تجمع امهات مواليد شهر 7 و 8 لسنة 2010

[AVE.NJ]

انه حطيت لكم صورة فهودي بالصوره الرمزيه شوفوه

 

[فلافل وبطاط]

فديتهم الله يخليهم لكم يااارب ويخليهم لنا

ايف والله لج وحشه ... زين طمنتينا عليج وعلى
فهودي ...
حبيبي ريال البيت يبي يقوم بالشغل عن امه الله
يحفظه ويطرح فيه البركه ...

 

[كتكوته22]

قوه شلونكم شخباركم وشلون كتاكيتم برميت وفلافل وايفا واي اسم الله عليهم طلع عيالنا كلهم نفس السوالف أنا قمت اسمي بنتي العوبه شيطونه اسم الله عليها لمن نطلع مصارعه إحنا معاها ماتبي تقعد بالعربانه تبي تنطلق بس حامض علي بوزها مره خليتها ولعبة فيني لعب فقلت توبه تفحط من البجي بس أحقرها لمن تطخ بروحها وحتي بالسياره بس أاقعدها بكرسيها تبدي ألمناحه بس أعطيها بفك تطخ تدش عالمها وتتمطق بالبفك الخايسه. وخدامتي يتلي فاصخه اليونيفورم ومترصرصه بالجنز والكعب تقولي وديني المكتب ما ابي اشتغل اقولها ليش تقول بس أنا ما اشتغل خدامه والله أنا مريحتها علي الاخر حتي بنتي مالها شغل فيها نهائيا ولا مره غسلهتها اونومتها او احطها عندها اوطلع نهائيا بس لمن انزل عند حمولتي اخليها تدير بالها عليها او لمن اروح بيت اهلي صج رافسه النعمه وديتها وقلت لها انتي الخسرانه وشغتي صغيره وداري ولا مره دخلتها يعني بدال ما تحمد ربها خدم هالايام مو يايين يشتغلون بسالكم عادي بنتي بس عندها ضرسين تحت وضرسين فوق ما طلعو الباجي والحين عمرها سنه واربع اشهر عادي*

 

[AVE.NJ]

كتكوته الله يعينج
قطيعه تقطع الخدم وسوالفهم مايحمدون النعمه
على ضروس بنتج لا تحاتين عادي
انه فهودي اسم الله عليه من 3شهور سنن بس الحين8ووقف من زمان
انه تصدقين فهودي ليه الحين مامشى وتوا يوقف بس ليه الحين مااحاتيه كلش
بس مشكلتي اني شريت حلاو رايحه شويخ قلت خل اشتري نون بعد شنو ايبني الشويخ اخاف يحزر وانه ماسويته حق فهود
وبس

 

[كتكوته22]

هلاولله بربيرا حياج بينا أنا بنتي مواليد شهر 6 اكبر من بنتج بيوم بنتي 6/3 المفروض بشهر 7 بس ولدتها بالثامن يحليلها بنوتج نتفه نفس بنتي وبنتي بعد اسمها فطومه

 

[AVE.NJ]

فلافل انه مو متعوده اغط بس شسوي مايخليني فهود
هالايام ياالوث معاه وانه مااحب الطلعه يااخلي السايق يطلعه بره يقعد مع الهنود
المشكله متعود يبوسهم لما يرد لي ريحته لاتشمينها
واستحي اقول حق سايقي لا تخليه يبوسهم

 

[كتكوته22]

هلا والله ايفا اي والله ما يحمدون النعمه والله كنت حيل مدلعتها وعن التسنين أنا بنتي سنتت عقب السنه عقب ما مششت بس 4 والباجي حتي مافي بوادر ان يبيطلعون عيوزه بنتي وعلي النون ان شالله ما يحزر ان قرقيعان بنتي خذيت الكاكاو قبله بشهر من شويخ بس كنت قاريه التواريخ عاد الله يعينج لي مشا اسم الله عليهم ماكو سيطرا عليهم الله يحفظهم

 

[فلافل وبطاط]

هههههههههههههههههه فديته
انا بنتي من تشوف خدم بيت ابوي بطلعون الزباله تكرمون
اتيي ركض تلبس انعالها وتطلع معاهم يقولون اتحب القطاوه ...

حلاة الفواطم والله ... عادي لا تحاتين ضروسها بيطلعون ان شاء الله ...

اذا بجت بنتي ماعرف احقرها ابوها يقولي حقريها بس ماقدر قلبي ما يطاوعني ...

وللحين ماسويت لها نون قلت بالعيد ...

 

[فلافل وبطاط]

والخدم ريلي دايم يقولي لا اتدلعينها ولاتعطينها ويه
وانا اقول حرام ،، وبنتي مابيها تسوي لها شي وطبخ
انا اطبخ وشقه صغيره ونفس الحاله ... وللحين بدون خدامه
ريلي يماطل وانا بعد بس مابقى شي وادش الثامن ومحتاره ...

 

[بربيره]

اهلين كتكوته وناسه عاشوا الفواااطم

بالنسبه للتسنين المفروض يطلعون للبيبي ظروس
اكثر من اربعه انا بنتي فيها شي غريب لووول تحت اربع ظروي بعدين فراغ بعدين ظرسين

يعني ماخذه فجه بين الاسنان خخخ وغرامها كاكاو كيندر المشكله انا احبه وهي تحبه و ابوها شاري الصغار و خاشهم عنا بداره

الشيطونه رايحه مطلعتهم حدي استانست كل يوم ببوق منه لووول و حافظه المكان بعد و اسمالله عليها ما تخاف من الظلمه حتا لو اسكر الليت

تروح اهي و كشتها و تطلع الي تبيه و متعلمه تفج يدة الباب فصرت اقفل البيبان اذا ما ابيها تروح مكان مسكينه ما ادري اشلون اشغل وقتها

انا عندي بوكس تارسته العاب و احط لها قناة ام بي سي ثري و احسها تكيفقبل كانت تموووت على صندوق عندي انا تارسته صبغ اظافر تقططهم و تردهم و تقططهم و تردهم بالصندوق لوووول و تحب لما اييب الملابس اسفطها تبسط و تسوي روحها تسفط تشيل اللبس و تعفسه و تفرده و تعفسه و تفرده خخخخ

المهم بنات بنوتي الحين تعبانه مصخنه و ترجيع قعدت تبجي و احسها ذبلانه شوي من تغيير الجو و بروح اشتري لها ملابس شتويه

ابي تريننق حلو من وين ولا تقولون قاب بضاعته ما غيرها من سنه و منزلين موديل يديد بس حسيته مو عملي كلش ابي شي حلو و عملي

 

[مزيونه 79]

قوه بناااااات شخباركم والله لكم وحشه بين فتره وفتره اقري سوالفكم
بس صايره مشاركاتي قليله مشاااغل الدنيا .......... الله يعين
يحلات عيالكم اسم الله عليهم الله يحفظهم
اناااا بالنسبه حق نونو للحين مامشت حدها عيووووووز
حالها حال اخوانها اظاهر بتمشي عالسنه ونص وبالنسبه عالنون انطرها لما تخطي
وبالنسبه عالسوالف سبحان الله نفس حركات وطلعات ودلع اعيالكم
ايفااااا وبرميت وحشتووووووووووووني وتشرفنا بمعرفتج فلافل ويحلات بنوتج الله يحفظها اتشابه بنتي حييل وختي والله وزين البنااااااات

 

[فلافل وبطاط]

بربيره اتش اند ام والنصر الرياضي اعجبوني ترينغاتهم
بروح انا بعد اخذ حق خوختي ... وبلشت معاها بجايم جم
طويل خاصه بالليل .. وخففنا برودة الشقه ..

ماتشوف شر كتكوتج ... وديريبالج على حرارتها لاترتفع جيكي
عليها كل شوي ...

روزي لي الشرف ياقلبي وربي يحفظها لج ويخليها ويفرحج
بخطواتها ...
واصلينا ولا تقاطعينا ...

 

[كتكوته22]

اي والله علي قولتج فلافل مدلعه خدامتي اخر دلع وشقتي حيل صغيره وبنتي كلش مالها شغل فيها يعني بس تغلب معاها تحت عيني بس ولا مره غسلتها او نومتها او وكلتها وطباخ أنا اطبخ ما احب الخدامه تطبخ وريلي يقول خلاص ما نبي خدامه ادري شوي راح اتعب كل الشغل علي لان بنتي اسم الله عليها حوسه وحركيه بس بأقلم نفسي والله يباركلي بالوكت ان شالله بس انتي احس لازم خدامه مسكينه وين فيج حيل وباجر بيبي ثاني احس حيل صعبه وغير شغل البيت والحين يبدي الثقل عندج الله يعينج ويسهل عليج

 

[كتكوته22]

فلافل لازم تحقرينها اذا ما حقرتيها باجر تتعبين أنا احقر وريلي يدلعها وما يبي يزعلها اقوله انت راح تخربها وتخليها ما تخاف الله يعينا. بربيره اي والله أنا منصدمه بس اربع ضروس وأخاف أعطيها شي تاكله بروحها أخاف تغص ولا جنها ارنوبه تعضض بأسنانها جدام بس الشيطونه وبنتج نفس سوالف بنتي ماتخاف من الظلمه متعلمه حركه كل يوم تدش المطبخ او الدار ويكون الليت مصكر تصكر الباب وتقعد أنا البد عند الباب أبيها تبجي ولا تناديني ماكو الوضع طبيعي الاخت عندها اول ما افتح الباب تضحك وتدزني بره يعني بتعيد الحركه ولا الحين متعلمه ما تمشي بالشقه الا وجنطه بيدها وتحط فيها تيلفون وألعاب صغار وخماجيرها وروح تبطل كبتها وتطلع التيجان تطولهم وتلبس 4 فوق بعض تحب الهواله يحلاتهم مسوين جو بالبيت الله يحفظهم

 

[AVE.NJ]

نورتي روزي اشلونج واشلون بناتج
وينج قاطعه ادري والله مشاغل ودوام ويهال
الله يعين
انه فهود نفس نور مايمشي بس توا بدا يوقف وتعالي عدي لي
يقولون ليش سنن مبجر

 

[AVE.NJ]

بربيره انه شريت من بنتون تريننج وايد حلوين والوانهم احلى
الاخضر يهبل والعنابي والاحمر بس ملينا كحلي ورمادي
الواحد17 دينار

 

[AVE.NJ]

بنات الخدامه تمل من الشقق عن تجربه قبل انه الخدم بسرعه يخلصون شغلهم ويملون
عكس البيوت الكبيره وايد شغل وعندها خدامه ثانيه تسولف معاها تدرون هم روح محتاجه ارواح
انه قبل كنت اعاني مع الخدم
كنت احط لهم تلفزيون ومسجل كله بكابه وبعد حاولو اذا انتو عند حموله اذا خلصو شغل خل ينزلون عندهم
علشان مايملون
انه قبل مايقعد عندي خدم من الملل

 

[فلافل وبطاط]

صح كلامج الملل يلعب دور انا كنت في بيت حموله وطلعت
واذا مو يوميا اطلع واخذها اروح بيت ابوي خدمهم نفس
جنسيتها ...
حتى المطاعم رازتها عالكرسي يمي شاافت نص الكويت معاي
وماعندها شغل .. وابوي يقول يبون الكراف ...

 

[كتكوته22]

ايفا أنا بيت حموله وتنام تحت واول ما تخلص شغلها تنزل وتحت ما شالله لويه ومعاها خدم ولمن وديتها المكتب مره بغت تأخذها ما رضت تقول ما ابي اشتغل خدامه ولا ترا ياهل عمرها17 يايين يلعبون الله يفكنا شرهم

 

[AVE.NJ]

عاد كتكوته الله يهداج مو ليه الدرجه ايب 17 سنه
عاد انه احب وحده عمرها وسط لا كبيره ولا صغيره
تلاقينها قاصه عليهم بالعمر
مالج نصيب فيها