©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[منوشات]

حبيبتي سما الحمد لله انا بخير وان شالله انشالله يارب العالمين توصلين للوزن الي تبينه دون تعب وبصحه وسعادة والله من قلبي فرحتلج
حبيبتي ممكن عندي استفسار الحين انا اشرب سوائل بس احس اني غير يعني البنات يكتبون انه ما يقدرون يخلصون عصيرهم او الشوربه وانه يحسون بغصه .. انا اشرب العصير والشوربه عادي يعني ياخذ معاي وقت لاني اخاف اشرب بسرعه يضر العمليه فاشرب شوي شوي مع اني اليوم شربت 4 رشفات من العصير ورا بعض وما حسيت بشي.... عااااادي
خايفه لتكون عمليتي مو صحيحه مع ان الدكتور قالي انه قص ثلاث ارباع المعده بس للحين عندي خوف ما انزل حبيبتي ادري كثرة اساله بس شسوي مالي بعد الله غيركم
مقدار الشوربه والعصير اشربه مابين 125 و 200 مل حسب المزاج
طمنوني الله يجزاكم الخير

 

[منوشات]

بنات عندي سؤال والصراحه خجلانه حيل بس مضطرة
الحين متى يصير الجماع بعد العمليه عادي بعدها على طول ولا لازم وقت
الي تعرف تفيدني الله يجزاكم الخير

 

[** آية من الجمال **]

حبيبتي آيه .. وانا اقول قلب منو الي يمي.. طلع قلبج يابعد قلبي
*حبيبتي مشكورة ع النصائح القيمه ماشا الله عليج حافظه دروسج عدل

قصتي بسيطه جداً .. حبيبتي صدقيني لاقلتلج انها مثل الحلم بالظبط شلون تحلمين وتصحين هذا جذي..
ماقدر اوصفلج شكثر هالعمليه سهله وبسيطه ..
الي صار معاي كالتالي:
وصلت المستشفى الساعه 11 ع اساس انه العمليه الساعه 1 او 2 المهم ودوني غرفتي وعطوني ملابس العمليه .. وظقوني4 ابر واحدة مالة التغذيه والثانيه للحساسيه وثنتين حق السيوله ..
الدكتور كان عنده عمليه بالسيف وتاخر عن موعدي شويه .. الساعه 2.45 دخلوني غرفة العمليات وانا للحين مو شايفه الدكتور طبعاً قبل لا انزل غرفة العمليات حظنة بناتي وقعدة ابجي وانا خايفه وحاسه اني مو برادة حق بناتي
طبعاً خلال انتظاري موعد العمليه صليت ركعتين حاجه وشغلت نفسي بالاذكار والقران والدعاء

نرجع لغرفة العمليات دخلوني اياها وجت دكتورة التخدير وسالتني عن بناتي وقعدت تضحكني وتقول حق السيسترات عندها بنتين مثل القمر وشوي الا داخل الدكتور خالد العنزي شافني عيوني حمرا والدموع اربع اربع قال انت شحقه تبجين انا اوعدج انج بعد 6 شهور بتصيرين غزاله *وكانت هاذي اخر كلمه سمعتها عقبها غطيت بالنوم

الصراحه ما ابي اجذب عليج بس صحيت قعدت اصااااارخ من العوار احس جنه احد واقف ع بطني وظهري يعورنيي حييييييل بس ولله الحمد هالمعاناه ما خذت معاي غير دقايق وعطوني على طوووول مسكن وطلعوني غرفتي والحمد لله هني حسيت على نفسي اني خلصت واني بين عايلتي زوجي وبناتي معاي وحمدت ربي ونمت وكل ما اصحى اطلب مسكن وارد انام الين ثاني يوم والحمدلله ما طلبت مسكن لان العوار شويه
ضليت على المغذي وجاني الدكتور وقالي لازم تشربين كل ربع ساعه 15 مل ماي والحمدلله شربت
جاني دكتور خالد المسا وقالي انه قصو ثلاثة ارباع المعده قلت انا المهم اني اظعف قالي معاج 6 شهور وتصيرين سمبتيك
قالي الدكتور انه راد المستشفى على الظهر بس اذا حسيت نفسي زينه خلاص اطلع من المستشفى ولا استناه
وفعلاً ثالث يوم العمليه الي هو امس طلعت من المستفى الساعه 12 عطوني بندول اطفال مسكن اذا حسيت بالعوار وكمان نوعين ادويه وعطوني 12 ابرة سيوله لازم كل يوم اخذ واحدة ومراجعتي عند الطبيب الاحد
نسيت اقولج انه عمليتي خذت من الوقت ساعه وربع
وسلامتج واي استفسار انا بالخدمه*

حبيبتي ... حمدالله على سلامتك مرة ثانية :33_1185028183:

الجمل التي أعجبتني
1) شافني عيوني حمرا والدموع اربع اربع قال انت شحقه تبجين انا اوعدج انج بعد 6 شهور بتصيرين غزاله *وكانت هاذي اخر كلمه سمعتها عقبها غطيت بالنوم

وعده لك صراااحه وايد حلو يعطيك دفعه للأمام ... كلماته صراحة رائعة حتى وإن لم تكن كلها فعلية

2)جاني دكتور خالد المسا وقالي انه قصو ثلاثة ارباع المعده قلت انا المهم اني اظعف قالي معاج 6 شهور وتصيرين سمبتيك

صراحه كلامه يبجي يا ريت كل الدكاترة نفسه :eh_s(17):

حبيبتي ما تقصرين على عرض قصتك وفالج الصحة والرشاقة والسعادة وإلى الأمام دايما :eh_s(15):

بس عندي سؤال محييرني وكله مرددني جان قدرتي تجاوبيني أو أي وحدة من خواتي المتكمكمات وهو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لما صحيتي وصرتي أحسن ما إيي اببالك تاكلين كاكاوة / تشربين لاتيه / شبس / مصاص أو شعر بنات إنزين علج أي شي

لما وحدة من بناتك تآكل شي ما تتشوقين؟؟؟؟؟ عفيا أمانة جاوبيني بصراحة عشان هالسؤال من زمااااااااااااااااااااان محييرني وكان خاطري أسأله :080402ask_prv: يا ريييييت تجاوبيني بصرااااااااااااااااااااااااااااااااااااااااااااااااااااحة

أنا كله أحس إني لي سويت العملية بنحرم :eh_s(16):

بس لما أشوف الآثار الإيجابية من نزول وزن صحة وراحة نفسية أقول تستاهل التضحية ومادري بعدين شلون يعنى ماروح مطعم؟ لاتحطين اببالك أنا أفكر بصوت عالي ... والله المستعان

:eh_s(8):

 

[منوشات]

ايييييييه حبيبتي آيه حيل حيل اشتهي الاكل بس اوكل بناتي
الصراحه اكتشفت انها شهوه مو بجوع لان المعدة متروسه وما فيها احساس بالجوع
تصدقين بقولج سر بس هاه مابي احد يدري
حبيبتي احياناً اتحسف اني سويتها لان اشتهي وايد اشياء وما قدر حتى اذوقها بس للامانه احاول احط ببالي صورة الرشاقه والخفه والنشاط
واني اخيراً بشتري الملابس الي اتحسف من اشوفها بالسوق
والاهم اخيراً اقدر احط اصابعي بعيون زوجي لا طالع الرشيقات.. ما تدرين شكثر حرتي بس اشوفه يطالع غيري وانا ماقدر ابطل حلجي غير للاكل .. خلاااااااص يكفي خلاااااص بصير انثى وسلامتج

 

[سـما]

حبيبتي سما الحمد لله انا بخير وان شالله انشالله يارب العالمين توصلين للوزن الي تبينه دون تعب وبصحه وسعادة والله من قلبي فرحتلج
حبيبتي ممكن عندي استفسار الحين انا اشرب سوائل بس احس اني غير يعني البنات يكتبون انه ما يقدرون يخلصون عصيرهم او الشوربه وانه يحسون بغصه .. انا اشرب العصير والشوربه عادي يعني ياخذ معاي وقت لاني اخاف اشرب بسرعه يضر العمليه فاشرب شوي شوي مع اني اليوم شربت 4 رشفات من العصير ورا بعض وما حسيت بشي.... عااااادي
خايفه لتكون عمليتي مو صحيحه مع ان الدكتور قالي انه قص ثلاث ارباع المعده بس للحين عندي خوف ما انزل حبيبتي ادري كثرة اساله بس شسوي مالي بعد الله غيركم
مقدار الشوربه والعصير اشربه مابين 125 و 200 مل حسب المزاج
طمنوني الله يجزاكم الخير

هلا حبيبتي الجميلة منوشات
ممتازه طريقتج وكمية شربج
نفسي تقريبا

اهم شي ما تشربين بسرعه ومومهم الكمية لان من تحسين شبعتي وقفي
بالنسبة للسوائل خلال ثانية وحدة تصل للمعدة
وهي خلال اول عشر ايام تحديدا تكون تعبانه
وكلها جروح داخليه فتخيلي شلال بسرعه ثانية ينزل فيها
اكيد راح يعورها ويتعبها ويمكن ياثر على جروحها
الغير ملتئمة 100٪ لان يبي لها وقت

فدائما على الاقل الشهرين الاولين المفروض ما نشرب الماي بسرعه

اما الاكل فيستغرق 8 ثواني للوصول للمعدة



بالنسبة للجماع
اتوقع بعد اسبوع ويكون بهدوء

للامانة بعد نزولي عشره كيلو تغيرت نوعا ما حياتي الخاصة
كنت شبه متاكده ان للوزن علاقة ببرود العلاقة الخاصة
لكن الحين بصمت بالمليون

الله ينزل اوزانا الزائدة بالصحة والسعادة

 

[منوشات]

وفي شي بعد مهم اني للحين ما حسيت فرحة نزول الوزن والاكيد اني بس احسها بعرف نعمة وقيمة العمليه ووقتها اتحسف مليون مرة اني ما سويتها من قبل
حبيبتي لاتترددي وسويها ترا والله حنا ندفن نفسنا بالحياة ومن اجل شنو؟؟! شوية اكل
حبيبتي ترا والله متعه الاكل تزول بامتلاء المعدة لكن والله متعة الرشاقه ابداً لا تزووووول
ولاتنسين شغله مهمه انج عقب ماتوصلين للوزن التبينه " قريبا يارب" لاتنسين انج وقتها بتاكلين كل الي تشتهينه والحلو بالموضوع انج تاكلين بكميه معقوله والاهم انج ما تحسين بتأنيب الضمير انج زدتي 10 كيلو بدال لاتحاولين تنقصينه لو بس كيلو

 

[منوشات]

هلا حبيبتي الجميلة منوشات
ممتازه طريقتج وكمية شربج
نفسي تقريبا

اهم شي ما تشربين بسرعه ومومهم الكمية لان من تحسين شبعتي وقفي
بالنسبة للسوائل خلال ثانية وحدة تصل للمعدة
وهي خلال اول عشر ايام تحديدا تكون تعبانه
وكلها جروح داخليه فتخيلي شلال بسرعه ثانية ينزل فيها
اكيد راح يعورها ويتعبها ويمكن ياثر على جروحها
الغير ملتئمة 100٪ لان يبي لها وقت

فدائما على الاقل الشهرين الاولين المفروض ما نشرب الماي بسرعه

اما الاكل فيستغرق 8 ثواني للوصول للمعدة



بالنسبة للجماع
اتوقع بعد اسبوع ويكون بهدوء

للامانة بعد نزولي عشره كيلو تغيرت نوعا ما حياتي الخاصة
كنت شبه متاكده ان للوزن علاقة ببرود العلاقة الخاصة
لكن الحين بصمت بالمليون

الله ينزل اوزانا الزائدة بالصحة والسعادة

سما سما سما الرائعه الجميله الرشيقه من لي بعد الله غيرج
حبيبتي الله لا يحرمج الصحه مشكورة يا حياتي طمنتيني كنت حيل خايفه
تصدقين عاد والله اني احبج في الله جذي من غير ما اشوفج
واسال الله ان يجمعنا بظله يوم لا ظل الا ظله سبحانه وتعالى*

 

[دلوعه القمر]

آلحمدلله ع سسلآمتكم بنآآت

بس الحين بسسألكم آلحين بعـد عمليه التكميم مآيصير ترهل بالجسسم ؟!

يعني في نآس تنزل 40 كيلو وأكثر مآترهل أجسآمهم ؟!

معقوله يرد الجلد مكآنه ولآ لآء :080402ask_prv:


جزآهآ خير آلي تررد علي :eh_s(8):

 

[NeW-life]

هياااااآآآااااااااااااااااااااااااااا
هياااااآآآااااااااااااااااااااااااااا
هياااااآآآااااااااااااااااااااااااااا


اخيرا صار وزني 97

من سبع سنوات او اكثر وانا فوق الــ 10

بس ميزان دكتوري 107 والحين 97 ونص
الله ينزل وزنا بالصحة والرشاقة والسعادة

ماشاءالله الف مبرووووك :eh_s(7):

 

[NeW-life]

شلونكم متكممات شخباركم ولهت عليكم طمنوني شاخبار النزول والنفسيه؟
انا مستانسه للحين نازله 17 كيلو بس زندي محبطني وانشالله بدش نادي بس بعرف بجم اشتراك تشامبيون 6 شهور؟؟ انا كله اشترك سنه وما اروح استغفرالله المتن يخلي الواحد ثقيل بس الحين بلتزم عشان يشد جسمي
الي تعرف بلييز تقولي باسرع وقت

الف مبروووك ربي يتمم عليج :eh_s(7):

 

[NeW-life]

سلالالالالالالالالام

شلونكمـ يا متكمكماتـ 2011 ..؟؟

انا متابعتكم منزمااااااااااااااااان وسويت العمليه وهم اخذ معلومات منكم واستفيد وكنت ناسيه الباسوورد وتوني اغيره ..

وحافظتكم اغلبكم ام العيال ولوف انقل والتاجره نسيت اسمهاااااا وسمااا وتينااا ووايد

بسالكم احس اكلي وايد ؟؟!! متضايقه يعني ماشاء الله صارلي شهرين الا بس اكل عالغدا حبتين كباب ربع خبزه ومتبل شلوون احس وايد ؟؟ او بفك كامل وتوني ماكله 2 كوكيز وعصير سانكيست احس وسعتها واختربت معدتي زوجي محبطني ​

هلا وغلا ولكم باك

مابي اضيق خلقج بس أكلج. وايد على شهرين حاولي تخففين اكل
والله يعينج

 

[NeW-life]

بنات عندي سؤال والصراحه خجلانه حيل بس مضطرة
الحين متى يصير الجماع بعد العمليه عادي بعدها على طول ولا لازم وقت
الي تعرف تفيدني الله يجزاكم الخير

اهو مافي وقت محدد بس بالنسبالي بعد أسبوعين وكان الوضع جداً عادي ومافي الم

 

[سـما]

ايييييييه حبيبتي آيه حيل حيل اشتهي الاكل بس اوكل بناتي
الصراحه اكتشفت انها شهوه مو بجوع لان المعدة متروسه وما فيها احساس بالجوع
تصدقين بقولج سر بس هاه مابي احد يدري
حبيبتي احياناً اتحسف اني سويتها لان اشتهي وايد اشياء وما قدر حتى اذوقها بس للامانه احاول احط ببالي صورة الرشاقه والخفه والنشاط
واني اخيراً بشتري الملابس الي اتحسف من اشوفها بالسوق
والاهم اخيراً اقدر احط اصابعي بعيون زوجي لا طالع الرشيقات.. ما تدرين شكثر حرتي بس اشوفه يطالع غيري وانا ماقدر ابطل حلجي غير للاكل .. خلاااااااص يكفي خلاااااص بصير انثى وسلامتج

حبيبتي انتي منوشات
وانا بعد احبك في الله عسى ان يظلنا الله في ظله يوم لا ظل الا ظله

والجميع





حبيبتي كتب لج رد شطوله عن شهوة الاكل وشهوة التذوق وشهوة النظر للاكل
بس خلص الشحن وطفى الجهاز :/

في العشر ايام الاولى تقريبا مايكون المخ استوعب الاشارات الجديدة للجوع من المعدة الصغيرة
يقعد يستشعر الجوع من خلال حاسة التذوق والنظر

اشارات كاذبة للجوع

انا اضطريت اني اتذوق اي شي اشتهيه بشده
احطه بحلجي وامضغه / اعلجه حيل وااتذوقه واستمتع فيه
وبعدين اقطه بكلينكس

تقريبا مره باليوم او. مرتين بالكثير وكمية صغيره جدا يادوب اذوقها
بس انتبه ان ما يدخل شي للمعدة

قلت للدكتور وضحك وقال مو اول وحده انتي اللي تسوين هالطريقة
عادي لانه مو جوع هذا الشعور هو فقط رغبه تذوق لسان وعيون
لكن !!!!!!!



نبهني ان انتبه ان مايدخل شي بالمعدة
وخصوصا فتره السوائل الشفافة عشان جروح المعدة الداخليه ما تعلق فيها وتلتهب

ف انتي ان اضطريتي خليج صااااااحية
وتذوقي نتفه وقطيه على طول
وبمجرد ما يمرون العشر ايام تقريبا ما راح تشعرين يالجوع لان المخ تعود على المعدة الجديدة الصغيرة
واخذ رقمها اذا جاعت راح تتصل عليه

وبمجرد ما تشربين اي شي راح تشبعين فما بالج لو اكلتي لقمة او لقمتين










* نسخة للسيدة : اية للاطلاع مع الشكر

 

[** آية من الجمال **]

حبيبتي اية
كلامج فعلا صحيح وهو بعد مثل كلام الاطباء
لتجنب التصاقات المعدة وتحديدا في الشهر الاول
يجب الشرب بحد اقصى ساعتين
ويفضل بعد ما تمر ساعه الا شاربه شي حتى لو قليل



الله يكتب لج اللي فيه الخير

تسلمين يالغالية >>> والله أحرجتيني بردك :eh_s(22):

 

[الأسطووره]

السلام عليكم



اخت ايه بخصوص استفسارتج دكتوري الغده اهو عبدالناصر العثمان


اما بالنسبه للاستفسارات الثانيه انا طلعت من العمليه اشوف بالتلفزيون الناس تاكل تقلب جبدي اقول الناس شلون تأكل بعدين لما رجعت البيت وشفت الاكل وشميت الريحه صارت تقلب جبدي وتحوشني لوعه واذا تيمعوا يأكلون طلعت عقب اسبوعين صرت اول وحده عالسفرة اشوفهم واهم يأكلون واحس اني شبعت وهكذا وطبعا اي احد يطلب وجبه او بياكل يناديني تعالي شوفيني ولد عمتي الصغير يطلب ويقعد ينطرني لين ايي اتابع >>>>>عبالها مباراة وللحين فيني هالحاله يقولون مرض نفسي بس انا من يومني صغيرة احب اتابع اي احد يأكل بس زاد عقب عموما انا لي 4 شهور كرهت الاكل استغفر الله من كثر ما اكل وارجع ومستمر المسلسل والدكتور يقول كل شيء سليم غصبي روحج

 

[** آية من الجمال **]

"سمأ"

* نسخة للسيدة : اية للاطلاع مع الشكر

أشوه ما نسيتيني ثكرا

 

[** آية من الجمال **]

السلام عليكم



اخت ايه بخصوص استفسارتج دكتوري الغده اهو عبدالناصر العثمان


اما بالنسبه للاستفسارات الثانيه انا طلعت من العمليه اشوف بالتلفزيون الناس تاكل تقلب جبدي اقول الناس شلون تأكل بعدين لما رجعت البيت وشفت الاكل وشميت الريحه صارت تقلب جبدي وتحوشني لوعه واذا تيمعوا يأكلون طلعت عقب اسبوعين صرت اول وحده عالسفرة اشوفهم واهم يأكلون واحس اني شبعت وهكذا وطبعا اي احد يطلب وجبه او بياكل يناديني تعالي شوفيني ولد عمتي الصغير يطلب ويقعد ينطرني لين ايي اتابع >>>>>عبالها مباراة وللحين فيني هالحاله يقولون مرض نفسي بس انا من يومني صغيرة احب اتابع اي احد يأكل بس زاد عقب عموما انا لي 4 شهور كرهت الاكل استغفر الله من كثر ما اكل وارجع ومستمر المسلسل والدكتور يقول كل شيء سليم غصبي روحج

الأسطوورة

شكرا على الرد

بالنسبة للطعام >>> أول مرة تمر علي حالتك ههههههه يحليلك بس شلون إتابعين ماتتشوقين!!!

من صجك انا لو أشوف صورة بفك وإلا شبس على السيارات مالتهم بالطريق ... أتشوق وأروح أشترى نفسه ... شلون لي شفت بالصج >>>

عشان شذي أحاتي وأفكر مادري شلون بيكون وضعي وإحساسي لي سويتها إن شاءالله

ما شاءالله عليك >>> صراحة تصلحين حق صيام رمضان إذا شذي حالك :eh_s(1):

 

[تعبت من الرجيم]

ع البركه الحلوين الي ضعفوا،،

والحمدلله شلت اللزقات واموري طيبه ،،
لكن معاي التهاب بالصدر حاليا،، والدكتور نبهني علي سرعه العلاج ،،والمستشفي اكتبولي دخول لكن بحاول اني اعالج هالشي بالبيت وان شالله خير

 

[سـما]

ع البركه الحلوين الي ضعفوا،،

والحمدلله شلت اللزقات واموري طيبه ،،
لكن معاي التهاب بالصدر حاليا،، والدكتور نبهني علي سرعه العلاج ،،والمستشفي اكتبولي دخول لكن بحاول اني اعالج هالشي بالبيت وان شالله خير

حبيبتي تعلت من الرجيم
ما ابي اخوفج
لكن
لازن تدخليت المستشفى
لان التهاب الصدر وخصوصا ان جت لج حراره
يمكن فيه شي
وخصوصا انج توج في اول عشر ايام هالايام حساسة جدا

لازم تروحين المستشفى يجيكون على العملية
اذا فيج حراره لازم. تروحين المستشفى يا قلبي
حتى لو فيج شي لاسمح الله كل ما تروحين مبجر احسن

سمعتي حبيبتي !؟
لاتهملين نفسج
اذا فيج حراره توقفي عن الشرب وروحي للمستشفى


ان شاء الله ما فيج الا العافية

 

[منوشات]

بنوتات صباح الخيرات
حبيباتي انا اليوم المفروض ابدأ بشرب البروتين وما لقيت بالسوق غير البودرة والصراحه ماني عارفه شلون استعمله
مكتوب ع العلبه كل 500 مل ماي معاها 25 مل بروتين شلون مايصير جذي مو كثير شلون اشرب 500 مل ثلاث مرات باليوم