تجمع الي مسوين ابتساامة هوليوود ........ فيدي واستفيدي

[طفلة كبيرة]

هلا حبيبتي ايه عادي شيليه احسن لا يخرب سطرت اسنانج قوليلي اشسويتي علي اسنانج كنتي تشاورينا قبل شهر

بعد عمري ماقصرتي واشكرج من كل قلبي عسى الله يوفقج وين ماكنتى :eh_s(22):

انا تأخرت وايد لانى خايفه من سالفه البرد تندمت ليش ماسويت لهم تقويم
واللحين ماكو وقت وضغطت على عمري وتشجعت وخذيت موعد الاسبوع الجاي وان شاءالله بدز لج صوووورة :eh_s(22):

اللحين فيروز تلبيس الزيركون قوي ؟

 

[فيروز خانوم]

ايه افضل شي الزيركون للتلبيس واغلى شي بعد

 

[ندى العطر]

اللي لبست اسنانها زيركون شو الحل؟عندي الم قوي بعد التركيب صار لي شهر
ماراح الالم؟؟؟الالم داخل الضرس مع انه الطبيب شال العصب من الاسنان
ساعدوني كيف اسوي؟؟مثل النار داخل الضرس واللثه بعد

 

[ندى الروح 2]

اللي لبست اسنانها زيركون شو الحل؟عندي الم قوي بعد التركيب صار لي شهر
ماراح الالم؟؟؟الالم داخل الضرس مع انه الطبيب شال العصب من الاسنان
ساعدوني كيف اسوي؟؟مثل النار داخل الضرس واللثه بعد

حبيبتي أنا أول ماسويتهم صار لي نفس الحآله وظليت على المسكنات أكثر من شهرين :rgewrg:

ونصيحتي ريحي نفسيتك لأنها وايد تأثر ، وخليك ع المسكن حاليا وأكثري من الدعآء أن مشكلتك تنحل ، وبعدين لازم تستشيرين دكتور فآهم

 

[ندى الروح 2]

مشكووووره ي قلبي

امانه بمنو تنصحيني وجم يكلف

حبيبتي إذا تبين نصيحتي أخذي إستشآره في عيآدة بيلا كلينك وشوفي شنو يقترح عليك الدكتور

 

[ندى الروح 2]

:eh_s(7):

انا تأخرت وايد لانى خايفه من سالفه البرد تندمت ليش ماسويت لهم تقويم
واللحين ماكو وقت وضغطت على عمري وتشجعت وخذيت موعد الاسبوع الجاي

لوووول مريت بنفس التجربه
الله يوفقج يارب وتأخذين أحلى نتيجه ، منتظرين تجربتج :eh_s(7):

 

[م م م]

اهلين بنات
كل عام وانتم بخير
انا اختكم من الرياض بس بصراحه مالقيت منتدى بالنت يحكي عن اللومينرز بشكل مفصل ومن تجربه واقعيه الا عندكم
انا اسناني من عقب البرسيزز مررة صفرت وودي اسوي لومينرز خصوصا ان اسناني مرة صغيره بس من كثر مابحث عنه قريت انو يسبب رائحه بالفم شينه وبصراحه خفت ماني ناقصه اضبط من جهه شي ويخرب من جهه شئ غير اني لما راحت اختي للدكتور رحت معها على اساس استشاره بس وسالته قال مانصحك فيه ابدا حتى الساندوش ماراح تقدرين تاكلينها على راحتك لانو اي شئ ممكن يكسره بسهولة
بصراحه محتاره ومالقيت الا انتو المجربين اسالكم
ومرة شكرا مقدما

 

[فيروز خانوم]

هلا وغلا باهل الرياض
انا كنت نفسك قبل لاسوي رحت كذا عياده واستفسرت وبحثت بقوقل وبكل شي وسمعت انه يسبب ريحه بس شوفي الحين كل شي يقولون لج له مضاعفات عقدوني كورن فلكس يسبب سرطان والدجاج يسبب اختلال هرمونات والاندومي يطلع ريحه والمايونيز يسبب وووووووماخلصنا شوفي الطب تطور
وارد واقول على حسب شطاره الدكتور اذا ثبته عدل وما خلا مجال للاكل يدخل ماتطلع ريحه
انا مسويه فنيرز والله لا ريحه ولا شي الحمدلله
بالعكس اصلا احس من سويت اسناني حافظتي عليهم زياده وعالجولي الحشوات وصار شكلهم حلو وابتسامه حلوه بعدين ترا حتى الاسنان الطبيعيه اذا ما اهتميتي فيها يتغير النفس ​

 

[فيروز خانوم]

اي استفسار
:68_asmilies-com:
:q8::q8::q8::q8::q8:
زورينا بعطله الربيع وانا اضبطك
:sfg: ​

 

[طفلة كبيرة]

بنات موعدي بعد ساعتين
امبييه قمت اوسوس ):

 

[م م م]

فيروز الله يسعدك يااارب طمنتيني شئ حلو انا توقعت ان لما اصير افرش بعد كل وجبه واستخدم الخيط ان شاء الله ماراح يصير شئ
طيب حبيبتي عادي تاكلين ساندوش وتاخذين راحتك عليه ؟؟

 

[فيروز خانوم]

هلا وغلا
ايه عادي تاكلين كل شي بس انا ترا مسويه فنيرز مو لومونيرز ​

 

[م م م]

الله يسعدك دنيا واخره يااارب

 

[هدى75]

الدكتور مجد ناجي سمعته ممتازة شوفي اسنان هيا الشعيبي كذا مرة شكرته في برنامجها طارق وهيونة
http://www.youtube.com/watch?v=THaaZdUoU6g
وقالو انهم اعطوه الجنسية من كثر ما شغه زين والسنة الماضية اختاروه كافضل سخصية طبية في الوطن العربي بس مشكلته في المواعيد واسعاره غالية جدا

بس في دكتور شغله وايد زين موجود في اللبنان اسمه وليد زلاقط واسعاره ارخص بكثير من د. مجد ناجي وممكن تحصلي عنه موعد بسرعة وهذا الرابط لفيديو عن الدتور وليد زلاقط
http://www.youtube.com/watch?v=E1_1T...eature=related

 

[فيروز خانوم]

مشكوره ياهدى ماقصرتي

 

[طفلة كبيرة]

هاي بنات

اكمل لكم شصار معاي
امس رحت وركبلي المؤقت مو عاجبني المؤقت مادري اذا هذي النتيجة الدائمة
واليوم بروح نتفق ع اللون وطول الاسنان

المؤقت مبين فعلا التركيب وانا ابيهم طبيعي
صايره جني ارنوبة ههههههه وخدي للحين وارم

بنات منو صار معاها جذي في المؤقت ؟
.
.
.

 

[ندى الروح 2]

عادي حبيبتي المؤقت أكيد بيكون شكله مو حلو ، بس الدآئم بيكون مختلف وشكله طبيعي

 

[طفلة كبيرة]

تسلمين حبيبتي ماقصرتي
موعدي السبت للدائم
والله مضايقني المؤقت وحساسية الاسنان حتى اذوني تعورني ):

 

[فيروز خانوم]

اشلونك يا طفله كبيره ؟؟؟
شخبارج علمينا اشصار عليج واشلون شكل ابتسامتك

 

[طفلة كبيرة]

فيرووز نسيت المووضوع من وناستي ههههه زين ذكرتيني ع الخاص حبيبتي مشكووره

والله التجربة تستاهل المغامرة نسيت الخوف والعوار وكل شي كنت غبية لما كنت احاتي
الحمدالله يارب حصلت ع الابتسامة الواو وخلصت لي اسبوع اللحين كل دقيقة حاطة حمرة وشاقة الضحكه هههههههه