للخبيرات بالرجل ... ليش زوجي ما يقول اسمي جد والله اسأل الي ماره عليها السالفه ترد

[ياليتهم يشعرون]

ياحبيبتي ماااشوفها مشكله اظاهر قلت المشاكل عندج تبينه ينطق اسمج مايشوف شر

 

[عطورات المطيري]

سنيتن ونننص ولاومره ناداج باسمج
قولي ليه لي اسم احب بنادووني فيه

 

[classicyah]

ههههههه

عآدي فديييييتج و الله طبيعيْ . .

أهم شي الي مسويه نفسهآ دكتوره نفسيه و اتقول ريلج مب طبيعي لووول . .

،

شوفي حبيبتي ،

أنآ أبويه الله يرحمه ، كـآن يحب اميه قبل الزوآج ، يعني معجب فيهـآ ، ،

و كآنت دآشه خآطره و سوآ المستحيل بس عشآن يآخذهآ ،

و مع ذلك ،

مآ يزقرهآ بإسمهـآ و لآ شي ،

الآ اذآ جدآم أهله ، اذآ بييب طآريهآ ،

بس بينهم أو حتى بينآ ، مآ يقول اسمهآ كآن ،

الله يرحمه ، ،

يعني مآ يخصه يقول اسمج و لآ لآء . .

حتى و الله كنت أسأل اميه ، أقولهآ أبويه كآن يقولج حبيبتي أو شي من هالكلآم ؟

اتقول و الله و لآ أنآ كنت أقوله ، محد علمنآ هالسوآلف لوووول . .

بس أهم شي كآن يحبهآ لأن تعب لين مآ وصل لهآ ، و لين مآ وآفقت عليه مسكين ههههه ،

و ع فكره ،

عقب مآ اتوفى ، شفت دفتر ، كـآتب لهآ كلآم حلوو ههههه ، حبيبي الرومآنسي الخجووول الي بس يعبر بالورق هههه

مب شرط مآ يقول اسمج أو يقولج كلآم حلو أو شي ، يعني مآ يحبج

لو مآ يحبج ، جآن مآ خطبج و مآ يآب منج عيـآل يآ بعد قلبي ،

السالفه انه هـو بيئته جي ، مآ ربوه ع الكلآم الحلو و هالسوآلف ،

الحب يبينه بالأفعـآل . .

و بس . .

الله يسخره لج يـآ الغـآليـه . .

 

[(دنيتي)]

انا مملجه ومن الحين عودته يناديني باسمع الدلع بعد



قولي له انه هالشي يضايقج

 

[مناير ...!]

لووول عجيب ريلج

 

[e7nayyeena]

لووووووووووووووووووووووووووووووووول يا حلوج

ميخالف يمكن ما تدرين لو يقول اسمج يحس بنبضات قلبه تززززييييد من الحب والعشق :hjy5jewf:

فبالتالي تفظحين مشاعره الخجوبه .. <<---- شرايج في التحليل بس ههههههه

 

[غارقة بأحزانها]

غريب
بس حبيت اقولج دلع يديد
انا نفس اسمج
واذا ريلي بيدلعني يناديني
شيخاء
شرايج؟

 

[جوري 2007]

سنتين ونص وعادي عندج مايناديج باسمج !!

 

[شيوخه @]

حلووو شيخاء ههههه


كلاسيكيه مادري قريته عدل او لا المهم الحبوبه الاماراتيه يازين كلامج والله عدل اهو يستحي


بقولكم موقف يفطس من الظحك اول عرسي قلت له بنلعب لعبه بالورق تكتب الي نفسك فيه وانا بعد ونتبادل ونقرا عاد انا بدعت ههههه وييييييه حده فشيله واهو تتوقعون شكاتب




يحظي كاتب يامارس ياسنيكرس ياجلكسي احبك كثر السما الزرقاء حمدالله والشكر هههههه مايعرف شي وانا حسيت اني ما استحي من اللي كتبته ههههههه

 

[شيوخه @]

لووووووووووووووووووووووووووووووووول يا حلوج

ميخالف يمكن ما تدرين لو يقول اسمج يحس بنبضات قلبه تززززييييد من الحب والعشق :hjy5jewf:

فبالتالي تفظحين مشاعره الخجوبه .. <<---- شرايج في التحليل بس ههههههه

فديتج والله كانج تدرين اذا كلمته بنعومه يتغير لونه ههههه ويقول تعدلي ماحب المياعه عاد شكله كلش مايوحي لان اهو عصبي حيييييل والله

 

[هتـــان]

ياويـــــــــلي للحين فيه رياجيل كذااا وييييييييييين هذا العاده من زمان برياجيل اول

عصر جده أمي كان زوجها يستحي يناديها باسمها وهي بعد تستحي تناديه باسمه

خلاااص انقرضت العاده هذي

يمكن يستحي ترى فيه رياجيل حيااااوييين حييييييييل

 

[شيوخه @]

هتونه فديتج


بس تدرين شالغريب فيه انه مايستحي من الزف والغلط اذا عصب بس من اسمي والكلام الحلوو



اقولج شي اهو من نظام لاتدلعين جدامي واقعدي عدل يخق بسرعه يستحي هههههههه



فديته

 

[do0o0o0de]

انا نادرا ماينطق اسمي
يمكن بالسنه مره
وغالبا يقول يابنت ابوووووووووك تخيلي ههههههههههههههههههه

 

[غرور الريم]

غريبه والله
بس صارحيه قووليله ليش ماتناديني باسمي

 

[روووح المطر]

سبحان الله


طيب مايناديج ياحبي شي ولا كلش هذا لاتردين عليه سوي مثل ماقالوا البنات لاتنادينه باسمه

 

[شيوخه @]

لا ماينادي

 

[روووح المطر]

چم صارلكم متزوجين


انا ببداية زواجي كنت اعاني مثلج لدرجه اذا قال اسمي قبال اهله تسكني البووووه

بس عودته ،، لاني ما اناديه غير حبي ،، حياااتي

وهو بدء يقلدتي



وبقولج شي سوي مثلي بالضبط


احيانا احس انه بيي ويناديني بقولته اقووولج او اسمعي

انتي سوي نفسج اخترعتي وانج سرحانه وهو دخل وخرعج وانتي هني بجد اخترعي بس مو حيل بس بيني انه خرعج بهذا الاسم

وبعدين اشرحي له انج تخافين من اسلوب الدخله والمناداة بهذا الاسم وهو راح يتعود يناديج باسمج انشاءلله

والله مره قلت لزوجي قبل لا ننام

حبي ممكن تناديني امونه

ولما قالي امونه حسيت منحرج ههههههه

فقلت له الله اول مره احس اسمي حلو لما نطقته <<<< حييييييل حررريم وكيد نساااء ماتعرفين تبدعين فيه

هههههههههههه



الله يهديكم لبعض يااارب

 

[Freakya]

أهم شي اللي ترقع بسالفة ابوها و سوتني دكتورة نفسيه

هههههههههه ~

يعني أنا مادري اللي تقول هذا شي عادي حبيبتي شنو نظامج انتي ؟؟

لحد يقول والله يستحي ولا فشله و لا هالشي عادي

يعني بذمتكم صار لهم سنتين و ما تسمع زوجها يناديها بإسمها

و اهيا بنفسها قالت :

تدرين شالغريب فيه انه مايستحي من الزف والغلط اذا عصب بس من اسمي والكلام الحلوو

يعني السالفة مو سالفة مستحى

اكيد الوحدة بتنقهر ولا بيصكها احباط لما تصير فيها هالسالفة

و بعدين احس مو حلوة لما ريال ينادي زوجته ( أقول ... أحاجيج ... وينج ) احس مافيها لا ذرابة ولا ذوق ^^

و انا عن نفسي راح اتضايق اذا كنت بمثل موقفها

 

[شيوخه @]

اختي الي حاطه ليمونه ههههههه  انجذبت للصوره عشان انا احبه



كلامج صح حدي منقهره وترا محد حاس بالمشكله الا انا يعني حتى خدامتي يناديها باسمها الا انا والله صرت اغار اذا قال اسم احد جدامي انا قنووووعه بس اسم ياربي اسمي هالدرجه صعب عليه




ترا مازمتني هالسالفه لحد يتفلسف ويقرل بسيطه والله تغث حده واهو ترا مو نظام الافلام لبدويه مايقول اسم مرته لااااا عادي اصلاً حده احنا فري بس اهو مادري شفيه

 

[Angel-Lady]

الحوار احسن حل

كلميه بالموضوع و صارحيه و قولي له الاسم الي بخاطرج تسمعينه