يالله ياحلوين بعطيكم تجربتي الكاملة مع دكتور نيشو تستاهلووووووووووون

[هند رستم مطير]

الحمدالله عالسلامه كتكوووته
بس حبيبتي ارتاحي عشر ايام لا تكتبين ولا تعبين روحج الحين
وتجربتج ياقلبي لاحقين عليها اهم شي صحتج
واناااااااااااااا صرااااحه حدي ودي اعرف شصااار على جسمج بس ننطرج ترتاحين​

 

[هوووكي]

كتكوته مافهمت اللهجه سوري صعبه شوي علي

 

[saraq8]

حمدلله علي سلامتج يا قلبي .. ما ودي احبطج بس نيشو راحت عليه صار تجاري >> كلهم والله .. كتكوته اخو رفيجتج عند منو مسوي ؟؟ عند نيشو؟؟ انا رفيجتي سوت شفط عند احمد مسلم بمركز زهير الطبي ب ١٥٠٠ .. حييييييل فرقت عن اول رحتله بسوي شفط قالي اسويلج بس يلدج مترهل اذا تبين اسوي شد بصراحه ترددت لاني مو متزوجه وما حملت يعني حرام بيشق بطني من عظمة الحوض اليمين لي اليسار .. اكيد عارفين الوضع شلون .. ما سويتها .. الله يعطيج اللي في بالج يالكتكووووت >> ايوه ايوه ايوه جك جك جك

 

[خباري مطر]

اب اب

 

[انوثتي غير وياك]

كتكوته طمنينا عليج

شصار يوم الاثننين ​

 

[انوثتي غير وياك]

وكل عام وانتي بخير ​

 

[كتكوتة متينة]

أنا بأجر بمر الدكتور عشان بيشوف مكان الجلد اللي قلتلج متحسس بساله مرة وحدة عن عوار السر عندج شي تبين اسالج الدكتور عنه مرة وحدة أنا رايحة رايحة
منا وانتي عند مزين واحد ياختي هههههه

لووووووووووووووووول ضحكتيني والله مزين ها
ماعلية ياليتة بفايدة عاد :krkrkr:
أبي سلامة عمرج بشريني شصار معاج حبيبتي إنتي :eh_s(7):

 

[كتكوتة متينة]

الحمدالله عالسلامه كتكوووته

بس حبيبتي ارتاحي عشر ايام لا تكتبين ولا تعبين روحج الحين
وتجربتج ياقلبي لاحقين عليها اهم شي صحتج

واناااااااااااااا صرااااحه حدي ودي اعرف شصااار على جسمج بس ننطرج ترتاحين​

ياحياتي انتي الله يسلمج
الحمدالله انا زينة ويختج أسولف معاكم احسن من سدحة السرير مليت :eh_s(4):

أمري شنو ودج تعرفين عن جسمي ؟؟؟؟؟؟؟

 

[كتكوتة متينة]

حمدلله علي سلامتج يا قلبي .. ما ودي احبطج بس نيشو راحت عليه صار تجاري >> كلهم والله .. كتكوته اخو رفيجتج عند منو مسوي ؟؟ عند نيشو؟؟ انا رفيجتي سوت شفط عند احمد مسلم بمركز زهير الطبي ب ١٥٠٠ .. حييييييل فرقت عن اول رحتله بسوي شفط قالي اسويلج بس يلدج مترهل اذا تبين اسوي شد بصراحه ترددت لاني مو متزوجه وما حملت يعني حرام بيشق بطني من عظمة الحوض اليمين لي اليسار .. اكيد عارفين الوضع شلون .. ما سويتها .. الله يعطيج اللي في بالج يالكتكووووت >> ايوه ايوه ايوه جك جك جك

الله يسلمج ياقلبي
نيشو مو تجاري الا صار قصاب يساومج بالسعر يرد علي يقول لي شغلج وايد زين الي سويتة لج بالنسبة للسعر :eh_s(4)::eh_s(14):

وسالفة الزهير رحت لة دكتور أحمد العام وقال لي بطنج وفخوذج 1600 شامل كل شي بس يختج سبحان الله لمة إستخرت مادري ليش هونت عنة :bbbiu:
وسالفة بتسوين عمليات وإنتي توج ماتزوجتي لاااااااااااااااااااااا
حرام توج بنوتة لا ولدتي وحملتي حراااااااااام
دايت ورياضة وسهالات تو الناس عالعمليات واثرها بجسمج :eh_s(11):

 

[كتكوتة متينة]

كتكوته طمنينا عليج ​

شصار يوم الاثننين ​

هلا حبيبتي كل ووإنتي بخير فديتج
الاثنين رحت لة الساعة 11 الصبح بدل لي عالجرح ولقاة رطب وللحين في سائل ينزل من مكان الجرح
لاتشوفين شسوة قام يضغط علا بطني عشان يطلع بعد قلت هذي مو عملية هذي حلبة مصارعة بعدين غطاة لي عدل لايتلوث لانة رجع بطل لي مكان البربيش للسوائل عشان تطلع :eh_s(4):

وبس موعدي الياي يشوف شنو صار معاي وسلامتج :eh_s(7):

 

[Fateebeauty]

الله يعينك كتكوته وقومج بالسلامة أنا رحت امس حق الكتور الحمدالله الجرح ملتئم وشال الغيار عنه وفتحلي غرز السر وغطاها بالشاش وبلاستر ضد الماي علشان تنشف وموعدي معاه الأحد
إيه صج تدرين ليش كانت منطقة السر تعورني لان قولوني كان منتفخ حده الله وكيلج لي امس الظهر تقريبا ياله طخ الله لايوريج *

 

[نماين]

الله يقومك بالسلامة كتكوتة
وننطر اخر اخبارك تطمنينا

 

[red dream]

الحمد لله على السلامه بس نبي نعرف النتيجه النهائيه ومشكوره على عرض تجربتج علشان البنات يستفيدون

 

[OM BARAK]

نيشو اخترب صار حييل مادي وماهمه النتيجه !!!​

 

[أم فـرح الحلوه]

الخوا جوا حطيها بعد ما تشيلين البرابيش انا كان جرحي مفتوح وحطيته حريق الجرح شوي وفش الصدر وهو اول متورم وحتا خاطت الجروح اللي عند السره زين حييل انا احطها ساعتين اواذا بغيت اروح مكان اخاف من العطور اشم ولي جيت تسبحت والمره اشربيها واغسلي الجرح وشوفي شلون يتصكر سحر صج يازين طب البدو

بسالج زوجج راح تحت الارض او فوق الارض

 

[Fateebeauty]

ام فرح بغيت اسالج شنو هذا الخوا جوا وشلون يحطونه مثل المرة بس انتي تقولين انه يحرق شلون أخاف مو زين الحين
فيدينا يا الطيبة ومنكم نستفيد يا بعد قلبي ترى أنا وكتكوته فرش حديثين رشاااااااقة ههههههه

 

[$fdetny$]

واااااااي قاعدة أقرى موضوعج وحددددي محترة وأقول بيني وبين نفسي يا ريتچ سألتي قبل لا اتسوينها 

نيشو جزااااااااااااار مو دكتور حسبي الله ونعم الوكيل فيه
انا كرهت مستشفى السيف بكبره يوم دريت انه اهوا فيها

 

[$fdetny$]

امبييييه آسفة اسمحيلي ما تحمدت لچ بالسلااااامة 

 

[$fdetny$]

الحمد الله على سلااامتج حبيبتي

وان شاءالله تستانسين بالنتيجة والله يسهل امورج

انا لي تجربة تعيسة مع هالجزاار نيشو وانا نفس حالتج دفعت زيادة لأني سمعت ان اهوا احسن جراح تجميل بالكويت >> طبعاً طل بعينه احسن جرااح

انا سويت عنده شد لزنودي وشد وتعبئة لصدري
الله وكيلج الجرح اللي بزنودي مشوووووووه .. وريته اكثر من دكتور بعدها كلهم ينصدمون ويسئلوني عند منو امسويته ؟! 

وصدري واحد طبيعي والثاني صاعد لي فوق على العلم اني بعد چم يوم اكمل ٣ سنين من سويت العملية
ولااازم أسوي عملية تعديل حق صدري حسبي الله عليه

 

[$fdetny$]

وفي شي مهم نسيت اقوله لج
بيوم عمليتي شفته الصبح قبل العملية بس طلعت من العمليات ماشفته نهااائياً وقالوا لي انه سافر بعد عمليتي على طووول

وتابع معاي دكتوره المساعد

وبعدها بفترة قاعدة اسولف مع دكتور تجميل عن الدكاترة التجاريين اللي ماعندهم ذمة وضمير بشغلهم

جان يقول لي الدكتور انه سمع سالفة دكتور سوّى عملية حق مريضة وشق جلدها وشفط وشد وبنص العملية طلع من غرفة العمليات وسافر وخلّه دكتوره المساعد يكمل شغله ويصكر الجرح 

ولما سألت عن تاريخ السالفة الدكتور طبعاً ماعطاني تاريخ معين .. بس عطاني فترة واهيا نفس الفترة اللي سويت فيها عمليتي عند الجزاار نيشو

وكل اللي قاله كان ينطبق معااااي

ف شكيت ان انا اللي خلاها بنص العملية وطلع

لأني ماشفته الا بعد العملية بأسبوعين 