تجهيز لمسة انوثة 3/ تجهيز العطور والبخور والعناية بالمنطقة الحميمة

[Pearla & Ribbons]

تجهيز لمسة انوثة 3/تجهيز العطوروالبخوروالعناية بالمنطقة الحميمة

مشكلتنا في اقليمنا الخليجي وبالكويت خصوصا اذا رأينا شي عجبنا او قطعة ملابس جميلة نشوف اولا كم سعره اذا رخيص خمطنا منه الكثير ،واذا كان غالي وميزانيتنا محدودة فكرنا قليلا ثم ماذا؟ تركناه لفرصة أخرى،،، لا طبعا اخذناه وقلنا جملتنا المعهودة مااااايتعوووض ...
طبعا ناخذه عشان مانخلي شي بخاترنا حرررام...

اذكر اني حين بدأت اجهز ماخليت شي بخاطري وكل شي اشتريه حتى لو كان شي متوفر وناقع بالسوق ...
اتصدقوني القول بان كل شي قلت عنه ماااايتعوض واخذته مقطوط عندي ماستخدمه للاسف ...

اكثر شي استخدمه الحين اقولكم :

تجهيز العطور :
اهم شي اخذيلج كريم رائحة الابط عشان ماتنسون لانه شي مهم مالكم غنا عنه ونصيحتي اخذو فيبيكس وايد حلو خاصة حق السفر هذا تحطين طبقة منه وبعدين حطي فوقه بخة من ديودرنت معطر بخاخ تلقين شكثر يهبلون عند اجمل بس لاتكثرين منه بس بخه...واخذي كريم بوهلي واحد بس ها موحق العرس بعدين لاااا حق الحين عشان يفتح عندج المنطقة الاندرارم

اشتري مجموعة وحدة كاملة من شانيل او نارسيسو وهذه تقدرين تخلينها للعرس مع الثوب الابيض
اخذي العطر ومولازم الحجم الكبير لانه بجد زهقة يقعد وايد واخذي معاه سبري الجسم وسبريه الشعر انا خذيت كوكو مودمازيل وموذاك الاستعمال بعد ...واخذي من محلات اصلية واذا مو اصلي لاتتعبين نفسج

انا خذيت من تناغرا...

اخذي عطر الين هالعطررر موصج هذا سحر لو تشترينه بروحه وماتاخذين ولا عطر انا اشهد انه كاااافي ...عن جد بيخلي الحجر يحكي قلبت لبناني

اخذي مجموعة من محلات طقة بودي شوب ونكتار انا عن تجربة افضل باث اند بودي احلى شي عندهم مجموعة دارك كيز ..
بنات بليز لحد يرد بكمل بليز

 

[Pearla & Ribbons]

اخذي خمريات شعر هذه اهم شي ...
تحطينها عالشعر وهو ناشف بعد ماتسبحين احلى شي اللي مافيها كلام خمرية..

خمرية الجزيرة روعة ...

طبعا تقدرين تنوعين بس لاتكثرين انا خذيت وحدة وجوني هدايا من الشايع والرصاصي وفي عند المرشود بس ترا ماتلحقين عليهم...وحدة تكفي
بعض الازواج مايتقبل ريحة الخمريات وده العود
اذا كنتي تعانين من ريحة شعر كريهة عالجي فروة راسج قبل الزواج واحرصي على الرشوش طالما انتي بنت ماعندج زوج غرقي شعرج بالمحلب والرشوش والسدر ترا يطهر جلد الراس وممكن تستخدمين سورسار الثوم من الصيدلية بس لاتخافين مافي ريحة ثوم ..

مهم جدا عزيزتي العروس تعطير المنطقة خاصة المؤخرة من الخلف وبين الفخوذ (اماكن التصفطات ) احسن عطر هو بودرة المسك الابيض يعني مسك ابيض مطحون تاخذينه من محلات العطور على شكل مكعبات وتطحنينه موجود عند القرشي (اكرر القرشي لان كل شي عنده وماثق بالمحلات الثانية اخاف يكون مغشوش)
او مسك العروس روووعة


شغلة مهمة ايضا هي البودرات ...

احلى بودرة من فكتوريا سيكرت وبس لاتاخذين منهم شي ثاني ترا اغراضهم مقلب ..
وفي عند نعومي بعد بودرة حلوة عبارة عن أفرشة الريش بس بروحها بودرتها منها وفيها ...

في عند اجمل انواع وااايد ورخيصة وحلوة ...

 

[Pearla & Ribbons]

اخذي دهن عود اصلي صافي يعني مومخلوط مع شي هذا تلاقينه عند القرشي يمكن تولة20 اوهند للعطور ربع تولة ب35

اخذي بخور عود صافي يعني مومعمول ولا مخلوط ولامعطر ولامسقى طبعا عند المحلات المعروفة مثل القرشي والمرشود وهند العربية ...هذا تبخرين في ملابسج وشعرج وهو مبلل وجسمج بس هاه لاتحرقين البيت انتبهي هههه ديروا بالكم بجد في بنات مايعرفون يقطون الفحمة بالزبالة عبالهم طافية اهم شي تكبون ماي بالمبخر عشان تتاكدون انها طفت ...
والاهم من هذا كله مسك الطهارة الاسود وهذا موتنطرين العرس عشان تستخدمينه لا احرصي عزيزتي على استخدامه منذ الان بعد الطهارة من كل دورة واحتفظي بالباقي لما بعد العرس لانه شي ضرورررري جدا وسنة وصى بها الرسول مفيد لشد وتنظيف الرحم وهذا يدخل ضمن العناية بالمنطقة ...
شلون استخدمه امسحي المنطقة بقطنة فيها نقط قليلة من مسك الطهارة ..الاصلي عند القرشي

اسماء عطور حلوة وروووعة ورخيصة ومثيرررة

عطر بروميجور روعة تلاقونه بمجلة اكسبرس اللي توصل البيت ويمكن المركز الفرنسي هو نادر بالسوق

عطر رومانس الاخضر من الرصاصي بدينارين ونص يبلاش وخيالي خاصة اذا حطيتي منه عالشعر

عطر جوفال مسك الابيض بدينارين ونص بالجمعيات

كلونيات جونسين الفلبينية تلاقونها بالمحلات اللي تبيع اغراض فلبينيات ويمكن كارفور والحواويج انا لقيتهم بمعرض مشرف الواحد بدينار اختاري اللي لونهم وردي حلوين خبركم شبابنا يموتون بريحة الفلبينيات

عطر بيلوفد عند اجمل وسكيرفاس وقطرات المطر اسعارهم رخيصة حيل

تعطير البيت :
لاتكثرين بخورات لانج ماراح تخلصينهم بيطيحون بجبدج وراح تغيرين بعد العرس بس احلى شي عن تجربة :

القرشي الملكي واحد يكفي يعطيجياه ب17
بخور المعاريس من امل الكويت حلووو بعشر دنانير

 

[Pearla & Ribbons]

-بخور قزاز حلو بس لاتاخذين الغالي
-بخور حنان عبد المحسن يهبل اللي بخمسة يكفيج وااايد ..

نجي للكلونيات :
كلونية اشرقت عند اجمل تهبل كبيرة بعشر دنانير تقريبا بس خلطيها مع ماي ورد كل يوم صبي منها بالمرش شوية
كلونيات اكوا كلها تهبل الوحدة يمكن بدينار ونص ترس عند الزلزلة والرصاصي
شموع بودي سنتر بالعربيد بلازا وحدة تكفي
شموع كب كيك واكياس تعطير الملابس رخيصة وتهبل عند هو سيلكشون بالراية
اهم شي اشتريلج مبخر ومرش وصينية تلاقينهم عند الفايز القطعة يمكن بخمس دك
اهم شي ولاعة اللي تكون جنها مسدس وعلبة فحم هولندي صغيرة مولازم كبيرة
كل هالشغلات تلاقونها بمحل الزلزلة بالعربيد بلازا

عزيزاتي العرس حدث اجتماعي جميل وليس سباق مع الزمن ومع الاسواق مو كل يقولون حلووو تروحين تخمطينه قبل لاتشترين الشي فكري فيه هل راح تحتاجيله ؟ اذا استغنيتي عنه هل راح تتضررين ...حتى الشغلات اللي قلته يمكن ماتعجب البعض يمكن ماتناسب ميزانية البعض على فكرة اشتريت عطورات بالهبل هذا اللي ذكرته من فيض بس الحمدلله على كل فهمت ان كله خرابيط مالها معنى السبب الاهل والصديقات يبون التواليت متروس لحد ماصبحت الغرفة بترجع من الاغراض حتى سببتلي الاحراج ...

 

[Pearla & Ribbons]

الحين ناتي للعناية بالمنطقة الحساسة:

اهم شي نظافة المنطقة وريحتها وملمسها اهم بكثير من اللووون ..

تعلمي ازالة الشعر بالشيرة او بالموس شرط يكون حاد ونسائي طبعا احسن نوع فينوس وبس ..الشيرة انظف ويتاخر الشعر وتفتح المنطقة لكن تسبب ترهل ..والرسول امر بحلق العانة ومن فوائده يشد المنطقة واذا كان ليزر خير وبركة ...

السواد ياتي من التعرق والجفاف احرصي على تنظيف المنطقن وتجفيفها باستمرار مويعني يوميا لا بل كل مادخلتي الحمام...

اشتري حوض (سطل) خاص فيج وتنقعي دايما بماي دافي وملح خشن يعقم وينظف ويزيل الروائح

استخدمي غسول مناسب افضل غسول عن تجربة soforeeleوهوا فرنسي خذيته من صيدلية مستشفى السلام اتوقع موجود ببوتس وايد حلو وومكن تستخدمينه يوميا او اي غسول طبي بالبونج اهم شي تغسلون المنطقة جيدا وتركزون على مابين الفخوذ (التصفطات)لان هذه المنطقة منبع الروائح والخلفية من داخل وبعد الزواج ينظف المهبل من الداخل جيدا طبعا اول شهر يسبب الم بعدين راح تتقبلين وتتحملين ...

 

[Pearla & Ribbons]

واذا كنتي تعانين من مشاكل وحكة بالمنطقة راجعي دكتورة امراض نسا وتناسلية وقوليلها انج فيرجن ماتزوجتي بس تبين تحاليل جلدية وتعتنين بالمنطقة واشرحيلها المشاكل اللي تعانين منها ...عادة راح تعطيج حبة مضاد حيوي تقتل البكتريا وتاخذلج مسحة للمهبل ...

اثناء الدورة اعتني جيدا بنفسك واحرصي على المشروبات الساخنة والملابس الدافية والاكل الجيد وحذار من المشروبات الغازية لانها العدو الاول للمراة والجمال...
اشربي الزعتر مهم جدا والمرة مع أقهوة والكمووون خيااالي يشد الجسم وينظف المهبل واكلي اكل مفيد يناسب الدورة مثل العصيدة والخبز والمرقوق والفلفل الاسود مفيد مع الاكل ومع البطاطا والحلبة واكثري من شرب الماء مهم جدا جدا جدا الماي بالدورة طبعا كلكم عارفين نظام الدورة التزمو فيه ...لانه راح ينعكس عليكم بعد الزواج...

اهم شي احرصي على استخدام المسك الاسود مسك الطهارة بعد كل دورة

 

[Pearla & Ribbons]

شاكره لكم مروركم والحين الله الله بالردود الزينة والله يوفقكم كلكم ويرزقكم

 

[Pearla & Ribbons]

اب اب اب

 

[اهذريبك~]

ماشاء الله عليييييييييج كفيتي ووفيتي وصح كلآآآآآآآآآآآآآمج والله خواتي اغلب ملابسهم مانلبسو
وحلات الشغل ذرب وحلو احسن من وآيد ومو حلوو
يعطيج الف عافييييييه
بس نبي عناية المنطقة الحساسه شنو احسن كريمات لها وماتضر واحسن غسول حق الحين وحق يوم العرس

 

[ليالى الحنين]

ماشاء الله فددددددددديتج

 

[Pearla & Ribbons]

اشكر مروركم حبيباتي تسلمون حبيبتي اهذريبك الغسول اللي قلت عنه وصفتلياه الدكتورة لما كنت بنت وبالنسبة لتبييض المنطقة يختلف من بنت لبنت حسب بشرتها انصحج تستشيرين دكتورة جلدية والتقشير بملح اليوكو وفركيها بالليمون بعدين حطي طبقة نشا وبودرة تلك راح تصير النشا لونه اسود لانه يمتص السواد وفركيها بالحنا البيضا السائلة هذه افضل الاشياء واذا عرفتي شي بشرينا

 

[Pearla & Ribbons]

شدعوة مافي اب عالاقل

 

[Pearla & Ribbons]

اب اب اب

 

[Pearla & Ribbons]

اب اب اب

 

[^لغموضي معاني^]

ماااااااااااااقصرتي


بانتظااار الابدااع

 

[um sara50]

مشكوره حبي ويعطيكي العافيه

 

[انسانه بلا حدود]

مشكووووووووووووره

 

[lady-me]

يعطيج العافيه وماتقصرين

حلو كلامج... ريحني والله احس اكثر كلامج معقول و بسيط مو مثل البنات الي يخرعونج بالتجهيز وبالاعتناء هههه دخت منهم

 

[قلبهـ 86]

يعطيج العاااااافيه ،

 

[*باروكة شعـر*]

كفيتي ووفيتي

الله يعطيج العافيه