مرحبااااا يالله شنو كلامج عجييب يخفف التوتر اللي احنا فيه عسى الله يوفقج و يسعدج ويريح بالج ولا يكدر لج خاطر ابد و يسعدج ياااااارب.. عندي سؤال ومو عارفه شسوي اول ليله العرس لمن البس قميص النوم البس تحته الاندروير (الستيان والصروال) والا لا .. وثاني شي يا اختج انا غشيمه بامور كثيره بالعلاقه الزوجيه وما اعرفها ولا ابي اعرفها الا بعد الزواج لاني استحي حيييل وما احب احد يقولي هالامور عادي والا زوجي بيقول عني داجه و مو مسنعه اموري ?!
وثالثا ممكن اسمع تعليق من زوجي انه هالقميص النوم مو عاجبه ويطلب مني اغيره اوجذي لانا انا لازم ادرب نفسي اخف من الحساسيه ولاني فيني طبع ما احب احد يعلق او يطلب مني شي ما ودي اسويه شلون اقدر اتقبل هالشي خصوصا اني البس و اكشخ دايما لنفسي فاللي يعجبني يعجبني خلاص محد له شغل فيني رابعا الحموله?!انا ساكنه في بيتهم و صراحه ما اعرف شلون بيكون سستم حياتي معاهم يعني متى انزل لهم و عادي اغلب وقتي عندهم لانا محد موجود في البيت الا ام زوجي و خواته ثنتين والا انزل بس حزه الغدا والعشا لانا مالي مطبخ بشقتي مطبخي مشترك معاهم و الا شسوي واتا احب اطبخ واتفنن بهالشي شلون بدخل مطبخهم ومتى ادخل والا اقعد جذي يجيني شغلي وانا ما اتحرك(انا شوي حاره و اعتمد على نفسي حيييل لا تستغربين اسئلتي) والف مليوووووووون شكر لج قبل لا تجاوبيني بعد ..,
قووووة كلكم
سووري طولت عليكم بالرد
عيدكم مبارك وتقبل الله طاعتكم
بسم الله
فدبتج عالدعوات الحلوة اجمعييين يارب العالمين
حبوبة قميص النوم في بعضهم معاهم يكون صوب الصدر مشدود مايحتاج تلبسين معاه ستيان
واذا كان مو مشدود خامه طايحه عادي لو تقعدين بدون ستيان اذا كان صدرج حلووو مو طايح
اما اذا يبيله رفع ويكون احلى مع القميص لبسي طقم واحد ستيان و صروال حق عرايس تلقينهم كشخه وناعمين دانتيل ناعم جدا
وبخصوص انج غشيمه بهالامور ، شي طبيعي لان يديد عليج و لانج بنوتة
والريال متوقع انج تكونين جذي طبيعي تستحين و طبيعي انج ما تبادرين اول الليالي ، اذا بادرتي او
بينتي انج تعرفين راح يخاف منج . لان طبيعة الرجل اهوه اللي يبادر ويبدا الهجوم
انتي بس خلج
على طبيعتج و مع الايام راح تتعودون على بعض .. وتتعلمين عليه وعلى طريقته ، لا تاخذين كلام من احد
سوي جذي ولا تسوين جذي .. ديري بالج .. لان كل ريال مزاجه مختلف عن الثاني ، والايام كفيلة تبين
شنو مزاج زوجج .
وقميص النوم زوجج ماراح ينتبه ابد ، اهم شي يكون ساتر اول ليلة وماراح يعلق
بتطير بوهته على
عرووسته والمهم اللي تحت القميص
وذا علق لااااسمح الله عااادي خلي روحج رياضيه
وقوليلة كل يوم بسويلك نيوك لوك على مزاجك :rerrerek:
اما المطبخ بما ان مشترك اخذي راحتج فيه وسوي اللي تبين ، بس بحدوود
لانه مو مطبخج بروحج و الكل لع حق فيه ، حرارتج خليها في مطبخج علشان ما تحرقين علاقتج باي احد فيهم
خليهم يقولون عنج سنعة و تحب تساعد و تحط ايدها بكل شي
لا تخلينهم يقولون عنج انانيه و صعب التعامل معاها ، لان اذا شافوا عليج شي بالمطبخ راح يحكمون على
شخصيتج بشكل عام ، دائما خلج منتبهه على تصرفاتج مع خالتج وحمواتج لان مهما كانوا حبوبين
بس تظلين انتي مرة الاخ مووو اختهم ،
ونظام البيت راح تتعودين عليه و وقت ما يكون زوجج موجود خلج عنده بالغرفه
ووقت ما يكون طالع وانتي ماعندج شغل مثلا ترتيب او سباحه او شي معين لبسي ونزلي عند حمولتج
وعدي نفسج في بيتج علشان ترتاحين وتاخذين عالوضع
لا تحاولين تفرضين روتينج عليهم ولا تحاولين تعارضين شي اهمه يبونه
لان يظل اولا واخيرا بيتهم ، وانتي حريتج بغرفتج ،
ومثل ماقلتلج المطبخ لا تزعلين اذا احد شاركج فيه اثناء تواجدج
وعسى الله يوفقج ويهنيج يارب العالمين
.
