مواقفنا مع ابهاتنا ..احررراج فشله

[AVE.NJ]

انه كله طايح على وانه ارضع ولدي
امبيه صدري صار سبيل
اخخخخ

 

[*صَبا*]

موقف ثاني

كنا مسافرين فالصيف
ولاحظت انتشار كلمه غريبه فالمحلات
وهي لانجري

عاد انا ماخليتها بخاطري رحت وسألت ابوي ((( على فكره كنت سنه اولى جامعه يعني المفروض كبيره وفاهمه )))
المشكله كنت اسال قدام الرياييل يعني ابوي وربعه او ابوي وخوالي

وابوي يضيع السالفه
ويسوي روحه مايسمع
وكل شوي عدت السؤال وهو يصرفني وللاسف تمت الكلمه بخاطري ولا عرفت معناها

لكن شاءت الاقدار اني اتجهز السنه اللي بعدها وجات الصدمه وعرفت معنى الكلمه اللي نزلت علي مثل الصاعقه

فشله فشله فشله :‘(

-----

موقف اخر

في مراهقتي
كان عندي موبايل ومستانسه عليه وكل يوم لازم اطرش مليون مسج

عاد في يوم طرشت مسج حق ابوي وكان نكته
ماذكر شنو كان فالمسج

بس ماصارت دقايق الا ابوي متصل فيني ويعطيني ذيج المحاظره

بابا عيب عليج شنو هالمسج
وهالكلام ماينقال لحد
مايصير تطرشينه

طبعا الادهى والامر اني ما كنت فاهمه المسج من الاساس <<< شكو اطرشينه "" صج ملقوفه ""

-----

وايد عندي مواقف ومقالب انشاء الله اذا ذكرتها بجي اسدحها بهالموضوع

 

[مفحطه بالجامعة]

لايووووؤقف

 

[Nmnoum]

أمبي ذكرتوني

مرة كنت متربعة ع الأرض
وكان الداخلي لونه أزرق فاتح و كان طالع كنت حاطة ياهل بحضني
و أبوي يآ جان يقعد ع القنفة و يقول
الفوز سلماوي أو شي جذي
ما استوعبت
و يرد يقول سلماوي وانا مو مستوعبة جان يعلي صوته ويقولي نآدي السالمية لبسهم أزرق
وانا هم غبية مو مستوعبة جان يقولي يآآ فلااانة الأزرق طالع تغطي
أمبي انقص ويهي فشششلة :$ .,

موقف ثاني: لمن كان عمري 10 او 11
كنت لابسة قميص زراراته أو أزرته من ورى
جان اروح حق ابوي واقوله يبآآآآآآآ فصخني جان تصير عينه جذي
جان يزفني استحي على ويهج شهالحجي عيب خ -- فيج و انواع التسفل , إي خووو شدراني انااا ؟! والله نيتي شريفة خخ

موقف بعد : مرة كن أسولف بالتلفون مع رفيجتي و كانت تسألني عن الالتهابات وجذي و عن امراض النسا و منع الحمل و كنت أتساسر معاها و ابوي صراحة شك بالوضع مساسر ولمن يمر أغير الموضوع وظل يمر من المطبخ ليمن الصالة ومن الصالة لمن طاولة الطعام وانا كل ما مر أغير السالفة لمن راح ابوي جان أقول حق رفيجتي لولب ما سمعتني جان أصرخ و أقول لـــــــوووولـــــــــــب ولا يسمعني ابوي

 

[مفحطه بالجامعة]

<كااكككك


واحس اللولب مايفشل يمكن مايعرفه

 

[malak12325]

بصراحة يا عروق ضحكتيني من كل قلبي

 

[Al-RoRo77]

وعليكم السلام ورحمة الله وبركاته
ههههه موضوع يضحك وخوش مواقف الله يخليهم لكم يارب

 

[تبيني آرضى عليك]

هههههههههههههههههههههاي
آآآآآآآآآآآآب

 

[حضريه وااايد]

لايوووووووقف
​

 

[~Unreachable]

امبيييييييي قبل جم اسبوع صارلي موقف خااااااااااايس

كنا رايحين المزرعه بالطريج

اخوي الكبير يسوق و يمه اخوي الثاني اخر سه بالثانويه يعني مو ياهل

و ورا انا ورفيجتي و اليهال ..

المهم كنا رايحين قبل صلاة المغرب ..

عاد السما اتينن صاير لونها برتقالي على احمر

جان اقول بصوت عالي حق رفيجتي

الله فلاااانه صوري الشفق مادري الشبق !

وااااااااي بغيت اموووووووت حزتها قلتها و انجعمت من الاحراج

والمشكله انا و رفيجتي و اخوي كلنا متزوجين و نفهم و اخوي الثاني اكيد فهم لانه مسك تلفونه و يرقع

امبي لمه وصلنا المزرعه رحت ركض عند امي اخش ويهي قلتلها السالفه مااااااتت من اللضحك


فششششششششله .. بس بس مابي اذكر هههههههه

 

[*peace*]

انريتشبل يممممممااااااا الله لايحطني بمثل موقفج

 

[مفحطه بالجامعة]

اخر موقف تنحت عشان استوعب الكلمه وين المحرج ب الشفق <فيس مفهي




اب اب

 

[fulla 7elwa]

لا يوقف
ابـ

 

[سعودييييه هع]

هع يحليلكم
انا مااحس اني رسميه مرره مع ابوي عشان اخجل منه او يمكن وجهي مغسول بمرق او يمكن فهاوه
المهم بقولكم موقف صار لي يوم كنت بسوي عمليه اللوز ، كنت قاعده بالغرفه وابوي وامي حولي
وامي تدعي وابوي يحاول يطمني وانا كنت خايفه اني مااقوم > موسوسه
المهم جت النيرس تسألني اسأله وانا اجاوب جت قالت متى اخر مره فيه دوره ؟؟ ماسمعتها زين المهم وتقعد تعيدها بصوت عالي انا من الدلاخه رفعت راسي وطالعت بأمي وحطيت يدي على فمي وفكيتها ضحك ولفيت بشوف ابوي حط يدينه ورا ظهره ولف وجهه يطالع من الشباك
انا حسيت ابوي الي انحرج رحمته حيل بغيت اقوم اهديه
خخخخخخخخخخخخ

 

[درة أهل الطولات]

مواقفكم ابدااااااااااع

 

[روج بنكي]

مواقفكم تحفه انا صار لي موقف مع اخوي دخل علي وانا ماسكة فوطة الويز بأيد والايد الثانية فيها كلوت بألبسها الأخ تنح وانا من الربكة رميتها على الارض

اليوم الثاني زوجته تقولي فلان ماخلاني ارتاح البارح بس يسأل شلون تلبسي الفوطة ماعمرك لبستيها قدامي,,, قالت له ويععع الله يقرفك هههههههههههههههههههه

مرااااااااااااااااا احراج

 

[روج بنكي]

هذا موقف لاختي كان عمرها 8 سنوات ايام المسلسلات المكسيكية اختي تسمع كلمة قبلة ومو عارفة معناها

راحت لبابا قالت له بابا ابغى انام اعطيني قبله ... والله ما اسمع الا صوت ابوي يصارخ يا قليلة الادب

من كلمتها عاقبنا وحذف القنوات

 

[مفحطه بالجامعة]

<ي عممري ليه قليلة ادب كان عطاها قبله علئ خدها وراسها وانتهئ الموضوع

 

[سعودييييه هع]

هاااااااااااااااااي جبت لكم موقف فرش طاااازج جديد وحصري يالله اكتب لكم وانا اتصبب عرقاً من شده الاحراج > كذابه

يوه يوه يوه فشششله

قاعدين انا وابوي وامي واختي وجدتي الله يحفظهم ، المهم قلت لهم فجأه اسمعوآ هالبرودكاست ولانه عجبتني بدايته قررت اقراه عليهم

ابوي كان اكثر واحد مركز معي ههههه

قريته وكان عن حركات الحريم وانهم مايخلون احد بحاله وهذا هو :

إذا دخلت الثانويه صدعوها بـ( كم نسبتك) و يبدى مشوار اللقافه عند الأمهات
و عقبها .. تدخل الجامعه ويبتدى موال متى بتخرجين وليش ماتخرجتي !!
و طبعا عقبها يشتغلون عليها !!
ماعرستي/ !!
محد خطبك /!!
و إذا لا سمح الله اعرست
أول سؤال : منو سعيد الحظ
( طبعا يبون يعرفون ولد مين )
و أول ما تعرس .. يجونك ثاني يوم>> وقفت هناااااااااااااا والمصيبه اني ماعرفت اسلك السالفه واصرف لأن عيونههم كلها علي يااااريبيييه > من ذكائي الخارق قمت اصارخ واضحك ابوي ضحك ضحكه خوف ممزوجه بصدمه عاد هنا جبت العيد وقلت لهم : ههاهاها لالالا جبت العيد طوووووط سلكوآآ ،، عاد هم ماقصروا ضحكوآ لين ماحسيت ان البيت بيهتز من ضحكهم طبعا ضحكه ابوي ضحكه صدمه ، وانا ووجهي يقالي بسولف بلطف الجو مادريت اني بجبيب العيد والكرسمس
(ها حلو الزواج ) يا وقاحة السؤال
و يعطونك مهله شهرين مو أكثر
و يبتدي بموال ( مافي شيء بالطريق )
لين تحسين انك عقيم و فيك مليون عله
وإذا حملتي يعطونك فرصه 4 شهور
^ الى هنا مشيتهاااا
ورجعت كملت
و يسألونك ( بنت ولا ولد ولا ماتبين تقولين )
و إذا يستحون يسألونك أول مايشوفون بطنك
بيقولون (شكله مبين ان فيك بنت )
علشان تقولين لا و يصيدونك انه ولد
و آخر الحمل يسألونك
( وين بتولدين أي مستشفى خاص والا حكومي )
وكل واحد بيطلعون فيه عله
وعقب ماتولدين بيزورونك
وياويلك لو مب مجهزه الغرفه ومعدلتها
بتكونين حديث الساعه
وبعد مايسلمون عليك طبعا لازم تشرحين لكل وحده إيش صار بالتفصيل
مسجل ينعاد وبعد ماتشرحين عن تفاصيل معاناتك
يطلبون البيبي ويفرونه يمين ويسار
(ويطلعون لك الأخطاء السبعه وفي النهايه بيقولون لك لا لامايشبهك يشبه أبوه
وإلا طالع جميل على أبوه
وإذا من طرف أهل زوجك من دون مايشوفونه يشبه ولدهم
وبعدها ب شهر هاا ترضعينه طبيعي ولا علب
إذا طبيعي سلمتي من لسانهم
وإذا علب لازم تسمعين كلمة حرام عليك
لييييش
وبعد سنه ينعاااد موال ماتبين تجيبين لفلان أخوووو !
وإذا جبتي الأخو بيقولون لك
(مب كأنكم استعجلتو؟ لآلا الشقه ضاقت عليكم لازم تبنون لكم بيت )
ليش مأبنيتو للحين!!وأنتي للحين مع أهل زوجك

وبعدها حسييت ان ابوي لازال تحت تأثير الصدمه لدرجه انه عفط حواجبه وهو يطالع الجزيره > يعنني متأثر بالاخبار > وانا متأكده مليون بالميه انه بينه وبين نفسه ييقول هذي بنتي البريئه لاالالا مو هذي
:eh_s(10):
:eh_s(16):
رحمته حيل


عاد اشوى راح الصلاه وانا فجرت باقي الضحك المخبأ بأعماقي المنحرجه > بالحيل منحرجه

 

[فـراوله]

ههههههههههههههههههههههههههه قريت نص مواقفكم ما قدرت أكملهم
تفطس من الضحك

مره كنت معزومه على بيت عمي برمضان وحاطين السفره والاكل وكل شيء زاااهب
وناطرين الآذاان وأخت زوجي قاعده معانا ولا أبوها يقول لها أكلي إنتي فاطره يعني ما ندري
ويقول حق زوجي اهي فاطره اليوم عليها الدوره لووووووووول امبيييه البنت استتتحت مسكينه
وودها تقوم من الاحراج وخالتي تقول له اسكت خلاص وزوجي مسكيين وجهه قلب وما تكلم
ما يبي يحرج أخته كافي أبوها لوووووووووول


​