تجمع طالبات رابعة ثانوي مسائي 2011-2012 حياكم

[NaYoob]

شلووووووووونكم بنات باجر رح يبدي اول يوم مدرسة

وبنرجع للمدرسة والدراسه شنو احساسكم انه بين طموحكم شعره ؟؟

تصدقون امس قعدت ابجي وادعي ربي انه يوفقني قمت احاتي الدراسه

لاني ناسيه كل شي واحاتي هل رح انجح طموحي رح يتحقق رح اكون جامعيه

بس اليوم نفسيتي احس

بنات للحين محد معاي في أم سلمة بروحي

 

[NaYoob]

اوراق الحب

شدي حيلج وان شاءالله شهادتج ترفع الراس

والله مصخروني اهلي
امي تقول باجر بروح معاج اقول للمدرسات ديروبالكم عليها هههههه
وابوي يقول تبين اكلم الناظره


بناااات رحت شريت لي مكتب للدراسه لوول
وضبطت غرفتي للجو الدراسي ماناقصني الا الكتب والدراسه

تصدقين يبيله مكتب ما عندي متعودة على ايام قبل ادرس بالصاله
لووووووووول وين خذيتيلج المكتب المجكنم وجم سعره واذا
تقدرين تصورينه صوري عشان ودي اخذ مكتب ^^

 

[Malak_galbi]

نايوووب

انا نفسج والله احاتي
بس ان شاءالله تعدي ونفرح ياااارب وتحقق احلامنا

لاتحاتين وتقولين مامعاااي احد باجر بتشوفين البنات وقولي لهم
عن تجمعنا يمكن مايدرون عنه
وعسى الله يوفقج ويوفقنا كلناااااا


بالنسبة للمكتب خذيته من الفراوانيه
في ادراج على اليمين 3 ادراج مساحتهم حلو تكفي الكتب
وفي على اليسار درج صغيرونو ومكان حق ريولج وعندي كرسي الكمبيوتر راح استخدمه
وشريت لي اضاءه للمكتب وبحطها فوقه
سعره 30

وداشه بقوه للدراسه والله يوفقنا ومايخيب تعبنااااا

 

[M!Ss Un!VerSe]

بنااات صح كلامكم ماكو دوام اليوم رحت طلع مافي بس تسجيل

حدها متوفيه اللي قالتلي في دوام هههههه

 

[M!Ss Un!VerSe]

احنا عشقناها اشكرج عالنصيحه

بس انا ابي اخذ النسبه هالسنه
خايفه اييلي النصيب واتوهق او تصيرلي ظروف
انا هالسنه ماعندي شي بس اخر كورس معهد من جذي
ابي اخذها هالسنه وهمن نفسيتي زينه والحمدلله
من ايام الصباحي صابتني عين والله ليلحين اتعالج
ماابي اقول قصتي شنو صارلي بس لان شايفه وضعي تحسن ولله الحمد
فعشان ما اخاف يصير شي مستقبلا واتوهق .. قلت اتوكل على الله
والله كريم.. 

الله يوفقنا كلنا بنات كلنا ندعي حق بعض بظهر الغيب بالتوفيق
هالدعوات مستجابة..*

 

[M!Ss Un!VerSe]

نيوب وملاك قلبي

تفائلوا خير.

والله انا مثلكم احاتي النسبه من الحين
وموضوع حريم كبار وبنات مو زينات وسمعة المسائي
بس لمن اذكر نفسي الهدف اللي انا دشيت عشانه المسائي اتحمس
واطنش خوفي واتفاءل خير وان ما علي من اي احد
انا يايه ادرس واييب نسبه وهدفي اوصل حق طموحي
ومااجذب عليكم كلما اتوتر اتخيل الوزير داق علي يهنيني بتوفقي واتفاءل واستانس
ادعوا لنفسكم بالتوفيق وشدوا حيلكم سووو كل الاسباب اللي تساعدكم عشان تحققون حلمكم..

.....

بالنسبه للمكتب انا حذفته من ٥ سنوات
انا خريجه ٢٠٠٥/٢٠٠٦.
مو ناويه علي مكتب ماتكفي غرفتي ههه
وانا مااحب ادرس بالصاله ازعاااج احب المكان الهادي
ادرس بغرفتي

 

[حياتي فراغ]

ها بنات تعشيتوا ونمتوا او لااا؟؟



ههههههههه

انا ما عدلت نومتي و لي اللحين اقعد الظهر .. بس باجر باذن الله بقعد الساعه 8 الصبح و اعدل نومتي ​

 

[♥aמŘa]

بنات الي متخرجه سنه 2007 :eh_s(10):

شلون طريقه تجميع النسب لهم لمن يدرسون الحين ياخذون نسبهم من عاشرر والحادي عشرر

ولا لا يخلونهم ع النظام القدييييم بس من الثاااني عشرررر

بليززز نبي لاكيد مو تخمينات تكفووووون

 

[M!Ss Un!VerSe]

مهره

كنتي مقررات ولا عامه؟

اذا عامه يحسبونج عالنظام القديم

اذا مقررات فالموضوع فيه معادله

انزين روحي المنطقه التعليميه تبع محافظتج وتأكدي بنفسج

واخذي طلبات التسجيل وشهادتج منهم دامج بتعيدين مسائي

 

[أحنا عشقناها]

أم مشعـل
إن شاءالله يعطونـآ كتب
خل انشوف شنو عندهم ما عندهم إي صف وشنو المدرسات وشنو ينصحونـآ
وأنعرف تقسيم الدرجات المدرسه جم بيدها درجه والامتحان جم
نشوف شلون وضعهم .. وإن شاءالله يوزعون الكتب ودي اشووفها ههههههههههه
..
مسس حبيبتي دامج شاطره كملي وانا وخيتج وإذا جبتي نسبه ردي تجاري وخلصي أخر كورس
وسجلي جامعه الكورس الثاني ..
..
بالنسبه للي خايفين يتفشلون كلنااا جذي خخخخخخخخخخخ
خايفين نتفشل
بس ان شاءالله انجيب نسب تفوق
..
ملوكـه صج منهج العربي يديد ؟؟
الله يستر ان شاءالله يكون سهل
​

 

[♥aמŘa]

مسسس..

انا خريجه سنه 2007


ثانويه عاامه وكانت نسبتي 73

يعني يحسبون ع النظام القدييييم

ياليت الله يوفق ع الرد

وتسلميييييييين يا الغاليه

 

[أحنا عشقناها]

مهرهـ يحسبون لج 100 %
بس النظام الجديد يعني نظام فصلين
الكورس الثاني ما تدرسين كتاب الفصل الاول
..
​

 

[عذبة الأطبااع]

السلام عليكم ،، انا اشتركت بالمنتدى بصراحة عشان هالتجمع ،، وان شاالله افيدكم واستفيد منكم *

 

[عذبة الأطبااع]

عندي استفسار بنات ،، انا معاي شهادة ثالثة ثانوي سنة 1999 تتوقعون أدرس رابعة بس ولا يخلوني أعيد ثالثة بعد ؟؟؟؟ اذكر السنة اللي طافت قالوا بس رابعة مادري اذا غيروا القوانين او لا طمنوني بليز

 

[عذبة الأطبااع]

وشنو أقوى مذكرات

 

[اتعب علي]

يعني اذا قبلوني جامعة الكويت ماكو مشكلة ادرس واداوم العصر ؟؟؟؟؟ بليز ضروري جاوبوني

 

[ام مشعل المطيري]

عذبة الاطباع ياهلا ومرحبا يزيدنا شرف مشاركتج معنا بالقروب
وبالنسبة لموضوعج اتوقع والله اعلم تعيدين رابعة فقط
والمذكرات البنات يمدحون مذكرات جمعية المعلمين ومشاعل
اتعب علي
اذا ان شاء الله جبتي النسبة تقدرين تدرسين الصبح وتداومين العصر لانة مايتعارض ويا وظيفتج عرفتي! !!

 

[ام مشعل المطيري]

بنات تعالوووا بقولكم شي
من باجر نبي لنا وقت نتجمع في شاللي يناسبكم ؟؟؟
تبون العصر قبل لانروح والا بالليل

 

[M!Ss Un!VerSe]

ام مشعل
كل وظايف الحكومه يصير نحول فيها للدوام المسائي!؟
ومن الساعه جم لي للساعه جم الدوام؟

ويصير اقدم عالديوان وانا ادرس بالجامعه!؟
واذا قبلوني بالتوظيف يصير على طول اقدم مسائي؟
ولافيها شروط!؟

 

[Malak_galbi]

مسااااااااااء الخيرر

هااااا نمتوووو

احنا عشقناهاااا
اي والله يوم كلمته قالي العربي متغير وماعندي مذكرات له


ام مشعل انا افضل بعد الدوام
قبل الدوام بكون محتاسه واجهز نفسي