صراخ الأمهات في البيوت !!

[wardeya]

اصلا صار الصراخ لغه التواصل والله لوووول
انا بالبيت امي بس تصرخ يعني انا بنتها اتضايق و تلوع جبدي و اتوتر و انحاااااش من المكان اللي اهي فيه

فما بالج ابوي ؟

و حتى انا اتفاهم مع اخواني الصغار بالصراخ لأنه لو شنو تحاجينهم ما يسمعون هالايبود عامي عيونهم و مصكر اذونهم

الله يعينكم

أتمنى لما تتزوجين تبدي حياة جديدة

وتكوني شخصية مختلفة عن بيتكم

حتى يتربون اولادك في بيئة صحية سليمة

تحيتي لج

 

[wardeya]

هههههههه جان زين الاعصاب الهاديه تنباع انا اول وحدة اشتري
الصراخ صار صفه فيني مااقدر اعيش بدون صراخ متعتي بالحياه
والله حاولت اني اصير ريلاكس بس ما اقدر تدرين حتى زوجي وعيالي تعودو علي
واذ اجى اليوم اللي في هاديه يحاولون يتحرشون فيني عشان اعصب وانا على طريف ما اصدق خبر الله يساعدني احس تعبانه حيل من هالشي

الصراخ نسميه سلوك مكتسب

أي أن الانسان اكتسبه من احد وصار عادة

يمارسها ويصير جزء من الشخصية

المهم غاليتي تديري بالك على صحتك لأن الأعصاب تؤدي إلى الكثير من الأمراض العضوية ،، بعيد الشر عنج

تحيتي لج

 

[ديانا سبنسر]

والله شسوي غصبن علي يحررررررروووووني لازم اصااارخ

:eh_s(15)::eh_s(15)::eh_s(15)::eh_s(11)::eh_s(11):

 

[شموسة كيوت]

انا ماعندي احد اصرررررخ علية البيت اربع وعشرين ساعه وصوت دقات الساعه تسمعينهم من الهدوء

احب الازعاج لو على حساب الصرااخ هههههه ودي اروح بيت اهلي يوميا حتى اطلع من جو الهدوء القاتل

 

[شيخه_البيض]

توني داقه على بيتناشالته بنت اختي واسمع صراخ امي تذكرت موضوعج لووووووول

قاعده تدرس اخوي ههههههههه

بس خلونا واقعيين ترى اليهال الحين يرفعون الضغط

اخوي لمن يسمعون له يقول وين هذا اي صفحه اي درس اول مره اسمع عنه

واهوا بخامس يعني مو وايد ياهل

وبس يقولون الحين بندق على ابوي يسمع الكتاب من الجلده للجلده

بس ليش يعاند ؟؟؟؟

سالته لان انا الوحيده اللي متزوجه فيحبني لاني مو مجابلته ولا اصارخ عليه وكل ادافع عنه مو عايشه الجو معاهم لوووو ل

يقولي انا احب اسمعهم واهما يصارخون استانس وامي كل تقولي انا اخر مره ادرسك ويصير اكشن وانا استانس واضحك

هههههه حده يرفع الضغط

 

[wardeya]

انا ماعندي احد اصرررررخ علية البيت اربع وعشرين ساعه وصوت دقات الساعه تسمعينهم من الهدوء

احب الازعاج لو على حساب الصرااخ هههههه ودي اروح بيت اهلي يوميا حتى اطلع من جو الهدوء القاتل

حتى الهدوء القاتل بعد مو حلو

فأحياناً نحتاج إلى الحياة والروح بالبيت

الاعتدال بكل شيئ حلو

دوم المرور

 

[wardeya]

يقولي انا احب اسمعهم واهما يصارخون استانس وامي كل تقولي انا اخر مره ادرسك ويصير اكشن وانا استانس واضحك

هو أدمن على الصراخ

إلى درجة إنه يستأنس لما يسمعهم يصارخون

الله يعين غاليتي

 

[dana.7]

انا ابي يوم يمر من غير لا امي تصارخ يا على اخوي يا على الخدامه

المهم تصارخ حتى لو شي تافه

حتى نقاشها وسوالفها بصراخ وهالشي صج ينرفزني

هذا الشي مو بس يخلي الزوج يهج من البيت يخلي حتى العيال يزهقون من القعده العائليه

انا ماحب اقعد بالصاله لان كله صراخ وازعاج

والله خوفي اصير جذي لما اكبر مع اني شخصيتي وايد هاديه ومو انفعاليه واقدر اتحكم بأعصابي

بس هم البيئه تأثر

 

[غدووور الكويت]

اكثر شي يخلي الامهات يصارخون بالبيت الضغوط اللي يعيشونها من الدوام وانا وحده عشت هالتجربه لمن كنت موظفه وارد تعبانه وبطبخ واغسل و ادرس العيال شي طبيعي بصارخ لدرجه مره ريلي رجع العصر وكان سامع صراخي على اليهال وقالي جمله بعدها افتشلت من نفسي وااايد قالي وانا بحولي سمعت صراخج !!! واحنا ساكنين الجابريه بعدها قمت احاول اني ما اعلي صوتي مع اليهال والمشكله راحت نهائيا بعد ما تقاعدت والحمد لله

 

[أم جوري]

يعني مو بس انا اللي اصرخ ؟؟؟

مع اني هااااااادية جدا مع الناس بس في بيتي ومع عيالي اصير اسد فاتحه حلجي عالاخر

جربت كل الاساليب العلمية والتربوية والسياسية والاجتماعية والاقتصادية والدينية والايديلوجية


بس ما في فايدة


اهلنا ما يصارخون لان كنا معتمدين على نفسنا في الدراسة مو عليهم
اغلبنا امهاتنا كانت ربة بيت مو موظفة وما كانت عليهم اعباء وضغوطات نفسية نفس الحين
كنا الساعة 8 نايمين ما عندنا غير القناة الاولى والثانية وتلفزيون العراق ههههههه

بس من بعد الغزو بجم سنة طلعت الفضائيات وفب الالفية طلعت لنا الايفونات والايبودات والخ الخ ...

 

[kareeb]

يسلموووووووو

 

[kwait doll]

عن نفسي امي كانت وما زالت تصارخ الله يخليها لنا صراخها كروان باذونا عسانا ما ننحرم منه

 

[wardeya]

انا ابي يوم يمر من غير لا امي تصارخ يا على اخوي يا على الخدامه

المهم تصارخ حتى لو شي تافه

حتى نقاشها وسوالفها بصراخ وهالشي صج ينرفزني

هذا الشي مو بس يخلي الزوج يهج من البيت يخلي حتى العيال يزهقون من القعده العائليه

انا ماحب اقعد بالصاله لان كله صراخ وازعاج

والله خوفي اصير جذي لما اكبر مع اني شخصيتي وايد هاديه ومو انفعاليه واقدر اتحكم بأعصابي

بس هم البيئه تأثر

كلامك صحيح أمك ممكن تصيريين تصاخين مثلهم

وممكن بعد تصيري عكسهم وتكوني شخصية هادئة

هذا يعتمد على قوة أعصابك وشخصيتك

دوم المرور

 

[wardeya]

اكثر شي يخلي الامهات يصارخون بالبيت الضغوط اللي يعيشونها من الدوام وانا وحده عشت هالتجربه لمن كنت موظفه وارد تعبانه وبطبخ واغسل و ادرس العيال شي طبيعي بصارخ لدرجه مره ريلي رجع العصر وكان سامع صراخي على اليهال وقالي جمله بعدها افتشلت من نفسي وااايد قالي وانا بحولي سمعت صراخج !!! واحنا ساكنين الجابريه بعدها قمت احاول اني ما اعلي صوتي مع اليهال والمشكله راحت نهائيا بعد ما تقاعدت والحمد لله

بالفعل الضغوط لها تأثير قوي على الشخصية

وخاصة في ها الزمن وما اكثرها

المهم انك تحاولي تبتعدي عن جو الصراخ ولو لفترة إلى ان تهدأي

تحيتي

دوم المرور

 

[wardeya]

يعني مو بس انا اللي اصرخ ؟؟؟

مع اني هااااااادية جدا مع الناس بس في بيتي ومع عيالي اصير اسد فاتحه حلجي عالاخر

جربت كل الاساليب العلمية والتربوية والسياسية والاجتماعية والاقتصادية والدينية والايديلوجية
بس ما في فايدة

اهلنا ما يصارخون لان كنا معتمدين على نفسنا في الدراسة مو عليهم
اغلبنا امهاتنا كانت ربة بيت مو موظفة وما كانت عليهم اعباء وضغوطات نفسية نفس الحين
كنا الساعة 8 نايمين ما عندنا غير القناة الاولى والثانية وتلفزيون العراق ههههههه
بس من بعد الغزو بجم سنة طلعت الفضائيات وفب الالفية طلعت لنا الايفونات والايبودات والخ الخ ...

حاولي ان تستفيدي من هدوء شخصيتك

لأنه بما أنك مع الناس هادئة ، إنك تقتدرين تسيطرين على أعصابك

تحيتي

 

[wardeya]

يسلموووووووو

يسلمك ربي ويعافيج

دوم المرور

 

[wardeya]

عن نفسي امي كانت وما زالت تصارخ الله يخليها لنا صراخها كروان باذونا عسانا ما ننحرم منه

الله يخليلك إياها

ولا تنحرمين من ها الصوت

دوم المرور

 

[زينه البنات2012]

الله يسترر

 

[wardeya]

الله يسترر

آمين يارب

مشكورة المرور

 

[om al ghaleen]

والله اتوقع جارتي بتطفش من صراخي
بس ترا صار شي روتيني مرات اصرخ من غير سبب
مع اني هاديه واكرهه الازعاج
بس وضعي يتطلب اصرخ :d