ابوي المرحوم ماكان يصلي

[star warld]

:eh_s(7)::eh_s(7): مساء الخير كويتيات :eh_s(7)::eh_s(7):

بنات الي تعرف شنو علئ ابوي المرحوم
( الله يغفر له ويرحمه )

ابوي الله يرحمه قبل مايتوفئ كان تعبان وقعد 3 شهور با التمام
او اكثر الله العالم ماكان يصلي
لانه ماكان يقدر يقوم ولا يقعد كله قاعد با الفراش وكل شي يسويه علئ الفراش (الامور الخارجه عن ارداتنا ) حنا كنا نقعده ونحركه وكنت احاجيه كان :eh_s(11)::eh_s(11): يقولي لما اصح بقضيه وكان يبجي كثير علئ حاله وكل ما اذكره با الصلاه يقولي بعدين ويقعد يصيح
وانا اقعد اواسيه واقوله بتقوم باذن الله :eh_s(11)::eh_s(11): لين ربي ما اخذ عمره وراح
تهقون بنات عليه شي
او علينا حنا شي نسويه له عفيه بنات الي تعرف بها الامور تريحي ضميري حدي تعبانه من ها الموضوع
وعسئ ربي يرحمه ويغفر له ويرحم مواتكم

 

[star warld]

اشدعوه بنات حتا لو دعاء لابوي
الله يرحمك يبوه

 

[ميس المشاعر]

الله يرحمه ويغفر له ويرحم جميع موتى المسلمين
وأسأل الله العظيم ان يسكنه فسيح جناته ويجعل قبره روضة من رياض الجنه
اللهم آميييييييييييييييييييييييين

حبيبتي شوفي سإلي فيها شيخ دين وتصدقو عنه او حطوا شي سبيل وانشاءالله تروح بحسناته
وكله اذكروه بالخير (( واذكروا محاسن موتاكم)) ولو اني طالبة علم شرعي لكن الشيخ بيفيدج اكثر مني
تفضلي الرابط وانشاءالله تستفيدين منه
http://http://www.ibnothaimeen.com/all/books/article_18060.shtml

واسأل الله ان يهدينا ويهدي آبائنا أجمعييين

 

[نوري امي]

الله يرحمه ويرحم امي وجميع موتانا وموتا المسلمين

الله العالم ان الوالد ما عليه ذنب لان سئلنا عن امي برضوا كانت نفس ابوكي لما طاحت بالجلطه

اشمئزت من نفسها ولا عندهم خلفيه حيل عن الدين تفكيرهم لازم الطهاره مايدرون إن الله روؤف رحيم
وسئلنا الشيخ وقال إن شاءالله ماعليها شيء
والله يرحمهم برحمته سبحانه ربي

 

[جلكسيه اس 3]

والله يا قلبي ما احب افتي بس دام ابوج ما يقدر يقوم معناته ماعليه شيء والله يرحمه

 

[sul6ana]

الله يرحمه ويغفر له ويحسن اليه....

اسألي شيخ احسن لج..

 

[كتكوته امي]

والله يا اختي اول شي الله يرحمه ويغفر له ويسكنه فسيح جناته ويجعل قبره روض من رياض الجنه

بصراحه مااقدر افتي بالموضوع بس انا عندي لج نصيحه كثري من الصدقات وقولي بينج وبين نفسج انها ثواب لابوي

ويارب تقبلها وتغفر ابوي بنيه الصلاه وكل شي سواه

 

[star warld]

الله يرحمه ويغفر له ويرحم جميع موتى المسلمين
وأسأل الله العظيم ان يسكنه فسيح جناته ويجعل قبره روضة من رياض الجنه
اللهم آميييييييييييييييييييييييين

حبيبتي شوفي سإلي فيها شيخ دين وتصدقو عنه او حطوا شي سبيل وانشاءالله تروح بحسناته
وكله اذكروه بالخير (( واذكروا محاسن موتاكم)) ولو اني طالبة علم شرعي لكن الشيخ بيفيدج اكثر مني
تفضلي الرابط وانشاءالله تستفيدين منه
http://http://www.ibnothaimeen.com/all/books/article_18060.shtml

واسأل الله ان يهدينا ويهدي آبائنا أجمعييين

امين يارب
هاذا الغالي اشلون ما نذكره با الخير
حبيبتي ماكو شي با الرابط نسخيه مره ثانيه
ويعطيج الف عافيه علئ المرورر
وعسئ الله يوفقج بحياتج

 

[ReDLOve]

الله يرحمه و يغمد رووووحه الينه ياااارب و ان شاء الله يارب ماعليه شي ان الله غفور رحيم , لا يكلف الله نفسا الا وسعا

 

[روح مغليها]

الله يغفر له

عسئ الله يرحمه ويغفر له ويتجااوز عنه
ولا تنسين ان ارحم الراحمين
ادعي له وتصدقووا له واعتمرووا له

 

[ام احمد 123]

الله يرحمه ويغفر له ويسكنه فسيح جناته اللهم آمين

 

[حلم بعيد]

يالله يارب يفرحك بمنام تشوفين فيه ابوك وهو مرتاح
والله يرحمه ويسكنه جنات النعيم

 

[&جامعيه&]

الله يرحمه ويغفر له
ماعندى معلومه حبيبتى

 

[اشلون يعني &]

حبيبتي اصلا المريض يكون مرتبط بالله اكيد يصلي بقلبه وانتم ماتسمعووون
اكيد يقرا قران ويستغفر لانه كان بوقت كربه بطريقه انتم ماتحسون

ماعليج شيء لانه الصلاة محديقضيها عن احد وهو ماعليه شيء ان شاء الله
عليج الدعاء والصدقه (كل يوم تصدقي عليه بمبلغ لو 100 فلس بنيه تكفير ذنب ورفع مكانته وزعي مصاحف علشان تكون له علم نافع اعملي له صدقه جاريه )

الله الموفق

 

[غلا سعود ~]

الله يرحمه ويغفر له ^^
بس كان يقدر يقعد ، يتكلم ، منتبه ليش ماصلى ؟
المريض يجوز له يصلي قاعد وإذا ماقدر منسدح عادي !!
و الي أعرف مايجوز قضاء الصلوات الي عليه لأنه ميت بس اسألي شيخ أحسن ^^

 

[••غـلآًهْـم••]

الله يرحمه ويسكنخ فسيح جنااااته يااارب

اهوو وموتانا وموتي المسلمين

 

[سلايل*عبس]

الله يرحمه ويغفرله ويبدل سيئاته بحسنات ويضاعف حسناته امين هو ووالدي واموات المسلمين امين

حبيبتي انا ابوي كان موليه طايح الله يرحمه وكنت اشوفه يصلي بعيونه وهذا يجوز طبعا فانتي ماتدرين عنه


لكن اكثري له من الدعاء وهذا حديث اعتبره هديه وسلوى من رسولنا الكريم صلى الله عليه وسلم وبشرى لنا ان لنا فرصه خالده حتى بعد الموت لنيل الحسنات والاجر وان الحسنات يمحين السيئات

يقول النبي -صلى الله عليه وسلم-: (إذا مات ابن آدم انقطع عمله إلا من ثلاث)،(صدقه جاريه)(أو علم ينتفع به)او(ولد صالح يدعو له)

العلم اللي ينتفع به موشرط اللي هو ينشره لا حتى لو كتاب او دعوى اسلاميه او ساعد داعيه اسلامي على نشر علمه - هالنقطهه هو يسويها .. وانتهى وقتها بانتهاء حياته .. الله يرحمه ..

لكن اللي بيدج الحين 2 حبيبتي

الدعوه له والالحاح على الله سبحانه وتعالى وكثرة سؤاله وترجيه والتضرع اليه وطلب االرحمه والمغفره لوالدج وماشاءالله ان تدعيه ..
والصدقه الجاريه
ابدي بافضل الصدقه وهو سقي الماء
وتصدقي تصدقي تصدقي ليمن تحسين انها فعلا كل ما وتصير خالصه لوجه الله تعالى لاتعلمين احد فيها ولابأس ان تشركين احد فيها فالصدقه لله واجرها له باذن الله يعني تقدرين تقولين( وماتلتزمين بنص محدد لا) - ياربي اني اسالك ان يكون اجر هذه الصدقه لابي لكن بالنيه طبعا مولازم تلفظين فيها وتقدرين تشركين اللي تبينه وتالي تقولين للمسلمين والمسلمات الاحياء منهم والاموات وبعدين ابدي بمشاريع الوقف - لانه الوقف اصله ثابت وفرعه بالسماااااء .. من مساجد - ومضخات مياه وكفالة طالب علم و طباعة المصحف والوقف انواعه كثيره ادخلي على جمعيهة الععون المباشر او احياءالتراث وشوفي عندهم التبرع والصدقه والوقف والزكاة سههههل وحتى بالكي نت عن طريق الموقع تدفعين وبسهوله وسريه

وهذا موقع العون المباشر لعبدالرحمن السميط الله يجزاه كل خيررر ويوفقه ويسدده امين

www.direct-aid.org‏

اسأل الله لوالدج الرحمه والمغفره والجنه ووالدي واموات المسلمين .. آمين

 

[مزاااج]

الله يرحمه ويغفر له ان شاءالله

اسألي شيخ عشان تتطمنين اكثر حبيبتي


جزاج الله خير والله يقدرج تدعين له وتتصدقين له
والله يتقبل منا ومنج ان شاءالله


​

 

[منو انت]

الله يرحمه ويغفر له ويسكنه فسيح جناته اللهم آمين

 

[ديمــــــــــه]

ياقلبي

الله يعوض عليك يارب ويعوض عليه بالجنه ويرحمه ويغفر له يارب

لازم تسألون شيخ عشان ترتاحون