أعـامل رفيجــتي جنها تشتغل عنــدي -مشـكله- !!

[ذات الهمة العالية]

سبحانه الله يمكن اهى تعامل اهلها جذية فسلطك الله عليها

لأن اهم شىء معاملة الأهل
والله يعين لأن ساعات نفلهااااااا على اهل طيبن والله المستعان

 

[منو انت]

كنت برد عليج بس لما شفت توقيعج قلت اسكت احسن

عندج بالتوقيع تقولين صعب اني انا اتغير

وترى هذي اكبر مشكله حلو انج تعترفين انج غلطانه بس اللي مو حلو ان ماعندج استعداد تصلحين الغلط

 

[جلكسيه اس 3]

حبيبتي لاتقولين ماقدر ترا كله من بليس

انا يوم كنت مع زوجي كنت اقول ماقدر اتغير ماقدر
في اشياء الواحد صعب يسويها او انه كبريائه يصور له انه صعب
تدرين شنو الي صار خسرته و طلقني لاكن بعد الطلاق وايد اشياء تغيرت
احنا بالدنيا عابرين سبيل لازم انطبق كل شي مذكور في القران الكريم و ما نقعد بهالكون حق العبث و الاشياء السخيفه
و صدقيني اذا هدوج صديقاتج بتموتين ندم و اتقولين يليت بس وقتها ما ينفع. فكري انه من باب حرااام و الحلال واذا عصبتي على طول استغفري و حاولي تستغفرين و تقرين قران على طول و الاذكار الصباح و المساء. انا لول كله جذي بمووت من العصبيه لي درجة قلبي ينفجر.
بس الحين بعد ماتغيرت وصرت حيل قريبه من ربي على طول مرتاحه صح مرات اعصب و يضيق خلقي بس عالاقل اخف من وايد

 

[أبلة فاتن]

انتي ولاخت اللي ردت عليج بالموضوع نفس الخط واللون لووول

عبالي تكلمين نفسج هههههههههههههه

اقول حبوبه لا يكثر والله


صلي عالنبي وخلج نثيه خلي الانوثه والطيبه تقطر منج


دفاشه وصراخ شخليتي للشباب نبي المرأه العربية مثال للانوثه

​

 

[* ليــــدي *]

شخصيتج متسلطه في بالنت طرق علاجها

 

[عود جبريت]

حبيبتي لاتقولين ماقدر ترا كله من بليس

انا يوم كنت مع زوجي كنت اقول ماقدر اتغير ماقدر
في اشياء الواحد صعب يسويها او انه كبريائه يصور له انه صعب
تدرين شنو الي صار خسرته و طلقني لاكن بعد الطلاق وايد اشياء تغيرت
احنا بالدنيا عابرين سبيل لازم انطبق كل شي مذكور في القران الكريم و ما نقعد بهالكون حق العبث و الاشياء السخيفه
و صدقيني اذا هدوج صديقاتج بتموتين ندم و اتقولين يليت بس وقتها ما ينفع. فكري انه من باب حرااام و الحلال واذا عصبتي على طول استغفري و حاولي تستغفرين و تقرين قران على طول و الاذكار الصباح و المساء. انا لول كله جذي بمووت من العصبيه لي درجة قلبي ينفجر.
بس الحين بعد ماتغيرت وصرت حيل قريبه من ربي على طول مرتاحه صح مرات اعصب و يضيق خلقي بس عالاقل اخف من وايد

ردج وااااااااااايد مريح

تسلمين والله ماقصرتي

وكلكم يعطيكم العافيه وانا لو مابي اتغير جان ما تعبت نفسي وكتبت موضوع بس لأنه السالفه شاغله بالي هالأيام

 

[عود جبريت]

شخصيتج متسلطه في بالنت طرق علاجها

تدرين عاد قبل جم يوم قاعده افكر ليش كله اعصب على الاوادم وازفهم واجعم معني مو مغروره بالعكس تماما

وبما انه خواتي مو معاي بالبيت فـ حطيت الحره برفيجاتي بس قلت مستحيل رفيجاتي راح يتحملوني لأني مصختها

انا ما اقول عن نفسي متسلطه بس "عصبيه" وابي نصايح يعني احد جرب يسوي شي ويهدي اعصابه

ابي اصير رييلاااااااكس وما امشي وازف خلق الله

 

[طموح لايتوقف]

صراحه صديقاتك ونعم الصديقااات أحمدي ربك اللي رزقك مثلهم ، نصيحه تمسكي فيها وااضح انها طيبه ومتتمسكه في صداقتك علشان كذا طوف لك بعض التصرفات هذا أن دل دل على أنها تحبك وهذه ميزة الصديقه وكمان أنتي مبين أنك طيوبه وتحبينهم بس الله يهديك فيك طبع العصبيه حااولي تغيرينه ععلشان ماتخسرينهم وتالي ماينفع االصوت
وموفقه حياتووالله لايفرق بينكم

 

[a3sh8k]

لانها البنت محترمه [ تستحي تسوي الي انتي تسوينه

ترآ تحــــآسبين يؤؤم القيآمه علي معاملتج لهآ [ يمكن آهي تتضايق بسس ماتبين لكم

ويمكــ،ن لانج رفيجتها وتعودت علي طبعج يعني عندها عادي [ بسس سالفت انج تفشلينا حرآآآم علييج مؤهذي جزآآآتهآآ

 

[دفئ ليالينا]

الغلط منكم الاثنين هم يرضو على نفسهم الذل والاهانه وانتي متسلطه وساديا ابحثي عن مواقع استشاري نفسي واكتبي مشكلتكي هناك ضروري تعالجي هالمشكله

 

[نوره 99]

انتي قلبك طيب
بس شخصيتك متسلطة
حاولي تغيرين من هالشي
وتذكري كما تدين تدان

 

[نونه المنكوشه]

اويلى بس تدرين لوانا مكان رفيجتج وربى اعلقج واعاملج معامله اخليج تفترين ع نفسج صج ان اكرمت الكريم ملكت وان اكرمت اللئيم تمردااا بختصار انتى ماتستاهلين الصداقه شنو لايكون حسبالج انها خدامه عندج علشان اتضرطين ع راسها بس تستاهل رفيجتج لانه اللى يسكت ع اللى مثلج يستاهل هالمعامله وربى لومنها اقطعج امحيج من الوجود

 

[مهندسة الابيات]

حبي هي ما تسكت الا لانها تحبج صج وما تبي تخسرج
وانا برايي لو انتي صج تعزينها جان ما غلطتي عليها

حبيبتي غيري اسلوبج ترى البنت صدقيني بيها يوم و تمل منج ومن اسلوبج


حب لاخيك كما تحب لنفسك اذ انتي ما ترضين حد يصارخ عليج هذا مو معناته انج تستقوين على الفقيره

 

[♥ SWeeRa ♥]

شوفي اذا انتو حيل مع بعض عاااااااااااااااااادي



انا معاي بالدوام مرات يقولون يوووووه ياساره انتي فيج وفيج وفيج
بس على ضحك
وللعلم اعرف كل وحده وشنو بقلبهم

انا باااااااااااااااااااااارده لدرجة محد يتصورها
يقولون لي يووووه انتي شلون تعيشين بارده وماتبدرين شي
لو وحده ثانيه تقولها لي ازعل بس هم عادي

والا مرات اقول سالفه تسكتني وحده
لان تعرفني اني بخورها فـ تجعمني وانجعم واسكت ههههههههه



حبوبه اذا انتي مثل ماقلتي طيبه وحبوبه والله عادي يحبونج
انتي قولي لرفيجتج انا كله اسكتج وامشيج على كيفي
قوليلها ماودج على يوم تحذفيني بسيارتج
يعني قوليلها على نغزات

 

[كراميلا مرة]

انا مثلج حدي عصبيه
بس صديقاتي خط احمر
مايعرفون شخصيتي الحقيقيه
الا صديقتيه القريبه مني تتفهمني
وحتى لو صارخت او عصبت تفهمني

حاولي تخففين عصبيه ترى مو الكل يتقبل انك معصبه
وبتضلين وقت لحالج لانه ماحد راح يستحمل انه احد يهينه ويصرخ عليه الوقت كله

 

[بحر الرمال]

والله مادري شقول
بس اذا تزوجتي الظاهر مواضيعج بتترس المنتدى (ترا اضحك) هههههههههههه

 

[قمر بيت أبوها]

عاآآدي مرت علي شخصيات مثل شخصيتك
بس عني أنا اللي ماتحترمني تدور وحده مثلها أنا اهم شي عندي بالصداقه الإحترام والثقه
وصديقتك مثل بعض البنات عندنا تحب تكون مثل العجينه كلن يعجن فيها علي مزاجه وهي تستاهل أجل شخصيتها علي أهلها وانتي سمعآ وطاعه
وترا فيه نوعيه من الحريم مع صديقاتها ومع زوجها تحب تكون منقاده ماعندها كرامه ولا شخصيه واللي يدلعها تتسلط عليه ههههههههههههه
صديقتك ترا منهم
هذا رأي اللي شاف نوعيه مثلي بيعرف وش مقصدي واللي ماشاف ان شاء الله مايشوف

 

[ملآمح . . !]

أنتي لو صج معتبرتهآ رفيجتج .. مآ تصآرخين عليهآ أو تجرحينهآ
وبعدين كل شي له حدوود , ولآزم تعرفين حدودج مع رفيجتج
مو يعني خلآص اذا عطتج وجه مره تتمآدرين عليهآ !
انتبهي ؛
اذا استمريتي ع اسلوبج هذا وشخصيتج , رآح تخسرينهآ و
تخسرين نآس غيرهآ , وبعدين حطي ببآلج ان بكل علآقه
صدآقه ( حقيقيه ) لآزم الـوحده تتنآزل عن اشيآء و تطوّف عشان
مآ تخسر اللي تعزهم ؛
ومثل مآقالت سفييره الكويت , شخصيتج متسلطه و لآزم تعآلجينهآ !


وششكرآ ​

 

[جلكسي بالمكسرات]

حبيبتي السالفة مب سالفة ربعي يحبوني ولا متحمليني !
السالفة سالفة أنا اخلاقي لازم أعدلها
يعني عادي عندج اتمين بهالاخلاق ؟
والله انا لين عاملت حد مب زين تجيني ضيقة الدنيااااا
ترى الاخلاق هي ألي تثقل الموازين يوم الحساب

 

[بكتني الذكريات]

اكرة الشخصية هذي