محمد هايف يكشف فضيحة جديدة توسط عدنان المطوع ومحمود الطباخ في قضية اغتصاب خادمه

[::كيك وعسل::]

تحس أنه رجل ليس من هذا العصر ، وله وقار وهيبه عجيبه لم أستطع فهمها ، لا يخاف في الله لومة لائم ، بأختصار هي همة الالآف في ( الشيخ محمد هايف )

 

[ورع البدو]

كفيتي ووفيتي ياورع البدو
بعض العضوات زادت الحساسيه عندها !!!!!!
بالنهايه مايصح الا الصحيح
والله يكثر من امثال هايف طبطبائي
والله يبعد عنا طائفين ويكثر من الوطنييين

حياج الله :eh_s(7):

 

[ورع البدو]

الموضوع ماله داعي
يعني حبيبتي ماتدرين انه هالمواضيع تسبب حساسية ؟؟؟؟ طائفية؟؟؟

هذا موضوع سياسي عام وجريمه بعد شكو الحساسية الطائفيه !!
يعني علشان نائب شيعي تقلبون الموضوع الى طائفي !!
يبا هذا نائب كويتي قبل لا يكون شيعي واحنا مالنا دخل بمذهبه ولا أحد سب مذهبه
احنا نعلق على الجريمه اللي توسط فيها ونكشف الحقيقه للناس وين المشكله!!

يعني لو وحده كتبت عن واحد سني وذمت فيه ....تهقين خواتنا السنة بيسكتون ؟؟؟؟

اي والله بيسكتون وهذا انا كتبت بالمشاركة السابقه اسماء نواب سنه وبدو ومني وفيني وقلت كلمة الحق وسبيتهم لأنهم باعوا ضميرهم ومااافي ولا سنيه علقت على كلامي
أما انتوا الله يهديكم قلبتوا الموضوع إلى طائفي وتدافعون على نائب فاسد يتوسط بمثل هالجريمه!!

فلو سمحتي لا تقول البنات الشيعة الي بالمنتدى سببو حساسية ولا كبرو الموضوع

البنات كلهم علقوا على الموضوع
إلا البنات الشيعيات للأسف شوفي ردودهم بعضهم ما علق على الموضوع أساسا" وتجموا على هايف !! وكبروا الموضوع ووحده تقول لي اروح اكتب بمنتدى ثاني شنو هالأسلوب ! كل هذا علشان يتسكر الموضوع كالعادة

البنت قالتلج الموضوع يسبب طائفية انتي شكو دخلتي الشيعة بالموضوع؟؟؟؟
اهي ماحددت شيعة ولا سنة قالتلج يسبب طائفية ولا ذكرت مذهبها شنو!!!!!!

بلى تقول واضح شنو مذهب صاحبة الموضوع << يعني تقصدني وتتكلم عن سنه وشيعه وعلى بالها انا حاطه الموضوع للفتنه !!

واللله يهدي الجميييييع بس الموضوع كله غلط لا تقولين بنات الشيعة وبنات الشيعة كبرو الموضوع لو سمحتي يعني

الله يهدي الجميع

حياج الله :eh_s(7):

 

[ورع البدو]

والي تقول بعض العضوات زادت الحساسية عندها

يعني امانة يا ورع البدو انتي يعني ما فهمتي قصدهااا؟؟؟؟!!!!!
بكل امانة فهمتي ولا لا؟؟؟؟

وكل وحده حره برايها

بلى فهمت قصدها وللأمانه ما عجبتني كلمتها لأني أدري ان راح ينقلب الموضوع بعدها إلى سبني واسبك :eh_s(4):

وللأسف ان فعلا بعض العضوات متحسسات حيل من هالموضوع ليش ما أدري !!


عدنان نائب وكويتي فانسوا ان شيعي وعلقوا على الموضوع بحياديه وأمانه

أنا راح أكتب عن اي نائب سواء سني او شيعي وراح أنزل موضوع عن النواب المرتشين اللي راح تنزل اسمائهم بالجرايد ان شاء الله

لأن مو مهم عندي نائب سني او شيعي ... اللي يهمني الكويت وبس


ولا تزعلين حبيبتي انا الحين راح اكلم الكل وانبهم ان محد يغلط بالشيعه ومحد غلط اساسا" الا وحده وكذلك سنه لحد يغلط عليهم :eh_s(7):

 

[ورع البدو]

رجااااااااااااااااءا بناااااات خلونا نتناقش بشكل راااقي ونبتعد عن الطائفيه

وفي ردود مستفزة مثل طبطب اللي اهو النائب الطبطبائي اللي له جمهوره وماله دخل بالموضوع واللي تقول هايف وتشتم

واللي تقول اللي على راسه بطحه


فكووونا من الطائفيه المقييته وكل وحده تعلق على الموضوع وبس



والله يحفظ الكويت سنه وشيعه بدو وحضر يااااااااااااااارب

 

[::كيك وعسل::]

ورع البدو
اقدم اعتذاري لج
وماراح اعلق مره ثانيه

 

[بريـق]

لاحول ولاقوة الا بالله

نبي هالفاسدين يحاسبون علانيه وجهارا

 

[أم الفارسة]

اللهم ارنى الحق حقا وارزقني اتباعه وأرني الباطل باطلا وارزقني اجتنابه

 

[لولوه الحربي]

الله يرحمنا برحمته انا اول مره اشوف ان وضعنا كل ماله ويسير اردا من قبل الناس قام تتطور واحنا قام نرجع لي ورا ياخوفي من باجر فساد وعينك عينك انا ما بط جبدي الا الاعتذار حق العراق اااخ يالقهر ولاالرشاوي ولا الواسطات ياكثر الي انظلمو والبوق الي عيني عينك الله يرحمك يابابا جابر وال صباح فيهم الطيبين ليش ما يغيرون ناصر المحمد ليمتى انشوف الغلط ونسكت عنه الله يستر من تاليها

 

[رحيل المرافيء]

وهايف مو مقصر بعد
جم واحد جنسه وتوسط له
بروحه مزدوج جنسية
والاعضاء كلهم اخس من بعض
ما اردى من المربوط الا المفتلت واحد قاعد يطلع فضايح الثاني
وترى انا سنية مو شيعية عشان ماتقووولوووون
ولادوخونا هايف وهايف

 

[دآنة آلرشآيده]

الله يحفظ الكويت من كل شر
​

 

[وردة-الكويت]

حسبي الله عليهم الظلام حسبي الله عليهم ونعم الوكيل وحسبي الله على الي توسط الي ماعنده لاذمه والظمير اشكال ارف

الله يهدي البنات مانظرو ان في وحده جايه تسترزق وتغربت تالي اغتصبت ويسون لها ابعاد على طول نطو برا الموضوع

خلكم في سالفه الخدامه المغتصبه

وشيخ محمد هايف شوكه في بلعوم البعض

ومنها للامام ياشيخ هايف وماهو غريب عليك تنصر المظلوم وتفضح الزمره الفاسدده اشكال عدنان المطوع

 

[الغنج والدلع]

حسبي الله ونعم الوكيل ان دعتك قدرتك على ظلم الناس تذكر قدره الله عليك

 

[ترف بابا]

يعني النواب بشر فيهم الردي

وفيهم الطيب

بس كل اللي اقوله الله يحفظ هالديرة ويبارك لنا فيها ولايغير علينا

يااااارب

 

[ورع البدو]

ورع البدو
اقدم اعتذاري لج
وماراح اعلق مره ثانيه

هذا من طيب أصلج يا الطيبه :eh_s(7):

آفاااا لا احنا ما نستغني عن تعليقاتج
انتي الداخله وأنا الطالعه

وحياج الله بأي وقت :eh_s(17)::eh_s(17):

 

[ورع البدو]

لاحول ولاقوة الا بالله

نبي هالفاسدين يحاسبون علانيه وجهارا

لا حجت البقر على قرونها وأنا أختج :eh_s(16):

اللي راح يتحاسب هو الموظف الشريف اللي طلع هالمستندات :eh_s(16):

شكرا على مرورج:eh_s(17):

 

[ورع البدو]

الكويت في منحى خطر جدا جدا جدا ..!!

القادم اشد وامر

ماشوف غير اشياء تخوف بالمستقبل القريب للكويت

الله يستر بستره ويحفظ الكويت ..!!

والله يجزي الشيخ محمد هايف المطيري كل خير

ويجزي الشيخ وليد الطبطائي كل خير

رجال والرجال قليل ..!!

مشكوره اختي ورع البدو ..

العفو يا الغلا

وعسى الله يستر بستره :eh_s(11): الكويت من أردى إلى أردى

أشكرج على المرور :eh_s(7):

 

[ورع البدو]

اللهم ارنى الحق حقا وارزقني اتباعه وأرني الباطل باطلا وارزقني اجتنابه

اللهم آآآآآآآآآآآآآمييييييييييين :yaaaaaarb:

 

[ورع البدو]

الله يرحمنا برحمته انا اول مره اشوف ان وضعنا كل ماله ويسير اردا من قبل الناس قام تتطور واحنا قام نرجع لي ورا ياخوفي من باجر فساد وعينك عينك انا ما بط جبدي الا الاعتذار حق العراق اااخ يالقهر ولاالرشاوي ولا الواسطات ياكثر الي انظلمو والبوق الي عيني عينك الله يرحمك يابابا جابر وال صباح فيهم الطيبين ليش ما يغيرون ناصر المحمد ليمتى انشوف الغلط ونسكت عنه الله يستر من تاليها

قريبا ان شاء الله راح يتغير ناصر والله يستر منو بيحطون مكانه

الوضع يخووف والنواب الشرفاء قالوا هالمرة اذا ما انحل المجلس راح نقدم استقالتنا خصوصا من بعد الفضائح المليونيه

ياااااااااااااارب افضح المرتشين علشان يكونون عبرة لغيرهم وافضح الراشي :yaaaaaarb:

5 سنين ينهبون ويعطلون حال المجلس دمروا البلد ودخلوا علينا الجواسيس

وعسى الله يرحم أمير القلوب والشيخ سعد اللي كانوا الفاسدين يحسبون لهم ألف حساب :eh_s(11):

شكرا على حسج الوطني :eh_s(17):

 

[lateefa]

والله مشكوره جدا على نشرج الخبر
بس بالمقابل ليش مانزلتي رد المطوع وتكذيبه لهايف بالدليل
ان الريال كان اصلا خارج البلد يوم الحادث
ولم يصدر من هايف منذ رد المطوع اي تصريح !!

على فكره انا ماني شيعيه
بس ماتعجبني هالنعرات والصيدات
البلد يغلي ومو متحملين نفس هالمواضيع الطائفيه المبطنه