تجمع امهات الصف الثاني والثالث ابتدائي 2011/2012

[ام كوثر2007]

gلا قلبي لا تحاتين ولا شي ..


والمدارس فاضيه والله انا وديتهم بس عشان اسم الله عليهم ازعاج بالبيت ويحبون المدرسه ههههههههههه


قلت زلقه بطيحه بوديهم احسن .. بس باجر ما اعتقد بوديهم اذا اليوم المدارس فاضيه عيل اشلون باجر ..

 

[ود=الحب]

صباح الخير ... انا ام يديده معاكم
ولدي بثانية... احس اني ضايعه لان ولدي
كان بالباكستانية من الروضة لي اولى ابتدائي
احس اني تايهه

 

[ام كوثر2007]

هلا ورد حياج الله بالقرووب ..


االله يعينج صراحه من التنقل من نظام لي نظام ثاني

بس اعتقد انه الباكستنيه منهج العربي نفس الحكومه عدل ؟؟؟

بس يمكن الارقام بالرياضيات كلها انقلش

 

[جروح ودموع]

بالعكس اللي عيالهم بالباكستانيه يطلعون متاسسين صح بالعربي والانجليزي انا بنتي الكبيره كانت بالباكستانيه طول مرحلة الابتدائيه والمتوسطه حولناها حكومه اسم الله عليها بكل مرحله تتفوق على مستوى المدرسه الحين اهيه بالثانويه ماشالله عليها وايامها الباكستانيه كانت رخيصه الكورس 120 ديناار بس يطلعون الياهل عبقري ومتأسس صح بجميع المواد

 

[نور العرب]

ود= الحب

حااااالي من حالج

أنا أخواني كانو بالباكستانيه وهالسنه دخلناهم حكومه وحدي دااااااااااايخه وضايعه معاهم
الله يعينا
.

 

[أم بتول*]

طيب أنو أحسن من المدرسة العربية ولا الباكستانية بصراحة أنا مدرسة بنتي خاصة عربية بس بالانكليزي مو كتير قوية المدرسة يعني ما بحس عندهم تميز بالتدريس

 

[جروح ودموع]

بااجر المدارس رجعنا للهم والحمدلله رب العالميين وبغيت اعرف امهات متى الشهايد ؟؟

 

[ام كوثر2007]

طلعوا عينا بالعطله هاليهال المدارس وايد رحمه

وان يتنا المدارس تشكيناهههههههه


وعلمي علمج يا جرووح بنشوف متي ان شاءالله يوزعونهم

 

[جروح ودموع]

ام كوثر مبين عيالج مطلعين لج قروون ههههههههه الله يهديهم ويصلحهم ياارب ويعينا عليهم

 

[ام كوثر2007]

اي اسم الله عليهم فيهم طاقه يختي وما تطلع لا بالعطل هههههههههههه سلام الله علي ايام المدارس هانت باجر ان شاءالله ههههههههههه وعقب نتجابل اناوياج بتجمع الامهات نتحلطم يا جروح ههههههه

 

[هنوف الكويت]

يعطيكم العافيه على هالتجمع صراحه ماقصرتوا وحبيت اسألكم حبايبي عن حل كراسه التمارين للعلوم صف الثاني صفحه33 احس اني قفلت موقادره استوعب شلون احلها لها واهي عليها واجب

 

[جروح ودموع]

ام كوثر العربي يا ام كوثر اخ العربي ذبحني اليوم عنده واجب كتابة الدرس 3 مرات ومعطينهم جمل يكتبونها ويطلعون الاحرف المطلوبه وكلمات عليها وحل تمارين الكتاب وولدي بااارد يقعد نص ساعه على كتابة حرف واحد ودقيقه يبجي ودقيقيه يكتب وانا خلاص ياتني الجلطه والمصيبه الابله تعطيهم درسين بوقت واحد من كل درس الجمله الاولى منه مو صاحيه الحمدلله والشكرر

 

[ام كوثر2007]

اشلون درسين ؟؟؟؟؟؟؟؟؟؟؟ بسم الله شنو هالابله اللى مو صاحيه تعطي درسين ؟؟

انا صراحه اليوم ما عطوهم الخطه الاسبوعيه ولا حاطين واجبات ولاشي .. العربي مجرد ورقه عمل يطلع الاحرف الشمسيه ويحط ال علي الكلمات عشان يسوي كلمه قمريه وشمسيه وكان الله غفور رحيم ..


الله يعينج جروح بس ليش اسم الله عليه يكتب حرف نص ساعه ؟؟؟؟؟؟؟؟؟؟ خليه يكتب عيل شدي عليه ما يجوز حرف نص ساعه ويطول جذى المفروض ينسخ الدرس مره وحده وياخذ منه وقت عشر دقايق .. شدي عليه لا تطلع عينج وهو بثالثه وذيج الساعه تقعدين صج اطقين علي راسج .

 

[جروح ودموع]

ام كوثر اسم الله عليه يكتب وخطه حلوو بس قاعد يعاندني يكتب على مهله وقاعد يبجي يقول لي ملييت ايدي انكسررت انا ما احب العربي والابله تصارخ علينا كلنا بالصف وتقول لنا يا اغبياااااااااااااااااااااااااااااء وتوقفنا كلنا وتخلينا واقفين وتدرسنا وريولنا تعورنا الله ياخذها عقدت ولدي والله العام كان يموت بابلة العربي وكان شااطر عندها ومن اول السنه لاخرها واهوا كله امتياز بالعربي وتوزع عليهم العاب كل ويك اند تقول لهم استانسوا بالعطله لانكم شطار تدرسون عدل عشان جذي عطيتكم العاب بدال الواجب والله تهبل الله يبارك لها ويوفقهاا دنيا واخره

 

[ام كوثر2007]

ذكرتيني بولدي هههههههههههههههه لمن قالي مره ايه الغباوه دي . ههههههههههه قلت خير ؟؟؟؟؟؟؟؟؟؟؟ من وين متعلم هالكلمه المصريه ؟ جان يقولي الابله تقول عن اليهال اللى ما يحلون الواجب وما يشاركون جذى ههههههههه قلت يزاكم واقل من يزاكم ههههههههههههههههه تخيلي ايه الغباوه دي هههههههههههه ورب الكعبه غشيت ضحك ..



شوفي لايقولج ايدي وماايدي.. خليه يمارس الكتابه بشكل مستمر تقوي عضلات ايده .. كان عندي ولدي جذى وشديت عليه والحين احلي ماده عنده العربي .. لا يكسر خاطرج ولدج مالج شغل فيه عيالنا كلهم دلع ماصخ .. شدي عليه جرووح نصيحه اختج

 

[جروح ودموع]

امبييييه ام كوثر ههههههههههههههههههه مت من الضحك على ولدج دمه عسل تبارك الرحمن وصج يا وخيتي عيالنا دلع مااااصخ وراح اشد عليه اكثر مثل ما نصحتيني يا قلبي والكارثه باجر املاء عربي وللحين ما حفظ الاملاء عدل يا ناسي حرف يا ماكل كلمه والله تعبت والحين براجع له قبل ما ينام

 

[ام كوثر2007]

اي الغباوه دي يا قرووح ؟ ههههههههههههههه


شوفي انتي اذا ضبطتي معاه المدوود والمد بالالف والياء والباء ,, والتنوين والضمه والفتحه والاحرف اكيد .. صدقيني المفروض الحين اي كلمه تعطينه يكتبها بس قوليها له .. شدي عليه وانا اوخيتج .. والله ما طلعنا اوادم احنا غير شده اهلنا الله يذكرهم بالخير .. لا تخلين عيال الاي بود يسيطرون علينا هههههههههههه


موفق بالاملاء ولدنا فديته .. عسى الله يخليه لج.

 

[جروح ودموع]

تسلمين يا ام كوثر وعاد تصدقين قاعده اراجع له مييييييييييييييييييح ولا جنه حافظ والحين نام وباجر اكيييد صفر بالاملاء والله بااط جبدي باجر ان شالله بدور له مدرسة عربي تاسسه صح

 

[& شرطان الذهب &]

السلام عليكم

بنات شنو سالفه كتيب القيم التربويه الايجابيه

اليوم وزعوه ع مدرسه بنتي

وفيه اسئله ويبونا نجاوب عليها

انا ياله بطلعه الروح خلصت واجباتهم زبنتي اذتني حليه عشان الابله ماتهاوشني

اللي عطو بنتها هالكتيب خنتساعد عليه​

 

[جروح ودموع]

شرطان الذهب والله ما ادري اول مره اسمع فييه