"يـــوم قــــــلبي اسيــــــــرك شـــــفت نــفسك ملك " روايتي الأولى

[bshbosha]

البارت وايد حلووو
... waiting ​

 

[A7laa kuwaitia]

يحليلج صغيرة عاد شنو تبين علمي نفسي اوادبي

لا طبعاا ادبي ماني خلق علمي لووول

 

[بنت ديرتها]

" البارت 41 "

-------------


فهد سواله اكاونت يديد بتويتر بس حرفين fs
و راح سوه فولو حق وايد بنات و عقب سوه حق شيخه

-------------

و كان يشووف كل الي تكتبه اشياء عاديه ماكو شي مهم

---------------
بليل عقب ما خلص الأستقبال

لولو و صقر و لجين و ام جاسم و ام صقر قاعدين

لولو : انا ابي اسميها جوى
صقر : لا لا شالأسم نقي اسم سنع
لولو: واي صقر كل ما اقولك اسم تقول لا لوعت جبدي
صقر : اي نقي اسم نفس الناس شان و جوى و مادري شنووو
يعني شان بالله شلووون بدلعها بقولها شاني يمصخرون بنتي بالمدرسه
لولو : خلاص بسميها الزين و شوف لا تطلعلي اعذار الاسم اينن
صقر : يعني الزين صقر ال
جنه قوي الاسم ها
لولو : يعني عاجبك
صقر : اي اهون من الباجي
ام جاسم : واي بطيتوا روسنا و انتوا تحنووون
لجين : اي والله يلا يما نمشي ترا دخت
ام صقر : و انا بعد بمشى متى بيرخصونج
لولو : باجر الصبح
لجين : يلا عيل احنا بنقووم و انتوا تناجروا لي الصبح على الاسم انا قلت لجين بس كيفكم
لولو : روحي روحي هذا الي ناقص اسمي بنتي عليج
ام جاسم : ويه حاصلج مالت عليج و على بنتج
ام صقر :هههه يلا قوموا لا يصير مذابح على هالأسم

-------------
يووم دزه شيخه

شيخه تحووس بدارها
و لجون قاعده تطقطق بالتلفون
شيخه : امبي لجين مو من صجج انتي يايه هني عشان تقعدين جذي
لجين : شسوي يعني
شيخه : لا لا برووودج راح يذبحني قوووومي سوي شعري
لجين : اوكي
و قامت لجين سوت شعر شيخه ستريت
شيخه لبست بدله تنوره قصيره لونها بيبي بينك مع بويفرند نفس التنوره و تحتهم قميص ابيض حرير و كعب ابيض
و كان شكلها وايد ذرب و ناعم

شيخه : واي مادري شلون بشوف عبير قطع
لجين : بتيي
شيخه : اكيد شرايج انتي
لجين : و منو بيي
شيخه : مرت عمي و عبير و خالات عمر 3
لجين : اها
شيخه : واي لجون كل ما تقرب السالفه و احس انها صارت صج اخاف
لجين : من اي ناحيه
شيخه : مادري لا تسأليني
لجين تبي تريح شيخه : اي عادي حياتي هالشي طبيعي نفس حجي لولو و شوفيها الحين اهيه و صقر ماكو احلى منهم و مرتاحين الله يخليهم حق بعض
شيخه : تهقين يعني
لجين : اي والله
شيخه : اوف كان ودي فيو و ضيوو يكونون وياي
لجين : الحين تلاقينهم يحوسون بدبي مووول و طايحيله تسوق
شيخه : ههه اي والله الكلاب مكانهم مبين
لجين : اي والله بس بخصوص اني انا مو تارسه عينج
شيخه شهقت : واي عاد كلش ولا لجونتي و لمتها شلون ما تترسين عيني حاصلي انا
دشت عليهم شرووق
شرووق : ها خلصتي
شيخه وقفت : اي شرايج
شرووق : تيننيين يا كلبه احسن عشان يحتروون
شيخه : ههههه هاذي البدايه
شرووق : اي اقولج مو تصيرين طيبه انتي تدرين صوب خالتي موضي علل و عبيرو طالعه عليهم
شيخه : لا توصيني افا عليج انا منو اختي مو شرقووو شلون بيقدرون علي
لجين : واي يمه تخرعوووون عصابه والله
شيخه : ههههه
شرووق : انزين يلا انا نازله ترا وصلوا انتي شوي و نزلي
شيخه : اوكي

لجين : يلا الحين انا الي علي سويته بمشي
شيخه : لا لجووون خلج يمي
لجين : هي عيب و انا بروح اشتقت حق الزين واي تينن والله
شيخه : انزين و باستها
لجين : بس كل شي يخلص كول مي مو تنسين
شيخه : لا لا اكيد
لجين : يلا باي حبي انا بطلع من الباب الي ورا اوكي
شيخه : اوكي
و قامت باست لجين و راحت

يوا اهل عمر و كنت ام خالد مبخره الصاله و هالحلو السنع و الترتيب و التقديم و شرووق قاعده ويه امها
و سوالف كلهم و عبير كانت رافعه خشمها
عقب ربع ساعه شرووق دزت مسج حق شيخو انها تنزل

شوي و نزلت شيخه و يببوا و قعدت و عبير كانت تخز شيخه من فوق لي تحت
ام عمر : تعالي يمه قعدي يمي و قامت شيخه قعدت يم مرت عمها
و قعدت تسولف وياها
و خالات عمر استانسوا على شيخه و قعدوا كلهم سوالف و ضحك
الا عبير كانت بس تبتسم و ما تشاركهم بالسوالف و كله متنحه بالتلفون

عقب ما مشوا كانوا يايبين صندوقين كبار و مكتوب فيه شيخه و عمر واحد كان فيه المهر و الثاني عطورات و بخور و دهن عوود و ساعه ماركه و قراًن و مبخر و هالسوالف

قعدوا يشوفونهم شرووق و ام خالد
ام خالد : ما قصروا والله سنع بس شفيها عبير ما تتكلم
شرووق : اي قطع هالزفته الياهل رافعه خشمها مادري على شنو
شيخه : تولي محتره
دش عليهم خالد
خالد : اوووو اوووو اووو شيخووووو صايره مره شالكشخه
شيخه : احم استحييييي
خالد : جب جب مو لايق
خالد : الله شنو هذا و قاعد يبطل الصندووق
يعني اذا تزوجت تودون جذي حق مرتي
ام خالد : اي انشاءالله بس انت انوي يا اني حاطه عيني على بنت طيبه رفيجتي قطعه من الجمال بنتها
خالد : لا بنت طيبه و لا غير طيبه انا لا بغيت اتزوج انا الي بختار
شرووق : اي بس درينا منووو
خالد : دام تدرين صكري حلجج
شرووق : و ثول انا اختك العوده احترم نفسك
خالد : بل بل انتو شماكلين شفيكم جذي صايرين اصعد داري ابركلي



خالد صعد غرفته " يارب ايي اليوم الي يجمعني فيج يا في والله اشتقت لها "

----------------

شيخه عقب ما صعدت دارها دق عليها عمر
شيخه : الو
عمر : صورتي اليوم
شيخه : لا
عمر : تستهبلين امي يايه تمدحج و ميته عليج انا غرت شلون ما تصورين
شيخه : مادري انزين بعد قولي شنو قالت امك عني خالاتك عبير
عمر : الحين هذيل كلهم هامينج و انا لا
شيخه : امبيه شكووو بس والله ابي اعرف شقالوا
عمر : يعني اهمج
شيخه : لا والله لا تستعبط اكيد تهمنيي مو انت خطيبي وولد عمي و ريلي انشاءالله
عمر : وبس
شيخه : اممم
عمر : شيخه عادي اسالج سؤال ؟
شيخه : اكيد
عمر : انتي تحبيني
شيخه : انت شنو شايف
عمر : تبين الصج شايف انج مهتمه تحبيني تعزيني بس بصراحه مو قادر احس بهالشي
شيخه تضايقت : و شلوون اثبتلك ياه و ليش مو حاس
عمر : يمكن لانه كل هذا مو من قلبج شيخه انتي متأكده تحبيني
شيخه : عمر شفيك عقب كل شي بينه و هالأيام الي عشناها ويه بعض و كلها جم يوم و اكون على ذمتك اليحن ياي تسألني اذا احبك ولا لا و اذا قتلك لا يعني شبتسوي
عمر : نفس ما توقعت يعني لا خلا يبه ماكو شي بالغصب بس دام ما تحبيني ليش وافقتي محد طقج على ايدج و غصبج
شيخه : عمر مو من صجك انا قلت لا
شيخه بتردد : والله احبك
عمر : شنووو
شيخه : اي احبك بس الحب مو كلمه تنقال احترام فعل شي بينه و مو لازم اقولك احبك عشان تصدق انت شوووف تعاملي وياك و بتفهم
عمر : ادري والله بس شيووخ مو معقوله مو قادر اسمع منج هالكلمه انا مستغرب منج احس الرومنسيه اكس عندج
شيخه حست انه كلامه عدل و انها مقصره من هالناحيه
شيخه : تو الناس خل كل شي بوقته و الحين لا تخرب اليوم علينا صك هالموضوع
عمر : انزين ما حددتوا متى الملجه
شيخه : اسبوع الياي و بعدها بشهر العرس
و ماراح اسوي حفله بالملجه بس نملج و تعزمني على العشا و بس
عمر : ههه امووت على الي مقرره و تعزم نفسها
شيخه : بعد هذا الي بيصير
عمر : اي اي عدل كلامج

---------------------

بدبي بالفندق بليل

في : واي ضيووو صج حسيت بخلوود فاقدته صج انه بس مسجات بس احس ودي اسمع صوته
ضي : دقي عليه
في : لا لا ابيه يشتاقلي
ضي : اي تعالي اليوم دزة شيخووو الحماره
في : اي صح نسيت خل ادزلها مسج
ضي : انزين يلا نامي ورانا قعده باجر مبجر
في : اوكي
----------------

ثاني يوووم شيخه
تقرا تويتات قالت بتجيك على ال followers
شافت الأسم fs
و بس انه مو كاتب و لا توييت و الفولوينق 15 يعني شي يشكك
سوت فولوباك قالت بتشوووف

فهد كل شوي يجيك اذا سوت فولو باك ولا
شيخه شكت انه اهوا فهد دزتله دايركت مسج منوو ؟
فهد شافه و توهق ومارد

----------------------

لجين قاعده ويه لولو و لولو حايسه اب بنتها
لولو : اوف لجين وين امي
لجين : طلعت
لولو : اوف
لجين : شفيج
لولو : اذتني بس تبجي مادري شفيها
لجين :يمكن يوعانه
لولو : اوف والله طقت جبدي نفسيتي تبن
لجين : اوله هدي والله تينن في احد عنده هالقمر و يعصب
لولو : اي لانج طول اليل تخمدين مو كل شوي تتفززين على اقل حركه
لجين : بعد الي يبي الدح ما يقول اح
لولو : زين بس جبي
و لولو تنوم بنتها شوي و نامت
لولو : واي لجووون ابي اخلص هالأربعين و بدش نادي شوفي جسمي شلون اخترب
لجين : اي لاحقه عادي
لولو : لا مو سمعت خالتي انه الأسبوع الياي بيروحون يشوفون حق سليمان وحده يخطبونها له لازم اضعف اكيد في عرس و لويه و انا جنتهم العوده
لجين جنه احد كات عليها ماي بارد
لجين بغصه : صج
لولو : اي
لجين : اها يحليله
لولو : لجوون شفيج تضايقتي ؟
لجين : شكو بس امبي حاشني مقص ابطني قام يعورني
لولو : هممممم قومي تدفي لبسي عدل
لجين : اي شكله جذي و قامت

صعدت لجين غرفتها و قعدت تبجي
" انا ليش جذي حظي عمري و ما حبيت و لا فكرت اكلم و العب نفس البنات و اخر شي الي احبه مو معبرني و بيتزوج يارب "

----------------------

باقي يومين و يردون في و ضي من السفر

في تسولف ويه خالد مسجات بس مو طول اليوم 3 او 4 مسجات باليوم

في قاعده بالمطعم ويه اهلها وصلها مسج
mshtaglich
ابسمت
ابوها : شفيج تتبوسمين
في : ها هاذي شيخه تسأل عنا
لطيفه : اي يحليلها ملجت ولا ليلحين
ضي : لا عقب ما نرد بيوومين
لطيفه : يحليلها الله يوفقها
ابوهم : انا من رايي البنت صغيره مادري شلون ابوها موافق لازم تخلص دراسة بالجامعه و تشتغل و بعدها يصير خير الزواج مو طاير
في معنها مو حاطه ابالها انها بتتزوج الحين بس تضايقت لانه تدري شكثر خالد يحن
لطيفه : بالعكس مافيها شي شنو يعني اذا البنيه تزوجت و درست
هذا نصيب ليش نوقفه عشان دراسه
ابوهم : اي مثل ما قلتي نصيب و النصيب ورا الدراسه الشهاده اهم محد بينفعها بعدين
-------------------
لجين دقت على شيخه و قالت لها

شيخه : لجين ليش ما تضيفينه بي بي ام و تقوليله
لجين : اولا اهوا ايفون و ثاني شي مستحيل اقوله شقوله يعني احبك
شيخه : هممم انزين سويله فولو و تقربي منه ماتدرين
لجين : مادري يمكن ما عنده اكاونت
شيخه : اوهووو انتي شوفي اول عن التشاؤؤم صقر عنده؟
لجين : اي
شيخه : اوكي دشي على الفولوينق ملوته و اكيد بتلقينه
لجين : اوكي
شيخه : لجوون ما وريتج بدلتي الي بلبسها حق الملجه صح
لجين : يا حماره استلمتيها ولا دزيتيلي صورتها
شيخه : بس اسكره ادزلج

------------------

وردوا في و ضي الكويت

في اول ما وصلت البيت دقت على خالد
خالد : و انا اقوووووول ليش الكويت منوره الحمدالله على السلامه
في : ههه الله يسلمك
خالد : متى وصلتي
في : قبل شوي
خالد : اها اها انزين شكثر مشتاقتلي
في : امبي وايد وايد وايد
خالد : شكثر يعني
في : كثر شعر راسك
خالد : ههه مليقه
في : ههه والله وايد احس جنه سنه مو مكلمتك
خالد : والله انا بعد حيييل فقدتج ما تعودت بليل اسمع صوت نونو و سوسو و لولو
في : نعم نعم
خالد : اي شنو انا واحد ما اعرف انام الا على صوت وحده و انتي سافرتي شسوي بعد
في : خالد شووف لا تقعد تستعبط ترا ملييق و دمك ثقيل و ما يضحك
خالد : ههههههههههههه والله اتغشمر يعني لا تصيرين غبيه
في : لا مو غبيه بس ماحب لما تملق جذي و غشمره بايخه
خالد : انشاءالله ما اعيدها
في : اي عبالي
خالد : جب زييييين لا تستانسين وايد
في : واي بسم الله توني راده يعني خلني ادلع علطول جعمتني و تدقر
خالد : خلاص عندج ساعه تدلعي فيها
في : وايد عليك
----------------


يوم الملجه

كل البنات عند شيخه قاعدين وياها بالدار كانت على الساعه 3 العصر

شيخه : امبيه بنات ببجي والله خايفه مابي احس كل شي بعد شوي بيصير صج
ضي : هي يا حماره لا تسوين افلام
و يلا دشي سبحي عشان اسوي شعرج
شيخه : اوكي

و راحت شيخه و سبحت

و بعدها ضي و لجون قعدوا يسوون شعر شيوخ بالويفي
شيخه : ما ابيه صغار كبار
لجين : انزين جب لا تعلمينه نعرف

في ماسكه جنطه الصبغ : اي لووون تبين
شيخه : انا بدلتي رمادي بسلفر احط عنابي ؟
في : لا لا وردي احلى عشان الميك اب و الحمره يكون شكلج ناعم
شيخه : اوكي

وره صلاة المغرب الريايل ابيت عمر
ابووه متوفي من زمان فكان عمه بو خالد حسبة ابووه
و كانوا مسوين عشا و عازمين الأهل

ملجوا
خالد دق على امه
خالد : مبرووك يمه ملجوا

ام خالد : الله يبارك فييك
و يببت
شيخه توها مخلصه مكياج
سمعت يباب امها
شيخه : امبيه اكيد ملجوا
فجت شرووق الباب عليها
شرووق : الف الف مبرووك و باستها
كلهم قاموا باسوها و باركوا لها
شوي و رن تلفون شيخوو
شالته : هاا شمووول ياحماره متى تيين
شمايل : مبروووك حبيبتي يلا باجر انشاءالله انا عندكم انا الحين بالمطار
شيخه : الله يبارك فيج

عقب ما صكته دق عليها عمر
شيخه اوش لا تتحجون هذا عمووور
شالته
عمر : مبرووك يا عروسه
شيخه : الله يبارك فيك
عمر : نص ساعه و امرج اوكي خلج زاهبه
شيخه : انشاءالله
و صكته
شيخه : امبي تصدقون توني حسيت اني استحي منه هههه
لجين : خبله والله
ضي : عاد شيخو هالله هالله بثقل و الذرابه انسي ماضييج الأسود بالدفاشه جدام ولد عمج
شيخه : ههه جب يا كلبه لا تذكريني شدراني انا انه اهوا بيصير ريلي
في : واي شيووخ احس جنه غشمره لما تقولين ريلي
شيخه : هههه مي تو يالله الفال لكم حبايبي و اشووف فيوو عندنا بالبيت
في رفعت ايدها : امييييييييييييين
ضي : واي صج مطفوقه
في : بعد شنووو قاعده ادعي ربي حرام

-------------------


مر عمر شيخه و كان مغتر و كاشخ و هالعطر و البخوور

و شيخه كانت لابسه نفنووف قصير رمادي وايد كان كشخه معه حزام سلفر و كعب سلفر و جنطه كلج
و الميك اب ناعم و حمره ورديه
و شعرها ويفي كبار

دش عمر الصاله قاعد ويه ام خالد و شرووق على ما تنزل شيخه

و هناك ابيت عمر كانوا مسوين عشا عمام عمر و خواله هناك ويه خالد و بو خالد

نزلت شيخه و شرووق و ام خالد يببوا
و البنات كانوا يطلون من الدري
قام عمر و باسها على راسها و كان شكلهم اينن و ام خالد قعدت تبجي من فرحتها

طلعوا عمر و شيخه بالسياره
عمر مزهب الأغاني حق شيووخ و طول الطريج ماسك ايدها
أذوب بعينك الحلوه وسكرها وحتى الدنيا أنساها ولا اذكرها
أنا اللي سكر عيونك يذوبني دخيلك لا تذوبني وسكرها
انا ادري ذوبتهم نظرت عيونك وصارو من حلاوتها يحبونك
وادري أني لوحدي لوحدي ساكن بكونك ولعيوني جميع الناس تنكرها
تغار وتسعد احساسي بهالغيره واحس أني لقلبك موطن وديره
ولاغيرك شغل قلبي وتفكيره يالذة دنيتي الحلوه وسكرها
تدلعني وفيك الروح ملتاعه وانا روحي لدلالك دوم طماعة
معاك ودي أوقف عقرب الساعة وحتى عيوني ماودي اسكرها
إذا تهمس احس بلهفت انفاسك واحس اني انا مت من دفوة احساسك
واحس بكل فكرة حب في راسك قبل ما تقولها لي او تفكرها
وجودك في حياتي يامهنيها يعوضني عن الدنيا وما فيها
وروحك لا عجزت بروحي اوفيها على كثر المحبه ودي اشكرها

http://www.youtube.com/watch?v=9eOw-Wpz3Xk

----------------------

​

 

[D_a_n_o]

مسكين فهد اذا عرف انها انخطبت
وعبير ويع ماحب نظامها !
ما عندي توقعآت
يعطيج آلعافيه

 

[Dashtawya]

نااايس و يسلمووو بس امبيه ليش خذت عمر

 

[جنى199]

امبي اخدت عمر شكرا على البارت وايد روعة يا رب تنكشف الحقيقة كلها

 

[جعلي فدوه لبوي]

شكلها بتكره عمر لو درت عن الي سواااااه وصج كل عام وانتي بالف خير وعقبال ١٠٠ عام 

 

[يافديت الدلع]

كل عااام وانتي بالف خيييييييييييييييير وعقبال 100 سنه
http://youtu.be/LHWnT7qoWXQ

 

[غلا الخالدي]

اب اب اب اب

 

[يافديت الدلع]

http://youtu.be/l5bcaL-4FL0
وسامحني ع القصووور

 

[bshbosha]

حرام احس هالفرحه راح تنقلب حزن لمه تدري عن سالفه عمر وفهد !
كملي خيتووو ناطرينج ​

 

[جنى199]

اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب لعيون بنت ديرتها

 

[D_a_n_o]

كــل عآم وإنتــي بخير :*
up ~
up ~
up ~

 

[نهاية حبنا]

up up

 

[بنت ديرتها]

" البارت 42 "
------------------
تمشوا بالسياره شيخه و عمر و عمر كان مستانس وايد وايد كان ماسك ايد شيخه و حس انه ملك الدنيا و سوا الي يبيه

ووصلوا فندق الشيراتون عشان يتعشون هناك

عمر : يلا متى يعدي هالشهر عشان اخذج و ننحاش عن الكل
شيخه : ههه لا تحن بيعدي انشاءالله تصدق اني مو قادره استوعب انه خلاص ملجنا
عمر : اووه لي هالدرجه مو مصدقه لي هالدرجه انا حلم كنت بالنسبه لج
شيخه : هي امبي ههههه لا تصدق نفسك
عمر : اتغشمر يبه و بعدين شدعوة ما استاهل
شيخه : هممم امبلا اكيد تستاهل
عمر : انزين يلا قولي شنو تبين تطلبين
شيخه : مو يوعانه
عمر : ولين شنو مو يوعانه خلاص اطلبلج مثلي
شيخه : كيفك
--------------

ام خالد : واي شرقوو لما قالي خالد انهم ملجوا حسيت شي منشلع مني والله مادري شلون شيخو تزوجت مو متخيله البيت بدونها
شرووق : ويه يمه الحمدالله تزوجت و عندج هالشهر شبعي منها و بعدين بس افتكيتي من مسؤوليتها عندج شمايل لي ردت هاذي بروحها بلوه
ام خالد : اي والله الله يصبرني عليها كل ما تكبر تدبر

---------------



طبعا عقب ما شيخه طلعت كل البنات ردوا

في قاعده ويه ضي بغرفتها
في : واي الله يتمم على شيخوو تصدقين شوقتني بس ضيوو اخاف خالد ايي و ابوي ما يرضى سمعتي بدبي شقال
ضي : والله مادري فيون بس يمكن لي صار الموضوع صج يغير رايه و انتي نطري شوراج
في : والله انا عادي انطر بس بعد 3 سنين وايد و انا ما قلت حق خالد انتي ما تتخيلين شكثر نتهاوش على هالسالفه والله اخاف يمل و يشووف غيري
ضي : لا يبه السالفه مو لعبه شنو يشوف غيرج و بعدين اهوا يحبج و يموووت فيج و عشانج بينطر
في : انشاءالله
ضي : انزين سمعي البس اي البدله الحمره و لا الكحليه حق عرس شيوووخ
في : جنه الحمره احلى
ضي : انزين قومي ننزل نقعد ويه امي و ابوي
في : اوكي

و قاموا نزلوا تحت
------------------

كانت الساعه 12

عقب ما تعشوا شيخه و عمر تمشوا بالسياره و مروا شربوا عصير

شيخه رن تلفونها
شيخه : هاذي امي قاعده تدق
شالته
ام خالد : يلا يما متى ناويه تردين
شيخه : انشاءالله يمه كا الحين برد
ام خالد : اي زين ناطرتج مع السلامه
شيخه : مع السلامه
عمر : هي هي شنو الحين تو الناس احنا اليوم مالجين و بردج متى ما ابي
شيخه : ما عليه عمووور وايد تأخرت خلها باجر مو اتفقنا بنطلع من الغدا لي بلييل شتبي بعد
عمر : اوف شبقول يعني يلا امري لله بس سمعي باجر على ال 2 امرج نتغدى و بعدها فلم انا لما ارد بحجز من النت
شيخه : خلاص اوكي

و ووصلها عند البيت شيخه بنتزل
شيخه : يلا باي
عمر تلها : لحظه سلمي علي قبل لا تنزلين
شيخه : واي عيارتك و سلمت عليه و نزلت
عمر : اول ما تبدلين وتخلصين علطول قوليلي عشان ادق اوكي
شيخه : اوكي و تيك كير بالطريج
عمر : انشاءالله

اول ما دشت شيخه البيت لقت امها قاعده بالصاله ويه ابوها
شيخه : السلام عليكم
كلهم : وعليكم السلام

باست امها و ابوها
بوخالد : مبرووك يبه الله يتمم عليج
شيخه : الله يبارك فيك
بو خالد : قعدي يبه شوي
شيخه : انشاءالله
بوخالد : شوفي انا مابي انصح و اعطيج محاضرات بس يبه ابي منج تصونين ريلج و تحطينه بعينج و تحترمينه عشان اهوا يقدرج و يعز شانج و انا عمر وصيته عليج و الي بينج و بين ريلج ما يطلع بره حتى لو امج عرفتي
شيخه : انشاءالله يبه من عيوني
و لمت ابوها حييييل و دمعت عيونها ما كانت تدري شنو سر هالدمعه اهيا فرح اهيا حزن ماتدري

------------------


لجين منسدحه تفكر بسليمان طبعا سوتله فولو و كانت تقرا تويتاته و ترد عليه و اهوا لي الحين ما سوالها فولو حست بأحباط
لجين" اوف خالأشوف انشاءالله يكووون سوالي "
دشت على الفولورز
و شافته انه مسوي لها
لجين قلبها قاعد يطق
واي ونااسه

و لجين هني بدت خطتها
بدت تدز اشعار و نغزات و سوالف و سليمان ماكان يعلق عادي
بس شعورها انه اهوا يقرا هذا الي مريحها
-----------------


ثاني يووم


صقر قاعد عند لولو

و بحضنه الزين
و كل شوي محركها
لولو : واي صقر مصعت البنيه شوي شوي
صقر : انتي سكتي مالج شغل انا و بنتي ننياز شالقافه و يكلم الزين
صح انا وياج كيفنه تولي امج صح
لولو : ترا ويع زين مادري شفيك علي من يت هاذي و انت متغير كله مجعمني
صقر حط الزين بفراشها و قرب يم لولو و لمها
صقر : يمه فديييت الي يغارون انتي الغاليه لولو محد ياخذ مكانج ماخذه القلب كله
لولو : اي اي قص علي و انا الخبله اصدقك
صقر : اي قلتيها خبله شنو ذنبي انا
لولو : واي ياكرهك رحت العلاج الطبيعي اليوم ؟
صقر : لا مالي خلق
لولو : اهم شي صقر شوف لا امس رحت و يوم بالمستشفى كنت هم ما رحت مو حاله هاذي لازم تخلص العلاج حرام عليك طلعت روحي و انا اترجاك لا تقطع رووح رووح اذا مو عشان نفسك عشاني انا و بنتك
صقر : انزين انزين شفيج صايره جبريت خلاص وعد من باجر ارد ارووح
لولو : وعد ؟
صقر : وعد والله
لولو : انزين انا يوعانه مليت من الأكل و لاعت جبدي منه الي امي تغصبي اكله مشتهيه mcdonalds شرايك تروح تيبلي
صقر : تامريين و بعد شنو تبين ايبلج
لولو : بس مشكور
صقر قام : وين السويج
لولو : كاهو فووق الطاوله
صقر : اوكي شنو تبين
لولو : ماك جكن سبايسي و دايت كوك
صقر : اوكي

-----------------



شيخه و عمر
بالسينما
شيخه تساسر عمر : ترا الفلم مليق و مليت
عمر : حتى انا بس عبالي عاجبج
شيخه : لا كلش مو عاجبني
عمر : عيل قومي نطلع
شيخه : اوكي

و قاموا طلعو
------------------

في : انزين شقول حق امي
خالد : في تصرفي لا تنرفزيني يعني انتي لما تبين تطلعين تعرفين شنو تقولين حق امج
في : اي غير لانه ضي وياي الحين بطلع بروحي
خالد : قسم بالله ساعات يصير مخج قمه
في : اوهووووووو عاد شنو
خالد : اي طلعي انتي و ضي و شوفي لجين و انتي تعالي وياي و اهما يطلعون
في : مادري و بعدين اخاف ضي ما ترضى
خالد : انتي شكلج ما تبين تطلعين وياي كل ما افتح باب تسدينه بويهي انا الغلطان الي بيشوفج يلا يلا باي و صكه بويها

في" استغفر الله كلش مالي خلق سوالفه و تزعل يعني كلش ماله داعي يزعل و يصكه بويهي بطقاق كيفه ماني داقه انا مو غلطانه "

------------------

لجين تسولف ويه ضي

لجين : تكفا ضيوو عشاني والله بس اشوفه
ضي : لجون على ما انبدل و نروح الا الريال رد
لجين : بسرعه والله و بعدين اهوا كاتب انه بطريجه يعني الحين رايح لا نضييع وقت و لاتصيرين نحيسه ببجي والله
ضي : خلاص يلا قومي بدلي و انا اشوف في و البس و امرج ولا انتي تمريني
لجين : لا لا انتي مريني
ضي : اوكي باي
لجين : باي
------------


ضي راحت غرفة في
ضي : فيووو تيين بنرووح البدع انا و لجون
في : مشاءالله قررتوا و اخر شي قلتوا نقول حق البقره في
ضي : شفيج انتي هي مستجلبه و قاعده شكو قررنا سليمان هناك و تبي تشوفه و قاعد تحن لا تسوينها سالفه
في : ماني رايحه
ضي : بطقاق و طلعت تتحلطم
الحمدالله و الشكر مو صاحيه والله


بدلت و ضي راحت مرت لجوون

اول ما وصلوا
لجين :يلا امشي بيتزا اكسبرس يارب يارب يكون ما طلع
ضي : يلا مادري شنو اخرتها وياج
لجين : كاهو ضي امبي ماعرف اسوي نفسي ماشفته و لا شسوي
ضي : لجون لا ارتكب فيج جريمه امشي عادي ولا جنه موجود و نروح نقعد بالطاوله الي جدامه
لجين : اوكي

راحوا قعدوا و لجين منزله راسها و متوتره
ضي : واي لجون شفيج ترا بيحس انه في شي سوي عمرج عادي و انه الموضوع صدفه
لجين : تتوقعين شافني
ضي : اي يعني قاعدين جباله عمي
لجين : اوكي
ضي : انزين شنو تبين نطلب
لجين : ماي بس
ضي : ما تبين تاكلين
لجين : نو
ضي : كيفج انا بطلبلي
لجين : اوكي
----------------



عمر و شيخه قاعد يتمشون ب 360
عمر : شيوخ هالبس من تردين تقطينه ماشي
شيخه : ليش شفي لبسي
عمر : مو لبس اوادم انا من البدايه مو عاجبني بس سكت بس شوفي شلون قاعد يخزونج و انا ماراح اسكت اي واحد بيطالع بتهاوش وياه
شيخه : امبي مو من صجك انا هذا لبسي 19 سنه اطلع فيه جدام اخوي و ابوي عمرهم ما قالولي شي و انا شايفه انه مافيه شي
عمر : السالفه عناد
شيخه : لا مو عناد
عمر : امشي السياره نتفاهم مابي اعلي صوتي جدام الناس

--------------------

لجين : ضي واصلي direct message امبي قولي انشاءالله اهوا
ضي : يلا شوفي انشاءالله
لجين :اي اي اهوا
دازلها
3ash mn shafich
ردت عليه
3asht ayamik
----------------

بالسياره
عمر : شوفي انا لما اقولج شي تقولين انشاءالله اما سالقة تعانديني هاذي ما تمشي عندي
شيخه : لا والله انا ما اسوي شي انا مو مقتنعه فيه
عمر: وربي قاعد تخليني افقد اعصابي انا ماني متحجي و مابي اسمع صوتج لين اوصلج البيت و حسابي وياج بعدين
-----------------------


​

 

[Shasawi]

القصه تووووووووووووووووووووووووووووونس
واحداااثها ممتعه ووواااااااااااايد حلوووه حبيت الشخصييييييات وحبيت الاسم
وذكرتني باخر سنه بالثنويه وايام الجامعه اللهه يريت ترد هالايااااااااااااااام((((
حبيت كل الشخصياات بالذات شيخه واهلها وااااااايد دمهم خفييييييييييييييييييييييييف
والشخصيتين اللي ماحبيتهم عزييز الحقيرررر وعمر شوي ماحبيتههه
كملي ناطرين علىىىى احر من الجمررررررررررررر

 

[miss fa6om]

حلو حلووو انشالله سليمان مادري سلمان يعطي لجين ويه يعني انشالله :yaaaaaarb:

ووعمر بقوم اتهاوش وياه من اولها جذي :eh_s(10):

waaiiitiiiingg وصح كل عام وانتي بخير :eh_s(7):

 

[جنى199]

اب اب اب اب ا ب واي البارت حدة روعة قطيعة هذا عمر ولا حبيته مسكينة لجين تحب سليمان وما يدري عنها ولا المصيبة بعد انو بيخطب

 

[al-shyo0o5]

فدددديت آلروؤآيهه و رآعيتهآإ
كممملي حبـي , متآبععين معآإج <3​

 

[انوار الكوويت]

تسلمين يااي اكرة سلمان شايف نفسة