خلاص .. بس بس لي متى يا جامعة الكويت "يا الردية" ..

[اللغز الغريب]

الحديقة شفتها

لو يعدلونها و يسوونها مصفط سنع مثل الأوادم بدال هالنخل المكسر يصير خوش حجي

بس صعبة يسوونها متعددة الأدوار لأنه ماكو مكان يكفي السيارات تصعد/تنزل

 

[مُخملْ]

الله يعيييينكمْ على هالحآل
وآنآ اقرا الموضوع حسيت بكآبه وآنتو يومياً جي

،

آلله يعينْ ، آلحمدلله ان هالمشكلهْ مآعدنآ ، لآنْ في كل
امارة في اكثر من 3 جامعات وكليآتْ ومنفصله للبنات غير والاولآدْ غير ، غير المختلطة ،
بس انتو يمكن الجامعات اللي عندكم محدوده ، واعدداد الطلبة
وآيد ْ، والدنيآ متتكدسه ومآشي مجآلْ ل.آستيعاب طلبة آكثرْ ،
وآلمدرسين حدث ولا حرجْ -..- ~> برع الآستآذ كل مآكبر فالعمر
كآنتْ له خبره اكثرْ ، وعدنآ آلعكس، كل مآكبرْ احنا اللي رحنا فيها ><

آلله يعينكمْ ،

 

[شندوخه]

التثمين مو شرط البيت يكون قديم اصلا اصحاب البيوت اغلبهم متضايقين

شالعيشه اصلا ما يقدرون يتحركون

اصلا زين منهم متحملينا


استغفرالله ياربي انتي شايفه المسجد اللي بانينه عند الهندسه

يعني الديرة متروسه مساجد ما قلنا شي بس

شايفين المكان ضيق وزدتوا الضيقه على الناس بعد

نفس اللي يبنون مسجد قبال بيت الناس يعني سووا شي زين

وضايقوا الناس ما يصير ؟؟؟

لازم في موازنه مو اضايق الناس

متى يفهمون الدين على سنع ؟؟؟

وحتى كيفان امس جدامي وحده استغفرالله معلطه الشارع بكبره البرنسيسه ما تبي

تنزل الا عند الباب هههههههههه ياربي

عمري عمري ما ضايقت الناس ولا تنافست اني اصفط جبال الباب

الحمدالله على نعمة العقل محد مثلي اصلا ؟؟


ولا خوش طلاب اللي يوقفون بنص الشارع ما تصدقين وين اقط سيارتي وامشي

الل يشوفني جني يايه من الماراثون مشي ههههههههههه:krkrkr:


وبالنسبه للكليات عمارة مفروض بلا مبنا بلا بطيخ

اففف غباء مستمر عندنا

ليكون بس بانين المسجد على راسج؟؟
ترى هذي بيوت الله ومايجوز حتى تنهدم .. خليتي كل شي ونيشتي عالمسجد

 

[أم الأسلوب]

الله يعيييينكمْ على هالحآل
وآنآ اقرا الموضوع حسيت بكآبه وآنتو يومياً جي

،

آلله يعينْ ، آلحمدلله ان هالمشكلهْ مآعدنآ ، لآنْ في كل
امارة في اكثر من 3 جامعات وكليآتْ ومنفصله للبنات غير والاولآدْ غير ، غير المختلطة ،
بس انتو يمكن الجامعات اللي عندكم محدوده ، واعدداد الطلبة
وآيد ْ، والدنيآ متتكدسه ومآشي مجآلْ ل.آستيعاب طلبة آكثرْ ،
وآلمدرسين حدث ولا حرجْ -..- ~> برع الآستآذ كل مآكبر فالعمر
كآنتْ له خبره اكثرْ ، وعدنآ آلعكس، كل مآكبرْ احنا اللي رحنا فيها ><

آلله يعينكمْ ،

بتزوج اماراتي

 

[أم الأسلوب]

ليكون بس بانين المسجد على راسج؟؟
ترى هذي بيوت الله ومايجوز حتى تنهدم .. خليتي كل شي ونيشتي عالمسجد

ادري والله ادري انا قلت بتنط علي وحده وبتفسر الكلام على مزاجها

انا مو قصدي انا لا يبون مساااجد

اووهووووووو الحين الحوار بلش يصير عقيم

يا اختي يعني من البداية المنطقه شوسعها الله قال الدين يسر مو عسر


والجامعه داخلها ماشاءالله في مصلى خاص بكل كليه


بس في ناس تتقصد تضايق الناس من منظور الدين ما يجوز

وبالنهاية بيوت الله اكيد على عيني وعلى راسي


افهمي قصدي ولا تغلطين

بوحذف ردي علشان ترتاحين بس الله شايف وعارف

اللي بقلبي

 

[اللغز الغريب]

شالعيشه اصلا ما يقدرون يتحركون

اصلا زين منهم متحملينا

تصدقين معاج حق؟..

استغفرالله ياربي انتي شايفه المسجد اللي بانينه عند الهندسه

يعني الديرة متروسه مساجد ما قلنا شي بس

شايفين المكان ضيق وزدتوا الضيقه على الناس بعد

لول أصلا تدرين في مسجد بين البيوت يمه تقريبا

يعني فرق بس عشر دقايق مشي

وحتى كيفان امس جدامي وحده استغفرالله معلطه الشارع بكبره البرنسيسه ما تبي

تنزل الا عند الباب هههههههههه ياربي

عمري عمري ما ضايقت الناس ولا تنافست اني اصفط جبال الباب

الحمدالله على نعمة العقل محد مثلي اصلا ؟؟


ولا خوش طلاب اللي يوقفون بنص الشارع ما تصدقين وين اقط سيارتي وامشي

حركة سندريلا كلنا حافظينها عدل، الشارع ما وراه غيرها

المشكلة لو شايلة قشها من الأول و تطلع من السيارة بسرعة جان عادي

بس طبعا تدرين ما تحب تحط كريم الويه و الإيد و تلبس النظارة الشمسية و اتعدل حجابها إلا جدام الباب


و طبعا اللي يصفطون بنص الشارع يكسرون خاطري، لو عندنا مصافط جان قلت غلطانين بس ما عندنا

وبالنسبه للكليات عمارة مفروض بلا مبنا بلا بطيخ

حرام عليج مبنى واحد مادري اثنين مالهم غيره

على الأقل لو شالوا المسبح اللي محد دشه من سنة يدي جان أرحم

 

[أم الأسلوب]

اللغز الغريب فديتج والله صج ما يحس بالمشكله الا صاحبها باجي الناس اللي يدشون ويقرون ردونا ولا تراكضوا

بين الكليات بيحسون الشي عاااادي بس الشمس وحرارتها تحرق حرق


منطقه شارعها واقف

على الاقل ننقذ ارواح الناس خاصه مدخل كلية الهندسه شايفين شلون ضيق


والله مره وحده وقفت واحد من الباصات وشرشحته المره نقاب وعباية راس وبوشيه بعد وتدوس

عيب حرام شيسوي يعني هذي الزحمه

حتى ما رد عليها تقوله انت هندي زباله جدام البنات وسأليهم

حرام عليها

 

[Ray.Bana =$]

انا بس ودي اعقب على شغله اهيا اللي تقولين الدكاتره شياب مايعرفون التطور مايقولون باوربوينت والله احسن اريح الباوربوينت قصه ولويه خلينا جذي نكتب او نطبع تقرير واحنا مرتاحين لووول

وانا بالعلوم الاجتماعيه احس مو معاناة مثلكم بالآداب صج الله يعييييييييييينكم من قللللب

انا مستجده ليلحين ماجربت التسجيل بالنت آمبييه الله يستررر


الله يوووووفقج حبيبتي وانشالله تتخرجين وتفتكيين

 

[اللغز الغريب]

تفداج الديرة يا أم الأسلوب

حلوة منقبة و تسب ما يسوى عليها


بس هم قضبنا سالفة المصافط و خلينا مزاجية الدكاترة و السستم التعبان

أكو جامعي بالعالم الدكتور يقدر يلعب بحسبتج على نوع الورقة اللي انتي كاتبة فيها الواجب؟

.. إي نعم جامعة الكويت

 

[اللغز الغريب]

انا مستجده ليلحين ماجربت التسجيل بالنت آمبييه الله يستررر

لا تخافين

انتي بس حطي بحسبتج ان شي عادي إذا طاف وقت تسجيلج و ما حطيتي غير مادة وحدة انتظار >>> محظوظة أصلا

و عادي يضيفون شعبة يديدة الساعة 2 بالليل >>> قعدي عليه طول الوقت

عادي وقت أو مكان المحاضرة يتغير بدون سابق انذار

عادي اتدشين باي فورس >>>مادري عن الاجتماعية شلون مالكم بس المرة الوحيدة اللي رحتله وقفت 5 ساعات على ريولي عشان توقيع سيادة الدكتور و طبعا طول الوقت أي واحد يعرف الدكتور يدش بسرعة جدام عيونا أما احنا فقاعدين زرع مو أوادم >> قصة حقيقية

 

[كيوت--]

آخ الله يعيننا // مستجده
بس كرهههت الدوآم من الزحمه
مآدري شالسبب بس من تطلعين من البيت لين باب الكليه الشارع وااقف للأسف // خصوصاً قبل الثمااان



نحتاااج حل جذري مو جامعه الشداديه ليلحين يبنون السوووور

 

[أم الأسلوب]

آخ الله يعيننا // مستجده
بس كرهههت الدوآم من الزحمه
مآدري شالسبب بس من تطلعين من البيت لين باب الكليه الشارع وااقف للأسف // خصوصاً قبل الثمااان



نحتاااج حل جذري مو جامعه الشداديه ليلحين يبنون السوووور

اي يبنونها وبعدها تطلع مثل استاد جابر يخافون يسوون مبارات قويه فيه

لان تحت ماي ويخافون يغرق

اقول اقبض من دبش ههههههههههههه



اختي تحبين كليرز اليوم مسوي تنزيلات على مجموعه مختاره من تراجي

وميدااليات وغيرهم ب ربع دينار

يعني كانوا ب 5 و 3 و2 دينار

صاروا ب ربع دينار ههه خذت لي جم شغله بالتوفيق :ggdw:

 

[HamBaKwt]

اي والله ام الاسلوب صاجه وعجبني كلامج

 

[كيوت--]

ام الاسلوووب


هههههه ايه احبه ثانكيووو عالمعلوومه فديتج

 

[نآعمـه]

.

هههههه حرآم احس انج تعبرين من قلب
وازيدج من الطين بلـه ., شوفي دكآتره مسوين بوسترات اعتصام طبعأ " شفتهآ بس بكيفان "
مادري يعتصمون على شنو اذا 24 ساعه قاعد يسولف عن نفسه وسفرآته و مواقفه البطوليه
ههههههه تذكرت دكتور والله بدون مبألغه كل سوالفه جذب
والمصيبه يحلف بنهأيه السالفه وشأيف نفسه انه WooW

جأمعه فاشلـه بدكأترتهـا بموأدهـا وكل مآ فيها ​

 

[ام حمنو]

الله يكون بعونكم والله عورتوا قلبي الكل يشتكي من الزحمه


بالله عليكم بس الجامعه فاشله؟كل شي بالكويت فاشل المستشفيات والملاعب والمدارس والمرور والمجاري حتى المطار فاشل والسبب مايحتاج اقوله بس ما اقول الا حسبي الله ونعم الوكيل في اللي رجعوا الكويت ورا. *

 

[عادت ذكرياتي]

كل شي له حل إلا ظلللللللللللللللللللللللم الدكاترة آآآآآآآآآآآآآآآآآآآه منه حسبي الله عليهم هالفئة

 

[:: Diva ::]

انا لحقت على الجامعه لما كان في شو ستريت
و كانت الاجتماعيه و الاعلام بكيفان

اممممم ايام

 

[كراميلا مرة]

حالة الجامعات باغلب الدول العربيه اذا مو كلها

 

[عيون ملكيه]

انا تخرجت من جامعة الكويت ورحت اكمل بره

تصدقين هناك بره اول ما دشيت الجامعة ودرست حسيت جني كائن فضائي غريب من حيث تطورهم ونظام تدريسهم

الدنيا ويييييييييييييييييييين و جامعة الكويت وييييييييييييييييييييين الله يخلف عليها

بنت خالتي 7 سنوات في كلية العلوم

اول سنتين كانت بتحول علوم اجتماعيه ذبحها النظام الخايس ( معلومه اهي دفعة 98 يعني قديمه حيل )
قبل تطبيق الكمبيوترات و جذي

ذبحوها بالقرارات و التواقيع و كل مره يطلع لها شرط ما تدري من وين طالع

غير جذي :

قعدت سنتين و خذت مواد و كل ماده لها مسبق و عقب كل هذا قالو انتي متعديه عدد الوحدات اللي تقدرين تحولين اذا تعديتي الوحدات ما تحولين
والمده بعدرصارت عليها اشكاليه و البنت راحت عليها المواد اللي خذتهم على اساس بتحول المسجينه

انزين شتسوي اذا كل دكتور كان محتكر ماده و ينزل شعبتين و الشعبتين وحده 8 الصبح و الثانيه
2 الظهر و كلهم مفولين و الشعبه مغلقه من اول يوم ما ندري متى مداهم العالم يسجلون !
كان الكمبيوتر اللي شاشته سوده
نظام مو انترنت شي ثاني غريب عجيب

غير ان تسجل بماده و يتغير الوقت بقدرت قادر و احيانا يكونون حاطين ه ت يعني هيئه تدريسيه و تنصدم بدكتووور او دكتوووره قمة المعقد و الكل يسحب من مادته


المهم الدكاتره الشياب لعبو بحسبتها

كل دكتور يبي واسطه شكل

و العلوم معروفه كلية الطائفيه و التصفيات الشخصيه
و دكاترتها قمه في عدم الاخلاق

بوقتها تقول في دكتور حاذف دكتوره بكوب القهوه ( المق ) و يسبها سب الويل

و اللي يسجل عندها مغضوب عليه

والدكتور كان مفصول من الجامعه و يقول بطلع حرتي فيكم و ابرد قلبي
تعقدو الطلبه منه
شي لا يطاق


و بعد كل هذا انفصلت مده
لأنها ما قدرت ترفع معدل التخصص
ولا العام ما عليها انذار
و انفصلت
وراحت عليها سنوات الجهاد في هالجامعه الحقييييييييييييييييييييييييره

و الحين راحت مع اختها بريطانيا و تقول صج جامعات محترمه و تقدر قيمة الطالب ملاحظه اهي ما تدرس بس اختها

احنا جامعاتنا جامعة البهذله و المسخره و الدكاتره اللي فيها لازم كلهم يتغيرون قله قليله ينعدون على اصابع الايد الوحده اللي صج نعتبرهم دكاتره

واغلب دكاترتها اتجهووو للسياسه
ريلي يقول كذا دكتور كان يعرفه ايام ما كان يدرس بالجامعه صار يطلع بالتلفزيون اكثر من توم و جيري
على فكره ريلي من الطلبه اللي سحبو اوراقهم بعد 3 سنوات و راحو التربيه الاساسيه !


( بنات خبيرات بالجامعه و قوانينها الخواره : الحين اللي مفصوله مده اعتياديه و كان عندها مساند و معديته ما تقدر تتوظف على مواد المساند؟ يعني مايعتبر مثل الدورات او شي جذي :eh_s(16):ولا تروح هباءا منثورا !!! حرام جهدها كله راح)