شهالأخوان استغفر الله !! بصراحه ما يشرفوني !!

[كلي أنوثة]

حاولي تغيرينهم ابدي من اخوانج الصغار علميهم النظافة ولا تخلينهم يقولون كلام وصخ اليهال مقدور عليهم حاولي تكسبينهم و تسنعينهم هذيلا اخوانج بعد مانقدر نقول قاطعيهم حرام

 

[عويتقة]

الله يهديهم ويهدي امهم يارب حبيبتي مالك غير انك تكسبين حسنة فيهم وحاولي تعلميهم النضافة واللباقة يعني علميهم انتي ما دام انو امهم مابتعرف فأنتي قومي هادي المهمة والله بتاخدين اجر لأنو احنا مسلمين والرسول عليه الصلاة والسلام وصى بالنضافة ووصى بالمعاملة الزينة انتي عامليهم كويس وعلميهم والله يهدي النفوس

 

[توت1]

هههههههههه والله اسلوبج يضحك اهم شي قلتي اللي بقلبج وارتحتى

حبيبتى ما عليه توهم صغار يكبرون ويعقلون
بالقرن اللي عايشيه في ناس جذي!!

الله يكون بعونج هذول لو عندنا امى من زماااااااااااان ترميهم برا كل شي ولا الوسخ

امرج لله قولي للخدامه تنظف بيتهم
اما نظافتهم الشخصيه كلميهم
يمكن يحسون بما انهم صغار خوذيهم بصفج

 

[classicyah]

تدرين الغلط كله على منو ؟

على أبوجْ للاسف . .

،

تدرين أنآ يدي ، الي هو أبو أميْ . .

عقب مآ اتوفت امهآ ، اتزوج ، و امي و اخوهآ سكنوآ ويآهآ بنفس البيت ،

و يآبت لهم اشكثر اخوآن ،

و الله عمرهم مآ قآلوآ هالسوآلف ،

يحبوونهم و لآ يقولون هآذين من أم ثآنيه !

أبوهم علمهم ، انه مآ فيه فرق و كلكم نفس الشيْ . .

و علم زوجته كيف اتحب أمي و خـآلي ،

و علمهآ كيف اتربي عيآلهآ عدلْ ،

و علمهآ وآيد أشيـآء ،

و عقب مآ اتوفى يديْ ،

مآ اتغير شيْ ،

للحيـن و يـآ بعض ، و مآ يقولون هآذين اخوآني من أبوي و مآ انحبهم و أمهم مآ أدري شو فيهآ !

و للحينْ يزورون مرت أبوهم ، و يحبونهآ على رآسهآ ،

و يحترمونهآ و مآ يرضون على أي حد يقول عنهآ كلمه ،

،

للأسف ، أبوج غلطآن !

 

[miss mama]

والله حتى انتي شكلج موو هينه اسلوبج قووووي حسيتج تصارخين وانتي تكتبين لوووووووووول. هدي بالج اخوانج سن مراهقه وطبيعي تشوفين حالهم متضارب باجر يتعدلووون.

 

[Vdieta]

الله يعينج حبيبتي بس مهمآ كآن لازمـ
تعلمينهمـ الصح من الغلطـ وتتقربين
منهمـ اذا الامـ اللهم يكافي يمكن انتي
تكونين احسن لهم ويحبونج
حآسه بشعورج

 

[~.ąvȍƈaȚ.~]

اللي واقفين ضدها سوري بس ما عندهم سالفه

مبين انها كانت خاشه بقلبها و انفجرت

بصراحه ما تنلام...لا تربية لا نظافه لا لباقه لا اسلوب

انا اخوي اذا سوى حركه و الا تصرف غلط اتفشل و أنبهه !!
انا عندي اخت صغيره من ابوي و اعاملها نفس الشي اذا شفت شي غلط اعدله فيها

و انتوا ليش ما تقرون الموضوع عدل ؟!

تقولج اختها اصغر منها داشه عليها الدار و سابتها و قاطه عليها كلمه شكبرها وين قاعدين !!! :\ !!

و الله يعينج صج فشله مو حلوه باجر جدام ريلج و الا حمولتج يتصرفون جذي قصة ويه !!

الله يصلح حالهم و يعقلهم

بس حقرييهم و لا جنهم موجودين الله يعينج

 

[كل شيء عادي]

حبيبتي أولا انتي ماتحبينهم
لو كنتي تحبينهم كان قلتي هذولي مساكين امهم ماعلمتهم وحاولتي أنتي تعلمينهم بطريقه غير مباشره
بس الظاهر الكره والحقد مالي قلبك أتعوذي من أبليس هذولي أخوانك رضيتي اولا
ومن واجبك إنك تحاولين تساعدينهم لأنهم مساكين مايعرفون وأمهم ماعلمتهم
وأنا أعرف كثييييييييييييير كانوا في المراهقه مايعرفون أساسيات النظافه ولايعرفون يلبسون الله يسامح أهاليهم ماعلموهم
بس بعدين تعدلو
حاولي تتقربين منهم وتبينين حبك لهم بالهدايا والكلام الطيب
وحاولي تتقربين أكثر شي من أكبرهم
أخذيهم معاك السوق تمشي أنتي وياهم وإذا شفتي شي وعجبك أشتريلك منه وأشتري لأخوانك نفسه
وخلي أخواتك البنات ينامون معاك بنفس الغرفه عشان يتعلمون منك اشلون يهتمون بنفسهم
ومع الوقت راح يتعدلون بس أنتي حبيهم ومثل ماشفتي عيوبهم شوفي بعد حسناتهم كل شخص فيه الزين والشين
ونصيحه أخت محبه غيري من نفسك وصلحي عيوبك وبعدين حاولي تصلحين عيوب اخوانك

 

[نور مغليها]

اختي لا تزعلين من كلامي بس انتي حشيتي فيهم وشبعتي !! ...
مو عاجبج اسلوبهم وكلامهم وسخ لا تقعديين ويآهم ولا تخلينهم يجون عندج
خلي العلاقه بينكم سلام ولآ كل هالكلآمـ

 

[سكره مالحه]

عيب عليج
ماكو مسبه وكلمه واطيه ماذكرتيها عنهم
اذا اخوانج من لحمج ودمج كل هالالفاظ قلتيها عنهم باجى الناس شخليتى لهم
ومهما كانوا يسوون
تراا هذول ينقال عنهم اخوانج وعزوتج
واحنا بشهر فضيل ......المفروض تنتقين الفاظ سنعه ومادبه
وما تحشين باهلج

 

[ن ت ا ل]

باااااااااااااااين من اللي مستواااه نفس وجهه !!! انتي ماتستحين اللي قاعده تحشين فيهم وهم سندج ورجالج !!!ولحمج ودمج بدال ماتتطنزين عليهم علميهم ولج اجر من وراهم لان باين عليهم وامهم بعد غلابه وعلي قد حالهم وانتوا اللي شايفين نفسكم ومتكبرين علي شنو انتي بجذي ننننننننننننقدتي الاوااااادم عليكم مستوااااج صراحه ؟؟؟ نفس نكج سبحاااان الله

 

[النجاح هدفي]

الله يهديج

لا تحرين نفسج عطيهم طااف

 

[بنت عطا]

بدون زعل انتي بعد اسلوبج وصخ ولو انج محترمه يمكن احترموج بس يبين قلبج اسود عليهم

ليش هالتهجم عليهم ليش ماتنصحينهم ليش ماتهدينهم هدايا ليش وليش وليش ليش هالسب اعوذبالله تقولين اخوانج وبيت واحد ليش ماتتقربين لهم ليش ماتساعدينهم يتنظفون وامهم عيب تسبينها كل هالسب عيب عليج وين قاعدين تقولين احنا وانل وامي وانتي اسلوبج بعد زفت

 

[+QUEENA+]

اختي العزيزة. .. بصراحة وانا اقرأ موضوعِك شعرت تجاهك ِ بنفس مشاعرك تجاههم تماماً ،،!
تعلمين لماذا ..؟


من الالفاظ اللتي وصفتي بها اخوتِك

قذرين . وصخين . زبالة . زبوط النقعه . هلاقة . زفت!! تفشل . مزبلة . متحجر





كوني صريحة معك نفسك انتِ ايضاً لا تمانعين ان تكوني مثلهم ..


انتِ لاترغبين بوجودهم اساساً وهذا ماقرأته من خلف الكلام .. والسلام

جزاج الله خير حبيبتي وعلى فكره الألفاظ إلي وصفتهم فيها على قولتج مجرد تعبير لأن مأكو ألفاظ أحسن توصف إلي أنا شايفته وعايشه فيه
ومن قالج حبيبتي أني ما أمانع أصير مثلهم ؟؟ أهم يتلفظون بالفاظ أكبر من جذي وحتى السب واللعن جنه علج بحلجهم !

اسم الله علي

ولو مابي وجودهم أساسا جان ما صبرت عليهم قبل وأمشي لهم وأطوف سؤالف أمهم بس للصبر حدود

وشكرا حبوبه

صراحه مادري شلون تتحجين عن اخوانج جذي .؟

هذول اخوانج المفروض ما تتحجين عنهم جذي
وانا اعتقد كل هالحجي لانهم من ابوج لو من امج ما قلتي هالكلام
جان حتي لو فيهم عيوب غطيتي

صراحه هذا راي

بمناسبه انج "تعتقدين" أن هالحجي لأنهم من أبوي مو من أمي خل أقولج شغله !

أول شي أنا ما عندي سؤالف من أمي ولا من أبوي
يشهد الله أني كنت أقول وجدام أمي أن كل إخواني سواء من أبوي ولا أمي نفس المعزه والحب بقلبي والدليل أن أكبر وحده فيهم إهي أقرب وحده لي وكل أسراري أقولها !! كا ما قلت والله من أبوي مابي أقولها شي !!!!
ثانيا وأنا هني اطرح مشكلتي وأقولها بكل وضوح ماله داعي أني أغطي عيوب !!!

ويسلمووو حبوبه وأنا احترم رايج

والله حبيبتي المشكلة فيج مو فيهم


الظاهر الكره والحقد مالي قلبج على اخوانج .. كل الكره بقلبج اجل تقولين مادري شلون عيالي بيصيرون هذول خوالهم وانتي توج ما تزوجتي يااالله مشكلتج صعبة حيل .. صفي قلبج ياعمري هذول خوانج وحتى لو ماكانوا خوانج المفردات اللي قلتيها ما تنقال

لو حاطه مشكلة صج ممكن نقدر نحلها بس انتي مشكلتج انج تكرهين خوانج وتتحججين بوصاختهم

على فكره قلبي ما يعرف الكره والحقد !!
وأنتي ما دشيتي قلبي عشان تقولين هالكلام أوكي ؤمو من حقج تقولين لي جذي وتتهميني بهالاتهام !!
وبعدين ما تقولين لي هالمفردات ما تنقال إذا قطيت كلام فإنا أقصد الوضع إلي أهم فيه ولسانهم الزفر مو عنهم أهم شخصيا!!
وبعدين شنو أصفي قلبي ما أصفي قلبي وعلى أي أساس تقولين أني اتحجج بوصاختهم ؟؟ عايشه معانا إنتي ؟؟؟
وتقولين لي مشكلتج صعبه حيل وبعدين تقولين لي أني مو حاطه مشكله ؟؟
وإذا مو عاجبج موضوعي ليش رديتي ؟؟!!

حبيبتي يا السنع كله

اول علامات السنع يا شاطره

محد يعذرب باهله بالمنتدى وخاصة بالتربية

والحل عندي

علميهم الذرابه والسنع والحجي الحلو

هذولا اخوانج وببيت واحد

فوفو

" أم إلسنع والسنع يا شاطره " ؟

جنج تستهزأين عدل ؟؟

أول شي هالقسم الكل فيه يقول مشاكله سواء بيت ولا خارج البيت ولا مشاكل نفسيه !!
عيل ليش اسمه مشاكل اجتماعيه عشان نحط أخبار فنانين وصور مسلسلات ؟؟

وبعدين شعلمهم وشخلي ؟؟ إذا أمهم بكبرها ما تعلمهم !!!!



عالعموم مشكوره عالمرور





والي ردو علي وردهم يطيب الخاطر تسلمؤون فديتكم على رأسي والله :***

 

[بنوتة كول]

احم احم تقريبا نفس الحال لكن لبسهم نظيف ولسانهم وصخ ماكو فكة للابد

 

[كويتيه مذهله 87]

هدي اعصابج ما ادري وين مشكلتج بالضبط قاعده تفضفضييين وبس انزين اذا علي الاسلوب لا ام ولا ابو اكيد اسلوبهم جذي وهما فتره مراهقه باجر يكبرون يوعرفون الي سوه غلط

 

[M!Ss Un!VerSe]

انا مع البنات اللي يقولون ان انتي تقولين جذي عشان اهمه عيال مرت ابوج..

ولو اخواانج انتي من امج وابوج سووها جان مااتشكيتي

بس واضح الحقد عليهم من ورا كلامج..

وانا لاحظت اللي وقفوا معاج عندهم اخوان من ابوهم ويشاركونج نفس التفكير..


... صفي نيتج وحاسبي نفسج وراجعيها وسألي نفسج اذا كنتي صج جذي تفكرين لأنهم فقط عيال مرت ابوج
وان لو اخوانج ما اتشكيتي وان انتي يوم كنتي صغيره ماكنتي ملاك نازل من السما وسويتي نفسهم

انتي اختهم علميهم نبهيهم واذا مانفع كلمي ابووج او امهم..

..

انا عندي اخوان من ابوي.. ويوم كنت صغيرة عشت اللي عشتيه مع ان صج اهم كانوا مو زينين

بس لمن كبرت وتغيروا وحبونا صرت انظرلهم مرات بحب ومرات بكره لمن اتذكر للماضي وفعايلهم..


تذكري الظفر ماينشلع من لحمه .. وحاولي تعدلين فيهم الانسان مو من اول مره يتعلم مع الوقت يتعودون
وكثر الدق يفج اللحام.،

*

 

[هــــــواويـــه]

والله بدال الويع وويع اللي من بداية الموضوع تكتبينها سنعيهم
علميهم الذرابه حاولي تاخذين وتعطين معاهم واكيد فيه نتيجه
بس واضح انج من البدايه ماتبينهم

 

[TIC TOK]

بس يكبرون راح تنسين


بعدين حبوبه انا عندي خوان من ابو والله ماقدر اقول كلمه من اللي قلتيها قوي كلامج بصراحه

انا بقولج شغله


انا عمي من 20 سنه تزوج على مرته وعمتي اخت ابوي كانت رافضه

بس تزوج عمي وجاب العيال قالت ياربي لك لحمد على هالعيال الاخو البارين يهبلوووووووووووووون مع انه امهم نسره
وماكو اسلوب ووايد اشيا بس سبحان الله عيال عمي من مرته الثانيه فيهم ادب وتربيه واخلاق سبحان الله


يمكن يصير معاج جذي


بس يكبرون تنسين صدقيني

 

[أم عزيز2]

الله يعين