اللي عنــدها شريجه تدخل تفيدني

[مزيوونه حيل]

ولله الحمد تزوجت رجل تتمناه أي بنت ..

لكن متزوج وله ولدين .. عمره مناسب ظروفه مناسبه مقتدر ماديا وملتزم الحمدلله

أنا للحين ما رحت له ولا سوينه حفله ولا شئ وان شاء الله بعد العيد راح اروح بيتي, اللي هو لي بروحي وبعيد عن اهله.

المشكله اللي افكر وأحاتيها وأبي نصيحتكم فيها .. شلون بتكون علاقتي مع أهله؟؟ :eh_s(4):.. أتم بعيده ورسميه ولا ميانه وأصادق خواته؟

واذا صادفت زوجته شلون؟؟ افتح بيتي حق عياله وأرحب فيهم ولا اخلي شوفتي عزيزه واحترمهم من بعيد لبعيد؟

انا اخترته باقتناع وهو اختارني باقتناع وقايل لي انا ابيج تحترمين أهلي ومابي كلام وقيل وقال ومحذرني اذا اشتكيت له عن امه ولا اهله شئ يا ويلي .. وبصراحه كلمته مخوفتني ابي أبدا معاه صح وبدون أغلاط :eh_s(22):

 

[أم توتو]

خليج على طبيعتج احسن واعتبري انج بين اهلج وحبايبج بالبدايه كل شي صعب بس مع الوقت بتتعودين وانتي و اسلوبج وطريقه تعاملج مع الناس عسى ربي يوفقج

 

[cat^q8]

اسلوبج راح يتحدد حسب طبعهم

من اول الفترة راح تعرفين اهمه شنو يبون

يبونج قريبة ولا يبونج بعيدة

بالبداية خلج رسمية وشووفي شنو مايتهم

وبخصوص عياله طبعا تفتحين بيتج لهم وتصيرين خالتهم وتعاملينهم مثل عيالج

علشان عيالج ان شالله تعاملهم زوجة ابوهم كانهم عيالها


وزوجته خلج السلام وعليكم السلام دررررررءا للمشاكل

و لا تنقلين له ابدا كلام امك قالت وامك سوت دييييري بالج

 

[مزيوونه حيل]

خليج على طبيعتج احسن واعتبري انج بين اهلج وحبايبج بالبدايه كل شي صعب بس مع الوقت بتتعودين وانتي و اسلوبج وطريقه تعاملج مع الناس عسى ربي يوفقج

انا الحمدلله بالي طويل وفيني طيبه بس مو عارفه اذا بيتقبلوني ولا لا هذا اللي معقدني :eh_s(2):
مشكوره ام توتو:eh_s(2):

 

[مزيوونه حيل]

اسلوبج راح يتحدد حسب طبعهم

من اول الفترة راح تعرفين اهمه شنو يبون

يبونج قريبة ولا يبونج بعيدة

بالبداية خلج رسمية وشووفي شنو مايتهم

وبخصوص عياله طبعا تفتحين بيتج لهم وتصيرين خالتهم وتعاملينهم مثل عيالج

علشان عيالج ان شالله تعاملهم زوجة ابوهم كانهم عيالها


وزوجته خلج السلام وعليكم السلام دررررررءا للمشاكل

و لا تنقلين له ابدا كلام امك قالت وامك سوت دييييري بالج

ميرسي كلامج عين العقل

 

[محتارة وبصيح]

خلي الشريجة صديقتج وتساعدوا مع بعض

 

[فوفو22]

الزوج الذي لديه اكثر من زوجه

امور حياتهم تختلف عن اي بيت

تفضلي هالنقاط

1- الاحتفاظ بخصوصية كل شي بينج وبينه حتى الاشياء العادية .....حتى لا تصل الى اذن الاخرى وتصير مشكله

2- نسيان الزوج كليه اذا كان ببيت الاخرى .... حتى هي تحترم خصوصيتك بيومك

3-

أتم بعيده ورسميه ولا ميانه وأصادق خواته؟

هذه النقطه بالذات لا يمكن التخطيط لها ...ولكن انا مع العلاقات الطبيعية البعيده عن التصنع والتكلف
4-احترام خصوصية الزوج مع زوجته وعياله وعدم التدخل بامورهم
5-لا تقارني نفسك ببداية الزواج مع القديمه وام العيال ....لانه العشره ما تهون الا على الكافر...... وانتي جديده بقراطيسك
بمعنى اذا شاف اي خطأ مكرر عندج نهايتج تكون سهله لان العشره اقل

فوفو

 

[هــنــوف]

حبيبتي الله يوفقج ويهنيج انشالله

بالنسبه لعياله اكيد افتحي بيتج لهم واكسبيهم هذول عيال زوجج واخوان عيالج انشالله ماله داعي تخلين بينكم حواجز علشان هالشي لايتمادا مع عيالج ويصيرون مثل بعض الناس الحين اعوذ بالله اخوان لكن عدوان
وبالنسبه لأهله حبيبتي خلج رسميه روحتج لهم حفيفه وقعدتج خفيفه خلج رسميه لاتفتحين مجاااال بينج وبينهم غير السوالف العاديه واذا افتحو قدامج طاري زوجته سكتيهم لاتخلينهم يكملووون واسكتي هذا معناته يسولفون عنج جدامها بعد لكن انتي مالج شغل بس لاتخلينهم يسولفون بهالسوالف قدامج



وبالنسبه عن اذا شفتيهتا
انا اقول لو تخلين دخلتج انتي عليها يعني تدخلين واهي قاعده مو تخلينها صدفه اهي تدخل وانتي موجوده راح تتوهقين تقومين تسلمين او لا ف خلي دخلتج انتي عليها وبعدها تقررين اذا قامت سلمت معناته بينكم سلام واذا ماقامت خلاااص المره مصكره الباب بينج وبينها

 

[classicyah]

لآ تطرين زوجته بالشينه أبد أبد

و عينيه على العدل ،

و لآ تتفآخرين اذآ بين لج حبه جدآم النآس ، احترمي مشآعر زوجته الأولى ، !

العيآل مآلهم ذنب ، عآملينهم مثل أبنآئج و أكثرْ . . .

زوجته ، حآولي انج اتصآدقينهآ ، قد تكون لج أخت لم تلدهآ أمج . .

و اذآ شفتيهآ شريهْ و رآعية مشآكل ، ابتعديْ أحسنْ ، و خلج رسميه ويآهآ ،

بس بالأعيآد ، عيدي عليهآ و هنيهآ ،

اعرف وآيد حريم يتبعون هالأسلوب . .

،

الله يوفقج و يهينجْ . .

 

[om MaRyooM]

اذا تبين تبدي صح الصح يقول خلج رسمية مع الكل واللي يبيج حياه الله في بيتج واللي تحسين في من صوبه مشاكل او نغزات سدي الباب واستريحي

وخلي همج زوجج وبس .. وان كان على خواته يبين مع الايام اذا اهما يبونج ويبون يصادقونج ولا يفضلون الابتعاد

 

[Sympathique]

ان شالله يتزوج عليج يارب..ويحترق قلبج مثل ماحرقتي قلبها...

 

[منو انت]

بقولج نصيحه باختصار اقل شي عن خيرج لا يشوفون شرج يعني اقول احسن شي بالبدايه خلج رسميه ليش تكونين من البدايه ميانه معاهم لا انا افضل بالبدايه تكونين حبوبه بس اكثر شي عند اهله اذا تروحين لهم مره بالاسبوع او مرتين ساكته وياليت قعدتج ماتكون اكثر من ساعتين يعني ساعه او ساعه ونص وشوي شوي راح تبدا تكونين معاهم ميانه بس هالشي خل يصير بعد وقت بعد ماتعرفين شخصيتهم عدل طبعا هالكلام عن امه وخواته بس هذا مايمنع ان احترامهم شي اساسي شنو ماكانت طبيعتهم واخلاقهم لان انتي زوجه ثانيه يعني وضعج مايتحمل ان امه تسبج ومرته الاولي تسبج حزتها حياتج تكون على كف عفريت اهم شي اهتمي بزوجج وبشقتج وخل تكون حياتج معاه بعيده عن الكل ودايم الزوجه الثانيه مطلوب منها جهد اكثر من ناحيه الاهتمام والدلع والترحيب والكلام الحلو بالزوج لان يكون مر علييه كل شي بس من وقت وعلشان جذي يبي يعيش ويجدد حياته


اخر شي خل يحبج اذا حبج كل شي علشانج يهون ويصير

 

[منو انت]

ان شالله يتزوج عليج يارب..ويحترق قلبج مثل ماحرقتي قلبها...

الله يهديج شنو هالكلام يعني لو ماتزوجها راح يتزوج غيرهاا والناس ظروف ماتدرين شنو ظروفهاا مالج حق تدعين عليها

 

[Sympathique]

الله يهديج شنو هالكلام يعني لو ماتزوجها راح يتزوج غيرهاا والناس ظروف ماتدرين شنو ظروفهاا مالج حق تدعين عليها

عادي..اللي تقبل تكون الثانية..يعني تتقبل التعدد..

 

[فرحه عمر]

ياقلبي انا مالي خبره بالهسالفه

بس اذا قصدج علاقتج باهله خليج عاديه ولسانج حلو معاهم اهم شي ..
وسالفه الرسميه كل وحده لها تفسير لهالكلمه وسالفه القبول ترى من الله واللي تقدرين عليه سويه لا تغصبين روحج ولا تضغطين على نفسك عشان تكسبين رضاهم لانه مهما كان مو كل الناس تذكر الطيب
والشي اللي تقدرين عليه ومن طبعج سويه يعني اذا طبعج تحبين تهادين هدايا ومن نفسج سوي مو تنكتين عليهم هدايا وفجأه تملين وتنقطعين بيتشرهون ... وسالفه الحلو مو بكل زياره لازم داشه بحلو وبعدين فجأه داشه ايد ورا وايد جدام

وزوجه الاولى افضل انج ماتتواجدين واهي موجوده تحاشيها اول الشهور مهما كان المره لازال في قلبها شي من زوجها مو منج يعني اذا كانت زايره اهلها انتي زوريهم لانكم مو في بيت واحد .. واذا اضطرت الظروف عادي لابد من السلام وكلن يسوي باصله اذا صدت كيفها واذا سلمت هم بعد بكيفها
واللي تقولج طقي صحبه وياها ترى ماتصير الا بنسبه 10% لا تقطين روحج عليها الا اذا تأكدتي انه الزوجته طبعها اصيل وعاقله وقلبها نظيف
ولاتنسين عياله بيصيرون خوان عيالج واكسبيهم بالطيب ويظلون صغار مالهم ذنب
ولو اني متخوفه مثلج من سالفه لاتتشكين من امي ولا ياويلج لانه اكيد وراها سالفه .. يمكن مأذين زوجته الاولى وتشتكيله ....ويمكن تتبلى عليهم وصدعت راسه
نصيييييييييييحه لا تسوي اي خطوه وخصوصا العلاقات الاجتماعيه وانتي بانيتها على احتمالات وكلام انتي جربيها وبتعرفين
يعني اللي تقولج فلانه قشره وجذابه ماراح تعرفين لين تعاشرينها صح!!

والله يوفقج ويكتب اللي فيه الخير

 

[فرحه عمر]

ان شالله يتزوج عليج يارب..ويحترق قلبج مثل ماحرقتي قلبها...

حبيبتي ليش مركبه البنت الغلط؟؟........ الريال اهو اللي ياي وخاطبها وخطبه رسميه

مو الافضل تدعين عليه اهو!!
مو اهو اللي حرق قلب مرته؟؟ لانه ماخطبها الا ومفكر يتزوج على مرته
ويمكن مافكر يتزوج عليها الا عشان الاولى حارقه قلبه !!

انا اقول يمكن ويمكن ويمكن ما اكدت بس ياريت تكبرون عقولكم بعض الحريم ماتتسنع الا اذا تزوج عليها ثانيه ولاحظو قلت بعض

 

[مزيوونه حيل]

خلي الشريجة صديقتج وتساعدوا مع بعض

مشكورة عالمشاكره لكن استبعد هالفكره الحين

 

[مزيوونه حيل]

خلي الشريجة صديقتج وتساعدوا مع بعض

الزوج الذي لديه اكثر من زوجه

امور حياتهم تختلف عن اي بيت

تفضلي هالنقاط

1- الاحتفاظ بخصوصية كل شي بينج وبينه حتى الاشياء العادية .....حتى لا تصل الى اذن الاخرى وتصير مشكله

2- نسيان الزوج كليه اذا كان ببيت الاخرى .... حتى هي تحترم خصوصيتك بيومك

3-

هذه النقطه بالذات لا يمكن التخطيط لها ...ولكن انا مع العلاقات الطبيعية البعيده عن التصنع والتكلف
4-احترام خصوصية الزوج مع زوجته وعياله وعدم التدخل بامورهم
5-لا تقارني نفسك ببداية الزواج مع القديمه وام العيال ....لانه العشره ما تهون الا على الكافر...... وانتي جديده بقراطيسك
بمعنى اذا شاف اي خطأ مكرر عندج نهايتج تكون سهله لان العشره اقل

فوفو

فوفو كلامج حفظته عندي لأنه درر أخااف انساااه هههههه مشكووووره :eh_s(22):

 

[مزيوونه حيل]

حبيبتي الله يوفقج ويهنيج انشالله

بالنسبه لعياله اكيد افتحي بيتج لهم واكسبيهم هذول عيال زوجج واخوان عيالج انشالله ماله داعي تخلين بينكم حواجز علشان هالشي لايتمادا مع عيالج ويصيرون مثل بعض الناس الحين اعوذ بالله اخوان لكن عدوان
وبالنسبه لأهله حبيبتي خلج رسميه روحتج لهم حفيفه وقعدتج خفيفه خلج رسميه لاتفتحين مجاااال بينج وبينهم غير السوالف العاديه واذا افتحو قدامج طاري زوجته سكتيهم لاتخلينهم يكملووون واسكتي هذا معناته يسولفون عنج جدامها بعد لكن انتي مالج شغل بس لاتخلينهم يسولفون بهالسوالف قدامج



وبالنسبه عن اذا شفتيهتا
انا اقول لو تخلين دخلتج انتي عليها يعني تدخلين واهي قاعده مو تخلينها صدفه اهي تدخل وانتي موجوده راح تتوهقين تقومين تسلمين او لا ف خلي دخلتج انتي عليها وبعدها تقررين اذا قامت سلمت معناته بينكم سلام واذا ماقامت خلاااص المره مصكره الباب بينج وبينها

نبهتيني على نقطة اللقااء وشلون اعرف اذا في مجال للسلام بيني وبينها ولا لأ ميـــرسي اوي كلامج درر:ggdw:

 

[مزيوونه حيل]

لآ تطرين زوجته بالشينه أبد أبد

و عينيه على العدل ،

و لآ تتفآخرين اذآ بين لج حبه جدآم النآس ، احترمي مشآعر زوجته الأولى ، !

العيآل مآلهم ذنب ، عآملينهم مثل أبنآئج و أكثرْ . . .

زوجته ، حآولي انج اتصآدقينهآ ، قد تكون لج أخت لم تلدهآ أمج . .

و اذآ شفتيهآ شريهْ و رآعية مشآكل ، ابتعديْ أحسنْ ، و خلج رسميه ويآهآ ،

بس بالأعيآد ، عيدي عليهآ و هنيهآ ،

اعرف وآيد حريم يتبعون هالأسلوب . .

،

الله يوفقج و يهينجْ . .

مشكوووره :eh_s(22):