احس بناااار بقلبي من زوجي لانه يخوني مع نفسي 

[غير كل الناس]

غلط

رجال قاعد بروحه وتسولف معاه مره

سكري الموضوع ولاتنبشين فونه

 

[Daleela]

بس حبيبتي لاتكملين شنو بتستفيدين اهو مبين ان لعبي

انتي واجهيه وقوليله الكلام اللي قاله

وقوليله لو انا خاينتج جان شسويت ؟؟

 

[.: زقرتية :.]

صج المثل الي يقول :

الي ماعنده شغل ،، يطق نفسه

انا اقول تعوذي من ابليس واذكري الله في كل وقت

ولاتفضخين عينج بصبعج واحمدي ربج

شي طبيعي هذي البرامج ماوراها الا المشاكل

بس الذكية تعرف شلون تتصرف '

لاتكملين اللعبه لانها خطرررررة وزواجج متوقف عليها لو لاسمح الله عرف بالموضوع بينظرلج نظرة ثانية

نصيحتي ،،

اهو الي الحين استانس وحده عبرته وجذيه خليتي عنده ثقة بنفسه

كسري فيه ' قوليله صراحة انا انصدمت من صورتك تخرع

وانت نشبة وغثيث وماتعرف تسولف مثل الناس ، حطي حرتج فيه ومسحي البرنامج

وارتاحي وريحي راسج

وحاولي تعدلين من نفسج شوي مادام عرفتي شنو يعجبه وشنو مايعجبه

والله يهديه ويسخره لج يااااارب

 

[فوفو22]

اللي سويتيه غلط

ولو استمرتي رح يشيب راسج اكثر

لانه يعطيج معلومات جذب فتزيد حرّتج

او يعطيج معلومات حقيقيه وقديمه ومالج حق تنبشين فيها

وما ورا هالطريج الا الفراق

نصيحتي

فورا تركي الاستمرار بالعب بالنار من خلال مكالمات ما وراها الا الدمار

وقعدي معه وعلميه انه انتي كنتي الطرف الثاني

حتى يعرف ان الحريم كلهم نفس العجينه ونفس الطينه

وبكذا رح يستحي على وجهه وينحرّج

ويعرف حجم خطأه

فوفو

 

[بطوووطة$بيضة]

ماراح تستفيدين شي اذا كلمتيه واذا واجهتيه اقلها بيقول انا ادري ان هذي انتي وبشوف شتسوين حبيبتي ماكو فايدة اذا ابيطلع منها يطلع

 

[Gatwa DaloO3a]

تعاملي معاه بحذر ، اهم شي ما يكشفك ، واذا قلتيله بيني له ان البنت اللي كان يكلمها طلعت وحده تقرب ل صديقتك
(لاتقولين صديقتك عشان ما يقول ان صديقتك وحده تكلم شباب وانتي نفسها ) ..

قولي وحده تقرب لصديقتك و صديقتك شافت صورته و عرفت انه زوجك ، وقالتلك ...

بيني له انه فشلك قدام الناس ، عشان يحس بالندم ..ويستصغر نفسه

دايما تكلمي وعلقي على الرجال اللي يسوي هالسوالف وانه مو رجال وقولي ان اللي كذا يطيحون من عينك

خليه يحس بنفسه

 

[زوجة عزيز]

انا من رايي تكملين معاه اتشوفين شنو اخرتها معاه يمكن يواعد ويبي يطلع واذا واعدج روحي له خليه يتفشل حتى لي طالع ويهه بالمنظره

 

[dectora 7elwa]

اللي تسوينه خطر
بطلي وشوفي شنو اللي يحبه بالحريم ومو متوفر له وفريه
ولا تهدينه بروحه اليوم انتي بعدين غيرج

 

[Maaax]

الله يسخره لج

 

[مألوفة]

واجهيه ولا تكملين

لانو لا كملتي راح يحترق قلبج وراح تتضايقين وتكرهينه وكل يوم اطلعينه تذكرين شنو يقول حق البنات

انتي روحي له وقولي له بشوف تلفونك لو ما رضى قولي له غصب عنك بشوفه عشان اعرف انت بتكلم منو وخليه يعرف انج فاهمة وعارفة اهوا شيسوي

وبعدين قولي له اذا تبيني اكمل معاك احذف البرنامج وما ابيك اتنزله مرة ثانية انا مو ارقوز حاطني اهني
ولا على بالك غبية ما افتهم

 

[مذهلة 78]

حبيبتي نصيحه لا تكملين لان باجر بيقلب السالفه على راسج وبقووول انتي محمله البرنامج عشان تكلمين شباب

 

[ام زايد العتيبي]

ههه حبيبتي انا صارت لي نفس سالفتج بس انا ما قدرت انام واجهت بعد شهر من السوالف كان يطلع من البيت علشان يشبك ويكلمني واهو ما يدري انه انا تخيلي شهر سوالف وضحك و وناسه وهم الخايس قال انه منفصل لا واللي يقهر كنت حامل وقتها لما واحهته قال انا حسيت انه انتي قلت له شلون عرفت قال من اسلوبج طبعا قلب السالفه علي بس ما قدر علي كليته بلساني وقلتله طيب مني لاني احبك بسامحك قام يضحك المشكله ريلي كله يضححك وكل شي ياخذه ضحك وانا ما اعرف ازعل منه واسامحه حبيبتي انا ما ادري شلون طريقه ريلج بس كملي سولفي وياه تري وناسه وانا تحسفت اني واجهتك لانه قبل كان يقولي شنو يحب واسويله استقلي الفرصه في انج تعرفين شخصيته الثانيه

 

[خالف تعرف]

الله يعينج يارب

 

[متلثمه بغترة ابوها]

انتي الغلطانه نعم انتي الغلطانه وغلط كبيييييير بعد شنو استفدتي من الحركه اللي سويتيها طيب وبعدين؟ عرفتي انه يخونك وعرفتي شنو يقول لبنات الشوارع وبعدين؟ انصحك نصيحة اخت وقفي اللي انتي تسوينه محد بيخسر غيرك انتي اشتري راحتك اشتري كرامتك انا قبلك سويت الحركه وقعدت معاه مده طويله اخر شي واعدني ومشتهيني وهو مايدري اني زوجته وبالشقه مايكلمني ولا يشوفني وهواش معاي عشان ينام بروحه ويكلمني بالفون ولا يدري اني زوجته وصلت انه دزلي صوره له مولابس شي والله وعرفت سوالف عنه تمنيت اني مت ولاسمعتها عشت ايام وشهور الله العالم فيها وهو عادي عايش حياته نصيحه لك لاتقوليله انك تكلمينه بالهوزهير راح يحط عليك اكس وشلون عرفتي ويمكن تسوينها مع غيري خليك ذكيه ولا تتسرعين بتصرفاتك طيعيني لاتكملين نفسيتك بتكون دماااااااار لو ادري ان حالي بيكون كذا كنت مافكرت اكلمه بس قدرالله وماشاء فعل وتجربه تعلمت منها وهو مايخونك لان فيك شي لا لان يبي يجرب وكل شي مفتوح قدامه وعنده فرصه يتعرف فقط لاغير حطي في بالك انا مافيني نقص هو فيه مرض
اللي تسوينه الحين تمسحين البرنامج من فونك وعطيه كم يوم عيشيه فيها ملك سوي حركات الدلع واللبس يوم سوي كأنك قطوه ويوم كأنك باربي ولاتنسين الابتسامه اول ماتقعدين وكل شوي ابتسمي له واذا سألك ليش متغيره قوليله زوجي حبيبي يستاهل وادعيله بصلاتك كثري الدعاء وانتي صايمه خلي دعائك دايما اللهم اجعل الاخرة همي واستغفري دايم انا جربت اذا خليت همي زوجي انحاش مني ودورله غيري واذا خليت همي ربي جاني كل شي من كل صوب واولهم زوجي وعليك بصلاة اخر الليل خليه يشوفك اوانتي تصلينها لاتنامين من غير الشفع والوتر ولاتمسكين فونه قدامه نهاااااائيا ولم ينام فتشي شوفي تغير شي ولا لأ واذا شفتي للحين على خرابيطه واجهيه وخلك قويه بموقفك وبينيله انها يمكن توصل الطلاق
الله يعينك وينصرك على بنات الحرام*

 

[غيابك حلم]

الله يبرد نآرك موقفك صعب والاصعب سلوك زوووجك اللي وللأسف أغلبيه الرجآل كذآ
مسيره يرجع لـ صوآبه
أتذكرت سالفه وحده كآنت شاكه بزوجها وراحت قالتله سالفه دقه بدقه ولو زاد لزاد السقا تلقينها بالنت قصه معروفه
والله راح يخاف
يارب نسمع اخبار زينه

 

[samyah a.o]

والله ماراح يتعب إلا إنتي أناحاسه فيك والله وعارفه أن فيه شي يقولك كملي وشوفي وش يسوي بس خلااااااااااااااااااص انتي بتتعبين وبتكرهينه زياده.....إنت مجنونه خلاااااااااص يكفي الي قاعده تسوينه بنفك الحين يكفي الي عرفتيه جرحك بقوه تبين زياده خلاااااص وش ورى يوم يقول اجلسي عند أهلك وماعنده مانع وش ورى لما قالك بالبرنامج الي تقولين عليه من كلاااام يجرح
بعدين حطي في بااااالك انتي قاعده تحببينه بهاالشي وتزيدين تعلقك فيه انتي بنفسك تقولين يحاول يشبك ومحد يعطيه وجه ولهفته عليك بالبرنامج عشانك عطيتيه إهتمام كذا بيدمن أكبر وأكبروحطي في بالك انه عشان يجذب بنااااات لااااااااااااااااااااااااازم يكذب ويهايط ويخترع قصص لأن كل إلي بهاالبرااااامج كذاااااااااااااااااابين إلامن رحم ربي كلهم كذاااااااااعالم مبني على الكذب والخداع والتجريح والعيش الخيالي هو يبي يعيش مغامراااااااات وهو معااااك وهو ببيته وهو مرتاح مستقر بروحه يكلم الي يبي ويتخيل الي يبي انااااا لومنك ماأرد أحمل البرناااامج ابداااااااا واجلس معااااااه وأحاول أملي فراغه وأقوله بعدين لماتشوفينه متنح مع الأيفونن وانتي عنده حبيبي انايمك وانت تدور الي يشغلك عني اخترعي اي شي تتكلمون عنه ألعبواااا غميمه بلستيشن شوفوا برناااامج وياليت تركزين تسولفين معااااااه بأمورالدينيه خوفيه من الله بطريقه غير مباشره مثل قولي اليوم شفت مسلسل قصته تبط الكبد وحد تكلم واااااااااااااحدوهويتغزل فيهااااا وهومتزوج ويخون زوجته الحيوان ويكذب عليهااااا بس عشان يوصل لغرضه معاااااهاااا وهي تبكي وتسوي نفسهاااا مظلومه وتقول أحبه نعبوهاوش هالحب الي يجي عن طريق التلفون واي قاهرني تسوي نفسهااامظلومه بس تدري انا أتنرفز من هالأشكااااال أحس قاعده تربي جيل على الخيانات لاإله إلا الله مااااااااأقول إلاااااالله يهديهم وغلط الواحد يجعل الله أهون الناظرين إليه هالكلمه مأثره فيني كثييييييييييييييرمن جد الي مايحط الله بين عيونه في السر والعلن وماااايخاف منه خاااااااااااااااف أنت منه...
ومن هالكلاااام حبيبتي بس خلاااااص لاتبحثين ورااااه صدقيني ماراح تنسينها إنتي طوووووووووووول عمرك وهي بتعتبر عنده كذبه ومرت وينساهااااا على طوووووووووول لأنه كذااااااااااااااااااب والله يهديه ويسخره لك

 

[om MaRyooM]

قاعدة تزيدين الحطب نار


انا اقول وقفي لأنج بتتعبين وبتكتشفين اشياء اكثر مارح ترظيج واحتمال يتمادى ويوصل لكلام اباحي وهني رح تتعقد المسألة


انا اقول لمحيله بطريقة غير مباشرة
مثلا قوليله رفيجتي سالفتها مع زوجها جذي وجذي .. قوليله قصته مع شوية تحريف وشوفي ردة فعله


ويمكن يشك فيج ويخاف بس انتي خلج صبورة وحكيييمة لآخر حد

وقعدي معاه وصارحيه قوليله انا حاسة انك مظايق مني انا شمقصرة فيه .. وشوفي شنو يقولج


وبالنهاية هذا قرارج اختي وحياتح انتي ابخص فيها ..
بس الله يسخرلج ياه ويهديه لج آمين

 

[ana mo ana]

لا حول ولا قوة الا بالله

يااااااا الله .... الله يعينش

 

[جروح ودموع]

الله يسخره لج يارب

 

[مشتــآقـه]

انا مع كلااام اختي مهرهـ

اذا كملتي رااح تعورين قلبج اكثر ياقلبي خلج ذكيه ودامه علمج اللي يبيه انتي خلج له كل شي وادعي ان ربج يهديييه لان اهو القاادر انه يغير اللي بقلبه وعقله حتى انتي نفسج ماتقدرين ياقلبي
والله يستر عليكم ويهدي سركم ويسعدج معاه يارب