اخت ريلي خربت شهر العسل علينا.....

[مجنونه هواهـ]

سلام حبوبات شخباركم انا الحين لي متزوجه شهرين ...عمري 18 سنه
انا تزوجت من ولد خالتي اكبر مني 4 سنوات انا وياه تزوجنى عن حب
والكل يعرف بهالشي امه وامي وابوي وابوه انو احنا نحب بعض
انا واخته وايييييييد اصدقاء من حنا واصغار هو عندي 3 خوات 2 منهم زي العسل والله ان
مافي مثلهم اخلاق حبوبات لاكن في وحده منهم تغار وايد ما تبي اخوها يدلعني ما تبيه يطلعني مطاعم ما تبي انا وياه نجلس بروحنا انا الحين مو بالكويت انا بلندن لشغل ريلي ما لنا شهر فيها كشهر عسل ياتنا باقرب طياره هي وبناتها الصغار ما تهنينا ابد تخيلوا نجلس انا وياه شوي بالغرفه ادز بناتها الصغار يقولي شرايج نطلع شوي تقول طلعوني وياكم هي عشان زوحها مو وايدم يدلعها وجي ما تبي احد يدلعها هو بعد مزودها شوي بدلع

بس اقوله لا ادلعين عند احد الناس ما يعطون خير
الحين لها اسبوعين عندنا بالشقه والله يا بنات متضايقه يي يدزني اييب له شي تتضايق يناديني بحبي
تتضايق يا بنات بس تبي تفرق بيني وبينه وصراحه انا متضايقه منها مو بس انا حتى هو
صج انها بنت خالتي واخت ريلي بس ولو تقدر شوي والله شايلنها بغرفه جبيره بحمام وتلفزيونها وخدمات الفون وكل شي مو قاصرها كانها ببيتها واحسن بعد والله بناتها يستحون اكثر منها
هي عمرها 25 وعشرين يعني عاقله ورزينه شلون جي تسوي والله يا بنات ما ودي المح لريلي بس هو يتكلم يقول يوه غتني وانا اقوله حرام عليج

راح اقولكم مواقف من المواقف كنت نايمه الساعه 8 الصبح قام سوى لي فطور بصحن وجي جبنه ومرتديلا ولانشن وياب لي ورده

وقومني واكلت يات فتحت الباب وجلست بنص السرير اطالع فيني تقول بدال مو انتي توكلينه هو يوكلك
انا ساكته واعصابي

مولعه جان يبرد قلبي ريلي ويقول لها انا احبها انا مرتاح معاها زي ما هي
لا ابيها تسوي شي وابيها تكون مرتاحه
يا بنات انا مو مقصره اقوم قبله اكوي لبسه وابخره واعطره واجهز له الحمام والبس واتكشخ بقميص حلو يتسبح اعطره والبسه واكشخه بعدين نفطر انا وياه ويدزني الشقه مع الحارس
والين الحين اسوي هالشي معاه هي تقول ما تسوين شي قلت لها تبني ادخلج ويانا الحمام وانتوا بكرامه او غرفة النوم
زعلت وراح تتشكى عن ريلي تقول زوجتك ترطدني وجي يا ريلي ناداني وجلست ينبه وقالي ... شرايج نروح نتغدى اليوم يات عصبت وراحت طلعنا دز لها اكل مرتب على اصوله من الفندق
يات رمته من الدريشه
سوري طولت لسالفه بس يا بنات ابي اخذ بنصايحكم قولوا لي شلون اتعامل وياها مع اني ما احسسها بشي ابد وكانها بمثابت اختي اعزها واحترمها بس قهرتني بتصرفها

ابي نصايحكم بنات
بنات ما اعرف بحط الموضوع بقسم الحياة الزوجيه مو راضي دزيته هني لاني وايد محتايه حق نصايحكم

 

[المرتاحة]

انتي كبري عقلج و خليج اعقل منها.. ادري حركاتها تبط الجبد و فيها غيره بس ما اظن تتمنى لكم الشر

واذا تبون اطلعون عزموها وياكم

يعني لا تحسسونها انكم بعالم واهي بعالم ثاني ومع الوقت اهي من نفسها راح اطخ

 

[هيوونه@]

الله يعينج على مابلاج

في ناس جذيه ماتستحي وويها منجب
تحمليها شتسوين
اهي مطوله عندكم ؟

 

[واثقة بجمالها]

الله يهديها ويعينج

 

[مــــرام]

طيب ليش هاده بيتها دام اهي متزوجة وعندها بنات ولاحقتكم
الله يهديها بس

 

[مجنونه هواهـ]

انتي كبري عقلج و خليج اعقل منها.. ادري حركاتها تبط الجبد و فيها غيره بس ما اظن تتمنى لكم الشر

واذا تبون اطلعون عزموها وياكم

يعني لا تحسسونها انكم بعالم واهي بعالم ثاني ومع الوقت اهي من نفسها راح اطخ

هلا اختي حياج
اختي الي كتبته ولا شي من الي تسويه والله اني ولا مره حسستها انو متضايقين منها اول ايام ما نروح ونخليها لاكن ريلي بطت جبده ومو قادر يحتمل مع انها اخته لاكن هي عليها حركات بعد تبط الجبد
بالبدايه ناخذها ويانا واسولف وياها واجلس انا وياها الحديقه ونشوف العالم ونضحك مع انها كانت بس تغار وتنكد بعيشتنا

 

[مجنونه هواهـ]

الله يعينج على مابلاج

في ناس جذيه ماتستحي وويها منجب
تحمليها شتسوين
اهي مطوله عندكم ؟

هاي هو الي مسويته متحملتها اصلن اانا مو مبينه لها شي بس والله مليت مو عشانها بس عشان ريلي
هي يات من اسبوعين ومدري متى بتروح

 

[الأميرة جوري]

صبري ياقلبي ماكو شيء يستمر مردها تروح لبيتها بس عطيها طااااف ...والله يهديها

 

[hend6363]

وييييي شجااابها لكم و انتو لسا متزوجيين
ويين خالتك ليش ما تكلمها
الله يعيينك حبيبتي
و ربي يخللي لك زوجك ان شاء الله

 

[مجنونه هواهـ]

طيب ليش هاده بيتها دام اهي متزوجة وعندها بنات ولاحقتكم
الله يهديها بس

هو هاي الي قاهرني انا قبل ما اسافر نمت عندهم اسبوع بغرته مبخرينها ومعطيرنيها ومغيري ن
الديكور وباطه جبدي ويومسافرنا لحقتنا انا اقول امكن صارت مشاكل بينها وبين ريلها ويايه تغير جو
او اسبوع رحبت فيها ورحنا تعشى بمطعم ورحنا الحدائق وشفنا الابراج وركبنا هيلكوبتر واستانسا رحبت فيها كانها امي واختي ما فرقت بينهم ابد والين الحين وانا بالهحاله محترمته ومو مبينه لها شي انا اقدر استحمل بس ريلي طقت فيوزاتها

 

[freakiya]

بصراحه غلط سفرتها معاكم انتو رايحيين شهر عسل يعي زوج و زوجته بروهم شالقافه؟
مفروض تكلمين ريلج بطيها بويها ودي اطلع معاك بروحنا احنا معاريس لا تغلطين غلطتي بكل طلعه رزو ويهم كل يوم بليل 2 و فوق ايون يقعدون على فراشي و انا قاعده بقميص نوم لين زهقت و سكنت عند اهلي
راح تتمادى اذا ما وقفتيها عند حدها وقفيها بس بأدب
من يرزون ويهم بناتها قوليلهم ما عليه احنا بنطلع الحين و وقت ثاني نطلعكم
اهيا زعلت ما زعلت كيفها و اذا تكلمت قوليلها معاريس و نبي اخذ راحتنا و بطقاق لا تعطينها اهميه
و اذا قالت مقصره بحق زوجج قوليلها على الاقل مجابلته و اهو راضي الحمدالله انا مو مقصره بشي بس ماله داعي اسوي كل شي علني عشان تحسين و اهوا ما اشتكى !!
سامحيني بس جددددددددددد قهرتني ذكرتني بحمولتي
حسبي الله عليهم

 

[فله شمعه منورة]

الله يعينك ويفرجها عليك حاولي ماتحتكي فيها ولا تبيني لها انك متضايقه هذا زواج وعشره عمر لا تنكد عليك من بدايه حياتك وتحطك ببالها ادعي ربي يفكك شرها وحسدها اشغلي نفسك بأي شي بيني لها انك مشغوله مو متضايقه عشان تمل وترجع بيتها حتى زوجك لايحس انك متضايقه منها مهما يكون هاذي اخته وماراح يرضى عليها وهو اكيد حاس فيك ومتضايق خليه من نفسه يتصرف معها والله يسخرهم لك جميع

 

[مجنونه هواهـ]

حبوبات والله اني مطنشتها وما عطيها وجهه محترمتها ومعززتها لانهااخت ريلي اما حركاتها والله ما كانها وياي في البيت تزعلني اناقشاه بموضوع ريلي ابد ما احسسه اني متضايقه اسولف وياها واضحك لاكن هي منكده ما تبيني اضحك تنقص بعيشتي والله مع اني مو مضايقتها هي من قبل لا اتزوج كارهتني باي طريقه تبيني بوجه الناس انسانه وسخه
والله يا بنات انا هاديه وحلوه ابرز جمالي بس بنعومه يعني خرجات البس لبس ناعم ومك اب ناعم وايد قبل ما اتزوج
كل خالتي والجيران يحبوني ويتكلمون عني وكل وحده تبني لولدها هي مقهوره وتبي تشوه سمعتي عندهم باي طريقه وقت طلبوا يدي من اخوها اتقهرهت وحاولت تخرب الزواج والعرس لي نقل شغله للندن عشان ما تصير مشاكل لحقتني قولي امكن تغار على اخوها لان كان يدلعها وجي لاكن حتى قبل ما اتزوج هي جي كارهتني مع اني والله اكلمها بادب واحترام زي اختي وحتى وقت تيي تنام عندنا في البيت وقت تصير مشاكل مع امها افضي غرفتي وانام بالصاله عشان ترتاح بس الله يهديها مو ذنبي هاذي شخيصتي كل الناس يقولون اني رازه روحي واني هاديه واني عقلي اكبر من عمري بس شسوي والله هاذي شخصيتي ما راح اغير شخصيتي عشان كلام الناس

ما يهمني ريلي حبني لشخصيتي واني ما اختطلط باولا خالتي وعماتي هو هاذا الي عاجبه فيني اني هاديه وانطوائيه عن اولاد عماتي

 

[manoooram]

الله يعينج في ما ابتلاج وصدقيني العمر مو مقياس برزانة وكبر عقل الانسان ياما بو ١٥ افهم واعقل من بو ٤٠ والله
والوقت كفيل بانها بتمل وتنشغل ببيتها وعيالها وادعي ربج ان يحفظج ويشغلها
بس ما عليج الا بالصبر وحقريها ولا تبينين ضيقتج حتى لو تحسين انج اسم الله عليج بتموتين من القهر
طاف ياقلبي*

 

[نهى الأحمد]

عسى ربي يهديها ياقلبي


ما عليه صبري عليها وطنشيها



رح انقل موضوعج لقسم الزوجية رح يفيدونج اكثر حبيبتي

 

[مجنونه هواهـ]

مشكورين ما قصرتوا هاذا انا مستحملتها عشان ريلي الله يهديها
ايه حبوبه لا هنتي نقليه

 

[مارشميلو..]

ياحليلكم بنات والله انكم على نياتكم
مصدقين هالفلم
اجل جاب لك الفطور مرتديلا ولانشون وجمه ورده
احنا شعلينا تعلمينها هالتفاصيل!!!!!!
وهي دخلت غرفه النوم بعد >>المفروض نصدق يعني؟؟؟؟؟؟؟؟؟
ونقل شغله لندن منحاش من اخته لانها تغار منك

روحي يا ماما ذاكري دروسك احسن من هالافلام اللي قاعده تألفينها على روسنا
وعلى قوله وحده من العضوات الله يذكرها بالخير
متى يخلص مسلسل الحسناء وحمواتها الجياكر اللي يغارون منها
هههههههه

 

[عاشقة الاسلام]

الله يكون بعونج انتي اهم شي عندج ريلج ورضه وبس لا تردين عليه طنشئ

 

[جنا الخليج]

الله يكووون بعوونج

بس نصيحه حبيبتي خلج زيينه معاها حتى لو زودتها خلج ريلاكس وهاديه مبين عليج ماشاءالله

وصدقيني مع الايام ان شاءالله راح تتغير

 

[مجنونه هواهـ]

ياحليلكم بنات والله انكم على نياتكم
مصدقين هالفلم
اجل جاب لك الفطور مرتديلا ولانشون وجمه ورده
احنا شعلينا تعلمينها هالتفاصيل!!!!!!
وهي دخلت غرفه النوم بعد >>المفروض نصدق يعني؟؟؟؟؟؟؟؟؟
ونقل شغله لندن منحاش من اخته لانها تغار منك

روحي يا ماما ذاكري دروسك احسن من هالافلام اللي قاعده تألفينها على روسنا
وعلى قوله وحده من العضوات الله يذكرها بالخير
متى يخلص مسلسل الحسناء وحمواتها الجياكر اللي يغارون منها
هههههههه

.......................... حبوبه معرف شقولك :eh_s(2):
بس الله لا يحطج بمكاني
بغربه وبعيده عني هلي وفوق ذا وراي احد يبي ينكد علينا والله بنات صرت اخاف من الهواء هالدنيا ما فيها خير الله لا يحطج بضيقتي