استضافة الدكتور بدر حسين كرم ..تخصص طب وجراحة الاسنان

[د/ بدر حسين كرم]

لمتابعه صور انشطتنا و صور كيدز سميل برجاء اتباع الرابط التالى


http://www.q8yat.com/members/344170-albums.html

 

[ملح على الجرح]

سلام عليكم دكتور

كل عام وأنت وكل من يعز عليك بخير

أتمنئ أن تكون بصحه وعافيه

عندي أستفسار بسيط عندي أختي ع 20سنه وتشتكي من ريحة الفم الكريهه مع أنها تفرش أسنانها يوميا وتعمل مضمضه للفم ومره ريحة فمها مزعجه بليز ساعدها مع انها مستمره علئ تنظيف أسنانها يمكن تنظفهم أربع مرات باليوم لكن بلا فايده

ودمت في حفظ الله ورعايته

 

[شوكولاته&فانيلا]

دكتور عندي سؤال ضروري ويارب الاقي جوابه عندك والجواب يطمني لأني خلاص قمت احاتي وايد

لي قريب الاسبوعين على هالحال بدأ الوضع بنغزات في اذني وتمتد النغزات للخد مع خدر في الخد انا خفت يكون عصب سابع جان اكل علج يومين طول اليوم اعلج على نفس الجهه عقبها تطور الامر زاد العوار وصرت ماقدر افتح فمي افتحه بصعوبه واحس عضلات وجهي مشدوده حتى لما ابتسم احس بصعوبه احس وجهي متشنج مادري اشلون اشرح لك وبصعوبة اكل وتطور الوضع صار الالم للرقبه والكتف واليد كلهاحتى لساني يوم ابلع تعورني من داخل ويوم اتكلم لساني ثقيل احسه واحس بعوار لما اتكلم:eh_s(2): المهم رحت طبيب اسنان قالي مافيج شئ رحت انف واذن وحنجره قال مافيج شئ رجعت لطبيب الاسنان وسوالي تحويل لجراحه فك وفحصني الطبيب وقال يمكن مفصل الفك ملتهب من وضعيه غلط في النوم او اجهاد قالي اشربي مسكنات ماسكودول سوي تمارين للفك وعقبها كمادات دافيه واذا ماراح تعالي بسويلج عضاضه انا مو من النوع اللي يصر على اسنانه وقت النوم شكو عضاضه:eh_s(14):المهم انا للحين فيني العوار مادري هل فعلا هالتشخيص صح والا اكو شئ ثاني امس واليوم احس بثقل في راسي في عظام راسي كلها احس راسي حاط حط على رقبتي ولساني وكتوفي احس بثقل عليهم والألم في يدي لازال واللي في رقبتي ولما ابلع اتكلم لازال احس بشد في جهة اليسار من داخل مع ألم وبلنسبة لفمي اليوم احسه احسن من ناحيه اقدر افتحه احسن من قبل و ابتسامتي ماقامت تعورني وايد مثل قبل بس الالم لازال مع الكلام والبلع والضحك والثقل في راسي وكتوفي والشد في عضلات ويهي احسها مو طبيعيه يارب الاقي جواب شافي منك دكتور وتطمني جزاك الله الف خير

 

[جوري ستايل]

السلام عليكم دكتور بقيت اساله انا سويت لسني عصب وبعدين الدكتور حطلي حشوة حديده وبعدين طاحه حشوة
والحين سني اتفتت وصار لونه اسود وانا الحين شنو اسوي فيه

 

[' #sǎrǎh . . ']

الاخت:
"مجروحة الخاطر
بالنسبه لاخوك الصغير غالبا يعانى من تسوس فى الاسنان فمايقدر ياكل او يشرب من العوار لابد من مراجعه الطبيب للتاكد من اسنانه هل هى تسوس او التهاب

التهاب دكتور:eh_s(7):

 

[الدرة الغالية]

السلام عليكم والرحمة،،

أخبارك دكتور بدر؟

دكتور أبيك بإستشارة جزاك الله خير..

ماادري اذا تذكرني كم مرة خذيت استشارتك من قبل،، سبق وقلت ك ان عندي الم بالفك صوب سن الناب وان في شي مثل العضمة البارزة لونها ابيض،، وان انا من الاساس ماعندي ناب كان بالفك وشالوه بالعملية،، المهم الدكتور بعد الكشف والاشعة طلع مافي شي،، وقالي ان هالالم عادي لأن مافي شي مكانه ولاعندج مشكلة،،

المهم،، الله يسلمك طلعت عندي مشكلة ثانية للأسف،، السن اللي بعد بعد الناب،، بين بالاشعة ان عندي كيس فوق بجذور السن وملتهب السن حده،، وواصل بالفك من فوق،، قالي الدكتور مالج الا الخلع والافضل تخلعينه بالمستشفى مب بالعيادات لأن الالتهاب واصل لمكان حساس وتكونين بالمستشفى احسن،، وانا بصراحة كل شي ولا الخلع،، فخذت الاشعة ورحت آخذ راي دكتور ثاني،، قالي ليش نخلع الضرس، خلنا نشيل العصب ونعالجه ونشوف يمكن يخف عليج الالتهاب ومانحتاج للخلع ونستفيد من الضرس فترة اطول،،

استخرت وبالاخير اقتنعت وعالجت العصب،، ولأني كنت بسافر الدكتور حط لي حشوة مؤقتة وقالي هالحشوة لو تم 6 شهور عادي،، مابحط لج حشوة دائمة عشان نتأكد اذا خف عليج الالتهاب او لا،، وعطاني مضاد حيوي استخدمه اسبوع،، وقالي متى مارديتي من السفر تعالي ونشوف ايش صار معاج..

انا الحين خذت المضاد بس احس بألم خفيف بين فترة وفترة،، توقع ان المشكلة ماانحلت مع اني عالجت العصب؟

انت ايش رايك يادكتور؟

طمعانة بإستشارة ثانية يصير؟

 

[د/ بدر حسين كرم]

الأخت:
ملح على الجرح
مشكله رائحة الفم لها اسباب كثيرة ممكن يكون فيه جير على الاسنان ويسوى رائحة موزينه وممكن يكون فيه مشكله فى التنفس (يعنى ممكن تكون اختك تتنفس من حلجها مو من الخشم ) والتنفس من الحلج ممكن يسوى جفاف للثه ورائحه وممكن يكون بسبب حشوات مكسورة او تركيبات فيها تجاويف يتجمع فيها الاكل فانصحها بمراجعه طبيب لتحديد مشكله الرائحه

 

[د/ بدر حسين كرم]

الاخت:
شوكولاته&فانيلا
الاعراض اللى تشكين منها غالبا هى اعراض التهاب مفصل الفك مثل ما قال لك طبيب الجراحه وهى اعراض مؤقته وانشاء الله تروح بس النصيحه اللى انصحها لك هى الوقايه لانها ممكن ترد مرة ثانبه و هى تكون بسبب البرد ففى بعض التعليمات :
لما تركبين السيارة لا تفتحى الشباك اللى جارك عشان الهواء البارد ممكن يسبب هذا الالتهاب
ولابد فى الفترة الجايه تلفين راسك و رقبتك بشىء يدفيها مثل حجاب ثقيل او كوفيه ولما تردين البيت لاتشيلينها مرة واحده لازم تستنين شويه عشان الجسم يتعود على درجه الحرارة الجديده للبيت
وممنوع نهائيا العلك فى هذة الفترة
وبالنسبه للكمادات الدافئه انا انصح فيها تكون على الجانبين فى نفس الوقت يعنى تجيبى شرشف و تحينه فى ماى دافى و بعدين تحطينه على اذونك الاثنين و الرقبه والذقن مع بعض
وانشاء الله خير وماتحاتيين

 

[د/ بدر حسين كرم]

الاخت :
جوري ستايل
السن اللى بنسويله عصي لابد انه يتلبس عشان لا يطيح الحشو وبعدين يتكسر الحين لابد من عمل اشعه للسن ونشوف اذا يبيله العصب تعاد ولا لا و بعدين نحطله حشوة وممكن وتد صغير و بعدين يتلبس

 

[د/ بدر حسين كرم]

الاخت :
"مجروحة الخاطر
اللتهاب فى هذا السن نادر جدا ولو موجود فهو اما يكون بسبب طلوع ضرس لبنى جديد و هذا يجعد يومين ويروح واما يكون تسوس جانبى او تحت اللثه من الصعب ان الاهل يشوفونه بعيونهم لازم طبيب وممكن يكون اللتهاب لانه مايفرش بانتظام فالكاكاو و بقايا الاكل والحلاو يتجمع حول الاسنان ويسوى التهاب

 

[د/ بدر حسين كرم]

الاخت:
الدرة الغالية
ان والله شايف ان اللى سويتيه هو الصح ليش نشيل الضرس حتى لو فيه كيس دهنى احنا نسويله عصب زى ما سويتى و بعدين نتابعه لو الكيس الدهنى حجمه يقل ولا لا لو حجمه ثابت ممكن نسوى عمليه موضعيه نشيل فيها الكيس الدهنى و نشيل معاها حته صغيره من الجزر مال الضرس ونسوى حشوه داخليه للجزور والالم اللى تحسين اظن انه طبيعى سوى اشعه بانتظام و قارنيها باللى قبلها وانشاء الله مايسير الا الخير

 

[الدرة الغالية]

الاخت:
الدرة الغالية
ان والله شايف ان اللى سويتيه هو الصح ليش نشيل الضرس حتى لو فيه كيس دهنى احنا نسويله عصب زى ما سويتى و بعدين نتابعه لو الكيس الدهنى حجمه يقل ولا لا لو حجمه ثابت ممكن نسوى عمليه موضعيه نشيل فيها الكيس الدهنى و نشيل معاها حته صغيره من الجزر مال الضرس ونسوى حشوه داخليه للجزور والالم اللى تحسين اظن انه طبيعى سوى اشعه بانتظام و قارنيها باللى قبلها وانشاء الله مايسير الا الخير

هلا دكتور،،

يعني هذا كيس دهني؟!!

عيل الحمدلله اني ماخلعته.. بس هذي سالفة طويلة تسوون عملية موضعيه وماادري ايش!!

ان شاء الله مايكبر حجمه ويختفي..انا مشكلتي اني مسافرة ومابرجع الا عقب شهر علشان جي احاتي من الالم اذا مازالت المشكلة موجودة..

 

[فراولة فسفوريه]

السلام عليكم

شلونك دكتور

بغيت اسال عن زراعه الاسنان

انا خلعت ٤ ضروس ورااا وقالي الدكتور لازم نسوي زراعه لانه ورا صار فرااغ واذا ماسويت بتتفرق الاسنان

فابيك تطمني شلووون طريقتها وصج يحطون براغي

 

[jegrom]

يعطيك العافيه دكتور

امس يبت ولدي عندكم العيادة بس الي استقبلنا الدكتور يوسف .. ( خوش عيادة وخوش استقبال يعطيكم العافيه)

سواله ضرس عصب وحطله حشوه مؤقته .. بغيت استفسر متى لازم امر العيادة ويتلبس الضرس؟؟

وعنده ضرس ثاني يعوره متى الوقت المناسب لعمل الضرس ؟؟

واخر سؤال عنده ضرس كان واصل العصب ووديته الاميري وشالوا العصب وحطوله تلبيس بس يحس مرات بعوار بنفس الضرس مع العلم ان صارله 3 ايام ..؟؟ شي عادي ولا لا؟؟

ومشكور وسامحنا عالاطالة

 

[د/ بدر حسين كرم]

هلا دكتور،،

يعني هذا كيس دهني؟!!

عيل الحمدلله اني ماخلعته.. بس هذي سالفة طويلة تسوون عملية موضعيه وماادري ايش!!

ان شاء الله مايكبر حجمه ويختفي..انا مشكلتي اني مسافرة ومابرجع الا عقب شهر علشان جي احاتي من الالم اذا مازالت المشكلة موجودة..

الأخت :
الدرة الغالي
ان شاء الله مايسير الا كل خير الموضوع يبيله شويه وقت عشان العوار يروح نهائيا انصحك بمضاضات الالتهاب و المسكنات فى الفترة الجايه و تجنب الاكل على هذا الجانب و بعد ما تردى بالسلامه نسوى اشعه و نقارنها بالاولى و انشاء الله مايسير شى خلال السفر و لو فيه اى عوار راسلينا على المنتدى وان شاء الله نفيدك بكل خير

 

[د/ بدر حسين كرم]

السلام عليكم

شلونك دكتور

بغيت اسال عن زراعه الاسنان

انا خلعت 4 ضروس ورااا وقالي الدكتور لازم نسوي زراعه لانه ورا صار فرااغ واذا ماسويت بتتفرق الاسنان

فابيك تطمني شلووون طريقتها وصج يحطون براغي

الاخت:
فراولة فسفوريه
اولا الزراعه تعتمد على كمية العظم الباقى فى الفك و الحالة الصحيه لكل مريد من ناحية الامراض مثل السكر وخلافه ويكون بعمليه موضعيه ببنج موضعى تتكون من جزئيين جزء جراحى اللى يتم فيه وضع الجزء السفلى من الزراعه اللى يشبه شويه البراغى و جزء تجميلى يكون غالبا بعده من 3 الى 6 اشهر و نحط فييه الضرس البورسلين
وعدد الزرعات ونوعها تختلف من مريض الى اخر حسب كل حاله

 

[فراولة فسفوريه]

الاخت:
فراولة فسفوريه
اولا الزراعه تعتمد على كمية العظم الباقى فى الفك و الحالة الصحيه لكل مريد من ناحية الامراض مثل السكر وخلافه ويكون بعمليه موضعيه ببنج موضعى تتكون من جزئيين جزء جراحى اللى يتم فيه وضع الجزء السفلى من الزراعه اللى يشبه شويه البراغى و جزء تجميلى يكون غالبا بعده من 3 الى 6 اشهر و نحط فييه الضرس البورسلين
وعدد الزرعات ونوعها تختلف من مريض الى اخر حسب كل حاله

يعطيك الف الف عافيه دكتوور

ودي اجيكم العياده لازم موعد

ولا اجي ع طول

واسفه ع كثرة الاسئله

وشكرا

 

[ملح على الجرح]

الأخت:
ملح على الجرح
مشكله رائحة الفم لها اسباب كثيرة ممكن يكون فيه جير على الاسنان ويسوى رائحة موزينه وممكن يكون فيه مشكله فى التنفس (يعنى ممكن تكون اختك تتنفس من حلجها مو من الخشم ) والتنفس من الحلج ممكن يسوى جفاف للثه ورائحه وممكن يكون بسبب حشوات مكسورة او تركيبات فيها تجاويف يتجمع فيها الاكل فانصحها بمراجعه طبيب لتحديد مشكله الرائحه

جزاك الله خير وجعله في ميزان حسانتك

عن جد يعجز لساني عن الشكر

 

[الدرة الغالية]

جزاك الله خير دكتور،،

عندي استفسار عن حالة أختي،،

الدكتور شالها العصب من شهر ونص وهي تألم للحين من الضرس، يعني الالم من داخل الضرس،، ويوم تشرب شي حار او بارد يعورها بزود،، كلش مب حاسة براحة مع الالم، حتى تقول يوم يدش هواء بارد يعور الضرس،، وهي سألت الدكتور عن الالم قالها بيتم معاج الالم ومااقدر احدد لج ايش كثر ولي متى..
مع انها حتى الحشوات العادية من التسوس نفس الحالة..

توقع يادكتور من شنو هالالم؟

 

[نجلاء القرني]

السلام عليكم
دكتور ودي استفسر عن شئ بس ياريت تطول بالك معي انا اسناني ضعيفة وعندي جذور الاسنان طويله ورفيعة حسب راي الدكاترة
اللي عالجت اسناني عندهم لاني كنت اسال كثير ايش يسوا وليش يطولوا ...المهم انا خلعت الاضراس السفليه من الجهه اليسرى واحد وانا صغيرة والثاني من كم شهر بسبب شدة الالم حتى بعد قطع العصب يعني في هاذي الجهه ماافي طواحن غير ضرس العقل المعالج بحشوة معدنيه ...دكتور اتمنى انك تكون فاهم وضع هاذي المنطقه كويس ...الضرس اللي خلعته من شهر هو الامامي مش الخلفي نقل التسوس للسن اللي فبله وبسبب سوء في عالج هذا السن اضطر الدكتور يسوي قطع عصب وقال هذا المفروض ينخلع لانه انكسر من تحت ودخلت اللثه داخل السن وسبب التهاب لكنه زبط الوضع بحشوة داخليه وحط حشوة بيضا قال لان المعدنيه ممكن تكير السن بعد مده...دكتور بدر ركز كويس .......خلاص ركزت ......قالي الدكتور لازم تسوي جسر او زراعه لتعويض الاسنان المفقوده والزراعه الحقيقه تكلف شوي عندنا في السعوديه فسالته عن الجسر وقال بيسوي اربعه اسنان اثنين بدل الاضراس اللي انخلعوا واثنين في الاطراف عشان يمسك الجسر كويس طبعا واحد للسن اللي هو عالجه والثاني بيمسك ضرس العقل بس مااقتنعت ان ضرس العقل يمسك ويدعم الجسر وكمان لان المسافه كبيرة مكان الضرسين اللي انخلعواواحس انه بيكون في فراغ بين اللثه مكان الاضراس اللي انخلعت والجسر ويكمن تصير في ريحه وحشه انت ايش رايك
وكمان بقول شي انا برضوا خلعت الضرس الامامي للجهه اليمنى من تحت.... الله يعين ضربية الشكولا...وصرت الاسنان الاماميه السفليه فيه بس ثلاثة فراغات وطبعا مع علمك بمشاكل الجهه اليسى ....اللي كتبتها فوق ....اذا حصيت تقويم سفلي عشان اسد الفراغات وبعدين اسوي التركيبات ينفع لان دكتوري لما قلت له بسوي تقويم هزئني وقال انتي تحتاجي لترميم وهو اهم من التقويم ولازم تعوضي الاضراس المفقوده وقلنا له طيب التقويم على الاقل بيعدل الميلان اللي صاير بالاسنان السفليه وبيعدل المساحة اللي لازم اركب فيها لانها صغرت مع الوقت من الجهتين اللي تحت ..وطلعت له بحكاية ان عندي بروز بالفك العلوي واحتاج تقويم ..قال لا ماتحتاجي تقويم لان هذا البروز لايق مع خط الجبهه والذقن والتقويم بينزل شفايفك ويبين وجهك اطول مع العلم ان وجهي طويل خلقه ...والترميم اهم من التقويم كل مااساله يقول كذا ............................كمان بهالحالة ايش رايك...........دكتور بدر معي انت انا اسفه طولت عليك سامحني واتمنى اني وضحت حالتي لك حولت ابسط الموضوع وماطلع معي غير كذا ...والله يوفقك