"يـــوم قــــــلبي اسيــــــــرك شـــــفت نــفسك ملك " روايتي الأولى

[بنت ديرتها]

بنات ممكن شوي من وقتكم !!

جد في شي حيل حاز بخاطري و مضايقني خلال هاليومين وصلتني 3 رسايل خاصه تخص الروايه
ووحده منهم سوري ماكو اسلوب جد تضايقت حسيت جني اشتغل عندها !! بس باقي تكفخني بالنعال
و انا مارديت على ولا وحده حتى الي كتبولي عادي
بس اتمنى اي وحده حابه تكمل الروايه ترد هني و تعلق هني اي وحده راح تطرشلي عالخاص اني اكمل سوري بس ماراح ارد
اما اذا استفسار او اي شي ثاني من عيوني
والله انا ما احب اضايق احد و بالعكس حيل استانس لما اشوفكم تردون
اصلن الرواية بدونكم ما تسوى
بس حيل حزت بخاطري


و بس مشكورين ...

 

[انوار الكوويت]

مشكورة بتجر انشاللة اكتب توقعاتي
ياللة انا برب

 

[بنت ديرتها]

نورتي انوار حبيتي

انشاءالله ناطرتج
تيك يور تايم

 

[انوار الكوويت]

واللة اللي عجبني بروايتج هو اسلوبج
والقصة قمة في الروعة و اول رواية تعجبني
كملي ومالج شغل
حيبيتي خوذي وقت متي ما تبين تكتبين اكتبي \كان سؤالي فضول
واللة عاذرينج

 

[يافديت الدلع]

ثااااااااااانكس حبيبتي فديييييييييييييتج والله ي بنت ديرتها ترا موقصدي عليج لما نزلت الموضوع تاخير القصص والروايات ترا فيه روايات واااجد وبعدين البنت اهيا تكلمت وانتي شفتيني حتا مارديت عليها اوكيك ثااااااااااااااااااااانكيس فديتج موتنسين بعد العيد ع طوول نزلي لاني بسافر وراح ارد رابع ايام العيد انشالله القا بارتات واااااااااااااااااااااااااااااااااجد

 

[انوار الكوويت]

منو موجود

 

[جعلي فدوه لبوي]

حبيبتي لاتزعلين منا بس هذا دليل نجاحج ونجاح الروايه فديتج

 

[بنت ديرتها]

انوار حبيتي انتي و ربي الروعه و بالعكس سألي مثل ما تبين و من حقج تعرفين من تنزل البارتات والله ما اقصد الي يسألون بالموضوع نفسه الي يدزون رسايل و بأسلوب لا تعليق


يا فديت الدلع فديييتج انا و ربي حبيتي ادري انج ما تقصديني

لعيووون انوار و يا فديت الدلع الحين بكتب بارت و انزله تستاهلون حبايبي

 

[انوار الكوويت]

وايييييييييييييييي مشكورة
بنت ديرتي انا قلت لرفيجتي تدخل القصة وتقراها بس حسافة الانترنت انقطع
لا تشوفين شكلها يوم قلتلها الرواية

 

[بنت ديرتها]

حبيبتي لاتزعلين منا بس هذا دليل نجاحج ونجاح الروايه فديتج

حبيبتي انا مو زعلانه
مو يحز بالخاطر لما احد نفس يامر عليج او يكلمج بأسلوب مو حلوو
و نفس ما قلت الي ضايقني وحده من الي طرشولي

و نورتي الروايه
يشرفني وجودج

 

[انوار الكوويت]

طنش تعش تنتعش

 

[بنت ديرتها]

" البارت 34 "
---------------------

شيخه @@ : عمر قاعد تتغشمر
عمر : شيخه انا قاعد اكلمج من صجي
شيخه : عمر انت مثل اخوي و حالك حال خالد عمري ما فكرت بشي غير هالشي
عمر : انا مو اخووج انا ولد عمج شيخه مابي رد الحين باجر بدق عليج و اسمعه و ادري فيج انج ذكيه ماراح تخسريني و ربي ابحبج

شيخه منصدمه مو مستوعبه الحجي ساكته
عمر : انا راح اصكره الحين و باجر راح ارد ادق اوكي
شيخه لي الحين مو مصدقه الي تسمعه : اوكي
عمر : باي
شيخه صكته بدون لا تتكلم

شيخه منصدمه " امبي شسوي خالأدق على ضيوون اقولها "

دقت على ضي و لا وييتنق

ضي : عزييز شيوخ قاعده تدق بعدين اكلمك اوكي
عزيز : اوكي شبكيني معاها بعدين اصكه
ضي : عزييز ماله داعي هالسوالف و جم مره اقولك انه ما بينه شي
شيخه ردت دقت مره ثانيه
ضي توقعت انه في شي لانه شيخه مو نوعها تحنج
عزيز : اي ليش ما تشبكيني
ضي : اوهوووو باي و صكته
ردت على شيخه : ها شيخوو فيج شي
شيخه : شدراج انه فيني شي
ضي : ادري انج ما تحنجين الا اذا في شي
شيخه : ضي امبي حدي مصدومه
ضي : انزين تجي وقفتي قلبي فهد دق عليج ؟
شيخه : لا الموضوع ماله شغل فيه فهد يخص عمر
ضي : شفيه عمر
شيخه : توه دق علي و قالي انه يحبني و بيخطبني !
ضي : جذابه
شيخه : قسم بالله العظيم
ضي : شبتسوين
شيخه : انا ليش داقه عليج عشان انتي تقولين لي شسوي
ضي : مادري شيووخ هالشي انتي تقررينه اذا تبينه او لا
شيخه : انا ما ابيه ولا افكر فيه امبي عموور تدرين شنو يعني عمور لعب لعبنا طق طقينا كل شي انا وياه و خلود وربي ما اشوفه غير هالنظره
ضي : انزين قوليله
شيخه : قتله قالي مابي اسمع رد باجر بدق
ضي : هم ردي قوليله و رفعيله و قولي كل وحده تتمناك بس انا اشوفك مثل اخوي
شيخه : امبي ضي حاسه بقمته
وسكتت
ضي : شيوخ حبيتي ليش عادي ماكو شي
شيخه ساكته
ضي : الو شيخه
ردت شيوخ و صوتها مبين انها قاعده تبجي
ضي : شيووخ يا كلبه لييش تبجين
شيخه : ضي تعبانه وايد احس انا مو انا وين شخصيتي قبل مد يقدر يبجيني فهد كسرني ضي خلاني و راح انا الي كنت مستحيل افكر بالزواج كنت اتمنى اليوم الي اكون حق فهد والله احبه تخيلت كل شي وياه الوحيد الي يمه كنت احس بالأمان و قلبي ناقزني تعبانه يل

ضي حيييل تأثرت ودها تكون يم شيخه و تلمها : حبيتي شيوخ انتي محد يكسرج انتي شيخه الي كلنا وقت ما يصير لنا شي تستشيرها و نسمع كلامها شيووخ مو واحد نفس فهد يكسرج
فهد خلاص بين على حقيقته و الي سواه مو رجوله شلون يهدج بدون لا يكون في سبب و اكيد اهوا غلطان و يبي يسافر و انتي وقتها كنتي زينه و ما كان لاقي عليج زله
شيخه : تهقين يعني
ضي : الله يعلم بس نفس ما قلت لج اهوا الي خسران
و لا تتضايقين و على عموور مو غصب قوليله مابي و ما افكر بالزواج و ليلحين شموول ما تزوجت مايصير اتزوج قبلها يعني صرفيه مو صعبه عليج
شيخه : اي على طاري شموول اليوم وصلت الكويت
ضي : حلفي
شيخه : والله سوتها مفاجأه حقهم بس اول ما وصلت كلمتني
ضي : اي خوووش عاد القز ويه اختج ما يتطوف عمري ما شفت خبله مثلها
شيخه : اي حدها انا اطلع يمها ملاك بالعقل
ضي : هههه اي والله انزين شلون الشاليه
شيخه : ملاقه من ييتوا معاي قمت احس انه اهوا بدونكم ولا شي
ضي : بعد عمري لا لا نعيدها انشاءالله
شيخه : انشاءالله يلا حبي انا بنام الحين
ضي : اوكي حبيبتي و اي شي تبينه كول مي
شيخه : الا تعالي اول ما دقيت ويتنق منو تحاجين
ضي : عزيز قطيعه صاير مادري شلون و تصدقين على كثر حبي من يوم دريت انه اهوا مو لي قمت انفر منه
شيخه : احسن
ضي : انزين يلا ذلفي نامي
شيخه : اوكي قود نايت
ضي: قود نايت باي
شيخه : باي
--------------------


شيخه انسدحت بسريرها و قعدت تفكر " لو شنو كان السبب ماكان مفرووض تهدني بهطريقه فهد خلاص انا بنساك و بضغط على نفسي وايد تعبت و لازم انساه اهوا الي خسرني مو انا "
و نامت

----------------

لجين قاعده بدارها تدرس رن تلفونها رقم غريب شالته
الو
: لجين شلونج
لجين : منووو
: انا محمد
لجين : ها شتبي ليش داق علي !!
--------

نرجع سنتين ورا

محمد : يحليج يا لجين ابي منج طلب
لجين : شنوو
محمد : شدعوه قولي امر تدلل شنووو
لجين : سوري امرني
محمد : ابي اقعد وياج
لجين : لا لا محمد انا اكلمك بتلفون و خايفه
محمد : شدعوه ترا كلها 5 دقايق بسيارتي بعطيج هديه و نزلي عقبها
لجين : مادري اخاف و انا وراي امتحانات
محمد : لا تصيرين ياهل
لجين : شكوو ياهل
محمد : مادري لجين يعني ساره يوم ضبطتج لي ما قالت انج لي هالدرجه ياهل و خوافه
لجين : خلاص اوكي بس 5 دقايق
محمد : اوكي وين
لجين : باجر ارووح انا وشيخه المكتبه العامه و هناك
محمد : ماشي
------

شيخه : كلش مو داشه راسي هالسالفه و انتي لجون مادري شفيج ما تكلمين و يوم كلمتي كلمتي واحد من طرف ساره
لجين : ترا اهوا طيب حرام حتى تخيلي يايبلي هديه وحيل حبوب
شيخه : مادري كيفج مو تطولين بسرعه و لا يشوفج السايق والله تروحين فيها
لجين : اوكي كاهو كاهو وصل
شيخه : السلفرادو المغيم
لجين : اي
شيخه : ديري بالج و لا تطولين
لجين : اوكي

ركبت السياره
محمد : حيالله لجونه شلونج
لجين خايفه و مستحيه : تمام
محمد : مسك ايدها ليش جذي ترجفين
لجين سحبت ايدها : ما فيني شي عادي
محمد حرك السياره و مشى
لجين : وين رايج ليش حركت ؟
محمد : شفيج ما نبي نوقف هني اذا احد قرب من السياره بيشوف انروح مكان ثاني نسفط فيه
لجين : بس انا ما اقدر اتأخر
محمد ساكت و ممكمل طريجه
لجين : محمد بس بس ردني
محمد : اووه شفيج انتي حنه سدي حجلج
لجين خافت و قامت تبجي عفيه ردني
دش محمد بمسافط مدرسه و كان ظلمه
وقرب يم لجين و حاول بيوسها و لجين مو قادره عليه لانها نتفه وو كانت تصرخ و تطقه و تشمخه و و قامت تعلي صوتها لما طقها طراق
محمد : خرا عليج يا زباله سكتي الحين بردج مادري ليش مكلمه اذا ما تبين لا تستشرفين على افاي و اهوا يسوق و يصرخ كلكم زباله
و اهيه ساكته و تبجي وصل عند المكتبه
و نزلت بسرعه شيوخ شافتها اخترعت

و لمتها ووردوا البيت و قالت لها كل شي صار
شيخه : الحقير الحين دزيله مسج سفلي فيه وهديه
و دزتله
انت انسان حقير ماكو احقر منك امسح رقمي مابيك تدق
رد عليها
صح ماكووو احقر مني و بتشوفين شبسوي بالغبيه يا لجين

لجين : شيخه شيقصد
شيخه : خلييه يهايط شبيسوي يعني

و من يومها و محمد كل شوي طالع سالفه حق لجين مو حبا فيها بس حقارته ما يحب وحده تهده

-------------

محمد : والله كبرتي و بتصيرين مهندسه بعد
لجين : شتبي فيني حرام عليك خلني بحالي
محمد : مابي اسويلج شي والله بس كافي عليج الي سويته بس داق اقووولج مو انا محمد الي بنيه غبيه مثلج تهدني و بس تعبتج وايد الي بخليج ترتاحين ماراح اقرب صوبج
لجين ساكته
محمد : يلا ذلفي و صكه

لجيت بجت و بنفس الوقت ارتاحت لأنها افتكت منه كانت طول الأيام تفكر شنو الشي اليديد الي بيسويه

شيخه تحط هدومها بالجنطه عشان بيحدرون الديره
رن تلفونها ولا عمر
شيخه : هلا عمر
عمر : هلا فيج
شيخه : عموور والله انته الف وحده تتمناك بس انا ما اشوفك غير انك اخوووي و بس
عمر : بس انا مو اخوج ليش ما تفهمين شيخه انا شاريج على كل شي شفته و سمعته
شيخه: شنو شفت و شنو سمعت شتقصد انت
عمر : انا تقطعت عشانج قبل لا فهد يخليج شهر فيج بالدوانيه
شيخه قامت تبلع بريجها و ساكته
عمر : اكيد بتقولين شلون دريت اهوا قال اسمج و كان يوصفج جدام الشباب و انه عندكم شاليه و قال مكانه و كل شي و انا كنت ساكت ما اقدر اتكلم بما سمعته بيوم قال انه يبي يهدج بس موعارف شلون و لاحظي اني عقب كل هالكلام انا ما يبت طاري لخالد و انا ابيج ابي استر عليج لاني ادري انج بنت عمي و هذي غلطه و ماراح تنعاد
شيخه قامت تبجي منصدمه من الي تسمعه : عمر شوي و ادق عليك
قعدت تبجي شيخه حيل حيل

فجت الباب شمايل : شييخ@@
شيخه شفيج حبيبتي و قربت منها و قعدت تبجي حيييل حيل و تشاهق و قامت يابت لها ماي و قالت لها السالفه


بليل شيخه ماسكه التلفوون دقت على عمر
عمر : الو
شيخه : هلا عمر !!
---------------------​

 

[انوار الكوويت]

توقعاتي
شيخة راح توافق علي عمر
ومحمد وراة سالفة
ولجين تحب رفيج حمد

 

[D_a_n_o]

لاا شيخه لا توافق
اتوقع عمر مو قايها الصج :\ !!
وبالنسبة للبنات الي مضايقينج ما عليج منهم روايتج حلوه والي مو عاجبتها على راحتها لا تقرا !!
يعطيج العافيه

 

[جنى199]

كثير نايس البارت ويا رب شيخة لا توافق وخالد وفي الله يخليهم حق بعض

 

[al-shyo0o5]

مبدددددعهه بنوؤته
كمممملي حيآتي
بـ آلوقت آللي يريحج
و تمططي آكتبي ع الرآحهه < عنآد بعديمي آلآسسلوؤب , آوووف نرفزوني جنهم مطرشين آلرسآيل لي​

 

[A7laa kuwaitia]

ادري طولت عليكم لووول

شيخه لا توافقين على عموور
عمووور حرام عليك لييش تجذب؟!؟!؟:eh_s(14):
في و خالد الله يخليكم حق بعض يارب:yaaaaaarb:
حاسة سلماان يحب لجين>>>داشة عرض لووول
ومنوو بعد بث ناطرينج

 

[انوار الكوويت]

اب
اب
اب
اب
اب

 

[sh.i6ona]

امبييييه عمرصج حقيير شكو يسوي جذي اففففففففف واااي قهرني
حياتي انتي واالله شوقتيني بعرف شنو بيصير بالبارت الياي عفيا بس عطينا تلخيص الاحدااث عفيااااا بلييز فدييتج

 

[A7laa kuwaitia]

يلاا ناطرينج