اللي عنــدها شريجه تدخل تفيدني

[what's up]

الله يوفقج يا رب
انا ما عندي اي خلفيه للزوجه الثانيه
خبراتي كلها عن المسلسلات اذا واحد تزوج على مرته هههههههههههه طبعا كله حجي فاضي

على العموم موفقه و الله يرزقج منه بالذريه الصالحة

 

[هيبة ملك]

الله يوفقج ياقلبي ويرزقج الذرية الصالحة
وعساها زواجة العمر
ولاتفكرين بكلام الناس لأن الزواج على مرة لاحرام ولا عيب
ربي يوفقج ويسعدج

 

[حلوه بس بلووه]

خلج عااادي معاهم مو طيحين الميانه وخلج هاديه وحبوبه معاهم واذا شفتي الشريجه سلمي عليها عادي واكيد بتفتحين بيتج لعيالها ولها مهما كان مرت ريلج واعياله واذا سمعتي كلمه مني ولا مناك بلعيها وسكتي مو تتشكوين عند الريال الا اذا السالفه تستاهل
موفقه انشالله

 

[الجوهره الحالمه]

ان شالله يتزوج عليج يارب..ويحترق قلبج مثل ماحرقتي قلبها...

لاحول ولاقوة الا بالله



ماهو بخير اللي انتي مرته


انتي تعارضين الشرع خلي البنت الله يوفقها


يمه يالعوابه اللي على نجاسه

 

[دنيااك دنيااي]

خلج طبيعيييه وعاشرينهم ومن المعاشره بتعرفيهم وبتعرفين وش اللي عليك

ووش اللي لازم تتعاملين معهم

يعني شغلي مخك وخلك ذكيييييييييييييه وابتعدي عن حياتك الشخصيه قدام مرته الاولى

 

[Hello_kitty]

الله يعين زوجته الاولى ويصبر قلبها
صج الزواج الثاني حلال بس مو فرض ولا حث عليه الدين ولا في حديث او ايه وحده تشجع عليه

واذا نبي نفهم الدين صح الرسول صلى عليه وسلم ما تزوج على السيده خديجه ام اعياله وظل وفي لها حتى بعد موتها وكل زواجته الثانيه كانت لسبب ومصلحه شرعيه مو عشان شهوه ولا زواج والسلام

وسيدنا ابراهيم صبر على زوجته سنين واهي عقيم وما تزوج الا لما طلبت منه

يعني اللي ياخذ على مرته واهي سنعه وحبيبه مو مقصره عليه الله يبرد على قلبها وبتشوف حوبتها فيه والله مايرتاح ولا يتهنى والحياه الواقعيه تشهد

بهالشي والله يعتفس الريال ويتحسف على زواجه ويدور رضا زوجته الاولى ومارده لها العشره ما تهون اهي الاولى فرحته وحبيته وام اعياله

واصلا وين البنات ولا الاهل اللي يرضون بالزواج الثاني الحين الحمدلله الناس تطورت وفهمت والمره مو مثل قبل تشتغل ومعاشها عندها ماراح تموت وتضيع لي ما تزوجت وايد بنات ما تزوجوا عايشين حياتهم ولا رضوا يكونون سبب في تعاسه انسانه ويشاركونها بريلها وحتى الاهل ما يرخصون في بنتهم يقطونها
على شريجه ومشاكل والله الحين شباب مثل الورد ويهبلون وحريمهم طالبين الطلاق وعوب وكل ماراحوا خطبوا ما يزوجونهم الناس يقولون لي طلقت تعال
واخطب ما نزوج بنتنا على مره الدنيا دواره

واتمنى من اللي تقول حلال ومو عيب اساليها شنو بتسوين لي زوجج بغى يتزوج عليج وشوفي ردها بتخترعين بس ما تحرق النار الا واطيها
ولازم نحس بالناس عشان الله يسخرلنا اللي يحس فينا ويرحم حالنا جدجد الله يصبر زوجته وكل زوجه اولى مو مقصره ولا تقولين عادي عندها
مافي وحده بالدنيا عادي عندها شنو جماد اهي ماتحس الله يرحم ضعفها

 

[Rinoa]

الزوج الذي لديه اكثر من زوجه

امور حياتهم تختلف عن اي بيت

تفضلي هالنقاط

1- الاحتفاظ بخصوصية كل شي بينج وبينه حتى الاشياء العادية .....حتى لا تصل الى اذن الاخرى وتصير مشكله

2- نسيان الزوج كليه اذا كان ببيت الاخرى .... حتى هي تحترم خصوصيتك بيومك

3-

هذه النقطه بالذات لا يمكن التخطيط لها ...ولكن انا مع العلاقات الطبيعية البعيده عن التصنع والتكلف
4-احترام خصوصية الزوج مع زوجته وعياله وعدم التدخل بامورهم
5-لا تقارني نفسك ببداية الزواج مع القديمه وام العيال ....لانه العشره ما تهون الا على الكافر...... وانتي جديده بقراطيسك
بمعنى اذا شاف اي خطأ مكرر عندج نهايتج تكون سهله لان العشره اقل

فوفو

معاها 100% :eh_s(15):
واضيف كم نقطه لكلامها :-

1 - لا تعادين زوجته او تغارين منها او تعاملينها كإن بينكم تحدي من الافضل
2 - لا تعاملين عياله بحزازات وإنهم عيال الاولى خليج لهم ام ثانيه ولا تلعبين دور مرت الابو
3 - عاملي اهله باخلاقج وحتى اذا غلطوا لا تقولين اهلك سووا واهلك قالوا ترى الاهل عند الزوج اهم من المره

والله يوفقج بحياتج معاه

 

[shak!shoka]

الله يوفقج و يسعدج و يبعد عنكم المشاكل و عوار الراس

 

[مزيوونه حيل]

الله يعين زوجته الاولى ويصبر قلبها
صج الزواج الثاني حلال بس مو فرض ولا حث عليه الدين ولا في حديث او ايه وحده تشجع عليه

واذا نبي نفهم الدين صح الرسول صلى عليه وسلم ما تزوج على السيده خديجه ام اعياله وظل وفي لها حتى بعد موتها وكل زواجته الثانيه كانت لسبب ومصلحه شرعيه مو عشان شهوه ولا زواج والسلام

وسيدنا ابراهيم صبر على زوجته سنين واهي عقيم وما تزوج الا لما طلبت منه

يعني اللي ياخذ على مرته واهي سنعه وحبيبه مو مقصره عليه الله يبرد على قلبها وبتشوف حوبتها فيه والله مايرتاح ولا يتهنى والحياه الواقعيه تشهد

بهالشي والله يعتفس الريال ويتحسف على زواجه ويدور رضا زوجته الاولى ومارده لها العشره ما تهون اهي الاولى فرحته وحبيته وام اعياله

واصلا وين البنات ولا الاهل اللي يرضون بالزواج الثاني الحين الحمدلله الناس تطورت وفهمت والمره مو مثل قبل تشتغل ومعاشها عندها ماراح تموت وتضيع لي ما تزوجت وايد بنات ما تزوجوا عايشين حياتهم ولا رضوا يكونون سبب في تعاسه انسانه ويشاركونها بريلها وحتى الاهل ما يرخصون في بنتهم يقطونها
على شريجه ومشاكل والله الحين شباب مثل الورد ويهبلون وحريمهم طالبين الطلاق وعوب وكل ماراحوا خطبوا ما يزوجونهم الناس يقولون لي طلقت تعال
واخطب ما نزوج بنتنا على مره الدنيا دواره

واتمنى من اللي تقول حلال ومو عيب اساليها شنو بتسوين لي زوجج بغى يتزوج عليج وشوفي ردها بتخترعين بس ما تحرق النار الا واطيها
ولازم نحس بالناس عشان الله يسخرلنا اللي يحس فينا ويرحم حالنا جدجد الله يصبر زوجته وكل زوجه اولى مو مقصره ولا تقولين عادي عندها
مافي وحده بالدنيا عادي عندها شنو جماد اهي ماتحس الله يرحم ضعفها

ما كتبت هالموضوع عشان اخذ مشورتكم او رأيج في موضوع الزوجه الثانيه ..
هذا شرع ومحلل وعطيني بيت مافي متزوجين ثنتين و مرات ثلاث
بعدين اذا انتي ترضين بالعنوسه والطلاق مشكلتج وانصحي فيها بمحيطج .. وأي زوجه يتزوج عليها زوجها مخيره انها تعيش معاه وتحفظ بيته وتثق انه زوجها اختار الحلال ما خانها ولا تعرف على بنات بالحرام وجاب لها امراض .. أو تتركه وترجع لبيت اهلها ..
وعلى قولتج الناس تفتحت ووعت وما ترضى بالشرايج .. وزاد الفساد وزاد الزنا وخراب البيوت وزادت المشاكل .. لو نرجع للدين بأمور بس !
مشكوره للمشاركه :eh_s(7):

 

[منو انت]

ونسيت اقولج عقبال الثالثة

لاحول ولاقوه الا بالله

 

[دلـع آل مـرّه♥]

اذا علاقتج زينه مع اهله وعياله صدقيني بتنجحين في حياتج الزوجيه وبتكسبين رضاه
وموفقه حبيبتي

 

[ملوكة الامورة]

شوفي يااقلبي
الله يوفقك
ومن واااقع تجربة
انتبهي تكرهينة بعيالة
ولاتقولين شي عن مرتة
ولا ان جلستي بمجلس معها تقولين ولاتمدحين زوجك ولا وش سوالك
بتنقلب حياتك الي جحيم
اعرف وحدة الله وكيلك
من يوم مادخلت عليهم قلبت حياتهم
وكرهت الابو بعيالة
والله بلاها واشغلها في نفسها
ياقلبي انا اقولك كذا
مابي تجيك دعاوي من مرتة
فخليك حبوبة وطيوبة
ولاتعلمين احد بلي يصير بينكم
ودايم حطي نفسك مكان زوجتة الاولي
واعذريها اذا غاارت ولاصار وسوت شي
ترا غصب عنهاااااااااااااااا
واهلة بعضهم بيوقف مع الاولي وبعضهم
راعين نقل الكلام والمصلحة بيصادقونك
فانتي نتبهي
ولاتعطين احد سرك منهم
والله يعينك
ولاتقولين لزوجك عن اي سوء فهم او زعل
يصير بينك وبين اهل زوجك
لانة بين انة مايرضى على اهلة

والله يوفقك حبي

 

[مزيوونه حيل]

اذا علاقتج زينه مع اهله وعياله صدقيني بتنجحين في حياتج الزوجيه وبتكسبين رضاه
وموفقه حبيبتي

شاكره مرورج كلامج عدل:eh_s(15):

 

[مزيوونه حيل]

شوفي يااقلبي
الله يوفقك
ومن واااقع تجربة
انتبهي تكرهينة بعيالة
ولاتقولين شي عن مرتة
ولا ان جلستي بمجلس معها تقولين ولاتمدحين زوجك ولا وش سوالك
بتنقلب حياتك الي جحيم
اعرف وحدة الله وكيلك
من يوم مادخلت عليهم قلبت حياتهم
وكرهت الابو بعيالة
والله بلاها واشغلها في نفسها
ياقلبي انا اقولك كذا
مابي تجيك دعاوي من مرتة
فخليك حبوبة وطيوبة
ولاتعلمين احد بلي يصير بينكم
ودايم حطي نفسك مكان زوجتة الاولي
واعذريها اذا غاارت ولاصار وسوت شي
ترا غصب عنهاااااااااااااااا
واهلة بعضهم بيوقف مع الاولي وبعضهم
راعين نقل الكلام والمصلحة بيصادقونك
فانتي نتبهي
ولاتعطين احد سرك منهم
والله يعينك
ولاتقولين لزوجك عن اي سوء فهم او زعل
يصير بينك وبين اهل زوجك
لانة بين انة مايرضى على اهلة

والله يوفقك حبي

الحمدلله مافيني هالطبع ولا احب النكد بس كلامج صح :bbbiu:

 

[رحيل المرافيء]

الله يعين زوجته الاولى ويصبر قلبها
صج الزواج الثاني حلال بس مو فرض ولا حث عليه الدين ولا في حديث او ايه وحده تشجع عليه

واذا نبي نفهم الدين صح الرسول صلى عليه وسلم ما تزوج على السيده خديجه ام اعياله وظل وفي لها حتى بعد موتها وكل زواجته الثانيه كانت لسبب ومصلحه شرعيه مو عشان شهوه ولا زواج والسلام

وسيدنا ابراهيم صبر على زوجته سنين واهي عقيم وما تزوج الا لما طلبت منه

يعني اللي ياخذ على مرته واهي سنعه وحبيبه مو مقصره عليه الله يبرد على قلبها وبتشوف حوبتها فيه والله مايرتاح ولا يتهنى والحياه الواقعيه تشهد

بهالشي والله يعتفس الريال ويتحسف على زواجه ويدور رضا زوجته الاولى ومارده لها العشره ما تهون اهي الاولى فرحته وحبيته وام اعياله

واصلا وين البنات ولا الاهل اللي يرضون بالزواج الثاني الحين الحمدلله الناس تطورت وفهمت والمره مو مثل قبل تشتغل ومعاشها عندها ماراح تموت وتضيع لي ما تزوجت وايد بنات ما تزوجوا عايشين حياتهم ولا رضوا يكونون سبب في تعاسه انسانه ويشاركونها بريلها وحتى الاهل ما يرخصون في بنتهم يقطونها
على شريجه ومشاكل والله الحين شباب مثل الورد ويهبلون وحريمهم طالبين الطلاق وعوب وكل ماراحوا خطبوا ما يزوجونهم الناس يقولون لي طلقت تعال
واخطب ما نزوج بنتنا على مره الدنيا دواره

واتمنى من اللي تقول حلال ومو عيب اساليها شنو بتسوين لي زوجج بغى يتزوج عليج وشوفي ردها بتخترعين بس ما تحرق النار الا واطيها
ولازم نحس بالناس عشان الله يسخرلنا اللي يحس فينا ويرحم حالنا جدجد الله يصبر زوجته وكل زوجه اولى مو مقصره ولا تقولين عادي عندها
مافي وحده بالدنيا عادي عندها شنو جماد اهي ماتحس الله يرحم ضعفها

الاصل في الزواج التعدد والاستثناء واحدة
وبعدين الرسول قال تزوجوا الودود الولود ومرته شايلة رحمها من حقه يتزوج يبي عيال هاا

واذا نبي نفهم الدين صح الرسول صلى عليه وسلم ما تزوج على السيده خديجه ام اعياله وظل وفي لها حتى بعد موتها وكل زواجته الثانيه كانت لسبب ومصلحه شرعيه مو عشان شهوه ولا زواج والسلام

الرسول تزوج صفية بنت حيي كان اسيرة وشافها وعجبته وتزوجها وكانت يهودية بعد
الرسول تزوج لجميع الاغراض
وتزوج كثيرات لانهن اعجبووه لكن ماتحظرني اسماءهم الاان


والزواج الثاني مافيه حوبة حبوبة ليش مافكرتي بحوبة العوانس اللي قاعدين
ببيوتهم يدعون على المتزوجات اللي ماسكين رياييلهم ومايبون يتزوجون عليهم
واذا رادة على الحريم وشور الحريم عزة الله خربت الدنيا

 

[رحيل المرافيء]

انا اقول خلي علاقتج رسمية مع اهله لين تعرفين شنو مايتهم
وروحي بأيام ماتكون زوجته موجودة افضل
وزوجته انصحج لاتشوفينها ولاتتعرفين عليها افضل لج ولها
والعيال بالعكس عامليهم احسن معاملة بس هم ديري بالج ينقلون الحجي لازاروج
ويمكن امهم توصيهم شلابسة شطابخة منو عندها
ولاتتدخلين بالبيت الثاني كلش مالج شغل جنهم مو موجودين ولاتشورين عليه بشي يخصهم
كيفه هو وياهم

 

[غيـ الناس ـر]

بنات شفيكم عالبنت !!
قولو عسى الله يوفقها ويهدي بالها مو تخرعونها وتدعون عليها

الشرع حلل اربع صج الوحده تختر وتنقهر بس بصراحه وضعها جدا عادي يعني مرته شايله رحمها والناس تبي عيال حوالينهم !!

لو انا مكان مرته الاولى ما امانع زواجه

البه يوفقج حبوبه ويرزقج الذريه الصالحه ويهدي لج زوجج ويحبب قلب مرته فيج وتصيرون مثل الخوات


واللي يقول ماكو شرايج مثل الخوات اقولهم في !!

وانا شايفه وساكنين بنفس البيت وعيال الثانيه ينادون الاولى ماما


الله يوفقج ويسعدج وخلج طبيعيه

والحموله الغالبيه الحين خليج بعيده سعيده

القرب يسبب مشاكل للاسف في اغلب الاحيان

 

[مزيوونه حيل]

خلج طبيعيييه وعاشرينهم ومن المعاشره بتعرفيهم وبتعرفين وش اللي عليك

ووش اللي لازم تتعاملين معهم

يعني شغلي مخك وخلك ذكيييييييييييييه وابتعدي عن حياتك الشخصيه قدام مرته الاولى

مشكوووره :eh_s(15):

 

[مزيوونه حيل]

انا اقول خلي علاقتج رسمية مع اهله لين تعرفين شنو مايتهم
وروحي بأيام ماتكون زوجته موجودة افضل
وزوجته انصحج لاتشوفينها ولاتتعرفين عليها افضل لج ولها
والعيال بالعكس عامليهم احسن معاملة بس هم ديري بالج ينقلون الحجي لازاروج
ويمكن امهم توصيهم شلابسة شطابخة منو عندها
ولاتتدخلين بالبيت الثاني كلش مالج شغل جنهم مو موجودين ولاتشورين عليه بشي يخصهم
كيفه هو وياهم

اولا انا اتشرف بدخولج موضوعي وشاكره لج الرد على الأخت هيلو كيتي .. وكلامج باذن الله هو اللي راح يتطبق بس دعواتج لي:eh_s(2):

 

[مزيوونه حيل]

بنات شفيكم عالبنت !!
قولو عسى الله يوفقها ويهدي بالها مو تخرعونها وتدعون عليها

الشرع حلل اربع صج الوحده تختر وتنقهر بس بصراحه وضعها جدا عادي يعني مرته شايله رحمها والناس تبي عيال حوالينهم !!

لو انا مكان مرته الاولى ما امانع زواجه

البه يوفقج حبوبه ويرزقج الذريه الصالحه ويهدي لج زوجج ويحبب قلب مرته فيج وتصيرون مثل الخوات


واللي يقول ماكو شرايج مثل الخوات اقولهم في !!

وانا شايفه وساكنين بنفس البيت وعيال الثانيه ينادون الاولى ماما


الله يوفقج ويسعدج وخلج طبيعيه

والحموله الغالبيه الحين خليج بعيده سعيده

القرب يسبب مشاكل للاسف في اغلب الاحيان

شااكره لج مروورج وكلامج صح بعض الحمولات البعد عنهم ابرك ,, وبالنسبه لردود بعض البنات عادي تأقلمت معاه بالحياة اليوميه لا يهمج مشكووره :eh_s(2):