جنطة ملونة هابين فيها الحين ، يقولون ماركة ايطالية وتنباع عند محلات سامبا وجذي ؟؟؟؟

[( المـلاك )]

السلام عليكم ،،


قبل جم يوم كنا بالافنيوز و في محل صوب سكشن الماركات ماذكر شنو اسمه
بس اللي يبيع 3 انواع من الماركات حق الجناط والبواكه والحزم

1- فيرساشي جينز
2- و شيروتي
3- و هالماركة الايطالية الملونة

.

المهم صارلي فترة اشوف وايد بنات ماسكين هالجنطة
يوم شفتها بالمحل شفت بس جم حبه وماعجبوني اشكالهم كانوا صغار وانا ماحب الجنطة الصغيره

فقالي اللي يبيع انه هالماركة مو موجوده الا بايطاليا عندهم
والحين متوزعه عندنا بالكويت
و عشان جذي خالصين
لانه خلال شهر كان نص المحل من هالجناط
والحين بس بقوا هذيل
واصلا هالجنطة صارت هبة بنات الكويت
وخلال شهرين كل الكويتيات مسكوها

.

بنات الجنطة صايره لون كحلي بازرق باصفر باحمر جذي يعني ملونه
كلهم نفس الطباعه بس الستايلات والاحجام تختلف

.

و سألت رفيجتي عنها قالت اييي عرفتها هالجنطة ماركة ايطالية يديده وتوه هابين فيها
و ما تحصلينها الا هالمحل بالافنيوز و محلات سامبا وقصر الجلود وهذيل يعني

.

المهم قلت مالي الا كويتيات
يعلموني شسالفه هالجنطة وهالماركة
و شنو اسمها اصلا عشان بسوي عليها سيرج
و من متى هابين فيها ؟


و ثانكيوووو مقدماااا :rerrerek:

 

[M!SS:SOSO]

ماكووو صور

 

[مزيوونة]

ايوا جني عرفت قصدج اذا اللي فبالي
هي وفيها كحلي وبرتقالي واصفر وابيض الزخرفة جنها نص دائرة ملونة وفيها كلام بالنجليزي
اذا رحتي البيرق تلقينها ع البوستر من برا المجمع صح << اقص ايدي اذا فهمتي هههههههه

 

[@سيدة نفسي@]

تصدقين شفت بنات بالعيد يشترونها من سامبا نقدت عليهم

لوووووووووووووول , بس دام انها هبة مع الخيل ياشقرااا

اشتريها ليش لأ

 

[وحدة من الناس *]

موجوده بسوق شرق فوق

 

[ii DareeN ii]

ماعرف لسبلنق بالانجلش بس اسمها قوانتنوني كانت تنباع بس في دبي والحين يابها سامبا وفي اشكال وايد جربي روحي اكثر من فرع تلقين موديلات مختلفه امس كنت بالصالحية كان عنده وايد موديلات جربي

 

[M!Ss Smart]

اي انا اشتريتها من سامبا الافنيو اسم الماركه قتونيا وعلى حظي لقيت حجم كبير الجنطه حلووه وتقدرين تلبسينها على اكثر من لون لان وايد الوان فيها

 

[( المـلاك )]

ماكووو صور

حبيبتي انا اصلا مو حاطه صور ، لاني ماعرف اسم الماركة عشان اطلع لها صور

ايوا جني عرفت قصدج اذا اللي فبالي
هي وفيها كحلي وبرتقالي واصفر وابيض الزخرفة جنها نص دائرة ملونة وفيها كلام بالنجليزي
اذا رحتي البيرق تلقينها ع البوستر من برا المجمع صح << اقص ايدي اذا فهمتي هههههههه

ههههههههه فديتج
صج كلامج بوصف الجنطة
بس سالفه بوستر البيرق مادري عنها
بس صح هذي الجنطة اللي اقصدها

تصدقين شفت بنات بالعيد يشترونها من سامبا نقدت عليهم

لوووووووووووووول , بس دام انها هبة مع الخيل ياشقرااا

اشتريها ليش لأ

لوووووووول والله انتي خوش تشجيع صراحه
باخذج معاي لما افتر بالسوقه

 

[( المـلاك )]

موجوده بسوق شرق فوق

شكرا حبيبتي ، بس شسم المحل اللي يبيعها ؟؟

ماعرف لسبلنق بالانجلش بس اسمها قوانتنوني كانت تنباع بس في دبي والحين يابها سامبا وفي اشكال وايد جربي روحي اكثر من فرع تلقين موديلات مختلفه امس كنت بالصالحية كان عنده وايد موديلات جربي

ايوااا لانه يوم قريت الكتبه عالسريع ما استوعبتها بس كان فيها اخر شي نوني شي جذي فالظاهر اهيا الحين بسوي سيرج واشوف ،،
وحبيبتي بالصالحيه وين اي محل رحتي ؟؟

اي انا اشتريتها من سامبا الافنيو اسم الماركه قتونيا وعلى حظي لقيت حجم كبير الجنطه حلووه وتقدرين تلبسينها على اكثر من لون لان وايد الوان فيها

ثانكيوو حبيبتي ماقصرتي

 

[( المـلاك )]

بنات سويت سيرج عالاسامي اللي قلتوها
ما طلعلي
لا قوانتنوني و لا قتونيا

منو عندها صور تحطها ؟
وتقولنا الفروع اللي تبيعها وين ؟
واسم الماركة بلييييييييز السبيلينق بالانجلش


اب اب اب

 

[مزيوونة]

لقيتهااااااا والله << مومصدقة قاعدة احوس عليها
اللمهم اكتبي بقوقل صور ( شنطة الهبة ) وبتلقينها اول صورتين ياليت اعرف انزل انا شابكة بايبود وانشالله هي اللي ببالج << بس ترا غاااالية انا لما شفتها بالبيرق كانت بمية وشي
*

 

[مزيوونة]

شنطة GattInoNi

هذا اسمهااا

 

[( المـلاك )]

ايواااااا

بعد قلبي مزيووونة :****


و لقيت اسم الماركة Gattinoni

و هذي صورة لوحده منهم

 

[( المـلاك )]

 

[manoooram]

نفس جنطة وحده معاي بالدوام نازله من الصيف اللي طاف عندنا بالكويت

 

[مزيوونة]

زين اشوا هههههههههه
بس ترا هبو فيهاا من زمان ولها اكثر من شكل بس احلا شي الكبيرة وووبس يا حجية
انشالله تشترينا وتقطعينها بالعافية

 

[( المـلاك )]

حبيبتي مزيونة والله :**

ايي سويت سيرج عليها وشفت شسالفتها

نزلت بالكويت شهر 8 يعني صارلها الحين 6 شهور
و هابين فيها من قبل 4 شهور وليلحينهم

انشالله قريب بشتريلي وحده
بس بحوس بالافرع تبع سامبا ادورلي وحده كبيرة و حلوة

:**

 

[krkooora]

اول مرة اشوفها صراحه!

الهبه والله الحين سيلين

 

[Meyyawa]

عندي منها خذيتها من ايطاليا شي و70 استغربت اهني تنباع على 200 !

 

[شموخ]

اي حبيبتي نفس كلام مزيونة هبوا فيها من زماااان تقريبا الحين محد قام يلبسها
نصيحتي اذا بتقطين هالمبلغ اخذيلج إل في - سي اتش - موسكينو

لانها تقريبا نفس اسعارهم


و سامبا موجود بالبيرق بعد صوب سنتر بوينت بس تحت


و اخذيلج فره بمجمع الثريا ترى مسوين سييييييييييل عالماركات وبعد الافنيو صوب الماركات هم سيل حلوووووووووووووو
من 30% و فوووووق