جيل الستينيات ...وينكم؟؟؟؟

[فطووومة]

السلام عليكم

شلونكم حبايبي وكل عام وانتو بخير يارب :eh_s(9): :eh_s(17):


الحمدلله انا بخير

الحمدلله على السلامة ام خالد وماتشوفين شر حبيبتي


ميئا تسلمين وماقصرتي والله الحافظ :yaaaaaarb:


ام حمنو ماقصرتي ماشالله عليج تسلمين يقلبي



ام محمد شلون الوالدة بشري عنها الله يقومها بالسلامة يارب :yaaaaaarb:



ام احمد شلونج حبيبتي وشلون العيال ودلووولة الحلوة :eh_s(7):




هالمرة اللي تسوي الدرابيل يصير اطلب منها حق قبل العيد بما اننا مسافرين بالعيد ان شالله ؟؟

وجم يوم قبله لازم اطلب ؟؟؟

وجم سعرها ؟؟


وشكرا هههههه

 

[أم ناصر93]

السلام عليكم حبايبي اشلونكم وشخباركم

عساني ما انحرم منكم الله يرزقكم بر عيالكم جميعا وتشوفونه بعيونكم

مثل ما شفته بعيوني

وحبيبتي ام محمد بشريني عن الوالدة اشلونها اليوم طلعوها من العناية

ماتشوف شر وان شاء الله ترجع وتقر عينكم بجيتها

وام حمنو مشكورة عالعيدية عسى ايامك كلها عيد وفرح

وفطومة ان شاء الله درب السلامه جدامكم والله يسهل دربكم وترجعين لنا بالسلامه

****************


لكم تحياتي

 

[أم ناصر93]

ام خالد حبيبتي الحمد لله على السلامة وماتشوفين شر

اجر وعافية

************


لكم تحياتي

 

[الغاليه ام احمد]

السلام على الغاليات

 

[الغاليه ام احمد]

هلا وغلا ام حمد شلونج وشلون العيال والوالده

ام محمد وينج طمنينا على الوالده عسى طلعت من العنايه

ام خالد الف لاباس عليج هذا عوار المعده مو هين الله بعينج

ام حمنو شلونج سولفيلنا عن التوأم كبروا وشلون امهم معاهم والسهر

فطوووووووووووومه شخبارج لقيني سكن بالشارقه

 

[فطووومة]

تسلمون حبايبي والله يحفظ كل مسلم ويرد كل غايب اللهم امين



ام احمد يوم ماحصلت بدبي ماصارلي خلق ادور بس توه ابونا يقول انه حصل والله كريم :yaaaaaarb:

 

[الغاليه ام احمد]

هلا وغلا فطوووومه

زين حصلتوا روحوا غيروا جو

دبي والشارقه يم بعض

 

[فطووومة]

اي والله حبيبتي الحمدلله


الله يسهل على الجميع

 

[ام حمنو]

السلام عليكم ورحمة الله وبركاته

 

[فطووومة]

ام احمد بسالج عن المرة اللي تسوي الدرابيل يصير اطلب منها حق قبل العيد بما اننا مسافرين بالعيد ان شالله ؟؟

وجم يوم قبله لازم اطلب ؟؟؟

وجم سعرها ؟؟

 

[ام حمنو]

فطووومه الدرابيل طلبته امس ووصلته اليوم عقب المغرب طلبت اربع علب كل علبه ربع كيلو اطلعوا 8دنانير وترى صغار بس عجب ابونا وقال طلبي زود هالمره بجرب اللي بماي الزهر

 

[الغاليه ام احمد]

هلا وغلا ام حمنو شلونج

فطووووومه والله ما ادري لان بنتي من زمان يايبته بس اكيد قبلها بيوم عشان تجهزه لج

وان شاء الله اسالج بنتي وهم اذا الرقم عندها اييبه لج

 

[الغاليه ام احمد]

عليكم بالف عافيه ام حمنو

يستاهل ابو حمنو طلبيله كل الانواع

بس بسالج كل حبة درابيل ملفوفه بورقه

 

[ام حمنو]

ام احمد التوأم بخير مطلعين عين امهم وصايره وسواسيه حاطتهم ومجابلتهم ماتبي الخدامه تساعدها

 

[ام حمنو]

الله يعافيج ام احمد


لا مومثل ما قلتي كل وحده ملفوفه بورقه كل نوع بعلبه مربعه انا اشوفه وايد الكيلو 8دنانير بس دامه عجبهم بطلب لهم مره ثانيه

 

[الغاليه ام احمد]

الله يعينها عليهم

انا وحده من اهلنا يابت ثلاث توائم ما شاء الله عليها

اتعبت بغت تموت من السهر عليهم تخاف عليهم وماتبي احد يمسكهم اهي اللي تلبس وتغسلهم مع انها عندها خدامتين

المسكينه ضعفت بشكل فظيع وهم اهي عندها عيال قبلهم

المهم الكل قام يهاوشها يقولها خلي الخدم يساعدونج فيابت ممرضتين وحده بالنهار ووحده بالليل

بس طبعا الممرضه تمسك بس واحد واهي واحد والخدامه واحد طبعا هالخذامه خاصه للتوام

اهي عندها طباخه وخدامه ثانيه لعيالها الكبار

وما ارتاحت الا لما خلت الوساوس وخلتهم يساعدونها ردت تنام وردت صحتها والحمد لله

 

[ام حمنو]

ام خالد اجر وعافيه ان شاء الله ما تشوفين شر

فطووومه الله يسهل دربكم تروحون وترجعون بالسلامه

ام ناصر عليكم بالعافيه الشاليه اخذوا ملابس شتويه الجو بارد

 

[ام حمنو]

اي والله ما ادري اشفيها حتى خواتها منصدمين منها ماتبيهم يساعدونها عليهم متعبه نفسها وقاعده على اعصابها

يابت ممرضه من 7الصبح الى7باليل بس طول الليل سهرانه معاهم بروحها

 

[ام حمنو]

باجر مافي دوام الناس من اليوم ما داوموا

تصبحون على خير

 

[الغاليه ام احمد]

وانتي من اهل الخير

واخذيني معاج