جيل الستينيات ...وينكم؟؟؟؟

[الغاليه ام احمد]

هلا وغلا بام حمنو

الحمد لله طلوا الحبايب

شلونج وشلون العيال والحفيدات

 

[ام خالد الغلا]

يا صباح الخير علا احلا خوات وغاليين علي

مشكورين علا السؤال بس والله الدنيا تلاهي

بس هم ما أقدر ما أطل عليكم

علا يوم ان شالله نتجمع بالبر عندي وحياكم الله انتوا وعيالكم واللي يعز عليكم المكان مكانكم

هلا وغلا ام عبدالله الله يهنيكم فى البر وتستانسون وعليكم بالف عافيه

ما تقصرين مشكوره على العزومه:eh_s(17)::eh_s(7)::eh_s(17)::eh_s(7):

 

[ام حمنو]

ام محمد احسن الله عزاكم وعظم الله اجركم الله يرحمها بواسع رحمته و يخلف عليها بالجنه ونعيمها ويصبر عيالها

 

[ام خالد الغلا]

السلام عليكم ورحمة الله وبركاته

اشلونكم حبايبي وعساكم بخير

واشلون عيالكم واحفادكم ومعاريسكم وزواركم ان شاء الله كلهم بخير وعافيه

*************


لكم تحياتي

اهلين ام حمد وعليكم السلام كلنا بخير ما نسال الا عنج يا الغاليه :hjy5jewf::hjy5jewf::hjy5jewf:

 

[ام خالد الغلا]

ام خالد وينج بشري طلعت نتيجة المنظار

هلا وغلا ام احمد ان شاءالله بكره بروح للدكتوره استلمت النتيجه بس ما فهمت شى والله يسهل وانشوف شنو النتيجه والله المستعان:yaaaaaarb::yaaaaaarb::yaaaaaarb:

 

[ام حمنو]

هلا وغلا بالجميع شلونكم مع البرد

من تغديناواحنا مقابلين الدوه وبس نشرب حليب وزنجبيل وشاي ولومي

 

[ام خالد الغلا]

هلا والله بالغاليات ام حمنو وفطومه والحضرميه عساكم دوم بخير وعافيه وعسى الله لا يقطع تواصلنا

 

[الغاليه ام احمد]

ماكو الا العافيه ان شاء الله

ويطلع التهاب خفيف وراح

 

[ام خالد الغلا]

خل اعطيكم تقريرى اليومى قبل ما اروح انام هذى قعدتى من صليت الفجر

اليوم رحت تريقت مع بنات الدوام المتقاعدات ومريت عقب مجمع النقره الجنوبى وعقب رديت البيت

وبنيتى تعبانه ظهرها يعورها من الجمعه وتونى بنسدح الا تنادينى يما لحقى على ظهرى وعلى طول وديتها الهادى من 3 لين الساعه سبع ونص على ما ردينا وسولها اشعه وطلع معاها دسك والله يشفيها ويشفى كل مريض

والحين اقولكم تصبحون على خير علشان اقعد حق موعدى

 

[الغاليه ام احمد]

ههههههههههههههه ام حمنو بين الكبر جمدكم البرد

انا رحت مع دلوله وجنتي للافنيوز وطبعا مثل كل مره دلوله ما عندها هدوم

وانا الهبله بس اصدقها

وقبل لا نطلع قالتلي يما برد لبسي واقوم البس سروال طويل واخذ الشال الثقيل

وطبعا اللي ودانا ابو احمد مع السايق وصلنا للافنيوز وراح ياخذ سياره حمودي

توها تخلص من العرس واهي بالوكاله عقب الحادث

المهم وصلنا الافنيوز وذبحني الحر وفسخت الشال

والبنات ذابحهم الحر

عقبها يانا ابو احمد ورحنا للحوش اللي بالسالميه

حضرتها تبي بوتات اللي داخلها فرو

بس صج اهناك برد موت

 

[الغاليه ام احمد]

اسم الله عليها وينها ووين الدسك

ما تشوف شر

 

[ام حمنو]

البرد عزر بي وانا منه ضــــــــــــــــايق
عجزت ارد حنوكي لا يرقلنــــــــــــــــــــا


كنه نفيث السم بين التــــــــــــــــــــرايق
ينفض عظام الصدر لين احتمنــــــــــــــا


منهو لبرد(ن) حل قابل وطــــــــــــــــايق
الا يا كود اللي مشبه مسنـــــــــــــــــــــا


حتى السما صحو(ن) ولا به بــــــــرايق
بالليل بيض نجومها يلعجنـــــــــــــــــــــا


خبري بوقت القيض واسهيل وايــــــــق
يوم العرب سراح منا ومنــــــــــــــــــــا

 

[الغاليه ام احمد]

صح لسانج

 

[الغاليه ام احمد]

ضمني بالحضن عن بردالشتاء ودفني لاصارت الدنيا جليد
ضمني بيدين مليانه
دفا
واعطني حبك وغيره مااريد

 

[الغاليه ام احمد]

يالله بنات شوفولنا يوم خلينا نطلع نتريق

 

[الغاليه ام احمد]

""" ليتـك معي في ليله البرد ندفــــــــــــــا


. . . . . وفي جمر شوقي اضمك وادفيك


تغفــــــى عيونك وانا اتوســـلك تكفـــى


. . . . . تـو اللــيل وتوني ما مت فيــــــك


وتنعس عيـونك على صدري وتغفــــــــــى


. . . . . وابوس لك " عينك "وبشوقوووي اغطيك

 

[ام حمنو]

سلامتها سباجه ما تشوف شر الله يعينها على العوار

ام احمد احنا مثلكم امس عقب ما صليت العشا بنتي الكبيره قالت لي اوديها السوق ما عندها ملابس حق الدوام ولاعندها بجامات ورحنا البيرق

 

[ام حمنو]

ام خالد احلام سعيده

صح لسانج يا ام احمد

خلو الريوق يوم اثنين

 

[الغاليه ام احمد]

والله يام حمنو البنات يلعبون فينا

دلوله كبتها بزوع من الهدوم بس بسرعه تقص علي

واول الشتا شاريه جوتيين فرو واليوم خذت بوتين فرو وحجزت بوت طويل جلد

 

[الغاليه ام احمد]

اوكي يوم اثنين حلو بس اي اثنين

خلينا نبلغ كل البنات واللي بتيي حياها الله