&& تجمع للحوامل اللي ولادتهم في **اغسطس وسبتمبر** تجمع مميز جدا&&

[علايه]

استبرق الكويت

خطاج السو .. الحمدالله على سلامتج

الحمد الله الله نجاج و نجا اوليدج

ليش ما رحتي دكتوره ثانيه ؟؟

 

[إستبرق الكويت]

الحمدلله على كل حال

الحمدلله الذي لا يحمد على مكروه سواه

راجعت دكتورتي , ولازم اسوي عملية تنظيفات باجر الصبح , الله كريم

الله يثبت حملكم ويفرحكم إلهي آمين

 

[مبدعة]

الحمدلله على كل حال

الحمدلله الذي لا يحمد على مكروه سواه

راجعت دكتورتي , ولازم اسوي عملية تنظيفات باجر الصبح , الله كريم

الله يثبت حملكم ويفرحكم إلهي آمين

حبيبتي استبرق خطاج السو و الحمدلله على سلامتج

و الله يعوضج بالجنين الصالح المتعافي

و الحمدلله اللي حفظكم انتي و وليدج من الشر

قل لن يصيبنا الا ما كتب الله لنا

ورددي اللهم اجرني في مصيبتي و اخلفني خيرا منها

ما تدرين الخير وينه .. والحمدلله على كل حال

 

[علايه]

استبرق الكويت

الله اعوض عليج .. والحمدالله على سلامتج و سلامت ولدج .. الحمد الله انه ما صار شي اكثر من جذي

بس اشلون مكينة الاصنصير اتطيح ؟؟؟

 

[ZajiL]

lulu ياقلبي ولا تزعلين عزيزه وغاليه ولازم تكونين معانا بتجمعنا صح بنات ؟

تسلمين ياقلبي وعذريني تونياشوف ردج يالغاليه هذا من طيبج حبيبتي :tek:

لولو افا عليج يا الغاليه, نرد عليج باي مكان, هني والا تجمعنا مال ولاده رمضان :tek:

تسلمين ياقلبي كلج ذوق :tek:

بنات اشدعوا ماطيبتوا خاطر لولو وطنشتوني بعد !!!

كتكوته مرينه بتجمعنه راح تستانسين وايد ان شاء الله :ggdw:

الموضوع حق او تروكي ولي راح ياولدون بالشهر 8و9 وهم انضموا لنا 10 حياج ايابلج اللنك الحين

 

[ZajiL]

تفضلي كتكوته

http://q8yat.net/showthread.php?t=118022

 

[dnyay_mll]

dnyay mll

حبيبتي ليش تاخذين كل هالحبوب

اخاف مو زين

هلا علايه سوري توني اشوف الرد
هذي الحبوب وصفها لي الدكتور

الحمدلله على كل حال

الحمدلله الذي لا يحمد على مكروه سواه

راجعت دكتورتي , ولازم اسوي عملية تنظيفات باجر الصبح , الله كريم

الله يثبت حملكم ويفرحكم إلهي آمين

الله يعوض عليـج
والحمدلله على سلامتج وسلامة وليدج
قل لن يصيبنا الا ماكتب الله لنا

 

[Maltesers]

استبرق حبيبي .. الله يعوضج ان شالله .. والحمدلله على كل حال والحمدلله على سلامتج انتي ووولدج وأشوه الله ستر انكم طلعتوا منها بالسلامه

بس ديري بالج المره اليايه .. اشتكي عليهم قوليلهم ما يصير جذي بين كل فتره وفتره طايحه علينا المكينه بالله صار فينا شي من يتحمل المسؤولية .. هذا اسنسير مو لعب !! والله اشتكي اشناطره

 

[الفنانه79]

((كتكوته ولولو ) افا عليكم يالغاليين بس تزعلووووون اعيووووووووووني لكم

اذا خليتوا التجمع بزعل عليكم كل شي ولا انتوا عاد حبايب قلبي



ام علاوي الحمدلله على كل حال عادي يبا انتي جربتي انفاس وان شاء الله هالمره ماتتعبين واتنفسين عدل ولاتنسين احنا معاج

صبري بس ان الله تمم علينا حتى الحسو واللهوم وادوية النفاس راح انحطهم في التجمع لا وبالصور بعد ههههههههههههههههه

 

[الفنانه79]

استبرق ياحياتي والله انتي

عسى الله يعوضج خير ان شاء الله ويااااارب الشهر الياي الا انتي حامل


ويالله قدر الله وماشاء فعل والله ان ظاق خلقي عليج يالغاليه :0bee2e8d89:​

 

[أسولة]

استبرق سوي تحليل الهرمون علشان يبين نسبة الحمل قبل ما تسوين تنظيفات

 

[Yasmin]

بااااااك بعد الويك اند

ام علاوي: يالله اشوه انه مو اول حمال لج, يعني عندج خبره وانشاءالله تولدون انتي والوالده بالسلامه
:tek:
الفنانه: شحلاتج مع الديرم :dddds: تصدقين اول مره اشوف صورته, لا يكون بس اتنسى عليه؟؟

استبرق الكويت: يا قلبي والله, الله يعوضج خير انشاءالله, والحمدالله عندج ولد الله يخليه لج ويبارك لج فيه, وانشاءالله يارب الله يكتبله اخو واخت بالمستقبل وتقر عينج فيه
طمنينا عنج يا الغاليه

 

[موني موني]

استبرق حياتي... الله يعوضج كل خير يا رب .. و داااايما خيرة فيما اختار الله ...

خطاكم السو .. و الحمدلله على سلامتج و سلامة وليدج ..

بس ليش التنظيفات .. هل البيبي فيه شي ؟؟ حتى لو نازل دم على الوحده ممكن يعطون اشياء تثبت ..

ان شاء الله ما كو الا العافيه ياااااارب .. و طمنينا عليج حبيبتي...

 

[TeAcHeR_BeZaRiN]

وانا بعد وياكم
((اللهم لاترثهم فردا وانت خير الوارثين ** اللهم ارزقهم الذرية الصالحه عاجلا غير آجلا يارب العالمين ))

بالنسبة للأسألة :
**متى كانت آخر دوره ؟؟
12_12_2007

**وين اتراجع ؟؟
بمستشفى السلام عند الدكتورة دعاء بس افكر افتح ملف عند ناهدة العلي

** شنو تاكلين الحين خلال الحمل من اكل مفيد؟؟
ولاااا شي اصلا ما اكل نفس الناس

** اشلون تعتنين بنفسج وفي بشرتج وجسمج خلال الحمل ؟؟
مافي العناية العادية المرطبات والزيوت العادية


**هذا اول حمال لها ؟؟ ولا عندها اعيال ؟؟ وجم ياهل ؟؟
اول حمل

** اشتغلت عليها النساة ولا بعد؟؟ وشنو تنست فيه؟؟
ماكو مشتغلة على اللوعة وما اشتهي شي كلش وابسرعة انغث من الاكل وما احب اشم ريحة ريلي !!

**شنو العلاج اللي قاعده تاخذه الحين ؟؟
بس فوليك أسيد

** سوت سونار ولا بعد؟؟
سويت بالاسبوع السادس وشفت جيس البيبي


ومشكوووووووووورة حبيبيتي الفنانة على هالتجمع الحلو

 

[ZajiL]

مساكم الله بالخير حبايبي شخباركم
استبرق ماتشوفين شر حبيبتي الله يعوضج خير وايد زعلت لج

 

[TeAcHeR_BeZaRiN]

بعد قلبي استبرق ما اتشوفين شر ان شاءلله وربي يعوضج ياااااارب

بس شنو قالت لج الدكتورة ؟؟ البيبي مافيه نبض ؟

 

[++The DuchesS++]

استبرق الكويت

الله يكون بعونج والله يأجرج بمصيبتج ويخلفج خيرا منها ان شاء الله

 

[++The DuchesS++]

تيشر

هلا وغلا فيج حبوبه معانا


لولو

ولكم باك بالزعلانين لوووووول

 

[Maltesers]

هلاوووو

اشلونكم اليووووووم هههههههههههههههههههه شسويتوا وين رحتوا وين ييتوا



انه قاعده من الصبح وشاده حيلي رايحه تسجيلي المفروض اليوم على كلام البنات .. بس طلع الاسبوع الياي جان اروح أقص و اصبغ شعري لان الويه والشعر والأخلاق وكل شي صاير لوعه مع الحمال ورحت شريت لي جم حمره من نوووبا .. الفنانه اخاف تاكلينهم بعد هههههههه مثل الديرم


ومن الصبح مو مشتهيه اكل ولااااااااا شي غير سوشي ما دري ليش طاق براسي زفره اليوم .. انتوا شخباركم


تعالوا صج .. مع ان مو أول حمال لي بس متى يبين البيبي شنو جنسه ؟؟ بأول الرابع ولا آخر الرابع ؟؟

 

[++The DuchesS++]

هلا ام علاوي

حلو تغيير اللوك والله
انا مفكره اصبغ شعري وخايفه
سمعت انه الصبغ موزين للحامل مع اني مو مقتنعه بالشغله هذي ...؟؟
وحمر نوبا اسمع عنها بس ما ادري من وين احصلها ؟؟
وبالنسبه حق جنس البيبي اعتقد باخر الرابع اول الخامس