حلف لي وجذب عــلــي @!!!!

[العز انا]

مرحبا بنات
انا عندي مشكله وابي رايكم فيها وابي افضفض لكم حسو بمعاناتي :eh_s(2):

متزوجه لي 3 سنوات ونص وعندي اعيال .زوجي من تزوجنا واهو مدمن العاب بالنت
اون لاين او بلاستيشن 3اون لاين . وكل اللي يلعب معاهم ماليزيات او امريكيات او امريكين
بالبدايه عصبت وزعلت ورحت لاهلي وزعلت عندهم شهر ونص ردني وحلف لي بالقرأن
مايلعب معاهم ولا يجيهم ولا يكلمهم بالنت . وحلف لي ان ما يضيف بنات بالمسن عنده
وان ما ينزل تويتر و سكاي بي و فيس بوك . تفاجاءت قبل اسبوع يوم رحت مع اهلي للمخيم
ونمت عندهم 4ايام رديت والا الاخ منزل سكاي بي و تويتر و فيس بوك !!!!!!!!!
مع العلم كل مارحت بيت اهلي يسوي لي سوالف ويزعل ويعصب ومايبيني ازور احد وكل يهددني
ترا اذا رحتي العب مع بنات اكلم بنات وهو كلشش ما يكلم بس انصدمت ان ضايف بنت امريكيه بسكاي بي !!! ومسوين قروب شباب وبنات كلهم غرب الا زوجي خليجي :eh_s(14):



أبي حل .!
زعلت عليه قال امسح اللي تبين اخاف انصدم بعدين اذا رحت لاهلي ان رد لسوالفه تعبت حيل ومن امس ابجي :eh_s(16):راسي عورني :eh_s(11):​

 

[كربون امها]

والله اللي يحلف بالقران جذب مامنه رجا الله يعينج
وبعدين اختي شفيها لما يلعب بالعاب اهي صحيح صعبه السالفه بس عاد شتسوين في طبعه جذي الممنوع مرغوب عنده تحملي شوي وانشالله يعوف هذا الشي من نفسه

 

[مـهـرة]

ادعي الله يسخره لج
وتكلمي معاه بهدوء وناقشيه

 

[البرااك]

اول شي حبيبتي انتي لازم تفهمين انك لا تجدين زوجك يحلف علشان لا يحلف جذب وخاصه ابمواظيع كذا لان الريال آملين عليه مدمن هالالعاب فانت و سيارتك شغليه الممنوع مرغوب وموحلوه اتعودينه ايحلف و مايسوي علشان لا يتعود و بعدين يايسييه و صدقيني بيترك

 

[كشوخية]

حبيبتي دام انه كل ما رحتي بيت اهلج ورديتي تلاقين عنده هالسوالف نصيحه لاتباتين عندهم زوريهم وردي بيتج عشان ماياخذ راحته اكثر وتفتحين له مجال قعدي على جبده والله يسخره لج انشالله

 

[فوفو22]

زوجج يعاني من فراغ

اشغليه

بعياله وطلباتهم

بالبيت واحتياجاته

جابلي فتره اطول

لانه الفراغ هو اللي يسحب الانسان لتضيعه الوقت باي شي

فوفو

 

[-_-Designer-_-]

عسى الله يسخرة لج حبيتبي ما عليه , حاولي تتفاهمين معاه بهدووء اذا ما منه فايده خلاص طنشي لان جذي راح تعبين نفسج عالفاضي في رياييل راسهم يابس , بس لا تصرين وايد لان الريال ما يحب المره الي تحن , وعلى فكره الرياييل يحبون هالالعاب ما يستغنوون عن البليستيشن و التويتر و هذا الشي يسويه عشان ينفه عن نفسه خليه براحته يلعب بس ادري لج حق انج ما تبينه يظيف بنات يعني قوليله اوكي العب و دش تويتر و سو الي تبيه بس بدون بنات , بس اذا كل ما بيلعب بتكلمينه راح يمل و يزهق لا سمح الله و بعدين يروح يلعب بره البيت مع ربعه وجذي فنصيحتي لج لا تصرين وايد و انشالله اكون فدتج :eh_s(17):

 

[اخت خالتهم]

حبيبتـي هـذي ألعـاب يعنـي مو خيـانه
وانتي قلتي امريكية و ماليزيه ادري صح موجوده الغيـره
بس اهو مدمن الألعـاب مو مدمن البنـات !

و مـدام حلف لازم يمشي علـى حلفـه غلط اللي يسـويه
و انتي لا تخلين الحل بيت اهلـج
لان لو رحتي ماراح يلقى شي يسويـه الا هالالعـاب

و الله يعينج

 

[ام خدود ورديه]

الله يهديه
وانتي زوري اهلج زياره عاديه
مو لازم اتنامين عندهم دام ريلج جذي

 

[Mrs_s3doun]

لعبي معاه
قوليله علمني بلي ستيشن سووو فريق مثلااا خلي يحس انج تغارين وتبينةتعوضينه بهالشي وقوليله بنزل نفسك سكايبي وفيسبوك وبحط صور عيالك
اذا وافق سويها واذا ما وافق قوليله ليش ما ترضى اذا في شي غلط امسح انت البرامج وانا ما اييبلك سيرتهم بعد

 

[العز انا]

مشكورين كويتيات

بس انا من النوع اللي استحاله انام ببيت اهلي .!
الا اذا طالعين كشته او مخيمين او شاليهات



فوفو22
كل يوم بشغله بطلبات العيال مافي طلبات يوميه

اخت خالتهم
هذا شي يقهر حطي نفسج مكاني


اللي يقهر يرد علي برد عادي ولا كنه مسوي شي يقول انا لو بخون جان سافرت كلمت بالتلفون
ضفت بناتج من وراج وجدامج !!

 

[فرزاتشى]

انا طموشه بس بعطيج كم حل يمكن يفيد يمكن لا
جربي تتفقين وياه يدخل وانتي معه يعني بالشقه تحوسين وهو يلعب مو شررط تطلين
واشغليه حاولي تسوين لج جدول كل يوم وين تروحين وياه شتسوين عشان يحس ان مافي وقت
وترا صدقيني هالاعاب هببه ايام وبعدين تلوع جبده منها
الله يسخره لج ياااارب

 

[انثى عاشقة]

انتي شاركيه الالعاب وضيفي رجال مثله لي عصب ردي عليه ببرود هذي العاب اتسلى فيها مو خيانة
جود يحس ع دمه

 

[العز انا]

فرازاتشي

ماظنتي بنطلع كل يوم وبالاساس
والحمدلله يومين بالاسبوع نطلع مع بعض واعيالنا معانا لكن بلاج من لا رحت بيت اهلي .




انثى
تربيتي ما تسمح لي اضيف شاب !!!
ومره قلت له لو انا اضيف شاب قال تقارنين الرجال والمره مع بعض
قلت له كلن سواسيا عند رب العباد وزفني

 

[G!RLooNa]

مافيها شي خل ينزل تويتر و فيس بووك واللذي منه كلنا عندنا و موقاعدين نخربط مو شرط كل اللي ينزلهم يعني قاعد يخربط

قوليله نزلهم بس شكو تدش قروبات بنات و شباب ما تعرفهم ترضا انا ادش قروبات فيها شباب ماعرفهم ولا يعرفوني؟

 

[انثى عاشقة]

فرازاتشي

ماظنتي بنطلع كل يوم وبالاساس
والحمدلله يومين بالاسبوع نطلع مع بعض واعيالنا معانا لكن بلاج من لا رحت بيت اهلي .




انثى
تربيتي ما تسمح لي اضيف شاب !!!
ومره قلت له لو انا اضيف شاب قال تقارنين الرجال والمره مع بعض
قلت له كلن سواسيا عند رب العباد وزفني

حبيبتي انا ما خليت زوجي يبطل مغازل الا اعيد وازيد عليه اني ممكن اسوي مثلك
مع اني استحالة اسويها لكن استفزه عشان يشيل هم لا اخونه مو بس انا الي احرق دمي
خايفة يخوني هالاستراتيجية قريتها للدكتورة ناعمة الهاشمي وضبطت معي

 

[فطوم 84]

شاركيه باللعب حطوا العاب والعبوا مع بعض ليش مخليتهم اهم يلعبون معاه بهالاجهزه انتي جيبي كيك وجو وعصاير وكشخي وقوليله بلعب معاك تر ا والله الريال مثل الياهل يبي احد يشاركه هواياته والعابه ويسليه خلي بينكم اشيا والعاب مشتركه جذي راح يحس انج قريبه منه هالنقطه ترا مهمه عند ريال يحب المراه اللي تشاركه هوايته ولعبه وتحسسه انها رفيجه له وعشيقه مو بس تفتشين من وراه وتحقيق وتهديدات والله ييسر امورج ويهدي زوجج حبيبتي

 

[love love]

ترا هبه وبيهدها

بس مشكلتج مع حلف القران لا يستصغر السالفه

 

[5σяάƒẽάħ ●●]

لعبي معاه
قوليله علمني بلي ستيشن سووو فريق مثلااا خلي يحس انج تغارين وتبينةتعوضينه بهالشي وقوليله بنزل نفسك سكايبي وفيسبوك وبحط صور عيالك
اذا وافق سويها واذا ما وافق قوليله ليش ما ترضى اذا في شي غلط امسح انت البرامج وانا ما اييبلك سيرتهم بعد

معاها:eh_s(15):​

 

[*E.B.D.A.3*]

شوفي ياعمري انا عندي مبدأ !!

شي يسويه جدامي احسن من شي يسويه من وراي ،
ريلج اذا مدمن هالالعاب، صدقيني لو يحلف اميه مرة، مراح يصدق بحلفه!
خلاص ريلج ادمن هالشي !!!

اشور عليج بشغله .. لا تكبرين الموضوع وايد..
هالالعاب يدشونها بنات وشباب ، ماتقدرين تتدخلين وتسوين منع الاختلاط!!
اصلا هالالعاب مايدشها الا الاجانب .. يعني شبيصير مثلا ؟؟ يتزوج امريكية؟ (طــل) .
انا اقولج ، سمعي سوالفه .. قوليله منو هاذي؟ وليش اهيه عندك؟-> مو بنبرة عتب لا، من باب فضول.
بيسولفلج ويقولج هاذي كيت كيت .. اخذي معلومات عنها ، وعرفي كل الي اهوه يعرفهم.
ميخالف لو هم زودتيها حبتين ، واذا شفتيها شابكه تقولين بكلمها بسولف معاها ..
والا اذا شفتيها شابكه قوليله، اكتب "زوجتي تسلم عليج"

الهدف :
تصيرين صديقته .. تعرفين الي اهوه يعرفه، تعرفين الي جدامه من وراه.
تشاركينه بهالشي وبنفس الوقت كل شي يكون تحت علمج انتي .
سالفه انج تمنعنيه غسلي ايدج نهائيا !!
واكو مثل يقولج " الايد الي مانقدر ندوسها،، نبووسها " !!
خلاص.. خلج his best friend