©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[منوشات]

حبيبتي كتبت لج رد طويل وخلصت البطارية وانشطب !
باجر ان شاء الله بعيده

توكلي على الله سبحانه
وتعوذي من الشيطان

يا حياااتي يعطيج العافيه
تصدقين عاد انا استانس حييييييل بردودج
ناطرتج يالغاليه
واليوم رحت دكتورة التخدير جان نقولي ما ينفع اسوي العمليه وانا تعبانه جذي
وردتلي الموعد لي19-11
موعدي الاولي
ايي والحمد لله على كل شي

 

[الريم30]

بنات وايد احس بالجوع تعشيت مرتينً ابيه شسويً

 

[** آية من الجمال **]

بعد قلبي انتي ما سويت الا الواجب
وترى شرحي بس عشان انبهكم للشهر الاول عشان ما تضايقون المعدة وتتشافى معدتكم وتتعافى
وبعدين عاد بعد الشهر خلاص تقريبا 90٪ ترد حياتكم الطبيعية
ماعدا ان الاكل صار اقل وعلى فترات متقاربه يعني سبع وجبات صغار
الحلو في هذا الشهر اللي هو بداية الشهر الثاني انج تكونين نزلتي فيما لايقل عن 6. كيلو وفما فوق
وتلاحظين ويلاحظون اللي حولج التغير الجميل اللي صار لج
وتحسين بطاقة وفرحة لاتوصف يكفي انج تحسين بخفه
انا كنت بيتوتية من اسبوع لاسبوع اطلع اذا كانت عطله
الحين ما شاء الله بس ودي اطلع
تغيرت نظرتي للحياه وصرت ايجابيه اكثر ومرحه اكثر
وانتي قاعده بينج وبين نفسج تدعين وتحمدين ريج على انه رزقج في هالعملية

بالنسبة للنومة على جنب انا قالي الطبيب عادي من اول اسبوع
وفعلا كنت اول ثلاث ايام اتقلب على جنوبي الاثنين لكن اليسار مكان المعدة كنت بسرعه ما اطول فيه
من ثالث يوم نمت على جنبي اليمين
وبعد اسبوع عادي نمت على الجنبين
بس عاد لا تطولين بلجنب اليمين حيل

العملية اسهل مما يكون وما كنت اتوقع اني بمارس حياتي الطبيعية من الاسبوع الاول
لكن الفرق فقط في اني لازم كل ساعه ونص اشرب شي عشان ما ادوخ
ضروري كل ساعه ونص تشربين شي وطبعا شويه لا تغثين نفسج
اافضل ما فيه العملية انج خلاص تنسين الجوع
بس اول اسبوعين عيونج ولسانج يشتهون ياكلون كشهوه نظر وتذوق
مو جوع
فانا كنت اذا اشتهيت اذوق شي احطه بحلجي واعلجه واذوقه وبعدين اقطه بكلينكس
باني مو جوعانه بس مشتهية اذوقه
الفكره اللي بوصلها لج ان المعدة في الاسدوع الاول تحديدا مو زين يدخل لها غير السوائل الشفافه
عشان صحتها ولازم نحمي معدتنا ونحافظ عليها. مسكينه لما تطيب وتصير زينه بعد شهر باذن الله
انا كنت واصحه وتفاصيل عشان ابيج والبنات يفهمون الفكرة ويهتمون انهم يطبقونها بحب
ولا يفهمون انها مجرد فرض عليهم

بالنسبه لنومة البطن اعتقد عقل الشهر الاول لن انا ما جربت للامانه
لاني مو متعودة انام على بطني

انا انصح كل وخده عندها زياده بالوزن 35 كيلو وما فوق
انها تركض ركض للهيفي او خالد العنزي وتسوي عنده تكميم
هالدكتورين اعرف واثق بنتائجهم وما عمري سمعت عن حالات وفيات او تدهور صحي عندهم
ماشاء الله تبارك الله
والله على ما اقول شهيد
ومستشفى السلام والسيف لو تروحون لهم وتسالونهم من اكثر الدكاتره يسوون تكميم
راح يقولون لكم هالدكتورين ويوميا عندهم اربع او ثلاث عمليات تكميم
الهيفي بس يسويها بمستشفى خاص تكلف ب 3000 دينار
والعنزي يسوي بخاص تقريبا نفس هالسعر
ويسوي بالاميري ب 1200 تقريبا لكن المواعيد توصل لاكثر من سنة

الله يرحمنا برحمته
ةويغفر لنا ويرضى عنا
وينزل الاوزان الزايدة بصحة وعافية وسعادة

مشكورة يا أختي يا "سما" على ردك التفصيلي الواضح والأكثر من رائع :rerrerek: والذي إن دل على شئ فيدل على طيبك وحبك الفائدة للجميع بإذن الله >>>>> بميزان حسناتك ان شاءالله

تقدرين بس تذكرينا ببياناتك إذا سمحتي
وزنك قبل وبعد العملية \ أي دكتور \ المستشفي والمدة؟

بس بقولك إنك عطيتيني دفعة قوية وحلوة ... وكلامك كان أكثر من رائع قريته أكثر من مرة ، وحلو بعد شهر الواحد يرد طبيعي ما يقارب 90% وإلا لازم ياكل مهروس وشذي؟ وشلون إذا الواحد بيسافر شياكل بعد شهر؟

إن شاءالله الله يسهلها علي وألحقكم في ركب المتكمكمات :ggdw:

عاجلا ليس آجل ... يا أرحم الراحمين :yaaaaaarb:

 

[منوشات]

إحساسج طبيعي أنا كنت ميته من الخوف بس طلعته سهاله نمت وقمت ولا خملص كل شي
توكلي على الله وسويها وفالج الرشاقه :eh_s(9):

حبيبتي ربي يبارج فيج
والله استانست حيييل من ردودكم اخواتي بالله انتم
حبيبتي ان شالله اسويها وافتك عاد تعبت الصراحه
بس الحمد لله السبت قريب والعمر يمضي

 

[تعبت من الرجيم]

حبايبي بسالكم شاخذ معاي المستشفي ،،من ملابس واغراض؟

ولو انا دخولي مثلا الاحد متي يسوي العمليه ؟بنفس يوم الدخول ولا ابات قبلها بيوم عندهم؟ وجم يوم اقعد بالمستشفي؟

 

[تيناا]

حبيبتي اخذي مستلزماتج الشخصيه من فرشاية اسنان ومعجون وكريمات ... الخ وملابس داخليه و بيجامه ومنشفه وتلفونج والشاحن ونعال عزج الله هذا اللي خاطر على بالي الحين

 

[bee alh]

بنات عمليتي التكميم بعد شهرين ويمكن قبل الدكتور قالي راح اندق عليج بسويها عند دكتور احمد مراد ب مستنشفى الاميري بس خايفه ومحتاره سمعت وايد ناس توفو من العمليه ادعولي :"(

 

[krkosha]

بناااات يؤووعااانه وبس قاعده واتشهى بهالأكل

تكفون شنو كنتو تشربون بمرحله السوائل ؟

 

[تيناا]

انا مسويتها عند الدكتور احمد المراد خوش دكتور ماشاءالله عليه ، توكلي على الله العمليه سهله بس اول جم يوم رح تحسين بعوار ويخف على اليوم الرابع وطبعا بكل الاحوال استخيري

 

[تيناا]

كركوشه شربي شوربة ماي ادجاج والجوع شي طبيعي انا مريت بهالمرحله
شربي عصير اناناس وتفاح وعنب او جلي بدون سكر

 

[bee alh]

تيناا في وحده بعد مسويه عنده ومدحته لي وايد والدكتور مشالله عليه نفسيته حلوه بس كلام الناس يخرع كل يوم يطلعولي واحد اووحده ماتت معنى النتايج وايد حلوه مشالله
انا سويت كل شي تحاليل وسونار وقالي موعدج اول 3 ومواعيدنا وايد تجدم بندق عليج قبل وللحين ما دقو ولما كلمت سستر هناك قالتلي غفسو الملفات باجر براجعه وانشالله سهالات دعواااااااااااااتكم

 

[الأسطووره]

تقومين بالسلامه ان شاء الله اختي بي ولا تخافين ولا شيء ما راح يصيرلج الا اللي ربي كاتبه لج


بس نصيحه كل شوي دقي عليهم عشان يذكرونج لاني كنت ناويه اسوي عمليتي بالحكومه ورحت للدكتور خالد العنزي بالاميري وما لقيته دخلوني على الدكتور احمد مراد و خذوا كل بياناتي وقالوا ندق عليج هذا الحجي بأول شهر 6 و لي يومج محد دق علي ولا سأل عموما الحمدلله تسهلت لي الله يجزاه بالخير كل من وقف معاي ودعمني

 

[الريم30]

حبيبتي لاتنسينً روب او بجامهً مع روبهاً لإنجاح راح تمشينً برا بالممرً عباتً مراح تقدرين تلبسينً خلي روبجً معاج احسن وكثري ملابس وداخليا بالذات أنا عني كل مارجع وانتي بكرامهً أبول لان كله درباتً فلبولهً ابلاشً هههههههههههً

 

[Q8 New Style]

بنات بغيت اسال الدكتور معطيني موعد اراجعه وانا حاليا بصير لي قريب الشهرين ومتكيسله اروح له ياريت بنات الي راجعو الدكتور بهالفتره يفيدوني

 

[ام عيالي]

ريومه انه نفسج وااايد اشتهي الاكل ونازله لي الحين ١٤ كيلو لي شهر ونص مادري زين النزول ولا لأ
احس اني ماراح انزز اكثر مادري ليش
مادري اشسالفة هالشهيه المفتوحه عالاخر
احس عمليتي اختربت

 

[bee alh]

الأسطووره انا ماخذه رقم السستر نفسها اللي ودتني عند الدكتور اول مره كلمتني من شوي قالتلي احتمال كبير عمليتج اول 12 الوقت قام يقرب والخوف بدى يزيد الله يسهل

 

[مشاعر]

مساااء الخيررر

البنات اللي من زمان مسوين العمليه ...

انا كنت قايله لكم نزولي حده بطيء وقلت ماعليه يمكن وحده وحده يفرق

الصدمه اني صارلي وقت ماوزنت اليوم انصدمت

زايده 5 كيلو عن اخر مره؟؟؟ من الصدمه قلت ميزاني مخرف
رحت الصيدليه ووزنت نفس الشي؟؟

منو صار لها مثلي وقولولي شسوووي

اميره وباقي البنات هلب مي:eh_s(2):

 

[بسنت88]

مشاعر لاتحاتين حبيبيتي
انسي الميزان
الدكتور قالي الوزن راح يصعد وينزل
بيكون متذبذب
اهم شي انتي تحركي لاتهملين نفسج
وفالج العافيه

 

[منوشات]

بنااااات
مساكم ورد
باقي على عمليتي 5 ايام
الحمد لله قرب الفري

 

[سـما]

اختي :تعبت من الرجيم ، ماتشوفين شر ان شاء الله
وتسويتها وتقومين لنا بالسلامة وتكتبين ويانا تجربتج قولي امين
اخي وياج طبعا ملابسج اللي حق ثلاث ايام
واذا تلبسين عباية طبعا بيكون عباتج وياج
عشان تمشين بالممر لازم تمشين
اخذي وياج تكرمين نعال واطيه ومريحة
ومشط
وحق بشرتج غسولج وكريماتج واذا حابه مكياج خفيف
عشان ان طلعتي من المستشفى تترتبين وتطلعين بالسلامة وجهج فيه رتوش
انا ما احب اطلع الاعلى الاقل حواجبي معدلتها ومسكره وحمرا لون طبيعي او قلوس
انتي كيفج اللي متعوده عليه

وبس
متى عمليتج ان شاء الله ووين !؟