دوانيه شلة منتظرات نتيجه عملية اطفال الانابيب والحقن المجهري

[احلامي الامومه]

مشاعر طمنيني عليج انشالله حامل يارب ماي ورد انا علا نفس الحال ماتغير معاي ولا شي وماحس بشي كلش قمت احاتي وأخاف حتا صدري مافيه عوار كلش والله مادري الله يستر يارب انتي شخبارج؟؟

 

[فهده 777]

مشكوره حبيبتي ورد الياسمين الله يخليلك مارزقك ويكرمك من أوسع أبوابه يارب بس قوليلي كيف الاعراض مناول يوم ترجيع
المشاعر الصامتهالله يفرحك ويثبت أجنتك ويطمن قلبك يارب

 

[فهده 777]

ماي الورد سويتها بأمريكا هلمره

 

[المشاعرالصامتة]

هلا حبيباتي الحمدلله الذي لا يحمد علي مكروهن سواه سويت تحليل دم طلع سلبي وانا مقتنعه وما زعلت حيل بالعكس هم وانزاح لان احساسي بمحله يوم عرفت النتيجه وطلعنا من المختبر عاد رحنا السوق انا وزوجي وعيالي وتقضينا واستانسنا حتي زوجي مقتنع وعادي عنده الحمدلله الله ما كتب وانا الدكتوره قالتلي برجعلج الاجنه وترا بطانه الرحم مو ذاك الزود بس بنسوي اللي علينا تجربه ما انجحت باذن الله تنجح المره الجايه لاني ناويه اعيده عن قريب بس اعالج البطانه وان شاءالله خير الله يوفق اللي تنطر الحمل يااارب ويفرحكم واحلامي يااارب يطمنج وتطمنينا عليج وعلي اللي في بطنج قاااادر ياكريم انتي وماي الورد وكل البنات وتحياتي لكم 

 

[المشاعرالصامتة]

احلامي الامومه والله إني حبيتج في الله

 

[احلامي الامومه]

بعد عمري انشالله خيره والمره اليايه انشالله ابرك والله كريم حبيبتي مشاعر......

 

[المشاعرالصامتة]

فهده قوووولي آميييين عسا الله ما يضيعلج تعب ويرزقج بالضنى اللي يعوضج حبيبتي كثري من الاستغفااااار واقري قرآن وربي حبيبي بيرزقنا ان شاءالله وانسي الموضوووع واتكلي علي الواحد الاحد حتي المنتدي لاتدشين عليه لين تبشرينا انا تعبت من كثر ما اقرا عن هالموضوووع انسي نصيحه النفسيه مهمه ترااا

 

[المشاعرالصامتة]

ان شاءالله احلامي الله يسمع منج

 

[ورد ياسمين]

هلا اختي فهدة الاعراض حسيت بعد الترجيع بساعه ونص بدوخه سبحان الله وبعدها ما حسيت بشي بالمره وقبل التحليل باربع ايام بدوخه تجي وتروح ويوم التاسع نزل من افراز لونه بني والحمدالله حللت وطلعت حامل وكل شي بيد الله بس نصيحه مني ارتاحي ولاتصعدين الدرج بالمره

 

[ورد ياسمين]

مشاعر الله يعوضج بالاحسن منه بسالج جم عندج اعيال وهل هم بعد حقن مجهري

 

[احلامي الامومه]

ورد لما حملتي متا حسيتي بأعراض الحمل ،؟ من بعد التحليل

 

[ورد ياسمين]

لا قبل التحليل بجم يوم

 

[ماي الورد]

أنا بعد ما احس بشي بس لوعة خفيفة مشاعر ربي يفرح قلبك في المرات المقبلة فهدة اللة يثبت مافي رحمك سمسومه وينج مؤ بينه اليوم. أحلامي لا تخافي ان شاء اللة باشو فين ضباط وبت فرحين بنبضات

 

[سمسومه الحبوبه]

أنا هنا ماي الورد شخبارك ياعسل
أحلامي عسى ربي يطمن قلبك ويفرحك بضناك
فهده الله يتمم لك على خير
فتاة مالك حس عسى خير شخبار اسنانك
المشاعر قدر الله وماشاء فعل الله يعوضك عاجلا غير اجل
ثنايا شمسويه حبيبتي عساك صرتي احسن
والله ادعيلكم مثل ماأدعي لنفسي الله يرزقنا من حيث لانحتسب وعلى أهون سبب انه على كل شي قدير

 

[نونه الزعفرانه]

اشلونكم بنات
احلامي لا تحاتين والله يتمم عليج
وماي الورد الله يتمم عليج الحمل
مشاعر مو جنج سويتي التحليل مبجر ؟ الله يعوضج يارب الحمدلله عندج 9 مجمد لا ترجعين شي منهم الا لما تعالجين البطانة
انا لي الحين ما حللت وماعندي ولا مجمد كلهم مات. قبل لا يتجمدون



الله يكتب اللي فيه الخير للجميع

 

[سمسومه الحبوبه]

نونه الله يثبت اجنتك ويفرح قلبك عاجلا غير اجل

 

[فتاة حالمة]

أرجوكم طمنوني كيف الأعراض أنا من ثاني يوم أحس بمغص جهه اليسار وألم بالظهر وأنا من أول عندي ألم بالجهه اليسار عند المبيض من كثر العمليات مالمنشطات يارب عوضني خير بنات طمنوني من رجعت خامس يوم وحملت هذي أول مره أرجع خامس يوم وكل عملياتي ثالث يوم

انا رجعت خامس يوم وحملت تطمني عزيزتي وربي يكتب لك الذرية الصالحه

 

[نونه الزعفرانه]

نونه الله يثبت اجنتك ويفرح قلبك عاجلا غير اجل

تسلمين يا حياتي
والله يفرح قلبج مثل ما فرحتي قلبي بالدعوة الحلوه

 

[احلامي الامومه]

مرحباً بنات صباح الخير حبيت ادعي لكم كلكم انشالله بالحمل السليم المعافى يارب فهده ونونه وفتاه وسمسومه وورد وكل البنات ياكريم

 

[غلاوي85]

السلام عليكم شلونكم حلوات

الف مبروك لكل الحوامل والله يعوض الباجي

حبيباتي انا عندي جم سؤال راح اكون شاكره لكم لو تردون علي لاني راح اسوي العمليه الشهر الجاي اذا ربي كتب
السؤال :

١) ابر التنشيط اللي تحت الجلد تعور وتأثر عالجسم يعني اقدر اخذهم واداوم ولا صعب ؟
٢) الارجاع يعور ولا لا ؟
٣) متي السحب ومتي الارجاع ؟ باي يوم من الدوره ؟

ومشكوريييين وايييييد