ثقب في قلب الجنين الله يسهل على الي ترد علي

[auoma]

كروشات انا سويت سونار والدكتور يقول في ثقبين بقلب البيبي بالبطين الأيمن والايسر
ويقول صغار وهالشي طبيعي لان الرئه ماتشتغل فلازم يكون في ثقب يوصل أكسجين او شغله جذي وبعد الولاده اول 3 ايام من الولاده يتصكر
وانا طبعاً ميته من البجي مو راضيه اقتنع بكلامه احس كلمت ثقب يعني عيب خلقي او تشوه بالقلب
خواتي مالي غيركم بعد رب العالمين:eh_s(11)::eh_s(11)::eh_s(11):
شتنصحوني اسوي ابي احد يطمني وين اروح ؟؟؟؟
عند منو اروح اسوي سونار؟؟؟
في وحده نفس حالتي؟؟؟؟؟
صج كل الاجنه فيهم ثقب او فتحه بالقلب وبعد الولاده تتصكر؟؟
:eh_s(2)::eh_s(2):
:eh_s(2)::eh_s(2):

 

[|{ خـيـألْ }|]

ماعندي اي فكرة بس خالتي ولدها كان فيه فتحه بالقلب اول ماولدته وبعدها تسكرت الفتحه الحمدالله بس ماقالو لها الا بعد الولادة والحين الولد عمره سنة وتسع شهور

الله يقومج بالسلامة ويهووون عليج وتفرحين في ولدج ويكون باحسسن صحة وعافيه يارب العالمين

 

[auoma]

ماعندي اي فكرة بس خالتي ولدها كان فيه فتحه بالقلب اول ماولدته وبعدها تسكرت الفتحه الحمدالله بس ماقالو لها الا بعد الولادة والحين الولد عمره سنة وتسع شهور

الله يقومج بالسلامة ويهووون عليج وتفرحين في ولدج ويكون باحسسن صحة وعافيه يارب العالمين

حبيبتي الله يسهل عليج
مشكوره على الرد

 

[كوكو لاتي]

انا بنتي كان فيها وقالولي بعد الولاده والحين عمرها ٤ سنوات والحمدالله تسكرت

وفعلا كل الاطفال تكون فيهم وبلحظه خروجه من البطن تتسكر

 

[زين ودلال]

والله كلش ماعندي فكره

بس ان شاء الله يارب يكون هالشي طبيعي ويتسكر عقب الولاده

الله يسهل عليج ان شاء الله وتقر عينج بشوفته واهو بصحه وعافيه يارب

 

[ريح قهوه]

عادي انا قالو لي وتسكرت شي طبيعي ترا

 

[المها الابيض]

عادي حبيبتي انتي يمكن توج والده
ولدي كان فيه فتحتين بقلبه
والحمدلله تسكروا

 

["Om 3AzOoZ"]

اي حبيبتي كل الاجنه جذي لاتحاتين ماكو الا العافيه

 

[نور83]

حبيبتي لا تحاتين ولا تبجين انا نفسج بنوتي حبيبتي يوم يت بطلع من المستشفى ثالث يوم قالي نبضات بنتج مو طبيعية احتمال فيها ثقب وكلت امري لرب عالمين و كنت اقول انشالله ما فيها شي و نطرت شهر سويتلها سونارحق القلب و الدكتور قالي فيها ثقب بس انشالله يتسكر خلال سنة لا تحاتين مو زين عليج انتي النفاس الحين اغلب اليهال الحين فيهم هالشي كل ما يكبر يتسكر الثقب لا تحاتين و كلي امرج لرب العالمين و خلج متفائلة

 

[نور83]

واذا تبين تطمنين اكثر روحي حق مستشفى السيف الدكتور الرفاعي خوش دكتور يفهمج الوضع عدل ويطمنج انا وايد ارتحت حق طريقته جنه السونار عنده ب70 وانشاللله يرتاح بالج و تطمنين على ضناج

 

[أيام السعادة]

لا تحاتي يا عمري طبيعي جدا


تختلف الدورة الدموية في الجنين عن غيره وهناك بعض الاختلافات

- هناك ثقب بين الاذين الايمن والايسر و مثله بين البطين الأيمن و الأيسر
-الرئتين لا تعمل في الجنين - وفقط عند الولادة تبدأ بالعمل وبذلك فإن رئتي الجنين ليس لهما اي دور في عملية الاكسجة

يدخل الدم " ويحتوي الدم المؤكسج " للجنين عبر الغشاء الجنيني عبر وريد سُري وينتقل عبر سلسلة من الاوعية الدموية للاذين الايمن وهناك ثقب بين الاذين الايمن والايسر ، فينتقل الدم المؤكسج من الاذين الايمن الى الاذين الايسر ثم عبر الاورطي الى الرأس والرقبة والأطراف العلوية ...

عودة الدم غير المؤكسج لها طرق خاصة ايضا وتختلف عن الدورة العادية ...

لم استطع ان اكتب لك اسماء الاوعية الدموية التي ينتقل الدم عبرها لانها بداية لا تهمك وان كنت مهتما فيمكنني ان اكتب لك اسماءها بالانجليزية وتقوم بترجمتها لاني لا اعرف اسماءها العربية ...

ستدرس هذا الموضوع مفصلا باذن الله في علم الاجنة في مرحلة pre-clinical ان قدر لك ودرست الطب باذن الله ..

يمكنك البحث في الانترنت للاستزادة "الدورية الدموية الجنينية " fetal circulation



منقول

 

[صادقة بكلمتي]

كفو و وفو البنات الله يقومج بالسلامة حبيبتي وهذا شي طبييييييييييييييييييييييييعي لا تحاتين والله يحفظلج ولدج او بنتج نسيييييييييييييييت لوووووول اميييييييييييييييييييين

 

[حرم_الغلا]

اللـه يهوون علييج.. وتشوفين البيبي بصحه وسلاااامه​

 

[auoma]

انا بنتي كان فيها وقالولي بعد الولاده والحين عمرها 4 سنوات والحمدالله تسكرت

وفعلا كل الاطفال تكون فيهم وبلحظه خروجه من البطن تتسكر

جزاك الله خير
الله يخليلج بنيتج وتفرحين فيها عروس

 

[auoma]

والله كلش ماعندي فكره

بس ان شاء الله يارب يكون هالشي طبيعي ويتسكر عقب الولاده

الله يسهل عليج ان شاء الله وتقر عينج بشوفته واهو بصحه وعافيه يارب

تسلمين حبيبتي
الله يقومج بالسلامه
ويسهل عليج

 

[auoma]

عادي انا قالو لي وتسكرت شي طبيعي ترا

الحمدلله
الله يطمن قلبج مثل ماطمنتي قلبي
والله يابنات ردودكم تحسسني انكم خواتي الله يسهل عليكم

 

[auoma]

عادي حبيبتي انتي يمكن توج والده
ولدي كان فيه فتحتين بقلبه
والحمدلله تسكروا

حبيببتي انا مو والده
للحين انا بالثامن وقالي الدكتور طبيعي بس احاتي

 

[auoma]

اي حبيبتي كل الاجنه جذي لاتحاتين ماكو الا العافيه

مشكوره يالغاليه الله يطمنج

 

[auoma]

حبيبتي لا تحاتين ولا تبجين انا نفسج بنوتي حبيبتي يوم يت بطلع من المستشفى ثالث يوم قالي نبضات بنتج مو طبيعية احتمال فيها ثقب وكلت امري لرب عالمين و كنت اقول انشالله ما فيها شي و نطرت شهر سويتلها سونارحق القلب و الدكتور قالي فيها ثقب بس انشالله يتسكر خلال سنة لا تحاتين مو زين عليج انتي النفاس الحين اغلب اليهال الحين فيهم هالشي كل ما يكبر يتسكر الثقب لا تحاتين و كلي امرج لرب العالمين و خلج متفائلة

ونعم بالله انا موكله امري لله
حبيبتي جزاج الله خير

 

[auoma]

واذا تبين تطمنين اكثر روحي حق مستشفى السيف الدكتور الرفاعي خوش دكتور يفهمج الوضع عدل ويطمنج انا وايد ارتحت حق طريقته جنه السونار عنده ب70 وانشاللله يرتاح بالج و تطمنين على ضناج

حبيبتي هالدكتور متخصص بأطفال ولا سونار ولا شنو ياريت تفيديني انا حامل باخر الثامن