تجمُع مستجدآت ومستمرآت cba اليديـد .. ~

[QueeN_q8]

صبايا ........كل الشعب مغلقه .......ماراح يفتحون شعب يديده ولا شنو
(متى الباي فورس)
وهمن عندي سؤال الحين مثلا اذا ابي اسجل علم اجرام (الباي فورس) اروح ادارية ولا حقوق

 

[q8awya]

بنات مدخل رعايه اجتماعيه شلونها الماده؟

مااده واايد سهله وترفع المعدل اخذيهاا عند د.حاامد المطيري ​

 

[! q8ya !]

انفاس شوفي تقييمات عادل العدواني بموقع الجامعه


عادل العدواني

/

التقييمملاحظات الطلبة- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به

مادة تاخذ وقت للدراسة وشويه صعبة كتور عادل هو محليها . شخصيته وايد محترمه مع الكل وماعنده تفرقة بين الطلبة
​

- النجوم:
- المستوى: صعب جدا
- الشرح: شرح ضعيف
- حصلت على: B
لا ننصح به

من ناحية الاخلاق و التعامل الدكتور خوش واحد
من ناحية الشرح و في هذي المادة بالذات "صفر"
يطلب طلبات تعجيزية و امتحاناته قمة الاعجاز
ما يثبت على راي كل يوم له كلمة على باله احنا عباقرة يبينا نكتب كود البرنامج بالتفصيل في ورقة الامتحان بدون مساعدة كمبيوتر او كتاب
من اصل خمس طلبة طالب واحد تخرج اللي اهو انا و الباجي سحبوا من المادة
و بعد كل التعب عطاني بي ماينس
​

- النجوم:
- المستوى: صعب
- الشرح: شرح جيد جدا
- حصلت على: C
ننصح به

المادة عموما صعبة!! والدكتور عادل احسن من غيره من ناحية الدرجات والمعاملة والشرح . انصح فيه
​

- النجوم:
- المستوى: متوسط الصعوبة
- الشرح: شرح جيد جدا
- حصلت على: C
ننصح به

el dr mu7taram w akhlaaaqa 3aalya w yefham shenu yabe el student

maya36eena quizes w ma yakheth el attendance bas kaan ya7feth menu elle ya7ther w menu elle ma ya7ther w ya7feth el asaami ba3ad

kaan el final mwa77ad w feeh essay questions.. dakhal 3alaina w gaallena lat7elloon el essay questions w akher shay refa3na two grades.. 3ajeeeb 7adda w latfakroon takhthoon ella 3enda ..
​

- النجوم:
- المستوى: سهل
- الشرح: شرح ممتاز
- حصلت على: A
ننصح به

الدكتور فوق الوصف و الخيال .....دكتور ما أقدر أصفه بكلمه و لا بعشر كلمات ......محترم لأقصى درجة ....بروفيسور بمعنى الكلمه ....مرات يذكرني بفلسفة آنشتاين .....
إتحس إنه يقدر يبدع بأي مجال ......
شرحه يعيشك بجو التكنيلوجيا و يفهمك أشياء عمرك ما فهمتها
سلس بالتعامل و حقاني وايد.....حبوب وطيب و خلوق ....
فاهم المادة ....ولو بيده يغير عصر التكنيلوجيا .....
لا يطوفكم .... روعة ....إبداع........و الله يوفقكم
​

- النجوم:
- المستوى: سهل
- الشرح: شرح جيد جدا
- حصلت على: A
ننصح به

الدكتور قــــــمـــــــة !!!

في الشرح .. في التعامل .. في الاخلاق .. في الدرجات =)

تحسه صج صج صج دكتور بمعنى الكلمة مع انه اصغر استاذ بروفيسور بالجامعة كلها !

ما يخليك تمل بالمحاضرة .. وآخر كل اسبوع يسوي كوز عجيب على شكل مسابقة بين القروبات بالكلاس .. والفريق الفايز له درجات .. يعني تستانس واذا ما فزت ما تخسر =)

يحب المناقشة وشرحه حلو وما يكرفك بالمادة كلش مثل الباجي .. وبالنهاية يزيد قريدات بعد شتبون ;d

هالدكتور لو يصير رئيس الجامعة جان احنا بخير ..!
​

- النجوم:
- المستوى: سهل
- الشرح: شرح ممتاز
- حصلت على: A
ننصح به

دكتور محترم لأبعد جد ويتعامل بكل احترام مع الطلبة. فاهم المادة وايد ويشرح رؤوس اقلام ويخلينل احنا اللي ندرس حيل.
​

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به

خوش دكتور وشرح مبسط للغاية ومتفهم للطلبة. أمتحاناته متوسطه الصعوبه والبروجكت يونس وخفيف علينا.

​

- النجوم:
- المستوى: صعب
- الشرح: شرح غير مفهوم
- حصلت على: B
لا ننصح به

دكتور .... فاشل كسوووووول لأقصى درجة .. شرح صففرر .. بس طيب كتعامل ومحترم .. بس شالفايدة اذا محترم وخوش ريال بس كدكتور مهمته انه يشرح المادة ويفهمنا فاشل فيها .. كل من مدحلي اياه بس تحسسسسفت بالنهاية لان اصلا الامتحانات موحدة .. انصحكم اخذو عند دكتور " يفهم " ويشششرححح .. المادة محتاجة شرح
​

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به

أنا أمس طلعت درجتي يعطيك ألف عافية دكتووووور على الكيرف صج صج ماقصرت خذيت بي عطاني بي بلس وطبعا إذا أنت معدلك عالي يرفعك اكثر
​

- النجوم:
- المستوى: سهل
- الشرح: شرح متوسط
- حصلت على: A
ننصح به

دكتور طيييييييييييييييييب
​

- النجوم:
- المستوى: سهل
- الشرح: شرح ممتاز
- حصلت على: B
ننصح به

محترم و يقدر و فاهم وايد. اهو بروفيسور مو مثل الباجي. شرحه و ايد زين
​

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به

و الله على راسي دكتور عادل العدواني. قمة المعاملة و الشرح و الفهم
​

- النجوم:
- المستوى: سهل
- الشرح: شرح متوسط
- حصلت على: B
ننصح به

دكتور محترم جداً ، يقدر الطالب وواضح جداً إنه فاهم المادة عدل وما يهتم بالغياب وايد ولأن المادة جامدة وايد الدكتور يحاول يتكلم عن مواضيع خارج الكتاب ليعيد النشاط للطالب ، شرح الدكتور عادي وطريقته بالشرح هادية جداً ووايد يقول ( فيه سؤال ) ووايد يحب الطالب الي يسأل ، الحلو بالدكتور إنه ما يقعد طول المحاضرة يعني يخلص الشرح بنص المحاضرة بالكثير
​

- النجوم:
- المستوى: سهل جدا
- الشرح: شرح ممتاز
- حصلت على: B
ننصح به

روووووووووووووعة وايد محترم ومايثقل عليك بالمحاضرة
نص المحاضره شرح والنص الثاني يا نمشي او نقعد انسولف معاه عن اي موضوع خارجي بوجكتات ماكو هوم وركات ماكوو بطيخ ماكو الريال يشرح الماده وكان الله غفورا رحيما ))
​

 

[الحورية الصغيرة]

صبايا ........كل الشعب مغلقه .......ماراح يفتحون شعب يديده ولا شنو
(متى الباي فورس)
وهمن عندي سؤال الحين مثلا اذا ابي اسجل علم اجرام (الباي فورس) اروح ادارية ولا حقوق

حقوق


شرايكم نقدم إقتراح أنه على الاقل ال4 مواد الإختيارية الإجبارية علينا نسجلها باي فورس الإدارية


صج كلموا أعضاء الرابطه

 

[q8awya]

بنات في ماده بالاداريه اسمها مقدمه في الاداره العامه

هذي شنو؟ وجربت اسجل فيها توقعت بيطلعلي غير مستوفي ، بس استغربت انها سجلت !!

أول مره أسمع فيها

هذا رقمها 1060101

هالماده سلملج الله بس حق اللي ماخذيين مسااند اداره عامه ويكونون بره الكليه وتكوون بالعربي بس اذا انتي بالاداريه ما اعتقد انها يحسبونهاا لج تأكدي بالمجرشيت احسن​

 

[أم منيـرة]

بنـآت ياليت تكتبـون تجـآربكم مع الدكـآترة الي خذيتو عندهم الكورسـآت الي طافت ..
عشان تفيـدونا ، لان ممكن نـآخذ عندهم

بهالمـوضوع ..

http://www.q8yat.com/t683825-5.html

 

[B.H.A]

عندي سؤال محيرني
لما بنقدم برزنتيشن لازم نحفظه ولا عادي نقراه ؟!!

 

[الحورية الصغيرة]

القاريه تخسرين 20 درجة

يعني لازم حفظ و يكون مدته دقيقتين

 

[الحورية الصغيرة]

و اذا انتي 096 لا تخافين راح يكون في قروب معاج تقسمين الشغل بينكم ~

 

[أم منيـرة]

الي سألت عن البرزنتيشن ،

لازم تحفظيـنه أفضل لج اذا تبين تضمنين الدرجه

 

[JaN JaN]

اللي يسأل عن د عادل العدواني انا كنت ماخذه عنده الكورس اللي طاف ,, اهو خووش دكتور وطيب ومحتررم بس شرحه ينووم ,, وامتحاناته مو موحده مثل باجي الدكاتره ,, الميدتيرم كان صعب بس الفاينل سههلل واهو حقااني ويعطي كل طالب حقه

 

[JaN JaN]

بناات شرايكم بالدكتور انس التوره سجلت عنده اصول التزام ؟؟!!


ابي مواد اختياريه بس ما حصلت الا هالماده اللي تعرف اي شي عن الدكتور والماده تقوللي بليز

 

[amorous]

بنات منو مسجلة محاسبة 1وتبي تسحبها ؟؟؟

:eh_s(4):

عندي مادتين إختيارية بسحبها إذا حصلت محاسبة !!!

:eh_s(16):

 

[GaMaZzZza]

^
^
شنهي المادتين ؟؟

 

[GaMaZzZza]

ابي سلوك تنظيمي عند الجمل و محاسبة منشآت
اللي يعرف احد مسجلهم ويبي يسحبهم يبلغني بلييييز اهني او بتويتر@GhaloyAln

 

[shosh_-]

بنات اساسيات نفط عند جلال عويد
نظام دستوري عند فواز الجدعي
حكومة سياسية الكويت عند هيله المجيمي
زينين؟ حدي متوهقه و هذا الي لقيته

 

[أنفآس الرحيل ~]

كويتيه صج ماكو بروجكت عند عادل العدواني ؟

 

[أنفآس الرحيل ~]

اللي يسأل عن د عادل العدواني انا كنت ماخذه عنده الكورس اللي طاف ,, اهو خووش دكتور وطيب ومحتررم بس شرحه ينووم ,, وامتحاناته مو موحده مثل باجي الدكاتره ,, الميدتيرم كان صعب بس الفاينل سههلل واهو حقااني ويعطي كل طالب حقه

جآن جآن مآيعطي كيرف ؟؟
وصج ماكو بروجكت ؟ مانسوي برزنتيشن ؟ لأن اتذكر qmis كان فيها برزنتيشن

 

[mimi7]

shloun ensajel by force? **** oo wain? egdar asajel el mawad min yded y3ny delete kil el mawad ely sajalthom oo asjel new mawad ? oo bl by force 3ndy wagt mo7aded wala kil ely ra7 esajloon by force weya ba3'9?? asfa adry eny ga3d as2l wayed bs ana madry shno netham el by force ! HELP ME PLEASE !!!!!!!!!! :"(

 

[كويتية1991]

بناات شرايكم بالدكتور انس التوره سجلت عنده اصول التزام ؟؟!!


ابي مواد اختياريه بس ما حصلت الا هالماده اللي تعرف اي شي عن الدكتور والماده تقوللي بليز

انا بعد سجلت عنده بس ما ادري شنو نظامه !!!!