رد: انتي يا "النحيســـه " مثل ما تخشين ~ ما نبيج تدشيـــن !!! تجمع خطيررررر
والله انا استخدمت وايد اشياء وجربتها من المنتدى وبره المنتدى والصراحه في اشياء فادتني وفي لا ماحسيت بتغيير وفي اشياء ليلحين مستمره عليها لان شفت فيها نتايج كبيره ووايد ذكرتها في مواضيع المنتدى وبضيف عليها جم شغله جربتهم وفادوني
اول شي للشعر استخدمت وايد اشياء ومنهم : دابر املا روووعه بس اذا وقفتيه شعرج ايطيح
واللي ليلحين مستمره عليه زيت جوز الهند البنفسجي رووووووعه واللي شجعني شفت هنديه بصالون معروف شعرها لي اخر ظهرها
وسالتها قالتلي استخدمي زيت ناريل حتى لو براشوت ولو مره بالاسبوع بس ايطون دافي ودلكي فروه راسج.
وطبعا ماننسى الكثيرا مرتين بالاسبوع مع سدر واشوي حيل ريحان خيال للشعر
الصراحه هالاشياء اللي ماقطعهم حتى لو اجرب شي يديد لان صج رووعه للشعر
بالنسبه للجسم اشكثرررر جربت اشياء وياما تأذيت
بس الحمدلله وصلت لي مرحله عرفت شنو اللي ايناسبني وايفيدني ويوحد لون جسمي وانا بيضه بياضي حلو
اول شي الاشياء:
- الصابون المغربي ماستغني عنه واخلط معاه سدر اشوي واشوي حيييل شبه واشوي داد(من المغرب يايبينه لي) روووعه للجسم وتقدرين بس تحطين سدر واشوي حيل نتفه شبه..ايخلي الجسم روووعه وقطنه
- هبيت بصابونه البابايا بس هم ماستغني عن المغربي
- الخلطه الصابونيه من الاخت مزيونه وشقره ماعليها كلااام اكثر من روعه وانشالله برد اطلبها حق الشور اليومي
- بالنسبه لانواع السنفرات الطبيعيه اللي اتخليج قطنه بس مع الاستمرار بتلاحظين واتصفي الجسم:
- سدر وملح وزيت(اي نوع زيت حتى لو زيت عافيه) اخلطيهم وحطيها على جسمج وسنفري جسمج بحركه دائريه وخليها اشوي لو 5 دقايق والله والله والله روووووووعه .
- في سنفره مغربيه خذيتها من المنتدى هم حلووووه جربتها (حنه و ملح او شكر و زيت (اي نوع) سنفري جسمج فيها بحركه دائريه ممتازه.
- طبعا ملح الحليب حلووو بعد حق الشور السريع.
اللحين بتكلم عن خلطات التبيض الحلوه اللي هم استخدمها ورى اي سنفره من اللي كتبتهم فوق
طبعا لازم عندي سنفره كاب و هرده وسنفره مشمش
- حليب بودر 4 ملاعق وهرده 4 م وعصير ليمونه وسنفره مشمش واشوي ماي دافي تخلطينهم واتحطينهم على جسمج رووووعه وانا ماخذتها من المنتدى ومن واحد من الصالونات المعروفه بالحمام المغربي
- تقدرين تخلطين هرده واشوي ليمون وسنفره كاب واشوي ماي واتحطينها على جسمج خيااااال.
الصراحه هذي الاشياء اللي ماستغني عنها واستخدمها وارتحت على نتايجها وبشهاده اهلي ورفيجاتي
وطبعا الترطيب مانستغني عن الجليسوليد مع الليمون اتدهن فيه بعد الشور
وبعض الاوقات استخدم فازلين بزبده الكاكاو
وفي شي حلو وسريع انصح فيه خلطي زيت لوز مر وزيت ليمون وقبل لاتاخذين شور بساعه او ساعتين حطيه وبعدها اخذي شور بتشوفين اشلون بشرتج روووعه
وهم نصيحه ثانيه حطي عندج بالحمام ماي ورد في بخاخ وبعد ماتخلصين الشور رشي على جسمج كله ماي ورد روووعه
وطبعاااا الشاي الاخضر ماننساه شربي كوبين باليوم وبتلاحظين مع العنايه الخارجيه انه بشرتج توحدت وصفت
حتى ماي الورد حطيه بالماي وشربيه
وانشالله اكون كفيت ووفيت
