السلام عليكم ورحمة الله وبركاته
بغيت أقول كلمه حق بهالموضوع ، البنات اللي ما ظل كلمة ما قالوها على الشيعة خونة صفويين اتباع ايران والمسبات اللي احنا متعودين عليها ، أول شي ترى احنا اخوانكم في الدين كلنا مسلمين نشهد أن لا اله الا الله وأن محمد رسول الله قرآنا واحد قبلتنا وحده ، ثاني شي احنا اخوانكم بالوطن الكويتية عندها خوات كويتيات من الشيعة والسعودية والبحرينية كذلك ، يعني الزبدة هالسب والشتم كله ماله داعي ترى .
واللي قاعد يصير بالبحرين ما يستاهل كل هالفزعة ، البحارنة ناس أوادم من لحمنا ودمنا سواء كانو شيعة سنة ما يهم ، وحتى لو فرضنا فرض المحال انهم مو مسلمين ولا جيرانا جغرافيا هذيلا اخوتنا بالانسانية وما يصير يتذبحون مثل الخرفان ( يكرمون البحارنة طبعا) .
انتوا ما شفتوا المره اللي يايبينها بالاتجاه المعاكس شلون مسترخصة بأرواح البشر ، يقولون لها الحكومة ليش قتلت 40 مواطن ،، بكل برود ترد الملك راح يعوضهم ، ليش اهما مو بشر ترضون يقتلون واحد من أهلكم ويقولون لكم نعطيكم فلوس بداله ، ليش أمه أبوه شيسوون بالفلوس ، شباب على 17 و18 و15 سنه يقتلونهم مو حرام ماكو احساس ....
واللي يقولون البحرين دوله فقيره كلنا رحنا البحرين وشفنا الهنود شكثرهم بالشوارع ، واهما اللي يشتغلون بالشرطة ، الشرطة كلهم هنود ليش ؟ البحريني مو أولى بالوظيفة ؟ والا البحرين عين عذاري تسقي البعيد وتخلي القريب !
تبون تشوفون البحرينيين وين ساكنين شوفوا
في أحد يرضه يسكن بهالعريش ؟! واذا مو مصدقين هالصورة عندكم قوقل كتبوا الفقر بالبحرين وتطلع لكم الصور بالهبل.
وبالبنسبه حق اللي يابت لنا صور الشرطة واللي تقول واااااااي يعورون القلب ، أبي أسأل سؤال هذا ما يعور القلب ؟!
الشهيد أحمد فرحان عمره 30 سنه بس !!....
.
.
.
.
واللي يا بتلي صور المتظاهرين ولاعبين فيهم بالفوتوشوب كاتبين ايران وما أدري شنو ......
تفضلوا
اللي بالفوتوشوب طبعا واضحة اللي فوق ، واللي تحت خط ايد كل شي واضح :eh_s(7):
واللي مفتخره بالمره اللي بالاتجاه المعاكس اقولها شوفي راي المفكر السعودي عضو الشورى ابراهيم البليهي تفضلي
ولا تقولين لي ان البليهي مجوسي والا ايراني بعد
وبس هذا اللي عندي أقوله لكم ، والله يعلم علي آنا مو بحرينية ولا راح استفيد شي اذا صار ديموقراطية وعداله هناك ، بس هذي كلمه حق حبيت أقوله عشان أبري ذمتي عند ربي ، وحبيت يقرونها البنات عشان لا يشاركون بظلم غيرهم ، ترى الدنيا دوارة تشوفين الظلم وتشجعين عليه اليوم باجر راح يقع الظلم عليج ولا راح تلقين لج ناصر ينصرج .......
واللي مو عاجبها رايي وتحب تناقشني حباها الله بس رجاء بدون سب وشتم ( صفويين - مجوس ......الخ ) اهلنا ما علمونا على الشتم رجاء :eh_s(7):
