ليش الشينه تآخذ احسن واحد و الزينه....!!!؟؟؟؟

[ميس المشاعر]

ذكرتيني ....
العيايز لمااا يشوفوون وحدة بالجمعيه او بالسوق او حتى بالشارع ماسكه سمتهااا وغاضه بصرهااا وماعندهااا سوالف كيري ميري رفعواا ايديهم وقالوا<<<< الله يخليهاااا لأهلهاااا<< تقعد ابيت ابوهاا يعني لمتىآآآآ هع هع الله يرزقهاا زين
وليه شافوا وحدة عندهااا كيري ميري والعياذ بالله قالوااا رفعوا ايدهم يدعون <<< الله يستر عليهااااا << يعني الزوج اللي يضفهاااا هع هع الله يهديهاااا زين

ياريت بس يستوعبون اللي يدعونه يااااا نااااااااااااس تكفووووون ادعواااا صح يقولون ولو اني ما احب وكاله يقوولووون <<< دعواتهم مستجاابه هههههههههههههههههههه

رآآآيي <<< اللي تتقرب من ربهااا بالتقوى والعمل الصالح ربي يزيدهااا من فضله ويرزقهاا من حيث لا تحتسب
ودي لج

 

[JOoORY2000]

ارزاق
في وحدة عجوز كانت تقول
حظ الوحدة من ليلة عرسهاا .، اذا زين زين واذا شين لا. تنطر العمر
كله تقول بيزين هههههههه
كلام عجايز عاد
بس هذي ارزاق ربج

ذكرتيني برفيجتي (( احنا مدرسات )) وعندنا اجتماع اولياء امور
الا تجي ذيك الام اللي ماشاء الله عليهااا اللبس الذرابه المشيه السكبه
ولا وبعد الالماس يبرق من بعيد والساعه ماااركة ام 12الالاف مو احنا بالف دينار وخاشتها عند امي بعد
المهم جان تقول لرفيجتي انا ماتهمني الشطارة اهم شي الاخلاق عرفتي ...
رفيجتي منثوله ربع ساعه قلت لها اشفيج جان تقول هذي رفيجتي بالمدرسه قبل ايام المتوسطة وفااشله بالمدرسه
وكله تهرب تنط من السور ثلاث مرات قام ابوهل زوجهااا
زوجهااا ميلياردير ... وعيالهااا ما شاااء الله ععليهم قمة بااخلاق والتربيه والهدوء والشطارة


ضحكت علي رفيجتي زوجها وحمولتها مو زينين معاها .. قلت لهااا لو ناطة السور معاهاا. ولا انتي اهني مكروفه من الزوج والحموله والمدرسه
ولا احد راضي عليج 

 

[JOoORY2000]

سوري علي الاخطاء الاملائية >>>~ لا تقول مدرسه وتغلط بس من الكيبورد

 

[روانتي 12]

ـآللي آلله كـآآتبهه بيصصير .. وكل وحده ونصيبها بهالدنيـآآ . . *

 

[عمرها السعودية]

ههههههههههههه سبحانة ماندري وش الحكمة من هالشي غير انة ارزاق

 

[تذكر خافقي رمحك]

مقيولة الحظ حق الشلقة والبلقة
بس خلو عنكم المطالع مو زين
بالنهاية كل واحد مهو ماخذ غير رزقه

 

[PuPa^^SWeeT]

ياقلبي انتي


مايهناالي بااال اني مارد عالموضوع


حتى لو ردي بتشوفينه قاسي بس ياقلبي


هذا الصج



ترا التفكيير هذا ترا من وساوس الشيطان

لاتخلين الشيطان يزين لج هالتفكيير


ترا ربج عاادل و من اسماءه العدل


ربج ماراح يرزق التقية والبرييئة اللي تخاف ربها رزقة ولا زواج مووذي


الا لغرض ابتلاءها و معرفة سعة صبرها


انه الله احب مؤمنا ان يبليه



وعبالج اللي جربت و ذاقت و لعبت انها سعييدة بزواجها


لو مو سعييدة ياحبيبتي ربج بيذوقها الشقا عاجلا او اجلا


بوريها نتايج افعالها في بنتها ولا ولدها


ياحبيبتي تعوذي من ابلييس


وتركي عنج هالافكااار

ولاتفكريين بهالصووورة

ربج عاادل


واللي مايعجبها نصييبها تستغفر ربها و تدعي انه ورييها الزيين اللي اهيي فيه


وترا القنااعة حلوةةة

 

[أمواج البحر]

بكل بساطه وعلى نياتكم ترزقون

احنا ما نعلم بالنوايا والخفايا

ممكن هاللي كانت موزينه تابت توبة نصوح و دعت ربها يرزقها بالزوج الصالح

واللي تكون زينه ممكن انها دعت ربها تتزوج وبس

اهم شي نيتج

وثقي تماما ان ربي سبحانه ما يظلم احد وهو العااااااادل ولا اعتراض على حكمه

بس لا تعممون يعني الحين كل وحده متهنيه بحياتها معناتها كانت مو زينه واخلاقها موشي

 

[حروف الأمل]

هذي ارادة الله سبحانه

 

[PuPa^^SWeeT]

ترا امبييييه الاية اللي كتبتها من العييلة كتبتها غلط



اللهم اني استغفرك و اتوب و اليك

(ان الله ان احب مؤمنا ان يبليه )

يبتلج التفسيير من قوووقل

المصائب والبلاء امتحانٌ للعبد ، وهي علامة حب من الله له؛ إذ هي كالدواء، فإنَّه وإن كان مراً إلا أنَّـك تقدمه على مرارته لمن تحب – ولله المثل الأعلى -

ففي الحديث الصحيح : "إنَّ عِظم الجزاء من عظم البلاء،وإنَّ الله عز وجل إذا أحب قوماً ابتلاهم، فمن رضي فله الرضا، ومن سخط فله السخط"

إنَّ ابتلاء المؤمن كالدواء له، يستخرج منه الأدواء التي لو بقيت فيه لأهلكته أو نقصت ثوابه وأنزلت درجته، فيستخرج الابتلاء والامتحان منه تلك الأدواء، ويستعد به إلى تمام الأجر وعلو المنزلة …"

 

[حالة حنان]

أنا معاج هذا كلامي دااايم أقوله حق أمي
ليش الزينه تاخذ الشين والشينه تاخذ الزين ؟
ليش الجياكر لهن حظ والمزين مالهن حظ؟
بس انشاء الله حظنا عند رب العالمين كبير يارب

 

[ترف بابا]

لا مو شرط ولا نقدر نعممها كقاعدة ...

 

[انسآنه لن تتكرر]

’,
موَ شرطَ هذآآ النصيَب
’,​

 

[نفرتيتي2008]

اييييييييييه الحمد على كل حال جيتي على الجرح الله يرزقنا وياكن

واضيفي شي ثاني حتى الدكاتره والناس الهاي صارو يتزوجون من شرق اسيا هذ ا انا لاحظتي من فتره قصيره

 

[قرنفله 99]

الزواج قسمة و نصيب

و الزينة و الشينة مو انا و لا انتي ولا اي احد يحدد هالشي

لان كل انسان يشوف نفسه احسن واحد و الباجي مو زينين

و ع النيات ترزقون

شكرا ع الموضوع

انا وياها كلامها عدل 100٪

 

[صب القفشه]

الله يرزق البنات علي نياتهم يارب

 

[سويت لاتيه]

دايما اسمع ان الرسول عليه الصلاة والسلام دعى للشينات بالزواج ومن جذيه يتزوجون اسرع

 

[Oops]

حظهم حلو شنسوي بعد
شوفي عندج مثلن هاذي
جنها ليت يمه

 

[إماراتية ملقوفة]

هي مش قاعدة

كله من الله

 

[لورا آشلي]

انتي ذكرتيني فـ برودكاست انتشر يقوووول

ليش الصايعه تتزوج قبل المؤدبه !

الصايعه اذا شافوها الناس قالوا الله يستر عليها

واذا شافوا المؤدبه قالوا الله يخليها لاهلها

يا جمااااااعه ركزوا بدعاويكم الله يخليكم