طعم الحياة الزوجيه بعمر ال 40

[صديقت قوقل]

موضوعج تفائلي ~
الله يتمم علينا وعليج يالغلا

 

[شذا الياسمين]

كـــــــــــــــلام رائع ..
يعطيج العافية حبيتي ..

 

[المستغفرة 74]

صح لسانج فوفو
فعلا كلامج صحيح

 

[dectora 7elwa]

شكرا فوفو الله يهنيج
كلي دلع شدعوه شهالتشاؤم

 

[ناتشوو]

أنا عند ظن عبدي فيني

ديرو بالكم
متوقعين الشر
لا يتحقق فعلا

مافي اي حياة او علاقة
صافية 100%
طول الوقت
بس مشكله عن غيرها فرق
وطريقة معاملتج وتعاملج مع المشكلة يفرق

 

[يازمان العجايب]

ياحلاتج وياحلاة كلامج كله رزانه وحكم

​

 

[مارشميلو..]

عاد انا اخاااااف من هالعمر مادري شلون بكون بشكلي وبطبعي

 

[ام يارا القمره]

ياناس فوفو احسها إنسانه ماشاء الله روحها حلوه وتحب الحياه ولاتوقيعها مره شبابيه ومفعمه بالحياه شكلي أخذ منك توقيعك لانها عاجبتني.

 

[Ms.MrMr]

صح لسااانج فوفو =) .. كل مرحله ولها طعمها .. تحياتي لج

 

[سحـورة]

ليش هالمبالغه يعني ؟
جد يعني أول مراحل الزواج هي أجمل المرااحل
نطيتوا ع آخر العمر ؟!!! من يصدق هالكلام ؟
آخر العمر تكون الحياه تحت مسمى - الوفااء و العشرة -
إستغربت لحظه علقتي على عمر 20 بكلمتين
و عمر الـ 30 بكلمتين
و عمر الأربعين بـ موضوع متكاامل ؟
ليش ودي أفهم ؟ هل لأنه عمرج 40
و لا هل إنتي تشوفين هالشيء من منظورج
أنا أحب آرائج و رودج لكن ألمح فيها قوة تخفي حقيقتج الأصليه تماما
هذا رأيي و هذي صراحتي
و لج رآيج ف الأخير
إحترامي و تقديري لـج فوفوو

 

[sKntyny]

صااااااجه فوفو 100 %
وبليز لا ينقلب الموضوع هوشات .. مواضيع فوفو دائما هاااادفه والطقاق مو مكان مواضيعها ..

 

[الحلوة ريا]

اربعين وسنتين وتونى رادة لبيتى وزوجى

المشاكل ما تنتهى بلعكس تزيد قبل كانت نجرة وصراخ والحين راح توصل :j013:

مع كلى دلع فى كلامها

 

[كليـ دلعـ]

ماطبيت

الاخت حطت موضوووع ورديت عليه

وبدال ماتناقشني

اقري ردهاا وانتي تعرفين

يعني تحط موضوع وارد واقول رايي


اطلع غير سويه ومتشاااائمه

ووووو

ومتخلفه

وشاااذه!!!

هذا مومنطق

 

[سحـورة]

المشكله الأساسيه : لييييييش نرفض الواقع تحت لفظ التفاؤل
التفاؤل و حسن الظن بالله شيء و واقع الزوجات الأليم شيء مختلف
أنا أقدر بكل بساطه أقولكم إنه عالمناا هادي و متماسك و قوي
لكن لو جيتي للتفاصيل الصغيره راح نلاقيه مفتت و قابل للإنهيار
اوك سو لحياتكم دفعه للأمام لكن بـ منطقيه وحكمه و تفكير
لأنه جد هالكلام ما يدخل عقل أعقل العقلاء مع إحترامي لكل وحده علقت
بكلمتين وهيه : صاجه 100 % ؟
نعم ؟ صااجه جد ؟
وين الأمثله
أمثله واقعنا كلها سراب و فالحضيض
نعم للتفاؤل لكن بـ نظره متعادله





:


في الأخير في فرق بين نقاش و هوشه
خلونـا نتناقش و نبدي آرائنا

 

[سحـورة]

ماطبيت

الاخت حطت موضوووع ورديت عليه

وبدال ماتناقشني

اقري ردهاا وانتي تعرفين

يعني تحط موضوع وارد واقول رايي


اطلع غير سويه ومتشاااائمه

ووووو

ومتخلفه

وشاااذه!!!

هذا مومنطق

أحب الردود الواقعيه
سلم قلـبج :eh_s(7):

 

[راعية الطويلة]

يعطيج العافية فوفو موضوع حلو
الأربعين سن الشباب في الشكل
و النضج و الثقافة و اللين في العقل

و اللي لها نظرة تشاؤمية
أعتقد هذي ما ينطبق عليها شي من اللي ذكرتيه
لأنها من يومها في حالة غيبوبة..
و ما عاد ينفعها الإنعاش!!
حبيباتي الغاليات كلكم
الرجل إذا تزوج على زوجته
فهذا شرع الله
لا توصفون شرع الله
بصفات مثل خان العشرة
أو قلة وفاء
حاشا لله العدل
أن يوصف شرعه بهذه الصفات

أحسنتِ فوفو
بارك الله فيج
و يا ليت ينوخذ كلامج هذا على محمل الجد
بالنسبة للكل

مو بس بالنسبة للي في الأربعين

 

[فوفو22]

اللي يخالفوني لهم ظروفهم

ومعذورين بمشاعرهم .....

ولكن اذا عرفنا 1000 شخصية غير مرتاحه مع زوجها في قسم الحياة الزوجيه

فهناك 900000 مرتاحين وما يحتاج يدخلون الحياة الزوجيه

واحتك في بعضهم بشكل يومي

÷÷÷÷÷÷÷÷÷÷

سن ال 40

اقدر اتوسع فيه بالحديث لاني اعيشة يوم بيومه:-

1- عيالي مافي يوم ناموا ببيت اهلي او اهل زوجي وهم صغار

حاليا اقدر اسافر يوم ويومين وانا مطمئنه عليهم

2- وحنا صغار الزوج ياخذ مساحه كبيره بالتفكير فيه..

ولكن بال 40 اجد حياه اخرى جميله بجانبه وهي ممارسه

هوايات ابتعدت عنها بال 20 وال 30 ...

اعطاء وقت اكبر للصديقات اللي غفلت عنهم بسبب الانشغال بالزوج وتربية العيال ...

.تخصيص يوم بالاسبوع للدلع بعد التعب والارهاق سنوات طوال ....

فوفو

 

[فوفو22]

يـــــــعــــطــــيــــج الـــعـــافـــيـــه​

يعافيج حبيبتي ويسلمج

فوفو

 

[سحـورة]

اللي يخالفوني لهم ظروفهم

ومعذورين بمشاعرهم .....

أستغرب لحظه نحط راي ، ينفهم على إنه - ظروف و مشاعر و آلخ -
طيب إذا قلتلكم إني طموشه p: وعمري 20 p:
في شيء إسمه هذا الواقع ، هذي الحقيقه ، هذي الحياه
ليش التخفي تحت نظريات عظمى ،
ما إتعودت أجامل و أنافق بالشيء اللي أشوفه صح
جارو آرائي بـ واقعيه
حتى أقتنع ولو قليل

 

[فوفو22]

يـــــــعــــطــــيــــج الـــعـــافـــيـــه​

كلام يشرح الصدر

يعطي امل

خليتيني وانا في بداية العشرينيات احب عمر الاربيعينيات

لج طولة العمر حبيبتي

فوفو