اشرايكم بنات وين اسوي التلقيح الصناعي؟؟؟

[ايمان80]

قوة بنات حبيت اخذ رايكم منو احسن دكتور واحسن مستشفا يسوي تلقيح صناعي ومنو اللي سوته وضبط معاها وحملت بفضل الله ..لأني صراحة تعبت من الكلوميد وقام يسبب لي عوار ظهر موطبيعي وكله بدون فايدة:eh_s(1):
الله يخليكم بنات ردوا علي لأن نفسيتي حدها تعبانة..كثر ما انا متشفقة عالياهل..
ادعولي بالذرية الصالحة ولبنات المسلمين..مشكورين حبيباتي

 

[عيوووزه كووول]

انزين انا عندي سؤال ؟؟ التلقيح الصناعي ينفع حق ال عنده ضعف بالحيوانات المنويه ؟؟؟ فيدوني حبيباتي؟؟ وسمحلي اخت ايمان انا سألت من ضمن موضوعج

 

[عيوووزه كووول]

مشكوره ياقلبي جيكي عالخاص

 

[ام فوفو]

صح كلام كويتيه بس اضيف عليها
انه العينه الي ياخذونها من الريال ينظفونها ويخلون الزيييين ويحطون لهم ماده تسرع حركتهم وتقويهم اكثر

هذا الي قالتلي عليه الدكتوره بمستشفى السلام

 

[nice-girl]

الله يرزقج الذرية الصالحة يارب بالنسبة حق الحقن المجهري بصراحة يمدحونة عماد غزاوي انا سويت عنده اطفال انابيب وناطرة النتيجة بس يقولون هو شاطر بعد بالحقن المجهري وطبعا د باتريك بعد ماشالله زين وكل شي بيد الله سبحانة الله يرزق كل محرومة الذرية اللهم امين

 

[ni3ssani]

اتمنالش كل التوفيق

ويرقك بالذرية الصالحة ----------- امين


بس لاز تحطين ببالش انو ممكن ما يصير حمل حتى ما يصير عندش اكتئاب مثل ما صار قيني

 

[bnt_kwt]

كلامي نفس كلام كويتيه

شوفي باتريك واااااايد يمدحونه وبكل شي

 

[ايمان80]

مشكورين حبيباتي عالردود..والشرح الحلو عن العملية بس الحين طلعلي موضوع يديد وهو ان زوجي رافض هالشي وقال لي سكري هالموضوع لاتفتحينه مرة ثانية
الحمدلله انا مؤمنة ان الرزق بيد رب العالمين بس العلم تطور والعمر يركض..قلتله خل نجرب على الاقل..بس هو مو راضي قولولي شلون اقنعه؟ وشلون اقوله اني بعالج عند دكتور لأن مايرضى اعالج عند ريال؟

 

[om_omar]

عن نفسي سويت طفل انابيب عند الدكتور منصور العرف بالجهرا وكان زوجي موراااااااااااضي مع انه الضعف منه قتله نروح استشارة بس وافق وشاف الدكتور تحاليلنا وقالها صراحه اذا تبي عيال توكل على الله ولا تنطر وتبي تكمل علاجك مع دكتورك هذا شي راجعلك وسبحان الله وافق وسويت العمليه ولله الحمد والشكر حملت عسى ربي يرزقكم ويرزق جميع المسلمين ويثبتلي حملي ااااامين

 

[ايمان80]

مشكورين بنات عالردود ..وعلي بألف عافية ام عمر الله يتمم عليج حملج ويثبته ويطلعه بالسلامة ويجعله من الذرية الصالحة
انشالله احاول اقنع ريلي ويوافق واكيد الرزق اولا واخيرا من رب العالمين

الله يرزقني واياكم بالذرية الصالحة عاجلا يااااااااااااااااااارب

 

[أمونة الحلوة]

حياتي عندج الدكتورة معصومه مخصيد وايد زينه اعرف وايد ناس مسوين عندها
وماجده اليتامى انا اعرف وحده سوت عندها ماشاء الله من اول مرة احملت

والله يرزقني ويرزقج ويرزق كل وحده محرومه اللهم امين

 

[أم ضروي]

حبيبتي جربي دكتورة ليلي اشكناني انا سويت عندها 5 مرات اخر مرة الحمدلله حملت
و جربي دكتورة فاطمة الكندري استشاريه كانت الصباح و كنت اراجع عندها هم يمدحونها و الحين عندها عياده خاصه
و الله يرزقج الذرية الصالحه انشاء الله

 

[ايمان80]

انا كنت اعالج عند الدكتورة ليلى بس ما ارتحت لها ..تصدقون 4 شهور عندها ما طلبت مني ولا من زوجي اي تحاليل وانا قبلها مسوية تحليل هرمونات وطلع البرولاكتين عالي وقلتلها ماتبين تعطيني علاج حق البرولاكتين ردت علي لا اهو مرتفع بس شوي؟؟بالله احد يصدق هالكلام ..بس ذابحتني بالكلوميد..تركتها بعدها ورديت للحبيب الاولي د.مهجة البدر وماشالله عليها من اول موعد طلبت مني تحاليل وحق زوجي وطلبت اسوي اشعة الصبغة وعطتني علاج حق البرولاكتين وبدت معاي كلوميد الشهر اللي طاف بس الله ماكتب لي الحمل
ادعوووولي بنات الله يخليكم

 

[++The DuchesS++]

الله يوفقج ويرزقج ان شاء الله الذريه الصالحه
ويرزقنا ويرزق كل محروومه من الضنا
اللهم امين
عليج بكثره الاستغفار والدعاء والله كريم

 

[القطانيه]

الله يرزقنا جميعا يارب

 

[كويتيه مذهله 87]

انا عن نفسي د ناهده العلي
و
د فوزيه القطان
وموفقه العمليه ما تعور ولا شي سهااالات

اذا العيب من ريلج التلقيح الصناعي واطفال الانابيب احسن لكم

 

[ايمان80]

لا والله العيب مني بويضاتي صغيرة ماتكبر الا بالكلوميد
بس الله ماكتب حمال
وانا صراحة تعبت من الكلوميد-قاعد يسبب لي عوار وصداع ولوعة
والبلوة الكبيرة ان ريلي موراضي اسوي تلقيح ولا انابيب على قولته تو الناس
شالحل يابنات ساعدوني

 

[bnt_kwt]

مشكورين حبيباتي عالردود..والشرح الحلو عن العملية بس الحين طلعلي موضوع يديد وهو ان زوجي رافض هالشي وقال لي سكري هالموضوع لاتفتحينه مرة ثانية
الحمدلله انا مؤمنة ان الرزق بيد رب العالمين بس العلم تطور والعمر يركض..قلتله خل نجرب على الاقل..بس هو مو راضي قولولي شلون اقنعه؟ وشلون اقوله اني بعالج عند دكتور لأن مايرضى اعالج عند ريال؟

واااااااااي انا مريت بنفس المشكله
الله يعينا مشكله والله اللي بالماي مو مثل اللي بالنار

الله يلين قلوبهم

 

[farawla_q80ia]

انزين انا عندي سؤال اللي تفكر تسوي تلقيح متي تراجع الدكتور اول مرة يعني عشان يعرفون متي يعطونها الابر وهالسوالف قبل الدورة بعد الدورة ؟؟؟؟؟؟

 

[ايمان80]

انزين انا عندي سؤال اللي تفكر تسوي تلقيح متي تراجع الدكتور اول مرة يعني عشان يعرفون متي يعطونها الابر وهالسوالف قبل الدورة بعد الدورة ؟؟؟؟؟؟

والله نفس السؤال..وهل تطول مراجعات التلقيح الصناعي بالخاص على ما يسوونها لج؟
ومنو اشطر دكتوراو دكتورة يسويها بالكويت؟