ياناس والله تعبت من مرت حماي

[أم^تركي]

والله اخذ سلطة واقطها بوجها واتفل بعينها تخسي اوكلها ---- شنو لاقيتج هاذي والله لو انا العن خيرها الخير اخليها تمشي وتطالع وراها تولي وااااااااااااااي هديني امسح فيها القاع
لو من اول مره رديتي عليها جان ما تحرشت بس ساكته عنها

 

[om MaRyooM]

قوليلها اذا موعاجبج حبيبتي لاتاكلين

الا انا مسويته لخالتي

وابتسمي




اذا تميتي ساكته مارح تخليج بحالج هالانسانة

 

[Rinoa]

جان رديتي عليها وقلتي لها وع نعمة الله ؟ صج ما عندج سالفه :eh_s(14):
لا تسمحين لها تكلمج جذي, وتعمدي إذا سويتي سلطات تحطين بإطباق سلطه صغار
لج ولخالتج ولزوجج بس لا تحطين لها شي واذا سألت ليش قولي لها ما أشوف شي من
اللي اسويه يعجبج الحين متي على اكلاتي ؟ والله هالنوع ما ينفع معاهم الصبر على الاذى :eh_s(4):

الناس يم الطاعه وهي يم التنقد قولي ( حسبي الله لا إله إلا هو عليه توكلت وهو رب العرش العظيم )
سبع مرات بعد صلاة الفجر وسبع مرات بعد صلاة المغرب وربي حبيبي بيكفيج اللي همج بالدنيا والله يكفيج شرها.. ​

 

[قوس فرح]

الله يعينها على ما ابتلاها واضح انها تغار منك حيل

اذا سوت حركة قرعا طالعيها بابتسامه عريضة و قولي لها مين اللي طلب رأيك ؟

كيف بتقدرين تبتسمين و هي غاثتك تذكر ي انها غيرانه و غيرانه جدا جدا و انك افضل منها و اجمل و اكثر اسلوب و هي ما قالت كذا الا لانها ما عادت قادرة تتحمل انك افضل منها فتذكري هالشيء و ابتسمي و كل ما عطتك تعليق سلبي معناها انها للآن تشوفك شي كبير صعب توصله فما قدامها الا تستفزه .. تذكري الاجابة ... مين طلب رأيك

 

[أحلى البشر]

ويع حقيره وهيلقيه وغيوره الحمدلله والشكر

لي علقت قوليلها وانتي بس تعلقين حشا معلق رياضي
وقوليلها الرسول قال لاتذمون الاكل اذا عجبج اكلي والا سكتي

 

[الزيـــــ^^ـــــن]

وووقحه صرآآآآحه ....والله صدقيييني من الحره تقول جذي

لاتسكتييين ردي عليييها وزفيها علشان تتأدب هالاشكال مومال إحترآآآم كلللش

 

[كل شيء عادي]

حبيبتي احنا برمضان اسفهيها تكسبين اجر
وبعدين هذي قليلة ادب لو فرضا إن اكلك مو حلو من الادب والذوق إنها تقولك تسلمين

 

[~ كرز ~]

اذا عيبت علا شي علا طول قولي حق الكل شرايكم باكلي اليوم و اذا مدحوه قولي عيل شفيها فلانة كل ما طبخت شي قالت مو حلو عشان تستحي و تتفشل جدام الكل و ما تعيدها

 

[pusy cat]

اسفهيها ولا تفتحين مواضيع معاها ولا تاخذين رايها باي شي

واذا كلمتج سوي روحج ماسمعتيها وكلمي اللي جمبج

 

[بنات حواء2]

انا مو مع البنات الي يقولولج ردي عليها
اولا واضح انها ياهل من كلامها و تصرفاتها
انتي كبري عقلج ليش تنزلين نفسج لهلاشكال
هي واضح انها تبي تستفزج و هذا هدفها
ليش تعورين راسج وياها و تعطينها مرادها
بس اذا حسيتي انج بتنفجرين منها ردي عليها بعيونج
بعض المرات كلام العين معبر و يجرح ويوصل قبل للسان
نظره منج وصدقيني بتين
و لا راح تقدر تتبلى عليج و لا راح تقدر تقول شي
تدرين ليش
لانه نظره
بس اذا قلتي لها شي بتهول الدنيا و بتقول قالت و تقصد و ماتقصد و واضح انها هذا الشي الي تبي
فانا رايي نظره تسكتها و تجعمها جعمه وحده

 

[مفلوقه بقدر]

ياحبيبتي مايستاهل تدمع عيونج عشان وحده لاتودي ولاتييب
طوفيها هالمره واذا تمادت لاوالله لاتسكتين لها ردي عليها
قولي لها والله انا ماسويته عشان اخذ رايج اهم شي راي خالتي وزوجي هاه ياخاله وش رايك ان شاء الله اعجبك :*.. والا سويت هالاكله خصيصا لخالتي ويكفي انها تموت عليهااا..

حسيت انها من الحريم اللي يغارون.. ممكن لانها ماتعرف او زوجها مدح طبخج قدامها..

 

[.: زقرتية :.]

غيييييرااااانة شي واضح مايبيله كلام





بس قوليلها ماعاب رسول الله صلى الله عليه و سلم طعاما قط إن اشتهاه أكله و إلا تركه

ردي عليها بالحديث بصوت عالي جدام الكل


او قوليلها حبيبتي هذي نعمة اذا مو عاجبتج في غيرج راح ياكلها


اهي شافتج ساكتة و خايفة فتجرأت عليج


و لا تضيق خلقج اهي انسانة غير محترمة اصلا

 

[حكاية شهرزاد]

وامس سويت سلطة الناشوز و كلت قفشه جان تقول وع
انا من غبائي دمعة عيني جدامها لانها اجرحتني


دعي عليها
وعليج معاها بطريقه ثانيه واهيا السكوت واللامبالاة والضحك لانه هذا بيذبحها اكثر من العداوة

 

[مخلصة للاسلام]

اه حريتيني الله يسامحهاا يارب ويهديها ولا يورينا هل اشكال يااارب


اهم شي عطيها نظرة وقولي للي جمبج شرايكم فيهااا اكيد بيقولون حلوة واسكتي بعدين وعطيها طاف

واذا علقت مرة ثانية قولي يالله خلنا نشوفج تسوين نفسها اذا مو عاجبتج بس احسن تسفهينهااا صج بتحترين بس الله يعينج ياارب ويسخرلج زوجج وعيالج ويبعد عنج كل شر وكل من يغثج يااااااارب

 

[White Musk]

انا صار معاي نفس الموقف بس التعليق كان دايما على اي طبق وعادي
قلت بلهجة حادة هذه نعمة الله لها احترامها الي بياكل منها ياكل والي مايبي لا ياكل ويحترم الموجودين عالسفرة

لا تصيرين ضعيفة خليج قوية الي ما يستحي منج لا تستحين منه والي ما يتعلم الأدب ادبيه بالمواقف حتى لو ما تردين بنفس الوقت

 

[الضــبي]

وااااااي ياشين هالحركات
وااااااي الناس صارت ماتستحي
مار علي هالاشكال بس مو اشكره نفس اللي عندج تقطها بالوجه
بس مااالي شغل فيها
اهم شي الثقه ثم الثقه ثم الثقه
وبعدين ماالج شغل فيها اهم شي زوووجج وخالتج

 

[رآء يآء ميم]

قولي لها محد طلب رايج مو لازم تاكلين محد طقج ع ايدج وغصبج ع اكلي

 

[STILL G L A M ~]

قوليلها ويع محد غصبج تاكلين من طباخي قطيعه

 

[Bnt.Azmer]

لا تسمحين لاي شخص يتعدى عليج

و هذي وقفيها عند حدها مو بالهواش بس ردي عليها ولا تسكتين و تخلين الحره بقلبج

قالت سلطة الناتشو مو حلوه قولي لها هذي اكلت الناس الراقية

او اذا قالت اكلج قديم قولي لها هذا الاصل و اللي ماله اول ماله تالي

صح صح يسلم بؤك عجبني كلامج

 

[آزٍرٍيت آتوٍبهٌ]

غريبه ليش آهل زوجج مآيردون عليهآ

واذا تطنزت مرة ثانيه قولي آحسن من آلي ينزل وإيده فآضيه