بنات انتم نفسي تسمعووون .......!!! ولا بس اناا

[Tulips]

امبيه توليبس خرعتيني

انا مره صارت فيني
اسمع الاذان بقوة انصدم عبالي اذن
وكل شوي اركز اتسمع مره يخف الصوت
ومره يزيد
لدرجه صليت
وبعدها اذن صج الفير
وانصدمت اني صليت صلاة مو بوقتها

عاد انا صحبة مع الينانوه من كثر المواقف
اللي صارت وياي
فما استبعد اهمه يخرعوني او يبون اصلي
بغير وقت الصلاة
سكنهم مساكنهم

اليوم يوم الينانوه العالمي

توني كنت اشوف فلم رعب

وهم قبل شوي بنت نزلت موضوع عن ريال لابس ابيض يطلع من الطوفه

واللحين هالموضوع ..

لا لا ابدا مو صدفه

واي بروح اتسحر وايد احسن لا تطلعلي شغله رابعه
لوووووووول

 

[رنين]

حبيبتي سمحيلي اسالج بس هذي المشكله الي عندج؟

ساعات الواحد يسمع صوت من بعيييييد يتهيأ له انه اذان
لكن انتي تقولين طول الوقت تسمعين الاذان ....يعني صوت واضح قوي؟!!!!

من فتره باديه تتغيرين قاطعه الاغاني و التلفزيون محدده نوعيه معينه و هذا شي طيب بارك الله فيج ...لكن هم بعد تقولين انج تشكين بصلاتج و تقاطعين الي يكلمج اذا تراوالج ان سمعتي الصوت.....

يعني حتي لو سمعنا صوت الاذان و حنا نكلم احد ما نقاطعه عادي!!!
ودي اشور عليج بشور و قاعد الف و ادور ماني عارفه اقوله.... بس مايضر لو رحتي استشاريه مثلا قعدتي تسولفين معاها لأن يتراوالي عندج مشاكل ثانيه و الموضوع مو سالفته الاذان الي تسمعينه.

و عسي الله يحفظج و لا يبلاج

 

[دلوعة صلوح]

سبحان الله الاخت لى حطت الاجابة صراحة شئ يخوف.

 

[رنين]

توليبس صراحه توالي الليل هبت افتح موضوعج بس من ردود البنات يتراوالي ناسين هل جم حديث للحبيب صلي الله عليه و سلم حبيت اذكركم فيهم و مابعد قول النبي قول



حَدَّثَنَا مُحَمَّدُ بْنُ الْمُثنَّى، حَدَّثَنَا مُعَاذُ بْنُ هِشَامٍ، حَدَّثَنِي أَبِي، عَنْ يَحْيَى بْنِ أَبِي كَثِيرٍ، حَدَّثَنَا أَبُو سَلَمَةَ بْنُ عَبْدِ الرَّحْمَنِ، أَنَّ أَبَا هُرَيْرَةَ حَدَّثَهُمْ:
أَنَّ رَسُولَ الله -صَلَّى اللهُ عَلَيهِ وَسَلَّمَ- قَالَ: "إِذَا نُودِيَ بِالأَذَانِ أَدْبَرَ الشَّيْطَانُ، لَهُ ضُرَاطٌ حَتَّى لاَ يَسْمَعَ الأَذَانَ، فَإِذَا قُضِيَ الأَذَانُ أَقْبَلَ، فَإِذَا ثُوِّبَ بِهَا أَدْبَرَ، فَإِذَا قُضِيَ التَّثْوِيبُ أَقْبَلَ، يَخْطُرُ بَيْنَ الْمَرْءِ وَنَفْسِهِ، يَقُولُ: اذْكُرْ كَذَا، اذْكُرْ كَذَا لِمَا لَمْ يَكُنْ يَذْكُرُ، حَتَّى يَظَلَّ الرَّجُلُ إِنْ يَدْرِي كَمْ صَلَّى، فَإِذَا لَمْ يَدْرِ أَحَدُكُمْ كَمْ صَلَّى فَلْيَسْجُدْ سَجْدَتَيْنِ، وَهُوَ جَالِسٌ".

-صحيح مسلم-




الأذْكَارُ النَّوَويَّة، الإصدار 2.06 - للإِمام النَّوَوي
كتاب أذكار المسافر >> 183ـ بابُ ما يقولُ المسافرُ إذا تَغَوَّلَت الغِيلان

1/547 روينا في كتاب ابن السني، عن جابر رضي اللّه عنه؛
أن النبيَّ صلى اللّه عليه وسلم قال: "إذَا تَغَوَّلَتْ لَكُمُ الغِيلان فَنادُوا بالأذَانِ".
قلت: والغِيْلاَنُ جنسٌ من الجنّ والشياطين وهم سحرتُهم؛ ومعنى تغوّلت: تلوّنت في صور؛ والمراد ادفعوا شرّها بالأذان، فإن الشيطانَ إذا سمع الأذان أدبرَض. وقد قدَّمنا ما يشبُه هذا في باب ما يقولُ إذا عرضَ له شيطان، في أوّل كتاب الأذكار والدعوات للأمور العارضات، وذكرنا أنه ينبغي أنه يشتغلَ بقراءة القرآن للآيات المذكورة في ذلك.

 

[أميرة الحور]

غريبة !!!!
أول مرة أسمع بحالة جذي
وزاد استغرابي إن فيه أكثر من بنت نفس الحالة !!!!

بصراحة قعدت أفكر إنه شي حلو ولو يصير فيني جذي .. بس بسرعةاتردد وأقول لا يمكن يكون شي موزين

مستحيل يكون من شيطان لأن الشيطان ما يتحمل الأذان
يمكن جني مؤمن أو صوت الأذان من الملائكة

 

[ذوق بريستيجي]

بعض الاوقات يجيني كذا

 

[blue ocean]

ايــــــــه تحوشني وايد مثلج وتكلمت حق ناس بالموضوع قالولي يتهيأ لج

الحين خفت عندي

بس صراحتآ اتوقع لأنه الآذان ينرفع باليوم وايد ماشاءالله وينسمع دايمآ

فأي صوت من بعيد مو واضح الانسان يتهيأ له اذان ...​

 

[احساااااس انثى]

حبيبتي يمكن تتنتظرين الاذان كثير وبعدها تجيك تخيلات انه اذن ....
الله يثبتكـ غلاتي ويطووول عمركـ بطاعته.......
تقبلي مروري:eh_s(7):

 

[om '3ala]

انا بعد ساعات اسمع صوت اذان

و انصدمت لما قريت الاجابه

اعوذ بالله من الشيطان الرجيم

 

[dania]

حتى انا احيانا يصيرلي كدا

بس ماعرف معناها

الله يحفظنا يارب

 

[cute lulu]

انا ساعات يصير معاي جذي بس ما ادري شنو يعني؟؟؟

 

[Tom ♥ Jerry]

,



اي والله الآجآبه مآ تخطر على البال
مشكـورة توليبس : )

 

[خالة لانا]

ايه والله ياكثر ماتصير فيني بس ماقد فكرت اقول لاحد

واستغربت يوم قلتييها اذا جيت اسمع اغنيه اسمع اذان اسكره واطلع الحوش اشوفه ياذن ولالا

وخلاص ماسمع اغنيه يعني تنبيه لي والله واعلم

والله يعينا مادري وش السبب

 

[بحر الرمال]

بنات هذا اعراض مرض اسمه bipolar
اذا مترافق مع اعراض ثانيه اهتمي بالموضوع

 

[دلوعة المنتدى]

سسسسسمالله علييج مااشااءلله ..،

احسسسسن مني صووت الاغااني دووم فبااالي-£ 

الله يحفظج ويوووفقج ان شاااءلله ||

 

[so0oma]

تصيررر فيني واايد عااادي
اعتقد والله اعلم انج مهموووومه بالصلااه تحاتينهااا
بعدين يااازين صوتت الاذاان تمتعي فيه

ايه صحح ليتني مثلج ياراعيو الموضوع اربع وعشرين ساعه اسمع صوت الاذااان ياحظجج بسس والله:eh_s(7)::eh_s(7):

 

[كليجا القصيم]

ماعندي تفسير بس شي طيب​

 

[دلع العتبان]

ليكون فيج جني بس مسلم ترى تصير وانا اخمن لاتخافين حبيبتي ولاتحاتين بس تحسين بمظاهر غريبه احد حوالينج او شي من جي ربي حافظج والله يثبتج ياقلبي

 

[*غنج*]

الشي حلو انج تسمعين الاذان على طول

 

[Vdieta]

انا جذي احيانا اكوون اتابع فيلم ويكون صوت الـt.v عالي واسمع صوت اذان ولمن اكتمه ما اسمع