ألف ألف ألف مبروك التخّرج
شنو الوظيفه الي تبينها ؟
والله يووووفج يااارب
انا بإذن الله ناويه أتخصص علم اجتماع / مساند علم نفس
أول كورس خذيت " مدخل علم نفس + انجليزي 141 "
و الكورس الثاني مفكره أسجل من هالمواد :
- مدخل علم اجتماع / نظريه كلاسيكيه / مدخل رعايه اجتماعيه
مهارات معلوماتيه / ثقافه إسلاميه / مدخل علم نفس المرأه
صح موادي ؟
والله يوووفقج يارب
أجمعين يارب والله يبارك فيج
آنـا ناوية اقدم عالتربية أبي أصير مدرسّة
قالولي مايبيلج واسطة
قدمي وراح يدقون عليج عشان المقابله
والمقابله سهله
تطلع نتيجتها وتصيرين مدّرسه بإذن الله
لان وظيفة الجامعية معاشها 730 بس
والمدرسة 1000 وشي وايد فرق عسى الله يوفقني وأنقبل
بالنسبة للتخصص سهل ويهبل ومساندج بعد المواد سهله وخفيفه وحلوة
موادج
- مدخل علم اجتماع : ضروري تاخذين الماده لانها بالتخصص الرئيسي احسن دكتور لها عامر الصالح والماده شوي دسمة بس عادي مو صعبه ولاتخرعج بالتخصص لان مواد التخصص اسهل منها
/ نظريه كلاسيكيه : كل كوس دكتور غير يحتكرها اتوقع الحين يدرّسها فواز العنزي خوش دكتور زين والماده شوي ملييييقة بس الزامية للتخصص
/ مدخل رعايه اجتماعيه : لاااااااااااااااا لاااا تاخذينها راح تضيع عليج لانها مو معانا بالتخصص
مهارات معلوماتيه: اخذتها عند ليلى معروف تهبل
/ ثقافه إسلاميه: حيييييييل سهله اخذتها عند غواد برد العنزي
/ مدخل علم نفس المرأه : هذي من المواد العامه الزامية صح؟
عند امينه السماك
المااااااااااااااااده حيل حلوة وسهله بس الدكتورة تلوع الجبد وتظلم محد ينزلها الا اهي
والمواد الاختيارية اللي فيها ثقافه اسلامية ومدخل اعلام ومدخل سياسه
لازم تاخذين منهم اثنين عدل ؟
بما انج نفس تخصصي لا تصيرين مثل غلطتي
يعني مدخل علم اجتماع راح تدخل من مواد التخصص
وعلم نفس من مواد تخصص المساند
انتي اخذت وحده تعتبرين اللي اهي ثقافه
الثانية لازم تاخذين مدخل انثروبولوجيا
لانج علم اجتماااااع
يعني لما تاخذي انثربولوجيا وثقافه السلامية
تكونين خلصتي الاختياري
