التجمع الثاني لطالبات { كـلـيـة الـحـقـوق ] جامعة الكويت . حياكم الله

[فز^الخفوق]

فز الخفوق

عاش من شافج يالغاليه

تفداج العافيهـ؛**

شخبارج شمسويه ؟؟

هلا وغلا عاش غاليج ياقلبي:eh_s(7):
انا بخير ماشي الحال انتي شلونج وشخبارج
الله ياالدنيا ياسكاي كبرنا وصرنا سنه 2
الحمدلله والشكر يارب مابغينا
يامن شافنا خريجات هههههههه مستعجله حدي​

ياحلات الجامعه:eh_s(2):​

 

[SKY--NA]

فز الخفوق

ههههههههههاااااي شفتي شلون

ااامين ياارب

السنين تزكض بسرعه لا تحااتين

اي والله الجامعه تونس ؛**

 

[فز^الخفوق]

kwt-oo
واللي عدوا سنه ثانية مايصير يفيدونا بشي ههههه

صباح الخير شلونج سولفي لنا عن سنه 2 التزامات اداري1 جزاء عام ماليه يعني باختصار عن اهم المواد ​

 

[kwt-oo]

Kwtoo

ليااامج سعييده خيتي ونورتي التجمع

خبرج كبرت بروح ٢

فعندي جم سوال

عند منو خذيتي اداري؟ ومنو تنصحينه فيه؟
د.عبدالله الرميضي
او د.محمد العتيبي

والتزامات كذالك عند منو ومنوتنصحينه فيه ولماذاا ؟؟

وشكرا

حبيبتي النور نورج ونور البنات :eh_s(22):

اداري خذيتها عند الرميضي صراحة خوووش دكتور وشرحه ممتاز
والعتيبي خذوا عنده رفيجاتي ويقولون هم شرحه وتعامله زين

التزامات خذيتها عند الاثري وماشاءالله شرحة وافي بس حقاني بمعنى الكلمة يعني تشدين حيلج يعطيج حقج ماتشدين حيلج هم يعطيج حسب مجهودج

العفو حاضرين للحلوين :hjy5jewf:​

 

[LawYer ~]

مواد سنة ثالثة :

إداري (2) انا هالمادة اكرها ..
و عند المعاطي بعد , عبارة عن كتاب و مذكرتين ..
الكتاب يحتوي على فصلين
- العقد الإداري
- القرار الإداري
المذكرتين ..
- مبدأ الشرعية \\ المشروعية
- القضاء الإداري

المادة مليقة شوي , و تكملة مادة إداري (1) ..
بس ما تحتاج تنويت , الكتاب و نوّتي فوقه الامثلة إلي يقولها الدكتور ..

جزاء خاص ..
تكملة جزاء عام ,
مافيها مبادئ و هالسوالف , لا على طول تدشين على الجرايم ..
الشرط المفترض \ الركن المادي \ الركن المعنوي ..
الجرايم اهيا :
- القتل
- الجرح و الضرب و الإيذاء
- السرقة
- النصب
- خيانة الامانة
- الشيك بدون رصيد
- الزنا
- هتك العرض
- الفعل الفاضح العلني
- الفعل الفاضح الغير علني
- المواقعة
- المخدرات
- الرشوة
- التزوير

المادة دقيقة جداً و يبيلها فهم و تركيز , لاني اي نقطة تتغير راح يختلف وصف الجريمة ..
و يبيلها تنويت مع الدكتور ..

عقود مدنية ..
كتابين
الاول : عقد البيع
الثاني : عقد الإيجار

المادة تكملة أصول قانون و إلتزامات
حلوه , و عجيبه , كلها حفظ ..
بس شوي شوي يبيلها تدقيق ..

تشريعات عمل ..
المادة عبارة عن كتابين ,
الاول : التشريعات
الثاني : التأمينات

الكتاب الاول عجيب و سهل على الرغم من كثرة المعلومات إللي فيه ..
ما يحتاج تنويت مع الدكتور ..

الكتاب الثاني , انا شريته و للحين يديد ما أطل فيه إلا اذا كنت أبي أتأكد من معلومه ما لحقت عليها بالكلاس
يعتمد اعتماد كلي على شرح الدكتور , ما انتبهتي مع الدكتور , سلّمي على المادة , لان كلها مسائل ..

ميراث ..
نوته و حده ..
فصلين , الأول : الوصية \ دخلنا فيه الميدتيرم و ما دخل معانا الفاينال و كان سهل
الثاني : الميراث \ الانصبة , تحفظين الانصبة و كل حالة , تييبين 100% بالإمتحان ..
بس يبيلها تدقيق , يعني لمن توزعين الانصبة شوفي كل شخص بيورث و كتبي حالاته عشان لا تنسين و تتخربطين

تجاري (1)
المادة سهلة وصعبة , يعني تعتمد عليج و يبيلها تركيز و تنويت بالكلاس ..
عبارة عن كتابين ,
الاول : فيه مقدمة عن الشركات و مبادئ و هالكلام
الثاني : انواع الشركات و كل شركة شنو خصائصها و شلون التنظيم داخلها ..
يعني الدراسة تكون من النوت و من الكتاب مع بعض لا تستغنين عن اي شي ..

أنصحكم بـ نوت طالبة : اسمها شيخة الجابر وايد فادنا بالفاينل ,
لان دكتورنا ما كان يعترف بالكتاب الأول خرابيط شرحة بـ 3 أو 4 محاضرات بس ..
و 20 درجه بالفاينال يَت على الكتاب الاول من دكتور ثاني ..


مرافعات !!!!!!
أصعب مادة بـ سنة ثالثة ..
نصيحة , آخر كل شهر ييبو دكتور يشرحلكم إلي درستوه خلال شهر ..
المادة دسمة و صعبة جداً و عليها 6 وحدات , و عملية يعني صعبة بالحفظ ..
و يبيلها مراجعة دورية عشان لا تنسين وتتوهقين بالفاينال أو بالميدتيرم
تعتمد على الفهم والحفظ معاً , تحفظين و ما راح تفهمين , بتتوهقين , و العكس صحيح ..


و سلامتكم *



​

 

[SKY--NA]

kwt-oo

انزين يقولون الرميضي ما يأسس قضايا حق اداري والعتيبي افضل منه ؟

وبالنسبه للألتزامات تنصحين بالاثري ولا محمد عبدالصادق؟

 

[LawYer ~]

مواد سنة ثانية:

إداري (1)
عند د. العتيبي , و لو كان الرميضي نازل وقتها
جان خذيت عنده ..
المادة عبارة عن كتابين :
الأول : يتكلم عن الموظف العام و الاموال العامة ..
مافيها شي , حفظي و طبقي ..

الثاني : يتكلم عن المرفق العام و الضبط الإداري ..
همن سهل ..

بس المادة يبيلها احد يفهمج بالكلاس , العتيبي نص و نص ..

جزاء عام ..
حلوه , مبادئ عامة , انواع الجرايم ..
العقوبات , تقسيمها ..etc
سهلة ..

إلتزامات ..
المادة تكملة أصول قانون
همن حلوه , كلها حفظ , بس في اشياء
لازم تفهمينها عشان تقدرين تطبقين على القضايا ..
بس يبيلها شدة حيل لان عليها 8 وحدات مو شوية ..

كتابين , و الفاينال على يومين ..
اليوم الاول : تمتحنين بـ كتاب و نص
اليوم الثاني : تمتحنين نص الكتاب الثاني ..

دولي عام :
المادة عجيبه عجيبه عجيبه
دقيقه و يبيلها تركيز مو طبيعي بالكلاس ..
لا تطوفون و لا محاضرة , لأن اي محاضرة تطوفونها تضيعون بللّي بعدها
و يا بختهم إللي بيسجلون عند دكتور ثقل العجمي ..
محد متمكن من المادة كثره و يسهلها بطريقه عجيبة

طلبته يكونون متعودين على القضايا فـ ما يتوهقون وايد بالفاينال
كثر باجي الدكاترة ..

إللي ما راح يحصلها عنده , حاولين تخلين بريكج حزة محاضرته و حضري عنده
الكتاب صج شكله يخرع , بس كلش ما يخرع و لا شي , سهل ..


مالية عامة
تكملة مبادئ اقتصاد , انا كلّش ما حبيتها ..
و ماكو دكتور بالكلية متمكن منها و يشرحها عدل بطريقه سهله ..
تتكلم عن الضرايب و النفقات العامة و الإيرادات العامة
و شلون تتكون الميزانية العامة للدولة ..


أحوال شخصية
مواد الشريعه عموماً سهله ..
هالمادة شوي فيها تفاصيل , تعتمد على الحفظ بشكل أساسي ..
تتكلم عن الزواج و الطلاق ..


*​

 

[~.ąvȍƈaȚ.~]

هبه

اي والله هذا الصج انا قاعده اقولكم من اللحين عشان ما تتحبطون وقتها و ترتبكون

مره كان في مادة سجلتها قبل الدوام بيوم يومين يمكن و حده ضايق خلقي و كنت مو مرتاحة حق الدكتور و جذي "مع اني ما شفته!!" بسس كنت مضطره آخذ مادة و ماكو الا هذي
والله اللحين اقول الحمدلله اني ما سحبتها بدون مبالغه احسن دكتور درسني ماشالله عليه

شوفي في مواد المهم ضمني درجتج بأعمال السنة فيها و الدراسة مو مشكلة...ابو الليل يقولون ان ينوم و يسمع الكتاب بالمحاظرة

بس مادري شنو نظامه حاولي تضمنين درجتج بالمدتيرم و جذي و اذا ما فهمتي حضري عند أي دكتور ثاني في حال كنتي تبين تفهمين شي و الا شيات

انا بصراحه ما كنت افهم اصول هههههههه حده مودي مو قانون خاص و كنت كارهه المادة

بس لما تمسكين الكتاب و تقرينه و تدرسين ترى ينفهم ما يبيله شي لا تحاتون في مواضيع معينة يبيلها شرح من الدكتور

بناات ترى سنة اولى سهله والله بس لا تلهوون وايد يعني اذا بتطوفون طوفوا 4 محاظرات بالكثير بالسنة طبعاا مو بالكورس لووول

و حتى دكاترة سنه اولى بأعمال السنة يرفعون الا قليييل اللي ما يرفعون

أي سؤااال سئلوناا و انشالله بنفيدكم


<<<<<<< ترى والله مو من ربع القوائم لووول

 

[heba933]

مادري بس يقولون هل ماده صعبه وايد و الدكتور امعقد

 

[heba933]

مشكوره حبيبتي ما قصرتي بس ودي احول من عنده من حجي البنات عنه ماني بالعته

 

[~.ąvȍƈaȚ.~]

LawYer~

وااي مالية عامة تكملة لمبادئ لاااااااااا وييييع :\ حدهم مالهم داعي هالمادتين يغثوون

عاد صج الرميضي احسن من العتيبي باداري ؟؟ مع ان يقولون العتيبي احسن لأن اوريدي تخصصه اداري

و مشكوورة عالشرح الله يسهل عالكل انشالله

 

[LawYer ~]

LawYer~

وااي مالية عامة تكملة لمبادئ لاااااااااا وييييع :\ حدهم مالهم داعي هالمادتين يغثوون

عاد صج الرميضي احسن من العتيبي باداري ؟؟ مع ان يقولون العتيبي احسن لأن اوريدي تخصصه اداري

و مشكوورة عالشرح الله يسهل عالكل انشالله

ماليه بالنسبة لي ويع , مادري اذا في بنات يحبون هالمادة p; ..

إداري الكتاب أصلاً ما يبيلها شي لو بتقرينه بروحج , انا العتيبي ما حبيته لـ كذا سبب ..

ما عنده شخصية على البنات ..
الكلاس ما شاء الله كان فل , البنات يسجلون الغياب و ينحاشون من ورا و كان يشوفهم
و ما يتكلم , و اذا دشت متأخر وحده يزفها .. طيّب و إللي انحاشو من ورا ؟

+ و اهوا يشرح , و الله والله ما كنّا نسمع ولا شي من اللجه , جنه ذبااااااان
ما يحاجيهم يكمل شرح و جنه العيد !

شرحه عادي مو ذاك الزوود العتيبي ..
سألي بنات الرميضي بـ دستوري يقولونلج انه حددده عجيب , و فعلاً الرميضي بالشرح لا يُعلى عليه ..
و على حظنا ما كان الرميضي نازل لنا , فـ اضطرينا نسجل عند العتيبي ..

العتيبي إيده ثقيله بالتصليح , يعني يبي إسلوبه بالضبط ..

الرميضي همن دقيق بالتصليح بس على الأقل تفهمين بالكلاس تثبتين شيقول ..
​

 

[SKY--NA]

لوير

يقولون العتيبي تأسيس اداري

والرميضي يأسس بالدستوري بس شرحه بالاداري مو افضل من العتيبي؟

ولا شرايج ؟؟


<<<<<<<<<<< محتاااااااااره حيل!!!!!

 

[SKY--NA]

وانا كنت ماخذه دستوري عند الرميضي

وصراحه ماعليه كلام دكتور يفهم ويشرح ويجتهد ومايغيب وكل مميزات فيه

بس انا محتاره بالاداري ؟؟


فيدوونـآآ بنات ؟

 

[kwt-oo]

kwt-oo

واللي عدوا سنه ثانية مايصير يفيدونا بشي ههههه​

صباح الخير شلونج سولفي لنا عن سنه 2 التزامات اداري1 جزاء عام ماليه يعني باختصار عن اهم المواد ​

افا عليج انتي تامرين امر :sfg:

بقولج عن مواد سنة ثانية ودكاترتي اللي كنت عندهم عن تجربة :

اولا التزامات : مادة من اهم مواد الحقوق اهي عبارة عن كتابين مهمة حيل واذا ناوية ترفعين معدلج لازم تشدين حيلج فيها لان الدرجة بهالمادة ترا عن 8 درجات بالنسبة للمواد الثانية لان عليها 8 وحدات مثل ماانتي عارفة
انا كنت عند هيثم الاثري ومثل ماقلت اهو دكتور حقاني ويبذل جهد بالشرح ويعطي كويزات مفاجئة بالكلاس ودقيق بالغياب وصراحة ماعطانه بونص حسب ما شفت بس للامانة شرحه ممتاز وتحسين فاهم المادة

ثانيا اداري : مادة حفظ وعبارة عن كتابين والثاني ضعيف حيل مايزيد عن 100 او 150 صفحة يبيلها مجابل وحفط صراحة بس ترا حلوة ومن واقع الحياة احسها
وكنت عند عبدالله الرميضي اهو يقول انا تخصصي دستوري مو اداري بس شرحه ممتاز ويعطينا امثلة من واقع حياتنا وترا مو دايم ياخذ الغياب اصلا مايلحق اذا قال الاسامي يمكن يروح نص الوقت ماشاء الله شعبتنا كانت كبيرة وبالدرجات هم حقاني ماعنده زيادة بالحجي مثل ماانتي بذلتي مجهود يعطيج ومن حنت 70 طالبة طول السنة واخيرا عطانا بونص 3 درجات اذا ماخانتني الذاكرة :eh_s(10): > حشا وصلت للـ 100 سنة هههههه

ثالثا احوال : كتابها يخرع بس الاغلبية Aاو B حسب ماسمعت لانه دكاترة كلية الشريعة حيييييل متساهلين وكريمين وقال الدكتور محمد المحمود انه امتحانه الفاينل في بونص جم سؤال لنا ماقصروا فديتهم :eh_s(9):
انا كنت عند دكتور اسمه ابو عمر خان يقولون انه باكستاني احلى مافيه انه يغض البصر لدرجة البنات يبطلون الباب اللي ورا بالكلاس ويدخلون متاخر واهو مايدري ولا يشوف ودايم يكلم البنات اللي مو متحجبات انهم يتحجبون حتى كلفنا ببحث عن الحجاب او المراة المسلمة بس ماقصر والله اغلب الشعبة فوق 35

رابعا مالية : كتاب حشو حشو والمهم مواضيع معينة انا بالنسبة لي ضمنت المسائل درستهم عدل لان عليهم 20 درجة بالفاينل
كنت عند الحمود هالدكتور باختصار ( فلة ) جنه ابوي غشمرجي ويسولف عن سفراته ومواقفه بس بالشرح والتاسيس يقولون فيصل الفهد لانه مايطلع بره الدرس حسب ماسمعت والحمود تضمنين 40 اعمال السنة واذا نازلة 35 بس مايحب السوالف بين بعض ولا التاخير لانه اذا حط على وحده يبهدلها بشعبتنا زف كذا بنت على التاخير وترا يحفظ الوجوه انا عرفني كنت ماره من مكتبه مره ولا يناديني بنت (..طبعا ينادي البنات بالعايلة...) > وصوته مميز ويخرع بقيت ابجي قلت اكيد شايف شي بورقة اجابتي وماعجبه حلي ولا ادخل المكتب وسالني شلون الامتحان وشسويتي قلت الحمدالله زين وعلى طول برا ماني راعية طويلة

خامسا جزاء : حلوة المادة انا حبيتها بصراحة
كنت عند فاضل نصر الله خوووش دكتور حبوب ويراعي اذا كلمتيه شعبتنا درجاتها كانت حلوة صراحة باعمال السنة

سادسا دولي : مادة دسمة يبيلها دراسة بس شكثر ملغي فيها
كنت عند الياقوت زين هالدكتور بس الافضل ثقل العجمي

سابعا اختياري بترول : كلها قصص واتفاقيات بس الفاينل كان يهبل اربع اسئلة واختاري 3
كنت عند الحمود مثل ماقلتلكم فله هالدكتور واغلبية الشعبة درجاتهم تهبل :eh_s(15):

واخيرا ثامنا قاعة بحث: الكورس الاول شغل باللاب مع المعيدة وهوم ووركات والكورس الثاني مع الدكتور بحث نسويه مثل اولى
كنت عند فيصل الفهد وفعلا خوش دكتور بس معطي المادة اكبر من حجمها ماجنها قاعة بحث عليها وحدتين والدرجات عموما ماشي حالها

وبس
طاحت ايدي وانا اكتب :eh_s(2):
هذا ملخص سنة ثانية :eh_s(15):
وسامحونا عالقصور :33_1185028183:​

 

[LawYer ~]

لوير

يقولون العتيبي تأسيس اداري

والرميضي يأسس بالدستوري بس شرحه بالاداري مو افضل من العتيبي؟

ولا شرايج ؟؟


<<<<<<<<<<< محتاااااااااره حيل!!!!!

محد تأسيس p;
اثنينهم بالتصحيح شديدين ,

بس شرح الرميضي وايد أحلى و مرتب ..
العتيبي كلش ما يعجبني شرحه , و ما يضبط الكلاس و ازعاج و لوية ..

انا لو مكانج اسجل عند الرميضي ..
بس , استخيري أول و شوفي ..
​

 

[kwt-oo]

kwt-oo

انزين يقولون الرميضي ما يأسس قضايا حق اداري والعتيبي افضل منه ؟

وبالنسبه للألتزامات تنصحين بالاثري ولا محمد عبدالصادق؟

بالعكس دايم يعطينا قضايا بالكلاس والافضل انج تنوتين
انا كنت عنده وطلعت بـa الحمدالله مع انه الفاينل كان صعب حيييييييل

 

[kwt-oo]

مواد سنة ثالثة :​

إداري (2) انا هالمادة اكرها ..​

​

و عند المعاطي بعد , عبارة عن كتاب و مذكرتين ..
الكتاب يحتوي على فصلين
- العقد الإداري
- القرار الإداري
المذكرتين ..
- مبدأ الشرعية \\ المشروعية
- القضاء الإداري​

المادة مليقة شوي , و تكملة مادة إداري (1) ..
بس ما تحتاج تنويت , الكتاب و نوّتي فوقه الامثلة إلي يقولها الدكتور ..​

جزاء خاص ..
تكملة جزاء عام ,
مافيها مبادئ و هالسوالف , لا على طول تدشين على الجرايم ..
الشرط المفترض \ الركن المادي \ الركن المعنوي ..
الجرايم اهيا :
- القتل
- الجرح و الضرب و الإيذاء
- السرقة
- النصب
- خيانة الامانة
- الشيك بدون رصيد
- الزنا
- هتك العرض
- الفعل الفاضح العلني
- الفعل الفاضح الغير علني
- المواقعة
- المخدرات
- الرشوة
- التزوير​

المادة دقيقة جداً و يبيلها فهم و تركيز , لاني اي نقطة تتغير راح يختلف وصف الجريمة ..
و يبيلها تنويت مع الدكتور ..​

عقود مدنية ..
كتابين
الاول : عقد البيع
الثاني : عقد الإيجار​

المادة تكملة أصول قانون و إلتزامات
حلوه , و عجيبه , كلها حفظ ..
بس شوي شوي يبيلها تدقيق ..​

تشريعات عمل ..​

المادة عبارة عن كتابين ,
الاول : التشريعات
الثاني : التأمينات​

الكتاب الاول عجيب و سهل على الرغم من كثرة المعلومات إللي فيه ..
ما يحتاج تنويت مع الدكتور ..​

الكتاب الثاني , انا شريته و للحين يديد ما أطل فيه إلا اذا كنت أبي أتأكد من معلومه ما لحقت عليها بالكلاس
يعتمد اعتماد كلي على شرح الدكتور , ما انتبهتي مع الدكتور , سلّمي على المادة , لان كلها مسائل ..​

ميراث ..
نوته و حده ..
فصلين , الأول : الوصية \ دخلنا فيه الميدتيرم و ما دخل معانا الفاينال و كان سهل
الثاني : الميراث \ الانصبة , تحفظين الانصبة و كل حالة , تييبين 100% بالإمتحان ..
بس يبيلها تدقيق , يعني لمن توزعين الانصبة شوفي كل شخص بيورث و كتبي حالاته عشان لا تنسين و تتخربطين​

تجاري (1)
المادة سهلة وصعبة , يعني تعتمد عليج و يبيلها تركيز و تنويت بالكلاس ..
عبارة عن كتابين ,
الاول : فيه مقدمة عن الشركات و مبادئ و هالكلام
الثاني : انواع الشركات و كل شركة شنو خصائصها و شلون التنظيم داخلها ..
يعني الدراسة تكون من النوت و من الكتاب مع بعض لا تستغنين عن اي شي ..​

أنصحكم بـ نوت طالبة : اسمها شيخة الجابر وايد فادنا بالفاينل ,
لان دكتورنا ما كان يعترف بالكتاب الأول خرابيط شرحة بـ 3 أو 4 محاضرات بس ..
و 20 درجه بالفاينال يَت على الكتاب الاول من دكتور ثاني ..​

مرافعات !!!!!!
أصعب مادة بـ سنة ثالثة ..
نصيحة , آخر كل شهر ييبو دكتور يشرحلكم إلي درستوه خلال شهر ..
المادة دسمة و صعبة جداً و عليها 6 وحدات , و عملية يعني صعبة بالحفظ ..
و يبيلها مراجعة دورية عشان لا تنسين وتتوهقين بالفاينال أو بالميدتيرم
تعتمد على الفهم والحفظ معاً , تحفظين و ما راح تفهمين , بتتوهقين , و العكس صحيح ..​

و سلامتكم *​

مشكورة حبيبتي ماقصرتي :eh_s(7):
بس بخصوص الدكاترة منو تنصحينه فيه :bbbiu:​

 

[~.ąvȍƈaȚ.~]

LawYer~

على كلامج جني هونت عن العتيبي و بسجل عند الرميضي !!

انا طفااااااارتي الازعاج بالكلاس وااي عادي ألتفت و اززف و اتحلطم بصوت عالي لووول

الرميضي حضرت عنده بس المراجعة ماشالله عليه حسيته خووش دكتور و سمح

فشكلي باخذ عندها




سكاي

أنا وياج جنه الوحيدات المشتطات اللي ندور الدكاترة لاا و اثنيناتنا محتارين باداري و التزامات

انا شكلي بستقر عالرميضي و الأثري

 

[SKY--NA]

kwt-oo

بالفاينل حسيتي الاسئله غريبه عليج ؟

وميدتيرمات الرميضي كانت شلون قضايا ومقالي؟؟