ابي اصير كشخه ورزه ... اهئ اهئ اهئ

[ام حتحوتين]

مرحبا بنات

تدرون شنو حلم حياتي
ادخل مناسبه والا عزيمه والكل يطالعني من رزتي

للاسف قطيت فلوس واجد علي كريمات الاساس
وكريم اخيس من كريم علي
انا بشرتي سمرا واذا حطيت افتح كريم زادني سمار
مع اني مو سمره حيل

اولا ادخل مناسبه
العبايه تلوتني لوت ههههههه يعني تلف علي وتبهدل
( عباية راس)
الكريم يسيح واكون حاطه مرطب
الكحل السائل يصير دائره حول العين مع اني راسمته بطريقه مرتبه بس تدمع عيوني ويسيح

الحمره تختفي اهئ اهئ
وللاسف ماعندي خدود اجرب كل الانبولات ماكو فايده

الملفع مدري شلون يصير مايثبت

ودي اذا قعدت اقعد رزه

انا شوي عريضه وقصييييره
علموني علي خطات مكياج ومكياج سنع .. وشلون البس الملفع بطريقه ثابته ..
ابي لاقعدت بمناسبه يشوفون كشختي مو
انكمشششششش

ساعدوني سوولي نيو لوك

فديتكم والله
الله يرزق كل من ترد علي موضوعي ياااااااارب*

 

[احيرهم]

انا بصراحة شفت صور حنان النجادة ام على تعلمت على جم شغلة منها وبصرااحة كلمت حق وااايد استفدت منها من كونسيلر فاونديشن حمر شنو الماركة احسن شي والله استفدت حيييييييييل منها الله يعطيها العافية ولبسي عدسات وبالنسبة للحمرة تقدرين تحطين حمرة مات من ماركة نوبا بس حييييييل مريحة وماتروح كلللش
وبالنسبة للحجاب انتي تلبسين حجابات القطن اللي فيها ستراس من جدام حلوو وثابت
واذا عندج مناسبة خطي من بخور القرشي وحطي فوقة عطر ازهر او عطر فرنسي وصدقيني رااااح الكل يلتفت عليج ويشم الريحة وبدخل شوفي قطاوي حق مكياج العيوان خطيرة تبرزالعيون واااااااااايد واتمني اكون فدتج واي سؤال من عنوني ياعيوني

 

[ام حتحوتين]

حياتي مشكوره ع الرد

بخصوص الملفع خاطري اسوي نفس طريقة الاماراتيات بف وقذله وهالسوالف وتكون ثابته

 

[عبقرية]

اختي ضحكتيني ههههههههههههههههه

ايش ذا الحوسة التي انتي فيها

الله يسعدك


كريم الاساس مايضع إلا في السهرات مثل الاعراس العزايم والزيارات ماينفع تطلعين كانك جاية من عام 1990 يعني لما كنا صغار


لاتضعي غير كريم النضارة من اف سان لوريال يخلي وجهك نظر تحطيه بدون كريم مرطب هو بدلة نتظري شوي وتضهي خافي العيوب ع الاماكن الداكنة تحت العيون مكان البقع بس بشرط يكون مثل لون بشرتك احسنها من ماك وتضعين بودرة إذا كانت بشرتك دهنية خذي بودرة حرة إذا جافة بودرة مضغوطة

اما بالنسبة للحكل فكحل السائل خلاص ماصار دارج قديم ويطلع العيون برضه قديمة ههههههه لو تمشين على الموضة هاايام فهو بظل سائل اسود يرسم من فوق
واسفل قلم بني على حسن لون العدسات إذا معك العدسات او ازرق اي شيء لكن ابعدي عن الاسود يكون من تحت بايخ كثير


وماسكارا

لو مابترسمي من فوق خذي ماسكارا مكثفة تغني عن الرسم من فوق بالف مرة وبتكونين كيوت ناعمة وإذا بترسمي فقط ماسكارا عادية

والظلال صراحة براي ماانصحك فيها مايعجبني الظل ع العيون موضة قديمة بس لو معزمة بيكون لون المشمش او الترابي

والروج اوعك وحذاري من الروج الغامض بايخ ويلطخ وع خليكي ع الالوان طبيعية مثل المشمشي او الوردي الناعم او البيج المايل للمشمشي يعني شيء فاتح مو غامض

والعباية الله يعين اتركيها ع طولها لاتلميها ولاتخليها جدا طويلة

لكن الملفع ماعرفت قصدك ويشه قصدك الطرحة ؟؟؟؟؟ ​

 

[اسطوووره]

ام حتحوتين يا حيااااااااااااتي وربي حاسه فيكي بس خلاص انتفضي وقةلي ةلي زمن الدهوله ومن الان انا ام الكشخات لوووووول
من وصفك باين ان بشرتك دهنيه وهادا سبب سيلان كل شي ولخبطته عاد قدامك حل من الاثنين الاول لا تحطي اساس دايما وهادا طبعا يعتمد علي بشرتك اهتمي فيها وااااجد رح تلاقينها مي محتاجه اساس دايما او الحل الثاني هاتي كاسه مويه ورد وحطي عليها كاسه شاهي اخضر مركزه وعبيهم في قوالب الثلج وحطيها بالفريزر وقبل ما تحطين المكياج خذيلك مكعب ومرريه علي وجهك ينور الوجه مرره ويثبت المكياج وبعده حطي اي بيز مضاض للدهون انا احب حق ماك روووعه وما يخذل وبعدها صبري شوي وحطي باقي مكياجك امممممممم نيجي للمشكله الثانيه الكحل والدموع اذا عينك تدمع تدمع سوي الاتي ارسمي من فوق بس بالكل ومرري علي الالاي شادو بنفس اللون يخليه روووعه وشيك ويخلي مكياجك موضه لان الخطوط الواضحه موضتها انتهت واذا الكل يسيح بس عينك ما تدمع تلاقينه سايح لحاله يصير في الغالي الكونسيلر تبعك ثقيل ودهني ومو موزع كويس هنا غيريه وهاتي نوع تاني ولا تحطين واجد نقطتين تكفي ووراه علي طول بودره بكذا ما يسيح الكحل امممممم ايش كمان اصبري خلني اطلع اشوف وانزل اكمل هههههههههه اي اي كريم الاساس انا احب ماك وبوبي براون الاثنين روعه وبوبي براون اخف وطبيعي اكثر من ماك بس في المناسبات ماك مناسب اكثر ودامك سمرا شوي خدي درجات nc لان فيها صفار يناسب السمر ويطلع لونك تحفه والغالب ان راح تناسبك الدرجات ما بين 42 و 44 جربي ايش الاقرب لك واصحي تجيبين لون افتح منك ازعل منك بعدين ومو بعيد اضربك <امزح لا تخافي ما اضرب بس اعض ككككككككككك

بالنسبه لسالفه الخدود انا عن نفسي ما احبها ولو تشوفين الاجانب يحبون الوجه المنحوت اكثر وانا مثلهم احس فيه غموض وفخامه عكي الخدود المليانه عاد انتي وكيفك بس ما اعرفل لشعلاتها

نيجي لعبايه الراس اااااااااااااااااااااااااااااااه وما ادراكم ما عبايه الراس اهيء اهيء اهيء انا توني متزوجه قريب واكتشفت ان زوجي ما يقبل اخرج غير بعبايه الراس ومغطيه كااااااااااامل بالقفازات والجوارب كااااااااااااااااي وربي منظري يخوف من جد بس هيا معليه كلو عشان عيون حبي الله يخليه لي عاد ما اعرف انتو كيف تلبسونها بالكويت وتقولين تبين تلبسين الطرحه بكشخه
كيف عبايه راس وطرحه كشخه؟؟؟؟؟؟؟؟؟؟؟؟؟؟ احس اني ضيعت
اللي اعرفه ان مع عبايه الراس الطرحه تحت العبايه وما تبانلها ملامح عاد اذا عندك طريقه تانيه امااااااااااااانه وريلي صوره وهاتيها انفقع قلبي من شكلي وانا خارجه كذا

الان اخيرا وليس اخرا عودي نفسك علي شي يوم تدخل اي مناسبه وتشيلين عبايتك علي الحمام طيرااااات ولازم يكون في شنطتك شنطه صغيره اسمها شنطره الاسعافات الاوليه حطي فيا بودره والقلوس اللي حطيتيه وحمره خدود وعطر صغير ومخلط عود ومشط ظبتي روحك وشيكي علي كل شي فيكي واخرجي للعالم نجمه متالقه في ليالي المدري شسمه< كان نفسها تشعر بس فشلت

المهم انا خلصت لو عندك اي استفسار قولي وموفقه حوبي
احبببببببببببببكم كل ابوكم​

 

[ام حتحوتين]

هههههههههاي يسلمو ع الردود

ومشكورين

بخصوص الملفع اهو الطرحه ابي البسهنفس طريقة الاماراتياات قذله وحركات
بخصوص عباة الراس احنا اذا سيرنا والا فيه عزيمة بعيده يعني مو من الاهل
عيب نقط عبايتنا ننزلها علي كتوفنا ونلفها من تحت ونحطها بين الايدين
((مثل البشت تقريبا )) اتمنا فهمتوني

المكياج اه من المكياج يعتبر المشكله الازليه اللي مالها علاج
يكون بالبيت مرتب وجني طابعته طبع من كثر ترتيبه وحلاته
وبس اوصل المكان المقصود تبدأ المعاناه
يبقع الكريم الكحل يسيح علي جانب العين الحمره تختفي

تدرون انا توني الحين استوعبت السر
الظاهر والله اعلم اللي يصير لي هذا كله من الارتبااااك
هههههههاي
تضرب فيوزاتي وانعفس فوق تحت

بس خلاص لازم اوقف وقفه مشرفه
واصير شي في عالم الموضه والكشخه
ابي كل من يراني

يقول واااااااااااو كشيييييخه
ويبدون يسألوني
شنو كريم الاساس
حمرتج حلو لونها
خطتج للمكياج تهبل
اللله شنو عطرج
دراعتج رهيبه وين فصلتيها

عاد انا بكون مغروره وبقول مدري نسيت بس ارد البيت
اطرشلج الاسم بمسج
واكشششششت
هههههاي
لا اضحك تراني مو نحيسه

عموما اعجبتني ردودكم والله يجزاكم الجنه
وونطر الفايده منكم ومن غيركم
شكرا حبوباتي

 

[البارونـه]

اول شي خلج واثقه لان بدون الثقه بيكون شكلج غلط ومرتبكه ومو حلو,, اصلا انا تجذبني رزه الوحده بثقتها اكثر من مياجها بس اكيد المكياج لازم يكون حلو ومرتب!! واكيد مو اوفر,, يكون نااعم ويبرز جمالج

ثاني شي ,, محد انولد وهو يعرف يحد ميك اب يعني كله بالممارسه
الحين بخصوص مكياجج!!
- كريم الاساس ثبتيه بـ بودره اذا بشرتج دهنيه لانج تقولين ان يسيح! ,, واختاري النوع الي يناسبج واللون بعد, اخس شي تختارين لون افتح منج بيطلعج رماديه,, انا مع اني بيضه بس دايما افضل اخذ نفس لوني او اغمج بدرجه!!بتكونين وايد طبيعيه
وتعلمي طريقه التثبيت من اليوتيوب ,, يسوون وايد خطوات تطلع بشرتج بيرفكت!! ايه صح ولما تروحين تشترين سئلي الي يبيعون وقولي عن نوع بشرتج
شوفي هالفيديو بيفيدج وايد
http://www.youtube.com/watch?v=E9u21OTQzyQ&feature=related
بخصوص الروج ,, عادي !! ساح عدليه ,, مشيه وردي حطيه! او حطي محدد عشان مايسيح
والكحل انصحج بقوووه بـ كحل برستيج ضد الماي,, جربت ماك ونيفيا وماكس فاكتور وريفلون ومانفع غير هاي,, انا عيني وايد تدمع بس هالحكل امووت فيه صج صج ثابت واسود فاحم!!!!
انـيي حق العطورات ,, شوفي بالذات فالـ عطورات الاذواق تختلف بقووو ,, يعني انا اكره شي اسمه عطورات فواكهه!! امووووت فـ العطورات القوويه ووالفانيليا البارده,, عكس اختي ! اي شي فيه فواكه تموت فيه
فـ بال مسئله بالذات ماله داعي تمشين على ذوق الناس,, وخلج واثقه من ذوقج ونفسج! مو اتيج وحده تقولج وع عطرج فروت تستحين ومااعاد تشترين! بالعكس قوليلها وي ماتحبين الفروت؟ امووت فيه!! وسولفي لها عن ذوقج بالعطور! وشوي شوي بتحسين ان السالفه سالفه ثقه بذوقج وبنفسج
بس خلني ارشح لج عطور ان شاء الله تعجبج لان من قلب رووعه
عندج lady million ,Huge boss,Flora by gucci,Desire me by escada

ايه صح حبيبتي بقولج شي,, مايمنع بين فتره وفتره قبل ماتروحين لعزيمه تروحين الصالون تسوين مكياج من عندهم وشعرج ,,حلو التغير ,, بس مو دايما وبشكل انج ماتستغنين,, وترا بتخليج واثقه من نفسج ومجربه ميك اب يديد وجي
واذا انتي قصيره لبسي كعوب عادي

الله يرزقج الي تبينه وان شاء الله افدتج :**

 

[bint-mutair]

ترا وايد بنات يضبطون القذله ووراها تاج يثبتون الشيله فيها

 

[&موناليزا&]

عزيزتي رفع لعيووونج

 

[G-Moda]

دزيتلج عالخاص
والمكياج يخرب لان نوعيته مو زينة
ولا جان اخترب مكياجنا واحنا نهايل بالجامعة بعز الحر

 

[sverige]

ممممم الي اكدر افيدج بيه حتى الحمرة تثبت انو تخلين بالاول كونسيلر اي نعم كونسيلر حتى يجفف الشفاه لانو عندج رطبه زياده (مثلي) ههه والكحله لانو الاجفاف زيتيه تسيح واني اعاني نفس المشكله ومنفع ويايه اي شي مبقيت ماركه مجربتها من دون نتيجه حتى الي مكتوب عليه waterproof ينشلع من على عيوني!!! من دون تعليق

 

[AVE.NJ]

فكي عمرج
قطي على نفسج فلوس تمكيجي بره بصالون
ولبسي شي ناعم
بس قطي اكثر شي على الجوتي والجنطه ولبسي ست كامل يعني الجنطه نفس الجوتي
وشنو مشكلة العبايه اذا لابسه قصير او عاري بس اتدخلين بكل رزتج يعني ماكو مشكله بالعبايه كلش

 

[LoLaTi]

حيلج بالمكياج لمرتب بصالون وموشرط يكون بصالون غالي يعني اكو صالونات وايد مكياجهم ناعم ورزه وب عشر دنانير بس + العطور القويه والبخور لانها تجذب تخلي الموجودين يلتفتون غصب وانا بصراحه لمن اشم عطر حلو على وحده احط في بالي انها رزه مادري ليش لووول بس انا هذا انطباعي العطر شي مهم + اللبس الناعم والاكسسوارات الناعمه اكتفي بساعه وتراجي وبروش حلو وابتعدي عن الخبه

 

[اماراتية كشخة]

هلا اختي

هههه طبعن الخوات فادوج

وانا بزيدج شوي

كريم الاساس جربي ماركة ديرماكول وايد حلوة وثانبتة وماتسيح لو تحطينها يومين مع انها رخيصة بس هي ماركة طبية ..

بالنسبة للبس الشيلة شراتنا والقذلة . قصي قذلتج مدرج وسوي بف صغيرون وشوية قذلة من يدام وحطي الشباصة ورا بطريقة مرتبية والشيلة لو تلبسين 3 اطراف فصوص يطلع واااااااااو واذا عالعباية لبسي عباية جتف او راس بس تكون شيفون طبعن وانتي شالتنة يطلع عليج رووووووووعة يبين عليج كيوت ونعوم وحاولي تلبسين كعب وبس

 

[سندس 90]

والله مااكو اسهل منه انا كنت نفسج واخييس بعد بس مع التعلييم طبعاً ميك اب ماعرف بس خواتي يحطولي اما عالملااافع والله تدربي اماا العباااايه امبيييه مت ضحك والله صج تصيير جذي مراات
الله يسعدج*

 

[لمووو]

بالنسبه للمكياج والكريم اختاري القريب للونج ونوعيه زينه لاتاخذين افتح بوايد لان بيطلع طبيعي
واختاري عدسات حلووه وفاتحه وركزي ع العيون والرموش

والعبايه لاتكون طويله اذا بتقطينها على جتفج لاتصير طويله عشان ماتبهذلج و لازك يكون الكم شوي ضيج وماسك فيج يعني ببزمه

والشعر انا اقول سوي نفسي اريح اذا عندي مناسبه ادق على وحده تييني بدينارين تسويلي بف شحلاته للحجاب بس من جدام وتثبته سبريه وتعبيلي قرعتي بالصبغه السوده الرش لول وتركبلي رموش بدينار من عندي وجنه من عندها ب 4 او 3 مو ذاكره
احسن واريح صراحه

والطول الله يعافي الكعب بس هم لاتبالغين خلي كعبج معقول ومريح بالمشي

 

[ام حتحوتين]

اثلجت قلبي ردودكم
وعلمتني ان الدنيا بعدها بخير دام في بنات نفسكم
يحبون لخواتهم مثل مايحبون لنفسهم
بس بسأل جم سؤال
ماعليه بغثكم
انا الكعب مااستغني عنه .. البسه بكل المناسبات
حتي بالسوق
ماعلينا
بس الحلوات اللي يقولون جيبي صالونه
يعني مو معقوله بروح زواره عاديه اجيب صالونه تمكيجني
اوك انا بالمناسبات الكبيره اروح صالون واسوي شعري واحط مكياج ..

بس قصدي اكون رزه مثلا لادخلت علي بيت مسيره علي بنتهم نفاس ..
اقعد واشوف ام النفساء وخواتها مبلقين عيونهم علي واذا طاحت عيني بعينهم طشرو النظر

هههاي )))) حلو التشبيه صح .. عايشه الدور ..

والله فادتني اقتراحاتكم حيل ..
بس ممكن استفسار
ابي الوان عدسات حلوه.. انا عيوني ناعسه وكبيره
لبست لون رمادي من عدسات غاده عبدالرازق رهيييييييب
بس يبيله تفيدوني بالوان حلوه
واممممم
حمرة نوبا الحمرا مدحوها لي..

بس تكفوووون خبيرات المكياج علموني شلون اخط الحاجب وارتبه بالعجينه نفس الصالونات
ابي اسويه چاينييييز
بس مشكلتي حواجبي عراض واذا رتبتها بالاكسجين يبين الشعر لونه اصفر


وارد اقول مشكووورين*

 

[ام حتحوتين]

دزيتلج عالخاص
والمكياج يخرب لان نوعيته مو زينة
ولا جان اخترب مكياجنا واحنا نهايل بالجامعة بعز الحر

توني اقرا الرساله .. لا مو بالجامعه
وانا موافقه علي كل شي
ارسليلي ع الخاص
ماقدرت ارد عليج بالخاص لان مشاركاتي قليله

 

[krkooora]

يبيلج ميك اوفر
على الوصف اللي توصفينه
تشطري و عرفي شنو عيوبج و حليها و دشي يوتيوب تعلمي ميك اب و شوفي البيست سيلير للميك اب مو اي شي تشترينه و السلام
واللبس و العبايات في موديلات شكثر بس اختاري اللي يناسب جسمج و خليج متابعه للموضه بتصيرين ستايل و كشخه

 

[ام حتحوتين]

يسلمو ع الرد



رفع للاستفاده