معلمة رياض الأطفال التعيسة

[دخون ازرق]

تدرون ليش تعيسة لانها تترقى بعد مايشيب راسها ---تقط من جيبها وياويلها ان ماقطت-تدخل عليها المشرفة-المديرة-المديرة المساعدة -الموجهه- ويقولون الحين في قرار الموجهه الأولى بعد- متحملة اليهال وصايرة لهم ميري-ولي الأمر يدخل السانه ماشاء الله- ماسكه شغل الادارة-النشاط الصباحي تتنطط من الصبح-تودي مطعم تبلع اليهال --تسوي مرافق الروضة المرسم وربعه-تسوي دروس نمودجية ورش ندوات محاضرات -اتدقدق على محلات البالونات والمناطيد وتدفع علشان يهال خلق الله يستانسون-اتسوي اجتماع امهات-مناسبات فعاليات اوبريتات اتدور تبرعات لادارتها من جهات حكومية---------------------يتبع:ch12:تعبت

 

[دخون ازرق]

سيارتها تقول سيارة بياع في مكتبة ورقة تحت الكشن--دب مقطوط شنه مولها تحت البريك -كرة بدبة السيارة --خخخخ شي والله
فيه تجمع ياابله جيبي بلعه فطاير وشاي وقهوة حق الضيوف-سوي اصدار للضيوف-نبي سيديات للمنبهات-اشرايك الموجهه تبي دروس على مستوى الروضات --تكفون بنات كملوا على كلامي خل اللي مايدري عن مهنة معلمة رياض الاطفال التعيسة يدري

 

[دخون ازرق]

اي لاصفيات مبتكرة --دروس مبتكرة--نشاطمبتكر --- ياابله شاركي معانا بالموهوبين اشرايك فيه يوم مفتوح تستانسين انتي واليهال مانبي يبا نستانس واااااااااااااااي صج تعيسة هالأبله

 

[الدلال]

وليته يبين بعينهم بعد!

 

[أم حمد 4]

صاجه مهما تسويين مايبيين في عينهم

 

[دخون ازرق]

يتبع المناوبة الصبح-مناوبة نهاية الدوام اللي حتى الأداريات استعففوا منها مايبونها قطوها عالأبلات---تابعي ياابله الحالات الخاصة مع الأخصائيه-ياأيله حفل التخرج دربي الأطفال قيسي لهم الأرواب جيبي خياط يفصل لهم --ياابله ولية الأمر ماتبي تدفع لبس التخرج مقروده يامعلمه روحي دفعي من جيبك-----فيه تجمع موسيقى دربي مع ابله الموسيقى الفقرة نبي امتياز----ياابله فيه مسابقة حفظ قران ياالله حفظي الاطفال بس ماراح نفرغج---المشرفه عندها ورشه ياابله تعالي سويلي ورشتي بوربوينت ---تعالي ياابله طبعي لي مناسبات الروضة ---غرفة الجودة وسجلاتها وين اليلات ياالله سووا السجلات والغرفة يتبع

 

[دخون ازرق]

اهدافك ياابله سويها---الاركان نبيها كامله وابداع نبي تفاعل فيها -اصدارات للمناسبات لاتنسين ياابله -يتبع----

 

[دخون ازرق]

كم انتي تعيسه يامعلمة الرياض

 

[ام كوثر2007]

تدرون ليش تعيسة لانها تترقى بعد مايشيب راسها ---تقط من جيبها وياويلها ان ماقطت-تدخل عليها المشرفة-المديرة-المديرة المساعدة -الموجهه- ويقولون الحين في قرار الموجهه الأولى بعد- متحملة اليهال وصايرة لهم ميري-ولي الأمر يدخل السانه ماشاء الله- ماسكه شغل الادارة-النشاط الصباحي تتنطط من الصبح-تودي مطعم تبلع اليهال --تسوي مرافق الروضة المرسم وربعه-تسوي دروس نمودجية ورش ندوات محاضرات -اتدقدق على محلات البالونات والمناطيد وتدفع علشان يهال خلق الله يستانسون-اتسوي اجتماع امهات-مناسبات فعاليات اوبريتات اتدور تبرعات لادارتها من جهات حكومية---------------------يتبع:ch12:تعبت

بعرف ليش ولي الامر يدخل لسانه ما شاء الله ؟؟؟؟ دام شايفه شغلج عدل وتعاملين اليهال بحنيه وحب ومخليتهم يحبونج ويتفدونج ليش لسانه ما شاء الله ؟؟؟؟؟؟


وبعدين سالفه تبلعين عيالنا هذى ما عجبتني صراحه ..

يعني هذا وانتي معلمه ويقولوون انكم مربين الاجيال عشتوا وتمنين علي اليهال انج تودينهم المطعم عشان ياكلون ؟؟؟؟؟؟؟


ليش يعني عيالج لا راحو الروضه ما في مدرسه بعد تبتلش فيهم وتزطط فيهم وتوكلهم ؟؟؟؟؟؟؟؟


كل ما اتقيتي الله بشغلج .. صدقيني الله بيفرجها عليج .. وتحلطمج هذا يا معلمتنا مو بروحج اللى تعانين منه والحمدلله زادووكم ..


اذا كانت اداره روضتج فيها سلبيات روحي اشتكي علي الاداره عند الوزاره لكن لا تعممين علي الكل ..


ولا تتوقعين اللى تكلمج وليه امر بس .. لا انا معلمه بعد .. معلمه لغه انجليزيه ..

ونعاني ونتعب مع عيالكم اكثر من التعب اللى انتي وغيرج يتعبه


بس ما انتحلطم ولا نتذمر ... دامنا اخترنا هالمهنه ..


سامحيني علي كلامي يمكن ما راح اييووز لج .. لكن وجهت نظري وحبيتج تسمعينها .. :eh_s(17):​

 

[أميرة 22]

لاحول ولاقوة ألا بالله

صج رياض الاطفال تعب وكل مدارس الكويت هم وغم وعوار راس وتعب

الغلط من نظام فاشل - مناهج - موجهين اللاأخلاقيين ... التربية بالكويت بكبرها غلط

ولا تنسين انتي رياض اطفال مجتمع حريييييييييييييييييييييييييييم
مشاااااااااااكل لا تنتهي .. استغلالييين يحبووووون يتعبون الابله مهما سوت ..

الله يعـين ........ حولي ادارية وارتاحي شويه او اطلعي براااااااا تربية بأي وسيلة
او وااااااااااسطة عندج

والله يوفق كل ابله مهمووووووووووووووومة .. وتتعب وتسوي من قلب ..

 

[يالله الخيرهـ]

اللي موعاجبها الكلام انتي عيالج ياله تجابلينهم على الاكل شلون 21 طفل حتى العود مايعرفون يفتحون كل واحد تعابلينه بتفسج

هذا شي غلط ينفرض على المعلمه انا اعلم مااوكل واشرب واغسله واللعبه بالفرص واصير معلمه حركيه بعد مع انه موتخصصنا

المطامر لوحركه غلط سواها الطفل ابتلشنا وراقبي شنو ياكل لايغص وصيري معلمه رسم ومرسم لوماتعرفين تمسكين القلم

وصيري مدربة رقص لوعمرج مارقصتي صيري مضحيه واستلمي صفج بروحج لتفرغ اللي معاج او لولادتها

اوضحي اكثر وصيري على صفين في حال الصف اللي يمج تفرغت بأمر المديره لرقص وتدريب وياكثر التفرغ

وياكثر المضحيات انا ولله الحمد استقلت ولاانا ندمانه وقلبي معاكم

 

[يالله الخيرهـ]

دخون فضفضي لايهمونج هاللي حاطين رجل على رجل مايعرفون مراكض معلمة رياض الاطفال ورى عيالهم

عشان مايتعورون ويردون سالمين لهلهم هذا بروحه عذاب من عذابات معلمة الروضه موحصه ويطلعون

انتم اليوم بطوله مجابلين عيالهم

 

[MzOoOn 22]

ام كوثر حبيتبي توكلين 25 طفل شي سهل جهال مايعرفون شي نعلم مايفهون لازم تفجيلهم شغله شغله ولا اللحين قمنا نلبس صدار للكل واحد

وفوق هذا ترا مو شغلنا اكل الجهال المفروض كل مشرفه تغ1يه تتفرغ لصقفين وتوكلهم احنا شكو ...
انتو بالبيت عيالكم ماتحملونهم شلون علينا نتحمل فوق 20 ومو عيالنا وعيالنا وعليه ماتعطيهم وجه .!!!

وبعدين حنا خايفين من الله ونراعي الله وممخلصين بشغلنا بس علينا ضغط مو طبيبعي .!

ولا باجتماع الامهات بالنشاط نصير اراجوز مقعد نسوي الحركات مع الاطفال والامهات مستانين ولا ذاك اليوم وحده تقولي ماشالله انتو مونسين روحكم ترقصون !!

قلت الله يحليج وين مونسين روحنا غصبن علينا نصير ااراجوز يوميا بالصف وخارج الفصل لعيونهم
اخنا كل شي ع روسنا لا تقولين تكرفين مثلنا الله يرضى عليج انتي بغضون 5 سنسن اميتازات ورا بعض وتصيرين اشارفا احنا عقب 16 سنه يعطونج وها تنجحين ولالا

ومايبين بعينهم


ولا نسيتوا بناااااات

في ابلات الله يهداهم يخربون عليج اذا جت مناسبات راحت سويت بروشرات وفناتق وخربت عليج طيب اذا انا اشتغل باخلاص وشغلي بصفي حلو انتي ياللي فاضيه وماعندج شغل بتفنتقج هذا خربتي علينا ؟!!



تدرون ان شغل النشاط الصباحي مو ع الابلات وربي مو عليهم المفروض المشرفه اللي نايمه ع روحها تكتبه بالسجل وتحضره والمعلمات ينفذووونه مو اهمه اللي يفكرون وحالتهم حاله .. وهذا خبر 100%

 

[ام كوثر2007]

مزون انا ما ا قوول انكم ما تتعبون بالعكس بارك الله فيكم وفي جهودكم .. انتو ترا تاثيركم بيظل مع الطفل لين يكبر يظل يذكر الروضه ويذكر ابلاته خصوصا اذا الابله اكسبت قلب الطفل وصار يحبها...


مشكله الاكل انا مستغربه .. اختي مدرسه رياض اطفاال .. اول شي بالنسبه للاكل يدخلون المطعم .. معاها ثلاث معلمات .. بالصف .. وخدامات ..

ونفس الشي بالفرصه .. الخدم موجودين .. انا استغربت من اللى تقول نغسل لهم وننظفهم ؟؟؟؟؟؟؟؟؟؟؟؟؟؟؟؟؟؟ عيل شخانت الخدم اللى مسطرين يم الباب ؟؟


اذا جذى عيل انتو روضتكم ادارتها فاشله صراحه ...

 

[ام كوثر2007]

دخون فضفضي لايهمونج هاللي حاطين رجل على رجل مايعرفون مراكض معلمة رياض الاطفال ورى عيالهم

عشان مايتعورون ويردون سالمين لهلهم هذا بروحه عذاب من عذابات معلمة الروضه موحصه ويطلعون

انتم اليوم بطوله مجابلين عيالهم

ويجابلووون عيالج بالمستقبل لا تنسين ...

وهذا واجبج كمدرسه .. الحرص علي الطفل عيل شمهنتج ؟؟؟

 

[ام كوثر2007]

اللي موعاجبها الكلام انتي عيالج ياله تجابلينهم على الاكل شلون 21 طفل حتى العود مايعرفون يفتحون كل واحد تعابلينه بتفسج

هذا شي غلط ينفرض على المعلمه انا اعلم مااوكل واشرب واغسله واللعبه بالفرص واصير معلمه حركيه بعد مع انه موتخصصنا

المطامر لوحركه غلط سواها الطفل ابتلشنا وراقبي شنو ياكل لايغص وصيري معلمه رسم ومرسم لوماتعرفين تمسكين القلم

وصيري مدربة رقص لوعمرج مارقصتي صيري مضحيه واستلمي صفج بروحج لتفرغ اللي معاج او لولادتها

اوضحي اكثر وصيري على صفين في حال الصف اللي يمج تفرغت بأمر المديره لرقص وتدريب وياكثر التفرغ

وياكثر المضحيات انا ولله الحمد استقلت ولاانا ندمانه وقلبي معاكم

خلاص استقيلو عيل واخذولكم تخصص تدريس باي ماده تحبونهها .. وشرط بتردون تتحلطمون .. وعقب بتقولوون ليش الوافدين ماخذين مكانتنا بالديره .. اذا احنا اهل الديره انتحلطم عيل شخلينا حق الغرب ... هذا وانتو بنات الديره .. :bbbiu:

 

[ابله كويتيه]

الروضه حزن وتعاسه معني والله اشتغل واسوي بس الابلات الي معاي يحترون وينقهرون ويحطون على مكايد والله تعبت والناضره معاهم الان هم قديمات وانا توني بنات االروضه ووووووووووووووووعه اللهم من رحم ربي

 

[Eva-SS]

ويييه قلبتي المواجع .. كل الرياض جذي

احنا بالمطعم ممنوع الفراشات يقعدون .. وبنات التغذية مايسوون ولا شي والله العظيم بس حاطين رجل على رجل ولا يطلعون تلفوناتهم ويقرقون احنا نفتح الوجبات وشوفي كل صف فيه 20 طفل فجي حق كل واحد وجبته وعصيره وصمونته .. غير الفعاليات والأنشطة وناظرتنا هالسنة جديدة من أول السنة جمعتنا قالت لا تتوقعون أبي اعطي معلمة امتياز بس على شغلها بصفها أبي انشطة ودروس ريادية بشوف انتاجج برا صفج !! مو حرام انا مدرسة تقيمني على شغلي داخل صفي وشنو قدمت للطفل مو على خرابيط لهم اهما يطلعون فيها والله مايستفيد منها الطفل شي

كل هالضغط على المدرسة ويبونها تبدع بصفها وين نلحق ... وبس لو عرفوا انه وحده تعرف للكمبيوتر اهلكوها طباعة سجلاتهم وشغلهم اللي مايخلص مادري شنو يسوون السكرتارية والمشكلة يلوون ذراعج ببند التعاون ولو ماتبين تسوين الا شغلج بيقارنون بينج وبين اللي تشتغل لهم لو انها ماتعطي بصفها كثرج

انا مدرسة روضة ومو جديدة صج احب وظيفتي وتخصصي ولو شنو مافكر اغيره احنا لما نتحلطم مو معناته انه مانبي نشتغل بس قاعد نشوف انه نشتغل شغلنا وشغل غيرنا وقاعد نشوف انه التركيز صار مو على الطفل على شكليات ما يستفيد منها الطفل شي

 

[دخون ازرق]

ام كوثر ممنوع اي سيلانيه تفتح الوجبات للاطفال ولاتقرب يمهم هدا قرار ياي من الوزارة --وترا احنا اهل الميدان ادرى فيه وبمعاناته-ومشكورة حبيبتي عالمرور بالعكس استانست على مرورك لان ثبت لي ان بعض الامهات مايدرون عن مهنتنا شي وحلو ان تعلقين بواقع اللي تعرفينه

 

[دخون ازرق]

وموحل ان نستقيل ام كوثر--والله لويستلمون عيالكم وافدين تروحون فيها --والله حتى طق يطقونهم ويسوون عصابات على الجهال --بالعكس انتوا دوركم ياامهات تشجعون وتشكرون وتساعدون المعلمة موتقولون استقيلوا--وبالنسبة لتعليقك ان عيالكم كانوا بالروضة بالنسبة لي عيالي مدارس انجليزية ومافيها نص الخبه اللي عندنا والوجبات تشرف عليهم فلبينيات مو الابلات --درس الحركي ابلة بدنية--المكتبه تاخدهم ابلة المكتبة والشغل مقسم مومثلنا خبه وكل شي على الابله وبالاخير هم الابله مدمومه ياجماعه خافوا الله صج احنا تعيسات ياابلات الروضة خخخخخخخخ