوجته*
و كل وحدة خذت زوجها*
و طلعوا ببيت بروحهم*
يعني ما يفيدك احد الا نفسك بنهاية المطاف
و الكلام ما اقصد الكل فيه*
بس الاغلبية يعني
و شاكرة لكم ردودكم الحلوة

 

[طموح دائم]

انا مطلقه وعايشه بروحي بس الحمدالله مو قاطعه علاقتي مع اهلي اختلف معاهم بس ما اقطع عندي صديقات احبهم وايد وسعيده بحياتي بشكل كبير مرت علي فترات انعزال لكني تعبت صراحه الانسان مهما كان يحب الوحده او الهدوء لا بد انه في يوم من الايام بيزهق ويمل هذا عن تجربتي الخاصه

 

[حنان الحربيه]

ممكن المرأه تعيش بروحها بدون زوج عادي
انا مثلا للي في سني اطفالهم بيخلصون الابتدائيه وبيدخلون المتوسط

بس اهل مدري احسها صعبه:eh_s(2):

 

[sarah11]

الناس أجناس


من وجهة نظري صعب الانسان يعيش وحيد

 

[om.googi]

^ الروح تبي الروح ^

انا ما قلت مستحيل انها ماتقدر تعيش ,, بس عالأقل تتزاور شهري أو تكون صداقات سطحية ,,

في ناس انطوائيين لا صارت حفلات وعروس او حتى عزا قالولج لا لا شيوديني روحو عني انتو تكفون أو حتى تخرجها تستكفي بانها تحتفل مع نفسها وعندها متعة مو ان ضايق خلقها أو مسوية فيها محد يحبني ! عادي الناس أجناس

بس تلقينها مقضية وقتها بكتابة بالنت أو رسم او أو ,, المهم ان الشي جماد مافيه تواصل من ناحية انسان ..

وفي ناس اجتماعيين مستحيل تعدي دقيقة بدون لا تدق عالكويت كلها وتعرف شالاخبار وتوجب هذي وذيج واذا ما لقت أحد حطت حرتها بخدامتهم أو خواتها أو امها وابوها ههههه ,,

يعني يعتمد ,, ​

 

[سويت فانيلا]

لا انبسبل

 

[السيده ام حسين]

المراه تقدر تعيش وحيده لكن الرجل مايقدر من سابع المستحيلات يعيش من غير وجود الانثى بحياته

 

[جوك احلى جو]

ماكو انسان يفضل الوحده او يختارها لكن الظروف اهي اللي تجبر علي هالاختيار

 

[PuPa^^SWeeT]

قبل لا انتحجى عن المراة



انا اقووولج الانسان اجتماعي بطبعه



و يحب الرفقة و الامور المحببة و المشاركة و الاخذ والعطاء




والرجل بحد ذاته مايقدر يعيش بروحه


وهو انسان قائم على اطباع متجمدة لا تبكي لا تضعف لا لا لا اي انه يربى ليكون قويا


مابالك المراة التي تحتاج الكلمة الحلوة

سواء من ابوها ولا اخوها ولا زوجها ولا عيالها ولا امها ولا ولا ولا




ليش هذا انتقاصا للمراة


لكن الدلائل تقوول



والدراسات تقوول


انه عمر الحريم اطول من عمر الرياييل


ليش


لنه المراة لاتبقى لوحدها


بل تجد من تشكييه الحال من باب الفضفضة فقط دون البحث عن حلووول



في حيين الرجل لا يشتكي الا للبحث عن الحلووول



وقد لا يشتكي اطلاقا

 

[Horror Lady]

مو كل الحريم يشتكون
في حريم ما يشتكون لأي احد
و عايشين حياتهم وحيدين
و مع هذا متحملين الضغوطات بدون شكوى
مو بس الريال قوي
المرة هم قوية من داخلها و لها قدرة على التحمل و الكبت


شكرا لكم

 

[الزورق222]

مستحيل ....
الشخصية غير اجتماعية هى الشخصية المنعزلة عن ماحولهاا احيانا يعانون من امراض نفسية تحتاج لعلاج ..

 

[حصة2010]

مستحيل يعيش الانسان لوحدة. اما ان يكون مريض نفسى

 

[فلنتينو]

ياشين الوحده ويعلنا مانعيش وحيدين

اكييد مستحيل الانسان يعيش وحدااني يطق يموووت

الاهل والصدقاء والعزووه اهم شي في الحياه

 

[بنت النوخذا]

الا بذكر الله تطمئن القلوب
اهم شئ انك ترضين ربك و ترضين نفسك

و الانسان هو من يصنع نفسه
و ليس الضروف هي الي تصنعه

يعني حمدي ربك في نعمته
ايين و رجليين و عينتين و اذنين
وقلب صاحي و كليه سليمه
و جسد سليم

انضري للغير تهون عليج نفسج
ولا تدعين الوساوس هي اللي تقيدك
لا

حاولي اختار طريقك بنفسك

حضري دروس دينيه او علميه
اشتركي في نادي رياضي

تمتعــــــــــــــــــــــي بحياتك
فيما يرضي رب العالمين


و دعي القــــدر
لرب القــدر


ما تدرين شنو المستقبل

والاهم تفائلي بالخير دائما و حبي الناس


ودي اقولج ابدئي في تغير ما بداخلك
و ابدئ في تغير صورتك الرمزيه الي صوره سعيده
مفرحه باسمه .....
ابدئ بالابتسامه و الضحك و الفرح
ارسمي لنفسك انسانه متفائله مرحه يحبها الجميع
صدقيني بتتغير نظرتك للحياة


حاولي و جربي

وربي يحفظك و يوفقك يا رب