الي يضحك بالموضوع ان بعض العضوات ابسط شي اقوله عنهم انهم صدمة كبيرة و آليمة .. و طلعت القلوب متروسة حقد و حسد
حسدهم صار لا يطاق و بكل موضوع يخص هالفقارة
صج لين قالوا الرزاق بالسما و الحاسد بالارض .. !!
نعنبو مو لهالدرجة حاسدين حتى المستحقين ..!!
يا ناس يا عالم بسكم من هالطمع مو زين لكم .. و الي تقول الجنسية و الجواز كرامة بقولها اي نعم ..
لولا جنسيتج ما تطلعلج بطاقة .. لولا بطاقتج ما تروحين الطبيب لين مرضتي .. لولا جوازج ما تسافرين تصيفين و غيرج ميت جوع و لا مريض بسرطان و يقولوله :
" لو تحط الكعبة على راسك ما تودي ولدك يتعالج " لين مات ..!! و الكل عارف قصة الولد البدون ابو 9 سنوات عسا الله يرحمه و غيفرله و يصبر اهله و يعوضهم فيه و اليوتيوب شغال وكلن يدله عشان ما تجي وحدة ما تعرف شي و تتفلسف على راس هالمساكين و اهيا ناقصة معلومات بس مجرد انها حسودة و حقودة و هذارة ..!!
لولا معاشج و بدل بطالة تاخذينه اذا ما تبين تشتغلين ما تشترين مطاعمج الي ترقع 24 ساعة و لا تحطين خدامة و لا تولدين بخاص و فوق هذا تتحلطمين هل من مزيد..!!
لولا مدارسج بلاش و جامعاتج بلاش جان ما تخرجتي و صرتي شي مهم و لا توظفتي حتى ..!! و كل هالسوالف لن عندج جنسية سودا و وجواز ارزق و اذا هالشي بعيون بعض الناس مو صك غفران عيل ليش ما تايدون يعطونهم جنسية هالمساجين تناقض ولا حسد الله العالم
الله يرفع عنا و لا يبلانا الله يلين قلبي اكثر و اكثر مابي اصير من اهل النار ..؟!
فلا تجي وحدة تتكلم "بجهل "و تقول الكرامة مو بجنسية و لا بجواز ازرق .. ماقول غير عسا رب العالمين يبتلي كلمن يحسد هالمساكين و يحط عينه على خبزتهم الي للحين ما خذوها و لا شافوها و يبدل وضعهم بوضع الي حاسدهم عشان يعرفون شنو يعني كرامة و شنو يعني مهانة و شنو الفرق ..
و ربي يا بنات رفيجاتي في منهم بدون محروق قلبي عليهم للحين لا وظايف و لا دراسة و متفوقين واعليا يا ليت فاشلين مثل بعض الناس الي بالدز دشو كليات و جامعات ..
احمدو ربكم كويتيات على النعمة عشان ربكم يعطيكم اكثر و ادعو لهالمساجين .. الف الحمد الله على النعمة الي انا فيها الحمداله يارب العالمين على النعمة الي انا فيها .. و انا بريئة قدام ربي من الي قاعد يصير فيهم .. فديتكم يا بنات البدون معوشرجيات و اصيلات بذمتي
و اغلى رفيجات وما شفت مثل وطنيتكم ..!!
و يآرب يتجنسون المستحقين و تقر عينهم بجنسية اهيا من حقهم و حقوقهم الي ضاعت عسا الله يعيضهم اضعاف و اضعاف و يحر قلب الحساد الحاقدين .. آمبيه مو من صج هالحسد على هالفقارة .. مصدومة مصدومة حيل و ربي ..!!
